وقت التدريب الطويل

[sharrary]

معلومات المتقدم بالاستفسار :
العمر : 20 , الجنس : ذكر

الطول :175 متر
الوزن : 79 كيلوجرام



و الاستفسار كالتالي :
السلام عليكم
انا كنت يوميا اتدرب ساعه ونص في صالة الحديد
لين احد الاعضاء قلي التدريب يكون 45 دقيقه
كلمت مدرب النادي قلي صحيح 45 دقيقه بين كل جلسه وجلسه 30 ثانية

بس برجع استفسر لانه انا العب تضخيم اتمنى تفيدوني
انا لي 3 شهور العب حديد

ارجو الاجابه
لاني واحد يتدرب ومعضل مره سالته قلي في ناس يوصلو ل 3 ساعات يتدربو وهو عن نفسه قلي ساعتين ومرات ساعه ونص

فأتمنى تفيدوني

[Big Al]

45 دقيقة الى ساعة في اسوأ الظروف كفاية وخصوصا للضخامة

التدريبات قبل التسعينات كانت ساعة ونص الى ساعتين وبعضها كان يتمرن مرتين في اليوم 6 ايام في الاسبوع الين سنة 92 لما العالم عرف شخص اسمه دوريان يتس والي غير مفهوم التدريب وخلاها تدريب 4 ايام في الاسبوع مع راحة يوم بعد كل يومين وتدريب لمدة 45 دقيقة ومثل ما تفضلت 30 ثانية بين الجلسات بتمرين مكثف جدا والشخص هذا فاز بمستر اولمبيا 6 مرات الين جاته اصابة واعتزل

الخلاصة يا وحش, جسمك يحتاج 45 دقيقة تمرين وبعدها يحتاج يومين او اكثر عشان الالياف والخلايا العضلية تدمرت وقت التمرين تتم عملية الاستفشاء (recovery) او اعادة البناء

[BinSultan]

وعليكم السلام ورحمه الله وبركاته ،


حسبت خبرتي ، في فترة التضخيم أو فترة التنشيف ماتزيد فتره التمرين عن 45 دقيقة ، و ساعة بحد أقصى في أسوأ الظروف نفس ماذكر الأخ الي فوقي.

ماتزيد الراحه بين جوله وجوله عن 30 ثانيه وماتقل عن 10 ثواني !



جربها بنفسك وبتشوف فرق كبير من أول شهر ، الله يوفقك

[fergie]

البعض تصل مدة تدريبهم إلى 4 ساعات لكن لما يكونون تحت تدريب مكثف وبإشراف خبير
طبعا في هالحالة التغذية بتكون أكثر لكن صحية طبعا وقليلة الكارب
الجدول بالعموم يكون صارم من ناحية التدريب واﻷكل والنوم
وبتحتاج خبير يوقف معاك بكل صغيرة وكبيرة
وهذا صعب شوي .. لكن تقدر تسوي مثل الغالبية وتخليه في حدود 45 دقيقة وإن شاء الله النتائج ممتازة
وبالتوفيق

ما أتكلم عن خبرة لكن نتيجة قراءة مستمرة

[ammar2b]

يا جماعه دحين كاتبين وقت التمرين بين 45 دقيقه الى ساعه

طيب دا للعضله الوحده صح؟

يعني لو يوم بلعب صدر وتراي
او يوم ظهر وباي ،، الاتنين كلهم اخلصهم في 45 دقيقه !!!

وفي ايام بلعب بطن مع شي تاني والبطن لحالو ياخد مني نص ساعه والتوقفات 30 ثانيه بين كل جلسه والتانيه وبين كل تمرين والتاني تقريبا من دقيقه الى دقيقتين

ايش الصح!!

[1973]

اللي يتعاطى هرمونات هو اللي تلقاه يتمرن ساعتين ثلاث ساعات. الطبيعي ساعه بالكثير

[ابو دانا الحربي]

اذا كنت تتمرن عضلتين في اليوم :

مرن العضله الكبيره من 4-5 تمارين والعضله الصغيره 2-3 تمارين ووقت الراحه بين 30-60 ثانيه ..
هذي الطريقه التي اقوم بتنفيذها بغض النظر عن وقت التمرين الاجمالي ..

[Big Al]

يا جماعه دحين كاتبين وقت التمرين بين 45 دقيقه الى ساعه

طيب دا للعضله الوحده صح؟

يعني لو يوم بلعب صدر وتراي
او يوم ظهر وباي ،، الاتنين كلهم اخلصهم في 45 دقيقه !!!

وفي ايام بلعب بطن مع شي تاني والبطن لحالو ياخد مني نص ساعه والتوقفات 30 ثانيه بين كل جلسه والتانيه وبين كل تمرين والتاني تقريبا من دقيقه الى دقيقتين

ايش الصح!!

اللعب برضه يشمل العضلتين

لو النادي حقك مو زحمة جدا ولو تتمرن وتخلي 30 ثانية بين الجلسات ممكن تخلص الصدر والتراي في اقل من 45 دقيقة

انا اتمرن صدر وباي واخلصها في 40 دقيقة

صدقني تقدر تخلصها في 45 دقيقة ومافي مشكلة لو زودت 10 دقايق او ربع ساعة تلعب فيها بطن

لكن حاول يكون رفع الاوزان الفعلي حول 45 اكثر منها بشي بسيط او اقل بشي بسيط