اضخم ولا انشف ولا مالحل ؟

[SuperSNakez]

معلومات المتقدم بالاستفسار :
العمر : 21 , الجنس : ذكر

الطول :172 متر
الوزن : 88 كيلوجرام

نسبة الدهون : 23

و الاستفسار كالتالي :
يعطيكم العافيه ياكباتن

مثل ماتشوفون بالبيانات نسبة دهوني عاليه والوزن زايد جدا


بدايتي كانت شهر 4 كان وزني 107 ونسبة دهوني 31

وحاليا وزني 88 طولي 172 ودهوني 23

واول شهرين ماستعملت شي ثاني شهرين استعملت cla - l-carniten - shred matrix

ومحتار جدا ماذا افعل

ناس تقولي ضخم بعدين نشف
وناس تقولي نشف بعدين ضخم

انا محتار مادري مالعمل

وياريت تفيدوني شنو الانسب لي


ومالي غير الله ثم انتوا


كوني مبتدأ مالي غيركم

وانا هدفي حاليا : انزل نسبة الدهون الى 13 14 ووالزن على الاقل 80 او 79

مو مهم عندي ابني عضل ولا اي شي ثاني المهم انزل الوزن ونسبة الدهن


واخوي نصحني بهالجدول

انزل شوي تحت وتشوفه

http://www.bodybuilding.com/fun/kris-gethin-12-week-daily-trainer.html

وهذا جدول الاكل

http://www.bodybuilding.com/fun/gethin-nutrition-plan.html


وهذي صوري

http://www2.0zz0.com/2013/09/30/20/238660901.jpg


http://www2.0zz0.com/2013/09/30/20/298045523.jpg



وياريت الافاده بخصوص الصدر هل هذي دهون ولا جينو لان ماعندي علم بهالموضوع !


وبس

[jkd1]

اول شي مبروك نزول الوزن
ثاني شي فكرة الضخامة شلها من راسك مدة ثلاث شهور
والعب تنشيف نفس البرنامج الي في الرابط كويس
لكن برنامج التغذية حقه مناسب لك في حالة انك شلت الكارب واكتفيت فيهم فترة الفطور والغدا
وبالنسبة للشوفان ثلاث ملاعق كافية
والرز الاسمر نص كاس غير مطبوخ لانه بعد الطبخ يصير كاس كامل
هاذي نصيحتي
وبخصوص الجينو مافيك جينو ولا يحزنون هاذي دهون زايدة وبعد ماتنشف بتشوف كل الترهلات اختفت باذن الله
واحرص على تمرين البول اوفر للصدر
وبالتوفيق

[oO LoOodDy Oo]

القاعدة طبعا التضخيم ثم التنشيف

بس مادام انه مو مهم عندك العضل

فالافضل تبدا بحرق الدهون بجدول غذائي منمتظم + الكارديو + تمارين الحديد يكون العدات فيها من 15 الى 25 عده للشد

[SuperSNakez]

شكرا لكم اخواني على النصائح

ماقصرتو

....

سؤال اخر العب طبيعي ولا اخذ مكملات او حوارق دهون؟

[jkd1]

مع هالبرنامج بتحتاج مكملات
انصحك بالايزو100 او الكومبات بعد التمرين
كيرياتين بع التمرين مع البروتين وحبة موز
مكمل بور "اسولت" او "نواكسبلود" او "سي 4" قبل التمرين بنص ساعة
ملتي فيتامين مع الفطور والغدا
خل حارق الدهون اخر شهر

[SuperSNakez]

الف شكر لك ياكابتن ماقصرت