انحجزت مكملاتي في الخبر مساعدة

[Encyclopedia]

معلومات المتقدم بالاستفسار :
العمر : 34 , الجنس : ذكر

الطول :165 متر
الوزن : 85 كيلوجرام



و الاستفسار كالتالي :
السلام عليكم ورحمة الله وبركاته

ياجماعة طلبت مكملات من موقع allstarhealth.com يعني اربع عبوات عاديه بروتينات وفيتامين

تم حجزها في الخبر وقبلها طلبت من موقع i herb.com عدت بسلام يعني الي تجي عن طريق الرياض تمشي الي تجي عن طريق الخبر تنحجز ويش يعني هناك نظام مختلف على الرياض حرام والله هذا الشغل للطلبيه حدود 20 يوم والله ندمان اني اشتريت من allstarhealth.com هذا كله عشان مكمل ارجنين ماحصلته في مواقع ثانيه الحين اتصلت على هيئة الغذاء والدواء شحنت ب10 ريال جوالي قعدت التنقل بين الموظفين كل واحد ينقلني لواحد ونتهت العشرة ما بين النتقل بينهم والتحويلات وفي الأخير وصلت للحق الفسح ادق شوي خلصت العشره حق الشحن ابي اشحن اشوف الساعة ثنتين ونص واليوم خميس ارسلت لهم جميع متطلبات الفسح عسى الله يلقون ايميلي يوم الاحد مدري يلقونه ولا يندفن في الأيميلات التي تجيهم الله يعين الي ودي اعرفه رقم الموظف الي حجز طلبي بقله يعني الي في الجي ان سي يختلف عن طلبي والله قهر بعدين ياجماعة عندنا في منطقتنا فرع لهيئة الغذاء والدواء اروح لهم ينفع !!!!
واذا ماعطوني فسح يرجع الطلب للموقع ويردون لي طلبي واسترجع الفلوس

[Kurapica33]

نظام ابو كلب عندنا
مالك الا حلين
الواسطه وهي الي ماشيه عندنا
او
مالك الا تجيب فسح وتروح لهم

[Black Volcano]

الله يكون بعونك اخي وان شاء الله تتيسر ويصدر لك الفسح
وش الشركه الناقله ؟

[Encyclopedia]

الشركة الناقلة ups
يرجال والله اني بدأت اكره هذه اللعبة تحس انها محاربة في السعوديه من قبل الجمارك مرة يمشونها ومره يوقفونها الشغله مزاجيه و تشوف كل شيء ضار بالصحة من شيشة ومعسلات ودخان متوفرة بشكل تكون في متناول الجميع بسهوله ومستلزمات هذه اللعبة صعب تحصلها اما تحصلها مضروبه او تلقاها اسعارها نار ولو تجيبها من امريكا وهم عارفينها انها مافيها شيء ويمسكونها يرجال لعبة ممله عندنا اصلا الناس هنا ماهمهم الرياضات المختصة بالصحة بس همهم الكورة وهي منتهية الصلاحيه في الحضيض في الخليج العربي مو بعد في اسيا

[thewave]

راسل هيئه الغذاء والدواء واذكر الي طالبه وكم علبه واسمه بالانجليزي وشركه الشحن ومصدرها وتبغا الفسح له مع اسمك وتوقيعك وارسلها على clearance.drug@sfda.gov.sa

[Black Volcano]

صادق بكلامك وهذا اللي يقهرك
ماشاء الله على الكويت والامارات عيني عليهم بارده صدق ناس فاهمه وواعيه لو تروح تشوف الاهتمام هناك باللعبه والمكملات تقول الله يخلف علينا بس
لكن حسبي الله على اللي محتكرها عندنا عشان مصالح ماليه بحته
تفضل هذا الموضوع بيساعدك كثير
Here (http://adslgate.com/dsl/showthread.php?t=1562473)

[Big Al]

راسل هيئه الغذاء والدواء واذكر الي طالبه وكم علبه واسمه بالانجليزي وشركه الشحن ومصدرها وتبغا الفسح له مع اسمك وتوقيعك وارسلها على clearance.drug@sfda.gov.sa


الموضوع بسيط ان شاء الله ومثل ما تفضل الاخ راسل هئية الغذاء والدواء ويخلصونها في يومها ان شاء الله

[الغوريللا]

الله يلعن GNC

[الغوريللا]

احاول اطلب ايزو 100 ولازم اجيبها من البحرين وانا ماودي اروح هناك
وفوق هذا جي ان سي ما يجيبها

والله العب بدون بروتين احسن لي كيف ما طلع جسمي يطلع بكيفه

[system]

اشتريت ايزو 100 من موقع www.iherb.com
علتين 3 باوند :
http://www.iherb.com/Dymatize-Nutrition-Iso-100-100-Whey-Protein-Isolate-Cookies-Cream-3-lbs-1-362-g/41926

خلصت علبة وبدأت في الثانية
وأشتريت معها اكستند أيضاً
ولم تتعرض مشترياتي لأي مشكلة مع الجمارك


أنصحك تسجل في الموقع وتشتري مكملاتك بنفسك
لكن انتبه. خصوصاً للمكملات الحبوب أو الكبسولات، ستواجه مشاكل ربما مع الجمارك

[الغوريللا]

اخي سيستم خلال كم يجيك المكمل ؟

وبكم للايزو 100 ؟؟؟؟؟؟؟؟؟؟؟

[system]

من طلبت أخذ يومين لتجهيز الطلب
من تسلم شركة الشحن UPS الطلب إلى أن استلمته بيدي 7 أيام

الأيزو 100 علبة 3 باوند ، السعر + قيمة الشحن = في حدود 240 ريال سعودي تقريباً
تعرف فرق سعر الصرف + اشتريت عدة أغراض أخرى
لكن حسبت لك المبلغ تقريبي للعلبة الواحدة