نقاش حول نهاية mop+توقعاتكم عن الجزء الجديد

[gevil]

السلام عليكم ورحمة الله وبركاته
كيف حالكم شباب
ان شاء الله بخير
شباب لاحظتم شئ خلال الفيديو النهائي لmop
طبعا غير انهم خلوا اللي في الalliance فيديو غير واللي في horde فيديو غير
لكن قبلها احب اهنئ شعب الhorde على القائد الجديد+اهنئ نفسي كمان على قائد جديد مستقر مو زي ثرال ثلاث اجزاء وشرد وجاروش جزئين ومسجون هذا ان انحسبت حقت mop اعتقد انها تنحسب
طبعا ما لاحظتوا
انوا ثرال كان معصب وفي غير طبيعته يعني عارفين انه طيب لكن حتى لم كلم vol jin كان معصب والخ
وما تلاحظون تدخل ملك الاينس(لساتي مني عارف اسمه) وانقاذ جاروش من الموت!!
يعني الفيديو ملخبط
لكن بصراحة ما توقعت انوا ملك الalliance له ولد(المفروض يشيلوه يعني شالوا ثرال علشانه بيجيب ولد اجل حق الاينس جاه ولد وقعد مكانه)
المهم
اعتقد انوا مؤتمر blizzcon اقترب صراحتا معرف تاريخه لكن سمعت اخبار انه قريبا جدا
المهم
توقعاتكم عن الاكسبادشن الجديد
وايضا عن الباتشات
انا بصراحة متوقع التالي
انوا راجناروس يرجع وذي المرة يمكن يموت لانه مرتين وما رضي يموت(عنده مقاومة ضد الموت خخخخخ)
ايضا توقعاتي انوا kil jeaden يرجع لانكم فاكرين انه ما مات اساسا في الرايد وانما دخل جوة البوابة
ايضا توقعاتي جاروش يهرب من السجن ويحاول ينتقم والخ
طبعا بتقولوا انتهت اللعبة والخ ووين الدليل
لو اللعبة انتهت كانت بتنتهي بالسلام
اما تعيين قائد جديد للهورد ليش يعني على الفاضي؟؟؟
اكيد بيكون في اصدار جديدلكن تتوقعون وين راح يحطوا مناطقه
جنوب ازيروث هناك باندرايا
الغرب والشرق محجوز من اول ما سووا القصة وطبعا هناك kalemdor and eastren kingdoms
ايضا بالشمال يوجد northrend
والوسط توجد the mealstorm
يعني تتوقعون وين المنطقة الجديدة
عقبال ما تكون توسعة لoutland مو ناقصين illden ثاني وblacktemple ثاني
ايه صح بخصوص الموضوع
شباب ما حددوا مين الزعيم الاكبر بtbc يعني في رايدات وهناك kil jeaden وillden وواحد ثاني يشبه kil jeaden لكن لونه ازرق
يعني مين زعيم tbc
ايضا
توقعاتكم عن الاصدار الجديد
ورايكم بالنهاية
رايي نهاية غير متوقعة ومخربطة

[Karazhan]

السلام عليكم

شوف انت ترى مو فاهم القصه عدله , صاير لبس عليك فيها

الكلام يطول بخصوص القصه وراح اقعد شهر اكتب فيها ومااخلص , فوق هذا انا ناسي كثير من التفاصيل , لكن بخصوص ثرال و هروبه , اهو ماهرب لكن انضم مع الدراجون عشان يقضون على ديث ونق , اهو عنده القلب و التنانين عندهم القوه واتحدوا على ديث ونق

وانت يااخي الكريم لازم تعرف ان ديث ونق ميت وشبع موت من 10 الاف سنه

انت يمكن تقول شلون ناس تموت وترجع تحيا مره ثانيه , انا اقولك

لما تقتل boss باللعبه مو بالضروره يموت صج , يعني باللعبه اونلاين انت تذبحه لكن بالقصه مثلا يكون هرب من نص المعركه او مات فعلا و جاله واحد عمله rez واحياه مره ثانيه

وسالفه اللي يموت مايرجع هذا تطبق على القاده في الحرب الاولى والثانيه , الحروب القديمه يعني , مثل ابو ارثس وربعه اللي هم ابو ملك ستورم وند الحالي و ابو زعيم الايبون بلاد و اللي ذبح ارثس نسيت اسمه اللي معاه سيف اشبرنقر

هذوله ماتوا صح وراحوا , لكن في بوسات ميتين من قبل الاف السنين لكن تشوفهم بالوقت الحالي , ليش ؟ لأنك تروحلهم من خلال بوابه الزمن , تدخل بوابه الزمن وترجع الى الوراء

بوابه الزمن بدايتها كان في لفل 70 لما رجعت بالزمن وساعدت ميدف صاحب قلعه كرزان على انه يوقف البوابه مالت اوتلاند , وايضا تساعد ثرال لما كان عبد , وفيها الرايد مال هايجال انك تساعد ليدي جينا و ثرال و ملكه النايت الف عشان تقضون على البورنق ليق و ارتشموند

في لفل 80 تساعد ارثس , في لفل 85 تدخل تخلص دنجنات وفيها الرايد مال ديث ونق

احد دنجنات فيها راح تلاحظ الخلفيه برج الدراجون اللي في دراجون لايت في نورثرند و فوقه ديث ونق ميت , اذا ماتعرفه ادخلهم واحد واحد وشوف من البدايه راح تلاحظ البرج وعلى رأس البرج واهو شبه مهدم تشوف ديث ونق ميت والسما لونها احمر والارض خراب تحس صايره حرب كبيره هني

هذا الدنجن يبينلك ان لما رجعت بالزمن , رجعت للزمن اللي ديث ونق توه ميت فيه والحرب توها خالصه , لكن لما تطلع بره الدنجن تشوف الوضع طبيعي والبرج على حاله , و تدخل دنجنات ثانيه تشوف زمن مختلف

بعدين تروح للرايد اللي فيه ديث ونق وتبدأ من البرج نفسه مال التنانين , واللي كان فيه ديث ونق ميت فوق , لكن بالنهايه ديث ونق يموت او ان صح التعبير مايموت انت و باقي الشباب تضربون اجنحته و ايدينه لين يطيح بالدوامه

يموت مايموت الله اعلم , لكن اللي نعرفه ان الدوامه هذي تحتها مدينه الصخر واللي في الكاتا تخلص كويستات لفل 82 - 83 فيها

وبالدنجن اللي دخلته اول شفت ديث ونق ميت فوق البرج , هذي الصور مو حاطينها بليزرد عبط , اهو ميت فوق البرج وشبع موت لكن ليش طاح بالدوامه اللي فوق مدينه الصخور ؟

يمكن يقولولك هني ما مات ديث ونق و تم مساعدته من ربعه اللي نسيت اسمهم , اللي كان عندهم مختبئ

يعني القصه كلها اسرار مايعرفها الا اللي مسويها , مثل قصص اجاثا كريستي البوليسيه

مع ان واعيد واقول ديث ونق ميت من 10 الاف سنه , يعني مو توه ميت

اغلب البوسات ميتين من زمان , بالقصه الحقيقيه ميتين وفي بليزرد يرجعونهم باتش وينسونهم

سالفه ستورم وند و الملك مالها , اهو كان الملك ابو الحالي هذا لكن ذبحته وحده من الاورك اسمها جارونا

لما مات ولد اللي اهو الملك الحالي اختفى , ليش ماني ذاكر لكن اختفى طول الفتره من بدايه اللعبه الى لما طلع اول مره في لفل 80 , يعني ايام لفل 70 ماكو ملك حق ستورم وند

وتسرب الاخبار الى ان صار علني ان الملك هذا الحالي كان منخش في جزيره كلها تنانين , كان محبوس ان صح التعبير عندهم في سرداب و الناس صارت تروح للسجن وانا من الناس اللي رحت ايام لفل 70 وشفت السجن وشفت التنانين

كانت الجزيره في dustwallow marsh

واسم الجزيره alcaz وهذا موقعها

359708
وهذا المكان اللي محبوس فيه


359709


ولما كان محبوس كان ولد اللي اهو تشوفه الحين بلغ ماشاء الله وصار رجال وقتها كان طفل وحاطينه امير لكن تحت التوصيه الى ان يصير بسن الرشد , لكن ابوه رجع و استلم الحكم

ولا تستهين بأبوه , ترى ابوه مجرم والالاينس دايم اهل حروب ولما الهيومن بس يهاجمون اي مدينه من مدن الهورد يحتلونها زي السلام عليكم بدون مساعده حلفائهم

خصوصا ابوه اللي اهو ملك ستورم وند , رجل شجاع ما يخاف احد

وانا بعرف الحين منو صار رئيس الهورد ؟ توني دخلت اللعبه بشوف شنو تغير شفت جاروش مازال موجود , لا و يعطي كويست بعد

[Karazhan]

على فكره

ترى اغلب الناس تعرف شنو راح يكون لكن مايدرون متى او شلون راح تكون

يعني كل الناس تدري من ايام لفل 60 ان في راح يكون بلاك تمبل و ايليدن و ميجذريدون و جرول و بعدين ارثس وبعدين ديث وينق

كل الناس تعرف هالشي من زمان , لأن ووركرافت الحاليه كان قبلها ووركرافت 3 و تطويره له بعد اسمها فروزن ثورن

الجزء هذا عباره عن ووركرافت بس نظام RPG مو البازوكا

وفيها كل شي , كل الbosses وكل شي حصل بينهم والحروب , بعد نجاحها راحت بليزرد وعملتها نظام اونلاين اللي تشوفه الحين

يعني ماكو شي جديد الا بس الشكل , تحول من ار بي جي الى ام ام او او مدري شنو يسمونه التجار لكن النظام اللي تشوفه الحين

عرفت

يعني الحين تقريبا بليزرد وصلت مرحله الحشو , تعيد وترجع الرؤساء او تحط مكان جديد رايد مثلا او باتل جراند , لأن ووركرافت 3 ما كان فيها باتل جراند ارينا وهالسوالف , الحين صار يعتمدون عليه لأن في ناس يدخلون اللعبه فقط عشان الpvp

مثل الشباب عندي و وورشيف اللي عندنا هني

واذا السالفه واقفه على مكان جديد , يقدرون يحطون 100 مكان جديد بليزرد , لا تشيل هم السالفه هذي , مثل ما طلعوا نورثرند و اوتلاند راح يطلعون اماكن جديده بالفضاء او كواكب اخرى و لهم حق لأن مذكور بالقصه ان في كواكب فيها حياه , مثل كوكب xoroth هذا الكوكب اعتقد انه مثل البركان

بدل البحر والنهر حمم بركانيه , اهو اللي منه يجي حصان الوورلوك و البتات ملاته واهو فيه دريد لورد

359710

واهو الكوكب اللي اخذوا منه اغلب الجيوش لغزو ازيروث , يعني لو تروح اوتلاند . اول ماتدخل البوابه و تطلع في اوتلاند راح تشوف جيش من الfelguard ومجموعه من المخلوقات الغريبه تتمشى بالمكان و تشوف انفرنال البت مال الوورلوك الحجري

هذوله كلهم ماخذينهم من الكوكب هذا , اخذهم Sargeras (http://www.wowwiki.com/Sargeras) مع المساعدين ملاته عشان يغزون ازيروث

المساعدين ملاته هم Kil'jaeden (http://www.wowwiki.com/Kil%27jaeden) , Mephistroth (http://www.wowwiki.com/Mephistroth), Azgalor (http://www.wowwiki.com/Azgalor), Kazzak (http://www.wowwiki.com/Kazzak_the_Supreme)

اضغط على الاسم عشان تشوف شكلهم

اعتقد انت تمون على كيل جايدن مايحتاج تشوف شكله , لكن يمكن انت على بالك اهو رئيس مستقل , اهو مساعد سارجيراس اصلا , ومعاه بعد ارتشيموند و برنس

الاول في هايجال اخر بوس والثاني في كرزان اخر بوس لكن البرنس Prince Malchezaar (http://www.wowwiki.com/Prince_Malchezaar) هذا عادي , مجرد رئيس عادي مو نفس الثانيين



Archimonde (http://www.wowwiki.com/Archimonde)

اهو اللي هجم على دالاران ودمر منها لين تدخلوا السحره و حموها وبعدين شالوها و ودوها نورثرند , مكانها في ويسترن كنغدون لكن الحين صاير مكانها حفره وعليها قبه , قريبه من هلز براد

ارجموند و كيل جايدن و فيلن من اصل واحد ترى وثلاثهم رؤساء الفاكشن مالهم , لكن انفصل عنهم من البدايه فيلن وراح مع الاينس اللي هم الدرايني اللي رجولهم رجول عنز


واسف على الثرثره

[gevil]

يعني؟؟؟؟
لخبطتني بشكل فظيع

[Karazhan]

قايلك انت ملتبس عليك الامر

لازم تبدأ من جديد وتقرأ القصه , اقل شي روح wowwiki.com موسوعه اللعبه هذي , اخذ الكلام و روح جوجل الترجمه و اقعد ترجم واقرأ , راح تكون الترجمه مو دقيقه لكن حاول تفهم الغلطات اللي تطلع من الترجمه واللي تحس انها ماشيه مع النص

القصه كبيره حيل و كل شخصيه باللعبه له قصه , غير قصص الرؤساء و الرايدات والدنجن , يعني اذا تحب تقرأ القصه راح تقطع عننا شهر

اذا انت لغتك الانجليزيه ممتازه راح تفهم عدل من خلال الموسوعه وماعليك الا تكتب اسم الشخص وراح يطلعلك كل شي عنه , من خلال قصته راح تشوف اسماء ولما تضغط عليهم راح تروح لصفحات ثانيه بقصص ثانيه

وايضا اذا لغتك جيده وتبي تعرف اكثر , انصحك تشتري ووركرافت 3 مع التوسعه frozen thorn و تلعب اللعبه وتشوف القصه و الكلام اللي صار بين الناس

طبعا في ووركرافت 3 راح تلعب بكل الرؤساء وكل واحد تشوف شنو عمل وليش صار جذي , بعدين تخلص منه تروح تلعب بآرثس وتشوف كل شي وبعدين تلعب في ديث ونق وغيرهم وغيرهم

انا شخصيا اشوف ان ووركرافت 3 افضل من وورد اوف ووركرافت من ناحيه القصه

والناس الحين مايدرون هل التيتان راح يكونون بالاكسبانشن الجديد مال لفل 100 او لأ

اهو قالوا في لعبه راح تنزلها بليزرد اسمها تيتان , لكن اللي عقدني هل التيتان هم نفسهم اللي في ووركرافت او لأ , لأن مثل ما قلتلك سارجراس هذا اهو زعيم من زعماء التيتان واهو اللي خله كيل جايدن و كازاك و غيرهم يهجمون على اوتلاند و ازيروث

اهو مثل ماتقول القائد العام و ايده اليمين كيل جايدن و ايده اليسار ارتشموند و باقي الشله

هذا الله يسلمك الى الان ما بين , لا اهو ولا اخوه و اخته مادري زوجه اخوه , المهم انهم 3 , رجالين و بنت

هم زعماء التيتان , الاخ والاخت مالهم حس , اما سارجراس ما بين باللعبه لكن الناس تعرفه لأن اهو اللي ارسل كيل جايدن و ارتشموند و البورننق ليق يهاجمون اوتلاند و يدخلون البوابه عشان يوصلون ازيروث

هذا كل اللي نعرفه

لكن لما الواحد يفكر فيها شوي يقول ليش الحين كل الرؤساء العاديين مثل ايليدن و البرنس و ليدي فاشج و جرول و رايدات لفل 60 و فوقهم الدنجنات , يعني كل الرؤساء العاديين الى ارثس و ديث ونق طلعوا و ذبحناهم

و سارجراس اللي اهو المجرم الكبير واهو سبب المشاكل يبقى عايش ومحد يوصله و بليزرد مو راضيه تطلعه ؟

هذا السؤال يوصل لأجابتين

اما ان يكون موعد سارجراس والتيتان بشكل عام في لفل 100 او 120 او اي لفل راح توصله بليزرد باللعبه

اما ان يكون في اللعبه الجديده اللي اسمها عليهم تيتان

الجواب الاول استبعده , لأن لو ماطلع في لفل 100 مااظن بليزرد راح تسوي لفل 110 وبعدين 120 الى ان تصل لفل 200 , لأن حسب اللي سمعته قبل ان اللعبه كانت راح تنزل سنه 2014 وبعدين قالوا اجلناها وراح تكون 2015 . ماادري صحيح او لأ

لكن ان كانت في سنه 2015 كم راح يكون اللفل واصل وقتها ؟ لفل 120 , يعني الحين احنا اخر سنه 2013 , يعني خلال سنه بليزرد تنزل اكسبانشين واحد لفل 100 والثاني لفل 110 او 120 ؟ مو معقوله

الاجابه الثانيه , اللي اهي تكون التكمله باللعبه الجديده , الناس قالوا ماراح تضبط لأن راح تكون بايخه , احنا خلصنا من ووركرافت ونبي شي جديد كلي , فمستحيل تكون تيتان لها علاقه بووركرافت

ليش تقولون مستحيل ؟ الحين سارجراس ماطلع ولا في شي عنه او اشاعه , متى راح يطلع يعني لما تنزل تيتان

يمكن تنزل بليزرد باتش فيه سارجراس بنهايه ووركرافت وتقول هذا سارجراس وهذا مكانه لكن ماتقدرون تدخلون من ووركرافت , لازم تشترون اللعبه الجديده تيتان وتلعبون اللعبه من البدايه

لما تلعبها راح تشوف نفسك بعالم غير عن عالم ووركرافت و شخصيه غير عن شخصيات ووركرافت , وتبدأ من لفل 1

تكون انت من التيتان او من الناس اللي بكوكب التيتان ولكم قائد ماله شغل بالتيتان و نفس نظام ووركرافت شلون مثلا ديث ونق رئيس كبير وله اتباع و مخبئ لكن انت لما تلعب تكون مع رئيس غير و ناس غير

يمكن التيتان جذي مختلفه اختلاف كلي عن ووركرافت لكن كأنك انتقلت من ووركرافت و شخصيتك اللي فيها ورحت شخصيه جديده في كوكب جديد و حياة جديده

وتبدأ تقاتل التيتان عشان مايروحون يحاربون الناس في كواكب ثانيه و تمنعهم يروحون كوكب ازيروث و اوتلاند


ماادري شلون افهمك السالفه عدل


لكن اللي بقوله , ان تخيل انت تلعب ووركرافت الحين في عالم ازيروث او كوكب ازيروث و بنفس الوقت انا العب في كوكب تيتان

لا تشوفني ولا اشوفك و لا تعرف ويني ولا اعرف وينك و ولا تقدر تكلمني ولا اقدر اكلمك

لكن نلعب بنفس الوقت , انت تلعب مع اورك و تاورن و هيومن و انديد و غيرهم وانا العب مع آليين و اشكال ثانيه غير عن اشكال ووركرافت

انت تحارب هيلزكريم و بوسات ووركرافت وانا احارب التيتان عشان مايروحون يدمرون المجره و امنعهم ان يوصلون لكم في ازيروث , لكن انا ماادري عن ازيروث بس احاول امنعهم ان يحاربون اي كوكب

انت تطفي ووركرافت وتشغل لعبه تيتان وتجي عندي بشخصيه غير و مهمات غير و مالنا اي علاقه لا من قريب ولا بعيد بووركرافت

هذا اللي اسمعه من اللي عندي

انا ما تابعت ترى اي اخبار , يمكن انت تقولي الحين لا كل معلوماتك غلط و بليزرد نفت ان اخر لفل 100 وان راح يكون 150 و لعبه تيتان ايضا نفت بليزرد وقالت تيتان غير عن تيتان اللي بووركرافت

يعني انا قاعد اتكلم من كلام سمعته سنه 2012 يمكن , وماسمعت او تابعت شي عن اللعبتين , فأنت شوف الحين متى يطلعون التيتان بووركرافت لأنهم من الاساس و هم اللي دمروا الاوت لاند وحاولوا بأزيروث , فمستحيل مايكون لهم معنى باللعبه

استأذنكم الحين بروح انام ولنا لقاء اخر بأذن الله

في امان الله

[gevil]

اوك فهمت السالفة
لكن في خبر عن تيتان
لكن نسيت الخبر بالكامل لكنني فاكر وقتها عرفت انهم وقفوا مشروع تايتن
حتى انوا موضوع الخبر ايقاف تطوير لعبة تايتن
بدون موعد اصدارها او تاجيلها او الخ
يعني كانهم راح يلغوها
مني مفتكر الخبر كويس لكن يمكن قالوا انهم راح يلغوها وانا ما انتبهتلها او نسيتها
المهم
افتكر انوا سارجراس موجود في اوتلاند
وكان لفله 72 في جزيرة netherwing
اللي قريبة مرة من اوتلاند
تروح هناك بتلاقي تنين اسود اهو سارجراس
بالاضافة
اعتقد انهم يمكن يكملوا اللعبة في world of warcraft 2
لانوا بصراحة بالوقت الحالي اللعبة صارت 20جيجا ويمكن اكثر وبذا الشكل راح يصعب التحميل الكامل على الاعبين
يعني المهم علشان اللعبة صارت كبيرة بشكل كلي
ويمكن يخلوا wow2
تدخلها لما تخلص wow المهم يمكن يسووا حركة حلوة يخلوا بس الناس اللي وصلوا للفل الاخير يلعبوها ويكون فيها مناطق غير يعني لا kalemdor او eastren kingdoms
مثلا يعني يحطوا انك رحت عالم ثاني غير اوتلاند ولازم تكمل
وكذا ما تصير اللعبة 25جيجا او 24جيجا
بالاضافة
امتى موعد Blizzcon؟؟؟
اكيد لازم يعلنوا عن الاكسبداشن الجديد
او يعلنوا شئ مهم عن wow
اما نهايتها او اكسبداشن جديد
لانكم لو لاحظتوا بعد نهاية كل اكسبداشن يكون جميع الاعبين عارفين باسم الاكسبداشن الجديد وشوية من مميزاته
اللي اتمناه كلاس جديد ورايس جديد وقصة غير
+
كيف خليت نفسك زعيم اصفر؟؟؟
يعني كيف خليت عندك صورة الشخصية عليها تنين لونه اصفر
يعني زعيم اصفر

[Karazhan]

لا مافهمت عدل

سارجراس ماله اي علاقه في ووركرافت , انا دقيت على رفيجي اللي عروقه بالماي وسألته وقال ماله ظهور باللعبه

في بعض الاثار اللي نعرفها واللي مانعرفها له او للتيتان مثل


Mark of Sargeras


وهذا رابطهم وشكلهم

http://www.wowhead.com/item=30809/mark-of-sargeras

هذا التوكن قال اسم سارجراس صراحه , ويدل على ان سارجراس له علاقه بالاوتلاند و التوكن هذا يقطونه اللي مع سارجراس بالبورنق ليق الجيش اللي ارسله اهو للاوتلاند

اما ان يكون في netherwing ولفل 72 و تنين اسود

كل المواصفات اللي قلتها تدل على سينيسترا

359717

اذا تقصد هذا التنين فهو مو سارجراس

هذا بنت مو رجل , اسمها سينثاريا او سينيسترا

هذي ان شفتها في نيذرونق وقف وطالعها راح تشوفها تطب عالارض وتتحول بلاد الف فيميل وتروح تكلم واحد هناك

هذي الله يسلمك زوجه deathwing و ام اونكسيا و نيفاريان وغيرهم , ديث ونق بايعها متزوج 2 , هذي الاولى والثانيه تحصلها لفل 48 على مااظن و موجوده في باد لاند اعتقد واهي ام وراثيون اللي تحصله في القاره الجديده مالت الباندا واهو اللي لابس ملابس تقول علاء الدين ويعطيك سلسه كويستات اسطوريه

المهم ان هذي بالصوره زوجه ديث ونق وام اغلب عياله وكانت جذي في لفل 70 الى ان جا الكاتا و رجعوا الرايدات القديمه مثل بلاك ونق و حطوا رايد جديد اللي اهو BoT اختصار Bastion of Twilight واهي تكون داخله وتقدر تذبحها لما تدخل الرايد هيروك

وطبعا غيروا شكلها من اللي بالصوره فوق الى الشكل الجديد

359718

وهذا شكله بدون مكياج

359719

ونظامها بالرايد مثل نظام كيل جايدن , يطلع نصها اللي فوق والنص اللي تحت مختفي

المهم كتبت هذا عشان مايصير لبس معاك بين هالبنت و بين سارجيراس




موضوع اللعبه الجديده توني اسمع منك ان كنسلوها , يمكن قالوا جذي عشان يخلونها مفاجأه او يمكن من صجهم

لكن بليزرد لازم تنزل لعبه جديده لأنها شركه عريقه بالالعاب و العابها حلوه ولهم جمهور , انا اعرف واحد هني لو تقوله بليزرد فاشله ووركرافت افشل منها يطلع المسدس ويرميك

اسمه بوحا , انسان مايغشمر و دمه حار و مخلص لشركه بليزرد , سمعت ان ذبح 12 واحد من ربعه لأنهم قالوا اكسبانش الباندا فاشل

فموضوع بليزرد يكملون ووركرافت و يكنسلون لعبه تيتان صعبه حيل , لأن ووركرافت صارلها 9 سنوات الحين يمكن , وبليزرد مدت اللعبه واطالت بعمرها غصب عشان موعد محدد اللي اهو يعلنون فيه عن لعبه جديده

حاليا 9 سنوات مع ووركرافت وانا اللي اكلمك معاهم من اول ظهور لها الى اليوم وشفت كل شي , مو باقي شي بعد الا التيتان , كل الرؤساء حطوهم وكل اللي لهم علاقه بالحروب حطوهم , طبعا غير اللي ميتين من زمان ولما نزلت اللعبه قالوا انهم ميتين مثل ابو جاروش و اسد ازيروث ووووو

ساعات يحطون عنهم مثل بدايه ظهور lich king بالدنجن واللي يتبعكم فيه وانتوا تكسرون الحواجز لين توصلون للسفينه , بالبدايه يطلع يكلمكم اوثر واللي لقبه light bringer , طبعا اهو ميت لكن اكراما له حطوه يتكلم في هذي اللقطه بس

غير ابو تيريون واللي اهو زعيم الديث نايت وتكلم ببدايه كويستات لما تسوي ديث نايت

يعني هذوله شخصيات مشهوره ولهم قصص لكن باللعبه استبعدوهم وقالوا ميتين وخلاص

حطوا الناس اللي يصلحون يكونون باللعبه مثل ارثس و ديث ونق و old gods وغيرهم اللي بمشاركتهم باللعبه راح يطولونها للوقت اللي يبونه

للعلم ان من اول صدور اللعبه وكان السيناريو موجود , يعني اليوم نزلت اللعبه بليزرد عندها الخطط والسيناريو حق الباندا و ما بعد الباندا والرايدات

يمكن تحصل تغييرات خفيفه لكن السيناريو اهو , يعني بليزرد من صدور اللعبه تقريبا سنه 2004 تقدر تحطلك اللعبه كامله من لفل 1 الى 90 و ان جاروش موجود و تسوي رايد وتروحله , لكن هم مايبون جذي , يبون اللعبه تقعد 10 سنين اقل شي

التغييرات اللي تصير واللي عاده مو بالحسبه اهي تعديل شكل الجير , تصميم الجير , تعديل الشخصيات , البحث عن قروب او رايد , يعني الامور الخاصه باللعبه وليس القصه وسلسلتها

خلصنا من هالنقطه

عندك شغل او ماعندك شغل ؟ اذا عندك شغل روح خلصه لأني مطول شوي

الحين انت ماعندك احصائيه , لكن بليزرد عندهم ويشوفون السيرفرات و كم الموجودين , العدد قليل مو نفس قبل 11 مليون يمكن , وفوق هذا بليزرد عندهم فريق يتابع الاخبار ويشوف رأي الناس باللعبه ويبحثون في جوجل يشوفون كلام الناس عن اللعبه

انت لو تسوي بحث او هني حتى راح تشوف اغلب الناس ملت منها , يقولك انا العبها لأن ماعندي لعبه غيرها , او ماادري شنو اسوي بالوقت الميت هذا فأدخل اللعبه اقزر الوقت

ماكو اقبال نفس قبل , 24 ساعه الباتل جراند فيه ناس و 24 ساعه تشوف ناس تبحث عن قروبات , ايام قبل لما ماكو lfg و lfr كنا نطقها ركض من ستورم وند نروح الدنجن اللي عند اندر ستي

كنا الاينس ولاتشوف الهورد شلون ينطرونا بالطريق

وبالعالم والتلفيل تشوف عشرات الناس تلفل معاك , الحين ماتشوف الناس تلفل الا لما ينزل اكسبانشن جديد , تشوفهم لفلات 90 يلفلون بس

قبل شغالين ليل نهار , الحين ماكو احد

شركه مثل بليزرد تجاريه ربحيه مستحيل تسوي جزء ووركرافت جديد واهي تدري ان الناس اطفشوا منها , خصوصا انها تبي تسوي لعبه تقعد معاها اقل شي 10 سنين

لو تسوي ووركرافت 2 راح تقعد سنه او سنتين بعدين الناس تطفش منها

لكن هم يبون شي جديد كليا , اسم غير , اشكال غير , نظام يمكن غير وانا ماانصح يغيرون نظام اللعب في اللعبه الجديده

وترى ووركرافت عملوها على النظام القديم , يعني سنه 2004 كان النظام عادي من ناحيه الجرافيك و الحركه , الحين سنه 2013 تطور ولو تلاحظ الالعاب الجديده كلها اقرب للواقعيه من ناحيه الشكل و المناظر

يعني بليزرد راح تستخدم احدث تقنيه بصناعه الالعاب في لعبتها الجديده

ومثل ماقلت بالبدايه ان في تيتان , لكن وينهم ؟

ان كانوا التيتان سبب الحروب في ووركرافت فلابد ان يكونون في لعبه ووركرافت هذي ومايسوون لعبه جديده لهم ان كانوا يبون يقطعون العلاقه بين لعبه ووركرافت و بين لعبه تيتان

اما انهم قالوا خلاص وقفنا تطوير لعبه تيتان و الهدف انهم قالوا خلونا نكنسل مشروع لعبه تيتان كلعبه جديد كليا و ندمجها مع ووركرافت كأكسبانشن جديد لكن منفصل عن ووركرافت , لأن ووركرافت مثل ماقلت تستخدم نظام قديم

فقالوا هذا الاكسبانشن الجديد لفل 100 لكن لازم تشتريه من جديد وتنزل اللعبه لأنها متطوره اكثر من ووركرافت وماراح تشتغل معاها , وانت لما تشتري اكسبانشن تيتان راح تنزلها عندك وراح تدخل ووركرافت نفسها

بس راح تلاحظ ان كل شي قوي , يعني الحين تروح ستورم وند تشوفها عاديه نظام الرسم القديم , لكن لما تدخل ستورم وند من اللعبه الجديده هذي راح تشوفها وتقول هذي كأنها مدينه صجيه مو رسم

فاهم علي ؟

جذي يعني ينزلون اكسبانش يمكن يكون تيتان لكن الرسم والجرافيك والموسيقى وكل شي على نظام الجديد المتطور وتكون لعبه قويه حدها , لكن كل شي نفسه , كالمدور و اوتلاند و نورثرند والباندا و المونتات والاسلحه وكل شي اهو لكن بشكل اقوى

ويحطون بورتال لكوكب twisted nether وبعدين يحطون بورتال لكوكب xoroth وبعدين بورتال حق كوكب التيتان نفسهم

وطبعا كل بورتال يوديك كوكب تقعد فيه سنتين على ماينزل اكسبانشن جديد يفتح بورتال حق كوكب ثاني , وطبعا كل كوكب فيه حياه جديده مختلفه , يعني بليزرد تتعب على اللعبه الجديده هذي وتخلي فيها امكانيات جباره

وكل كوكب من الكواكب لما تدخله تعيش بعالم ثاني ماتقول انت تلعب ووركرافت اللي تعرفها , ماتعرف ووركرافت الا من شخصيتك اللي تلعب فيها , طبعا تكون شخصيه محسنه و سلسه مو نفس الشخصيات الحين تشوف اليد اكبر من الراس

نفس الهيومن اول مانزلت اللعبه اليد اطول من الرجل و اضخم من الراس

المهم كل كوكب مختلف عن ما شفته انت في لعبه ووركرافت وماتشعر لحظه انك قاعد تلعب ووركرافت وبعد سنتين من الباتل جراند والدنجن والرايد وطبعا كل شي مسخر لك وقتها , lfg lfr هذوله يكفون انك تروح كل شي جديد ينزل بدون منه الجيلد او تتكلم بالشات تدور رايد او قروب

وبعد ماتخلص تروح كوكب جديد وتقعد فيه فتره , نظام سيرفرات , كل كوكب له عالم خاص فيه وسيرفر خاص , يعني تنزل تطويرات من بليزرد على الكوكب نفسه وتوسعات حاله من حال اللعبه نفسها , يعني يقولك الاكسبانشن الجديد راح يكون حق كوكب فليت وراح يتم اضافه قاره جديده فيه ورايدات و كل شي جديد

وبعدين لما تكمل 3 سنين ويخلصون من الكوكب هذا يفتحون بورتال حق كوكب فيجا الكبير و هناك عالم جديد واكسبانشات تنزل و توسعه لين تحلبون الكوكب من ما حلبتوا ازيروث وبعدها يفتحون بورتال لكوكب ابو شنب اللي عروقه بالماي و تنزل فيه اكسبانشنات و كل شي

لما تكمل 10 سنين

تجي بليزرد وتقول انا حلبت اللعبه ووركرافت 10 سنين وبعدين حلبت ووركرافت تيتان 10 سنين والحين ننزل لعبه جديده

وتنزل لعبه جديده بعد ما شفت ووركرافت والرؤساء فيها وبعد ماشفت الكواكب اللي انذكرت باللعبه لكن ما حطوها لنا الى الان و وصولا لكوكب التيتان اللي هم اساس المشاكل عندنا و قضينا عليهم و شطبنا اللعبه كلها

زهقت او بعد ؟

قولي اذا زهقت وانت تقرأ لا تستحي

بس عندي استفسار

انت كتبت اخر شي بالمشاركه هذا


كيف خليت نفسك زعيم اصفر؟؟؟
يعني كيف خليت عندك صورة الشخصية عليها تنين لونه اصفر
يعني زعيم اصفر


انت تقصد وين باللعبه او المنتدى ؟

وصوره شخصيه عليها تنين وين ؟ هذي صوره بنتي مو تنين الله يهداك

شنو انا ديث ونق اجيب تنانين ؟ انا بشر حالي من حالك ولما اتزوج اجيب بشر مثلنا

انت صاير عندك لبس قوي تحتاج علاج ضروري , صرت تشوف الناس كلهم من ريس ديث ونق ويتحولون بشر وتنانين

لاحول ولا قوه الا بالله , اخوي انت ضروري تبطل لعب , خلاص الى هذا الحد و وقف , اليوم تشوفنا تنانين باجر شنو تشوفنا

لا انت لازم توقف لعب من الان

[gevil]

الاجابة على الاول:لا ما زهقت وقاعد افكر من كلامك عن تخطيطات بليزارد يمكن اكتشف شئ او الاحظ شئ
الاجابة على الثاني:قصدت انك لما حطيت صورة الشخصية وهي في السجن اللي كان به ملك الاينس وهو صغير
كان الشخصية يعني من عند حقت الدم والمانا والخ عليها صورة تنين اصفر نفسها الي بتشوفها على وحوش الدنجنات
اما البقية
نشوف وش بتفاجئنا به شركة بليزارد في مؤتمر blizzcon

[Karazhan]

اييييييييييييييييييييييييي

قصدك شعار الاليت

هذا ادون عندي من زماااااااااااااااااااااان , اهو يصير فضي بالبدايه مثل ماتقولrare ولما توصل لفل 90 يصير ذهبي نفس الelite

هذا الرابط حقه

http://www.curse.com/addons/wow/project-4289

[gevil]

سؤال اخر
في MOP END حق الاينس
تقول JAINA لملك الاينس فكك الهورد
راجع الفيديو وراح تشوف انها قالت زي كذا
وانا اللي اعرفه انها تحاول تحمي الهورد وتبغى السلام بينهم زي اللي حصل في warcraft3 انها ماكانت مثل البقية حرب وانتصار كانت تبي سلام فقط
حتى في الفيديو حق 3.1 كانت تبي السلام فقط
وفاكر مهمة ايام wotlk تروح لundercity وتحارب الوحوش هناك(ياريت تجبلي اسم المهمة ومن وين بداية ذي المهمة) للعلم ذي المهمة تعرفت عليها من الموضوع حق الاخ hitman
المهم
بعد ماتنتهي المهمة تعتذر jaina لthrall على اللي صار
هذا يدل على انها مهي زيهم
طيب ليه في mop صارت مثلهم وتبي تفكك الهورد؟؟؟

[Karazhan]

انا بصراحه ما تعمقت بقصه الباندا ، لكن اللي اعرفه ان الكل كرهوا الهورد بسبب جاروش و حبه للحرب والسيطره

جاروش مثل ستالين ، ماعنده مشكله يذبح الهورد عشان الحكم والسيطره ، حتى انه قتل زعيم التاورن و دايم يتهدد على فولجين زعيم الترول ويبي يذبحه و ايضا كل مايشوف سلفانس زعيمه الانديد يسبها ويقولها كلام ما اقدر اقوله هني

بالنهايه لما تروح الرايد عشان تذبحه تشوفه يتعارك مع ثرال

يعني الرجل ماعنده صاحب ، طبعا انت تشوف اللعبه ، لو تشوف قصته بالتفصيل راح تعرف انه انسان مجرم

المهم الليدي جينا مع ثرال هم يحبون السلام اكثر من غيرهم ، جينا كان ابوها قبطان وكان مع الالاينس يقاتل ، اما اهي اعتزلت الحروب

لكن من راح ثرال و مسك مكانه جاروش و شافت اللي شافته منه كرهت الهورد و اهي تشوف ان الهورد بدون ثرال راح ينقلبون اشرار حالهم من حال الالاينس

على فكره

كل لاعب جديد لما يبدأ يلعب اللعبه يسألك يقولك انت مع الطيبين او الاشرار ؟

يقصد بالطيبين الالاينس لأن اشكالهم بشر و يقصد الاشرار الهورد لأن اشكالهم غريبه

مع العلم ان الهورد هم الطيبين و هم المظلومين ، لا تشوف اللي اشكالهم اورك اللي في اوتلاند مع ايليدن و مع ديث ونق اللي يسمونهم تويلايت همر ، هذوله مالهم شغل بالهورد

اللي يعتدون دايم الالاينس ويقتلون اللي يشوفونه و بالاخص الهيومن هم اجرم ناس باللعبه ، ماعندهم قلب ولا رحمه

عموما

الكويست اللي تقصده اسمه

the battle for the undercity

الكويست هذا انتهى وماعاد موجود خلاص حسب الروايات ، واللي عنده الكويست حاليا مايقدر يسويه ويخلصه

http://www.wowhead.com/quest=13267/the-battle-for-the-undercity

[Karazhan]

واقولك معلومه محد يعرفها

جينا تعشق ثرال

تحبه حب قيس حق ليلى

حب عنتر لعبله

حب روميو و جوليت

تحبه حب كبير مثل حبنا كلنا لرفيجي ولد بطنها ، لكن اهو يحسبها مثل صديقه

دايم يطيح بمشاكل وتساعده من بدايه يوم كان يحطونه بقفص ويتهاوش و نحش بعدين

يعني حب من طرف واحد للأسف

الاثول اخر شي تزوح وحده اورك تشبه القرد

المهم ان جينا تحب ثرال و ثرال مايدري و لما تدخل باتل اوف مونت هايجل تشوفها اول شي وبعدين لما تروحون لمخيم الهورد و تخلصون البوسات هناك تطلع من البورتال و تفتح بورتال حق ثرال و جنوده

حرب هايجال هذي ايام البورنق ليق اللي ارسلهم سيرجراس و شوف من متى و جينا مع ثرال وتساعده

بس الاهبل ما يحس فيها

[gevil]

هناك فرق بين مشاعر الاورك ومشاعر الهيومن
حتى بالروايات الاورك ماعندهم مشاعر مثل الهيومن
+
الthe battle for the undercity كان موجود بس في wotlk ولا وش
لاني ابغى العبه في الخاص حق wotlk
وكمان ليه الغوه الحين؟

[gevil]

كمان هي لماقالت فكك الهورد قصدت بها الهورد كلهم من الطيبين والاشرار