ما نوع هذا الجسم ( يوجد صوره )

[عبدالمجيد طعمه]

معلومات المتقدم بالاستفسار :
العمر : 19 , الجنس : ذكر

الطول :176 متر
الوزن : 66 كيلوجرام



و الاستفسار كالتالي :
سلام عليكم
اخواني انا تعرفت على واحد أفغاني ما شاء الله تبارك الله جسمه خيالي
حاولت أسأله بالعربي لكن ما فهم ؟ بالأنجليزي ما فهمت بعد ؟ سألت عن لغه أفغانستان قالوا بشتو ؟ وفارسي
الزبده لقيت افغاني يكتب لي المطلوب ؟

رد علي وقال ابي 200 الف أفغاني هاذي عمله افغانيه اسمه ( افغاني ) ؟
انا بصراحه يعني سؤال كان بسسيط جدا ؟
لكن يساوي العمله تقريبا 3000 ريال سعودي ؟
وقال لي انه بيعلمني كل شيء لكن اتوقع ما يحتاج كل هذا وان شاء الله ما يقصروا الكباتنه !

هذا صوره

الجسم هذا ايش نوعه ؟ انا سمعت فرنسي و و و و !
كم تتوفعون مده تدريبه ؟ 3 سنوات ؟

[StronGest]

وعليكم السلام
الحين سؤال واحد ويالله تفاهمتو ... شلون بيعلمك كل شي وفر فلوسك لا يلعب عليك .. واستمر على التمرين واصبر ... موفق

[Ahmad Khalil]

وعليكم السلام
على ما يبدو ان جسمه هرموني يعني اتركك منه

[071071]

الجسم هذا ايش نوعه ؟انا سمعت فرنسي و و و و !
لايهم اسم الجسم بقدر اهميه كيف الوصول له ..
كم تتوفعون مده تدريبه ؟ 3 سنوات ؟
لا يمكن تحديد المده بالضبط ولكن لابد ان تعرف التالي:

1 - هرمونات جسمك والجينات الوراثية تلعب دور كبير في مسأله الوصول للهدف بمعنى لو تدخل ان وزميل لك في نادي ولنفرض ان نظامكم الغذائي والتمرين والنوم وكل شي زي بعض بعد فتره مثلا ( سنه او 2 او 3 ) فستجد ان جسم زميلك اجمل وافضل من جسمك والسبب لانه يملك عوامل وراثية ليست لديك ( اتمنى وصلت الفكرة )
2- قد تصل لهدفك خلال ثلاث سنوات ولكن تحتاج لشخص قبل كل شي يتصف بالصفات التاليه:
* فاهم وخبير باللعبة .
* صاااااااادق ومخلص .
* لايكون هدفه الأساسي الماده والتفكير بكيف يسحب منك فلوس .
* يتابع تطورات وتغيرات جسمك كل فترة ومن خلال خبرتي والتجارب سوف تصل لمرحلة سوف يتوقف جسمك عن النمو او بالأصح سيكون هنالك نوع من التطور ولكن بشكل طفيف وضعيف جدا بالتالي هنا يأتي دور الكابتن الذي تم ذكره صفاته سلفا ً وفي هذه المرحلة قد تحتاج للدخول بكورسات هرمونيه او محفزات او مايراه الكابتن مناسبا لك في حينها .


في نهاية الامر .. الجسم هذا هرموني 100% ( لا من ناحية الضخامة ولا من ناحية النشافة )

اتوقع اني استاهل الـ 3000 اللي بتعطيها الافغاني :31:

تحياتي لك ..

[عبدالمجيد طعمه]

وعليكم السلام
الحين سؤال واحد ويالله تفاهمتو ... شلون بيعلمك كل شي وفر فلوسك لا يلعب عليك .. واستمر على التمرين واصبر ... موفق

ههههههههههه لكن والله صادق الأفغاني كلمه ب الجوال وقال له انا افغاني وهو كمان ارسل بطاقته للضمان ؟ لكن زي ما قلت نتمرن و الصبر زين ان شاء الله .. لاهنت يا بعدي

[عبدالمجيد طعمه]

ما فهمت عليك ؟ ايش هرومني ياليت توضح

[071071]

ما فهمت عليك ؟ ايش هرومني ياليت توضح

يعني مستخدم هرمون

[عبدالمجيد طعمه]

هههههههههه والله ما فهمت عليك انا اصلن ما اعرف وش معنى كلمه هرمون ؟ يعني ابر وكذا ؟ ولا ؟

[Big Al]

هههههههههه والله ما فهمت عليك انا اصلن ما اعرف وش معنى كلمه هرمون ؟ يعني ابر وكذا ؟ ولا ؟

طبعا ابر هرمونات (منشطات)

يا غالي لاحد يقولك سنة ولا اثنين ولا حتى عشرة, مبين من وزنك مقارنة بطولك ان لسا قدامك طريق طويلة

حلو ان يكون قدامك هدف وهذا واحد من الاشياء المهم في كل شي في الحياة لكن لا تشغل بالك بهدف بعيد قبل ما تبدأ الاساسيات

وبالنسبة لابو 3 الاف, روح نادي تلاقي فيه شخص محترم وسمعته طيبة ومثل ما تفضل الاخ ما يدور على الربح في المقام الاول, وادفعله كمدرب شخصي وشوف كيف تتحسن

ولما تنوي تتهور وتخش على المنشطات كلمنا وما يجيك الا الي يرضيك

[كلاااش 1403]

انتبهوا يا شباب من اللي في الصالات .. شياطين الانس

انا وانت واي واحد مستجد في كمال الاجسام دائما يسأل هالاسئله ( ما شاء الله جسمك معضل من متى تلعب ، تستخدم شي ؟ . شكلك تتدرب مرتين في اليوم . شكلك تاكل 10 وجبات في اليوم ووووالخ )

ويطيح في واحد من بياعين الهرمونات . ويصير صيده سهله له

الهرمونات مضره وممنوعه دوليا

والشباب اللي يبيعونها مو بس يبيعونها وبس الا يفتون من راسهم باشياء غير مكتوب على المنتجيات الممنوعه اللي يبيعونها ويضاعفون السعر مره الى 3 مرات .

في النهايه ... سؤال !!

انت تبي الصحه والعافيه من هذي الرياضه او تبي الهياط والمرض ؟

[classic4]

انتبهوا يا شباب من اللي في الصالات .. شياطين الانس

انا وانت واي واحد مستجد في كمال الاجسام دائما يسأل هالاسئله ( ما شاء الله جسمك معضل من متى تلعب ، تستخدم شي ؟ . شكلك تتدرب مرتين في اليوم . شكلك تاكل 10 وجبات في اليوم ووووالخ )

ويطيح في واحد من بياعين الهرمونات . ويصير صيده سهله له

الهرمونات مضره وممنوعه دوليا

والشباب اللي يبيعونها مو بس يبيعونها وبس الا يفتون من راسهم باشياء غير مكتوب على المنتجيات الممنوعه اللي يبيعونها ويضاعفون السعر مره الى 3 مرات .

في النهايه ... سؤال !!

انت تبي الصحه والعافيه من هذي الرياضه او تبي الهياط والمرض ؟

والله انك صادق ويا كثر المدربين من اجل المادة فقط ... تشتري من عنده مكملات يهتم فيك غير كذا يعلمك غلط او يطفشك

[Musaad 87]

أسمع وانا أخوك لا تصير صحايح ! وشباب هنا أسمع لهم يبلك الخير ..
اقراء في المواضع المميزه وسأل وماريح يقصرون معك الشباب وببلاش وش تبي بعد ;)
الله يكتب لك الي فيه الخير ..
موفق

[O.X.Y.G.E.N]

ذا بيسوقها عليك
3000 ريال ليه ان شاء الله
وش اللي بيسويه ومحد يقدر يسويه

هذا الشخص انا اتوقع
5 سنوات + استخدام للستيرويد ( اللي هي المنشطات والهرمونات )

[عبدالمجيد طعمه]

شكرا اخواني على الردود الجميلة ولا هنتو والله كلامكم على راسي

لقيت حساب اخوه الاصغر منه وكلمته وعلمني اشياء عن اخوه الثاني !

الصور

359779359780

لكن الرجال يقول انا اهلي كلهم لاعبين يعني ابوي واخواني وجداني وعماني !
يقول انا اتمرن وعمري 13 سنه ؟ ما اصدق بصراحه ؟
وغيره قلت له انت تستخدم ابر ؟ حلف بالله انه كذا طبيعي ؟ طبعا مو انا الي اكلمه واحد افغاني يشتغل بمطعم يترجم لي !
ودخلت الموقع حقه الخاص لقيته باللغه الفارسيه ما فهمت ابدا
الي شفتها انها ينصح بكل شيء زين ومافيه اي شيء ممنوع حتى البروتينات عاديه جدا
اخيرا الأفغان معروفين ب الأجسام ! اقل شيء نشوفه الي بالشارع يشيل الدولاب ما يشيل 3 انفار
والله اني شايف افغاني شايل دولاب من دينه ليم غرفتي لحاله ؟ احلف لكم اني انا و اخوي ما قدرنا نشيل ؟
-
مافيه شيء اسمه هرمون الرجال مسلم وحلف بالله انه ما يستخدم الهرمونات لا هو ولا اخوه ؟

[Big Al]

شكرا اخواني على الردود الجميلة ولا هنتو والله كلامكم على راسي

لقيت حساب اخوه الاصغر منه وكلمته وعلمني اشياء عن اخوه الثاني !

الصور

359779359780

لكن الرجال يقول انا اهلي كلهم لاعبين يعني ابوي واخواني وجداني وعماني !
يقول انا اتمرن وعمري 13 سنه ؟ ما اصدق بصراحه ؟
وغيره قلت له انت تستخدم ابر ؟ حلف بالله انه كذا طبيعي ؟ طبعا مو انا الي اكلمه واحد افغاني يشتغل بمطعم يترجم لي !
ودخلت الموقع حقه الخاص لقيته باللغه الفارسيه ما فهمت ابدا
الي شفتها انها ينصح بكل شيء زين ومافيه اي شيء ممنوع حتى البروتينات عاديه جدا
اخيرا الأفغان معروفين ب الأجسام ! اقل شيء نشوفه الي بالشارع يشيل الدولاب ما يشيل 3 انفار
والله اني شايف افغاني شايل دولاب من دينه ليم غرفتي لحاله ؟ احلف لكم اني انا و اخوي ما قدرنا نشيل ؟
-
مافيه شيء اسمه هرمون الرجال مسلم وحلف بالله انه ما يستخدم الهرمونات لا هو ولا اخوه ؟

يا طيب للاسف في موضوع الهرمونات الناس تحلف اكثر من ما تسلم

شباب في النادي يحلفون ما ياخذون شي ويدخلون بطولات وفي النهاية يجي الشخص الي يعطيهم الابر ويكذبهم قدام خلق اللله

وبالنسبة للافغان واجسامهم, في فرق بين القوة وبين بناء الاجسام, والافارقة عندهم افضل جينات من ناحية التكوين العضلي, ولو يجي افريقي جيناته 10000% ويقول وصل لجسم زي ذا بدون هرمون وحلف على كل الكتب السماوية, بقوله كثر منها.

وفي النهاية الخيار لك يا طيب

[عبدالمجيد طعمه]

والله مدري عنه .. المهم أشكر كل من شارك وبجد استفدت .. لاهنتو اخواني

[fit4ever]

ماابي احبطك بس حتى لو اخدت هرمونات وتدربت عشر سنوات مع مدرب يمكن ماتوصل الى نفس الجسم هدا لسبب معين والي هي الجينات اما الهرمونات والتمرينات تتحكم بحجم العضل وليس شكل العضل مثلا عندك بالون مربعي ونفخته تتوقع يكون كروي ؟اكيد راح يكون مربعي نفس الشي العضلات انت ماتقدر تتحكم بشكل العضلات انت فقط تقدر تتحكم بحجمهم فادا احد قالك تعال عطني 10000 ريال وبسوي جسمك مثل جسمي تاكد انه كداب ويبي يسرقك