المساعد الشخصي الرقمي

مشاهدة النسخة كاملة : التخسيس واللياقة تجربتي مع lipo 6 black ultra concentrate


IkeepGoing
28-10-2013, 11:09 AM
السلام عليكم و رحمة الله و بركاتــه ,,
بمآآ اني استفدت من منتداكم ,, و من تجاربكم في اخذ المكملات , قررت اسجل و هذي اول مشاركة لي طبعآ , و حبيت افيد غيري
طبعآ هذا ثاني يوم لي مع ال lipo 6 black ultra concentrate , و انا صراحة وزني عالي اول مافكرت اشتري الـ Lipo كنت افكر
اخذ المنتج العادي اللي هو Lipo 6 , بس خفت ان جسمي ما راح يتأثر فيه ,, وزني 152 كيلو و طولي 196 سانتي متر ,,
فـ اخذت اقوى منتج ,,

بصراحة اول ما اخذته من اول ماصحيت من النوم 6 الصبح ,, اول التأثير حسيت فيه من اول ربع ساعة كان حرارة في الجسم و دقات القلب مرتفعه بشكل ملحوظ و بدأ جسمي يعرق
بعد خمس دقايق , لاحظت ان يدي قامت ترجف قلييييل يعني على خفيف و الشي غير مؤذي يعني ,, و سرعان ما زال تأثير الرجفة ,,
انا من اللي سمعته من الاعضاء انه يعفس المزاج ,, لكن بصراحة اشوف العكس , مزاجي رااااايق و فله مع الربع ابدآآ ماحسيت ان مزاجي اعتفس ..
و بالنسبة للصداع , ابدآآ ماحسيت بصداع .. اللي كليته الصبح كان عبارة عن 3 بيض مسلوق البياض فقط ,,
و بكل امانة , شهيتي ظلت مسدودة لليل ,, اكتفيت ب 3 بياض بيض ,, بس هالشي انقلب علي ..( تابع تحت تعرف السبب )

دخلت ال gym و فيني نشاط جهنمي :silly: المهم , الحبوب يرفع النشاط بشكل مو طبيعي , حسيت جسمي يحترق ! و التعرق بشكل اكبر ! , بالطبع لازم تشرب كميات ماي كثير ..
بعد ماخلصت التمرين , عادة اكون في قمة الجووووووع !! ,, لكن كانت نفسي منسدة عالآخر و مالي نفس اكل شيء !!
رجعت البيت و نزلت من السيارة ,, و هني صادتني المشكلة
الدنيا قامت تدووور , و حسيت خلاص راح يغمى علي و اطيح ,, تمالكت نفسي و رحت اركض الثلاجة ع طووول برتقال ,, استنتجت ان صادني هبوط ف السكر ,,
باختصار , اذا راح تاخذ الليبو 6 , غصب ع روحك تاكل ولو بكميات قليلة عشان ما يصيدك اللي صادني ,,
و اسف على طريقة كتابتي للموضوع ,, مو متعود اكتب مواضيع ف منتديات ,, و اظن اني طولت لكن اعذروني , و بالتوفيق لكل شخص يحاول ينزل وزنه
لان الشي مو سهل و يحتاج ارادة و عزم و اصرار ..
ahmed.
O.X.Y.G.E.N
28-10-2013, 11:56 AM
مشكور يا كبتن

بس بغيت اسألك هذي اللي تستخدمها ؟
http://mipielsana.com/wp-content/uploads/2012/11/Lipo-6-Black-Ultra.jpeg

معليش انا ادري ان الصوره كبيره بس هذي اللي لقيتها :D

اللي حبه وحده في اليوم بس


يا ليت بعد شهر كذا تعلمنا اللي صار معك من نتايج وأعراض جانبيه

وبالتوفيق
IkeepGoing
28-10-2013, 01:25 PM
هلا اخي اوكسيجين , اي هذا هو
و اخذ حبتين في اليوم مو وحدة , اول ما اصحى الصبح قبل الفطور بنص ساعة و قبل التمرين بنص ساعة
Mr.Puma
29-10-2013, 03:56 AM
الى الآن .. أقوى حارق استخدمته وفعلا له دور في ضرب الشهية .. ايضا الطاقة والشد في التمرين
اتذكر وقت استخدامه كنت احيانا أقف في المول امام بوفيه المطعم انتظر طلبي ( والمول مكيف وبارد )
فأشعر اني ترطبت في جلد ساقي وأقول لنفسي : أووووووب ياليل الليل لايكون تبولت غير ارادي ولا ايش هذا ؟!
لحظات وادرك انه عرق يتصبب ويسيل من اعلى فخذي حتى اخمص القدم

تبا لكم يانتركس :boggled:

شكرا على مشاركتك التجربة
O.X.Y.G.E.N
29-10-2013, 08:56 AM
الى الآن .. أقوى حارق استخدمته وفعلا له دور في ضرب الشهية .. ايضا الطاقة والشد في التمرين
اتذكر وقت استخدامه كنت احيانا أقف في المول امام بوفيه المطعم انتظر طلبي ( والمول مكيف وبارد )
فأشعر اني ترطبت في جلد ساقي وأقول لنفسي : أووووووب ياليل الليل لايكون تبولت غير ارادي ولا ايش هذا ؟!
لحظات وادرك انه عرق يتصبب ويسيل من اعلى فخذي حتى اخمص القدم

تبا لكم يانتركس :boggled:

شكرا على مشاركتك التجربة


يعطيك العافيه
ممكن رأيك عن اعراضه
ودي استخدمه لكن اسمع كلام كثير عن مجوعة الليبو 6 انها خطيره
عشان كذا ادور ناس استخدمته وما حست بأعراض قويه
لو الواحد بيمشي مع كلام الناس ما بياخذ شي عشان كذا ادور ناس مجربه
زحمة حكي
29-10-2013, 09:14 AM
الى الآن .. أقوى حارق استخدمته وفعلا له دور في ضرب الشهية .. ايضا الطاقة والشد في التمرين
اتذكر وقت استخدامه كنت احيانا أقف في المول امام بوفيه المطعم انتظر طلبي ( والمول مكيف وبارد )
فأشعر اني ترطبت في جلد ساقي وأقول لنفسي : أووووووب ياليل الليل لايكون تبولت غير ارادي ولا ايش هذا ؟!
لحظات وادرك انه عرق يتصبب ويسيل من اعلى فخذي حتى اخمص القدم

تبا لكم يانتركس :boggled:

شكرا على مشاركتك التجربة

ما شاء الله
عسى استفدت؟!
لكن هيدروكسي كت تبع مصل تيك
بالارقام والمكونات اشوفه اقوى من ليبو بلاك الترا
بس السؤال هنا كم فترة الراحه بين حوارق الدهون
اذا الشركة تختلف ؟
IkeepGoing
29-10-2013, 10:52 AM
الى الآن .. أقوى حارق استخدمته وفعلا له دور في ضرب الشهية .. ايضا الطاقة والشد في التمرين
اتذكر وقت استخدامه كنت احيانا أقف في المول امام بوفيه المطعم انتظر طلبي ( والمول مكيف وبارد )
فأشعر اني ترطبت في جلد ساقي وأقول لنفسي : أووووووب ياليل الليل لايكون تبولت غير ارادي ولا ايش هذا ؟!
لحظات وادرك انه عرق يتصبب ويسيل من اعلى فخذي حتى اخمص القدم




تبا لكم يانتركس :boggled:

شكرا على مشاركتك التجربة



صحيح حبيبي , و انا اشهد و أأكد على كلامك ,, يخليك تعرق بشكل مو طبيعي ههههههه , و انت واقف في مكان بارددد ..
لكن بصراحة اقوى تأثير اثره علي هو ضربه للشهية .. صرت اكل شوووي و اشبع ,,
IkeepGoing
29-10-2013, 10:56 AM
يعطيك العافيه
ممكن رأيك عن اعراضه
ودي استخدمه لكن اسمع كلام كثير عن مجوعة الليبو 6 انها خطيره
عشان كذا ادور ناس استخدمته وما حست بأعراض قويه
لو الواحد بيمشي مع كلام الناس ما بياخذ شي عشان كذا ادور ناس مجربه



اخوي , انا بالامس طلعت من ال gym , و احس بجوووع و لكن غثيان مو طبيعي , احس اني ابي اطلع اللي في بطني ( لكن ما في شي في بطني ) ! , جوووع مع غثيان , يعني مو طايق اكل ,,
هالشيء سبب لي دوووووورة و راسي قام يفتر و احس اني ابي اطلع اللي فبطني , كل اللي شربته ماي فقط ! جسمي قام يعرق بشكل مو طبيعي و حسيت بوهن ,,
على طول رحت مطعم خذيت مشويات و غصبت روحي اكل ,, و صرت احسن ..
الشيء اللي اثر علي اظن اني اخذ حبتين في اليوم ,, وهو شي غلط اظن ,, لانه المنتج ultra concentrate تحتاج حبة فقط , و انا اخذ حبتين , قبل الفطور و قبل التمرين ,,
اظن ان تأثيره صار قوي و كان بيذبحني امس ..
بس اليوم اخذت حبة و راح اشوف النتايج ...
هو اساسا ما تحس بهالتأثير الا بعد ما تلعب التمرين و تخلص ,, اذا تاخذها و انت قاعد ف البيت كل اللي تحسه هو انعدام الشهية ولكن ما تحس بغثيان او شيء اخر ... يعني لاشيء مؤذي يذكر
hisham0101
29-10-2013, 12:36 PM
أنا مشكلتي وزني ثبت على 90 ولا راضي ينزل لا بالطيب ولا بالقوة هههههه

باقي لي 7 أو 8 كيلو وأوصل للوزن اللي أبيه , ودي استخدم الليبو 6 بس المشكلة عندي زيادة في نشاط الغدة الدرقية :bigeyes: , وأكيد الحوارق هذي راح تلعب في الغدة زيادة , صح والا لأ !!
Mohd01
29-10-2013, 12:38 PM
يعطيك العافيه
ممكن رأيك عن اعراضه
ودي استخدمه لكن اسمع كلام كثير عن مجوعة الليبو 6 انها خطيره
عشان كذا ادور ناس استخدمته وما حست بأعراض قويه
لو الواحد بيمشي مع كلام الناس ما بياخذ شي عشان كذا ادور ناس مجربه
أنا استخدمت الاصدار القديم منه قبل حوالي سنتين
اللي الجرعه القصوى منه حبتين او 3 على دفعتين
كنتيجه جاب معي نتيجه جيده ولله الحمد .. كان جسمي يتحسن وينشد والخصر يصغر ويقل مقاسه مع ان الوزن كان نزوله بطيء جدا
وكأعراض ماعانيت من اي اعراض بصراحه .. ولا حتى سد الشهيه بقوه مثل اللي صارت مع الاخوان
اللهم ان الكافين فيه عالي فإذا اخذته اكيد بتحس بنشاط قبل الجيم + لو اخذته بالليل اكيد بيسهرك
IkeepGoing
29-10-2013, 01:11 PM
أنا مشكلتي وزني ثبت على 90 ولا راضي ينزل لا بالطيب ولا بالقوة هههههه

باقي لي 7 أو 8 كيلو وأوصل للوزن اللي أبيه , ودي استخدم الليبو 6 بس المشكلة عندي زيادة في نشاط الغدة الدرقية :bigeyes: , وأكيد الحوارق هذي راح تلعب في الغدة زيادة , صح والا لأ !!


صحيح اخي الكريم ما اعتقد ان من الآمن لك استعماله لانه هو اساسا يحفز نشاط الغدة الدرقية ممآ يساعد على تسريع عملية الايض ف الجسم ( الهضم ) ,, فـ اذا عندك زيادة ف النشاط يعني بيزيدها لك اكثر
فـ ما انصحك تآخذه , خصوصا البلاك لانه تأثيره صراحة جبآآر .. اذا انت وزنك قريب من الوزن المثالي شوف منتج Animal Cuts ,, اصحابي اخذوه و ماشالله نتائجه حلوة ع اللي اوزانهم قريبة من الوزن
المثالي ,,
وينج تشوان
29-10-2013, 01:41 PM
ممكن زى ماقلت اثره بيكون مع التمرين

انا اعرف ناس استعملوه و ماحصل معهم شى

ممكن صداع فى البداية

ولايخفى على الجميع اهمية النظام الغدائى " الدايت "
IkeepGoing
29-10-2013, 02:55 PM
ممكن زى ماقلت اثره بيكون مع التمرين

انا اعرف ناس استعملوه و ماحصل معهم شى

ممكن صداع فى البداية

ولايخفى على الجميع اهمية النظام الغدائى " الدايت "


صحيح اخي , تأثيره اذا راح تاخذه و تقعد في البيت ما راح تحس فيه ابدآآ , اللهم راح يقطع شهيتك بس
لكن في التدريب يطلع كلشي !
بصراحة انا اخذه في البيت و يسد شهيتي استانس , بس بعد التدريب يخليني ابكي :02:
يجيني غثيان و الرغبة في اني ابي اطلع اللي في بطني بشكل مو طبيعي !! ماعرف وش السبب :02:
و جسمي يقعد يعرق من تلقاء نفسه حتى من بعد ما يبرد اشياء غريبة تحصل ف الجسم !!
عبود وبس
29-10-2013, 07:35 PM
منتج جباااااااااااار يعطي طاقة من الاخر انا الحين بنص العلبه ونزلت 2 كيلو واللهي الحمد لم اواجه اعراض جانبيه
hisham0101
29-10-2013, 07:45 PM
صحيح اخي الكريم ما اعتقد ان من الآمن لك استعماله لانه هو اساسا يحفز نشاط الغدة الدرقية ممآ يساعد على تسريع عملية الايض ف الجسم ( الهضم ) ,, فـ اذا عندك زيادة ف النشاط يعني بيزيدها لك اكثر
فـ ما انصحك تآخذه , خصوصا البلاك لانه تأثيره صراحة جبآآر .. اذا انت وزنك قريب من الوزن المثالي شوف منتج Animal Cuts ,, اصحابي اخذوه و ماشالله نتائجه حلوة ع اللي اوزانهم قريبة من الوزن
المثالي ,,


طيب هل ال Animal Cut ماله تأثير على نشاط الغدة !!

مادري بس أعتقد كل الحوارق تقوم بنفس العمل اللي هو زيادة نشاط الغدة الدرقية , صح والا لأ ؟؟
IkeepGoing
29-10-2013, 08:49 PM
طيب هل ال Animal Cut ماله تأثير على نشاط الغدة !!

مادري بس أعتقد كل الحوارق تقوم بنفس العمل اللي هو زيادة نشاط الغدة الدرقية , صح والا لأ ؟؟

صحيح اخي للأسف هو يدعم الغدة الدرقية , بس استشير اعضاء ثانيين يمكن عندهم خبرة اكثر مني في هالمشاكل ,,
مقآدير
29-10-2013, 11:43 PM
ماشاء اللله نتائج حلوة

طيب انا وزني 68 والطول 169 والعمر 17 وابغا اوصل تحت ال60 ولي اربعه شهور احاول انزلها مافيه امل مع اني ملتزم بالرياضه

وكمان الشهيه مفتوحه وعلى كلامك انه يسد الشهية

وعندي ترهل في البطن والصدر

بستخدمها من الاسبوع الجاي مع برنامح insanity ونظام غذائي

تنصحني فيه ؟
Mr.Puma
30-10-2013, 01:59 AM
لااااااااااااااااااااااااااااااااااااااااااااااااااااااااااااااااااااااااااااااااااااااا :02:

كتبت رد مطول شوي ثم قطع النت وراح لمن قلبت الصفحة للاضافة

قدر الله وماشاء فعل

اوك من جديد الله يعين
Mr.Puma
30-10-2013, 03:34 AM
يعطيك العافيه
ممكن رأيك عن اعراضه
ودي استخدمه لكن اسمع كلام كثير عن مجوعة الليبو 6 انها خطيره
عشان كذا ادور ناس استخدمته وما حست بأعراض قويه
لو الواحد بيمشي مع كلام الناس ما بياخذ شي عشان كذا ادور ناس مجربه

اهلا ياعزيز
بشكل عام ماكان فيه ذيك المشاكل اللي تخليني أقول والله توبة ماعاد آخذه .. بالعكس انبسطت منه هالمجرم الفظيع
لكن أقدر الخص لك اللي حصل معي اثناء الاستخدام بثلاث نقاط .. وحدة منها ( اللي هي النقطة الاخيرة حصلت مرة واحدة ) :

1 ) المزاج الحار .. نشاطي الحار والزايد مع هذا المنتج ( تبغى تروح وتجي وتتحرك زي المجنون ) رافقه مزاج حار ايضا لكن الامور going on من هالناحية عادي انما في بعض المواقف
مثل مشاكسات او نقاش او احتكاك .. كنت ارفع صوتي واعصب واتنفرز وأتلاعن مع السكرتيه والحراس لمن يمنعوني من دخول المول او حتى هيئة الامر بالمعروف والنهي مع المنكر
اتذكر مع النرفزة يجيني رجفان في اليد من حدة المزاج

2 ) الارق والتقلب على الفراش افففففففففففففففففففففف لكن مع كل الحوارق شيء طبيعي عشان الكافيين وتخلصت من هالمشكلة بعد ايام بأني أقوم الفجر صباح الله خير وعليها مرة وحدة الى 11 الليل
فأرمي نفسي على السرير تعبان وانام الحمد لله .

3 ) حصل ذات مرة اني كدت اختنق .. رحنا انا واخوي الكوفي نشوف مباراة وفجأة حسيت زي روحي بتطلع ( قلبي مدري كيف كان نبضه غريب ذاك الوقت كأنه يدق ثم يقول ماني داق ثم يرجع يدق )
اتنفس كذا واتنفس كذاك .. اتنفس بسرعة وشوي اكتم النفس وشوي اتنفس بطيء وشوي اتنفس عميق جدا وشوي انسدح واتنفس ( خربطت من الخلعة مع انه مالها دخل لكن جالس احاول ارجع قلبي ينبض عادي )
ياعمران ياعمران ( اسم اخوي ) احس اني بختنق احس اني بختنق .. فأمسك قلبي وأسمي بالله ثم اضرب فيه بقوس لووووووووووول .. بس الحمد لله 5 دقائق وراحت

كنت أستخدم هالليبو المركز حبة في الصباح اول ماأقوم وحبة قبل الظهر وقت الصالة .. وكذا مكتوب اصلا انك تبدأ اول كم يوم حبة .. ثم حبتين ولاتزيد عن حبتين ابدا
وبعد هالموقف قلت بلاشي .. انما راح استخدم حبتين في يوم الصالة .. وحبة وحدة فقط في اليوم اللي مايصادف صالة يعني راحة .. ( فصرت حبتين يعني 3 مرات بالاسبوع اسويها )

فزبدة الكلام غير الموقف الاخير الامور عادية ان شاء الله
بالنسبة لسرعة خفقان القلب .. ايه لازم سرعة خفقان قلب او تسارع النبض .. ياأخي اذا الفات برنر مايسوي لك تسارع في النبضات فمعناها فاشل مايشتغل .. بل هذي علامة تيربو الايض
فما أشوفه عارض زي مايقولون بعض الاخوان




ما شاء الله
عسى استفدت؟!
لكن هيدروكسي كت تبع مصل تيك
بالارقام والمكونات اشوفه اقوى من ليبو بلاك الترا
بس السؤال هنا كم فترة الراحه بين حوارق الدهون
اذا الشركة تختلف ؟

عسى استفدت ؟ لالا انت تمزح ..
يارجل نسبة الدهن اذكر كانت 5 % او 5 ونصف .. ( هههههه أذكر اني أخذت جهاز كهربائي من الصيدلية بـ 380 ريال شريته عشان ارجع اقيس البدي فات وطلعت لي حسب ماأذكر 5 ونصف بعد
انتهائي من البرنامج والمنتج .. وقستها 20 مرة وكان كل شوي يعطيني قراءة من 5 الى 6 % بدي فات .. ولو اني ماأؤمن بالقياس الكهربائي وأعرف انه متخبط في القراءة مرة 5 % ومرة 10 %
لكنه كان معي ثابت تقريبا لانه فعلا جسمي كان خالي تقريبا من الفات والسوائل وحتى الجلايكوجين لكن لو فيه سوائل انواع القراءات الغلط .. ثم رجعت الجهاز للصيدلية قلت له ماعجبني قراءته مش دقيقة وأخذت الفلوس وانا ناوي اقيس وارجعه من البداية هع )
من النشفان وقتها عروقي طلعت تحت السرة وفوق السرة ومن جوانب البطن .. تنشفت بشكل فظيع

ايه انا مثلك أشوف تركيبة الهاردكور هايدروكسي افضل .. لكني قلت : افضل منتج جربته .. جربته
والهاردكور لسه ماشرفني هههههههههه لكنه جاي يوم من الايام وأعتقد خلال اسبوع يوصلني مع اني جربت احد حوارق الهايدروكسي لكنه ماكان الهاردكور
متردد حاليا في عمليتنا الشرائية غدا انا وصاحبي من الانترنت بأذن الله .. أختار الهاردكور أو الثيرمك الجبار : green stinger ( أقوى فورمولا وجدتها في السوق الى الآن )
يحوي افدرين < خط احمر لبعض الناس لووووووووووووووول .. أقصد متردد لأن الافدرين او الجرين ستنغر هذا يمنعونه من الدخول في الجمارك
وشركة vpx كذبت كذبة جديرة بالاحتقار ذكرتني بقوة كذبات جوزيف جوبلز مدير الاعلان والدعاية النازية في عهد هتلر في الحرب العالمية الثانية
لمن قالت : الملت داون تبعنا أقوى من الافدرين .. كذب وهراء
لايوجد في مسح العالم الى الآن شيء اكتشفوه أقوى من فعالية الافدرين في الحرق أوالايض

بالنسبة للراحة ريح شهر او شهرين .. أو هكذا أرى مع اني ادخل عباس على فرناس احيانا
من رمضان الى الآن 3 اشهر تقريبا استخدمت شوي من كلين باترول .. وحارق ملت داون .. وحارق ليبو سكس اكس .. والآن حارق ليبو سكس انليمتيد الجديد بعد الليبو المركز
لكن ماشعرت فيه مثل قوة الليبو المركز موضوعنا والثيرمك الحار في الجسم
(مثل ماضحك واحد من الاعضاء الله يستر عليه يقولي الى متى وانت تنشف لووووووووووووووووووووووووول ) مشكلتي طول لعبي اتنشف ودايت لأن همي هو : stay in shape ( المحافظة على المظهر او التجسد الحالي واخاف من تحجيم العضلات كثير ماراح أقدر ألبس واكون موديل في الاستايلات )






صحيح حبيبي , و انا اشهد و أأكد على كلامك ,, يخليك تعرق بشكل مو طبيعي ههههههه , و انت واقف في مكان بارددد ..
لكن بصراحة اقوى تأثير اثره علي هو ضربه للشهية .. صرت اكل شوووي و اشبع ,,


خليييييييييييييييييييييييييييه خليييييييييييييييييييييييييييييييييييييييييييييييييييييييييييييييييييه يضرب الشهية هذا احسن ماعجبني في الموضوع
تدري ياكيب .. عمي وعمتي الله يسامحهم يسموني المفترس .. وأحد أقاربي شافني آكل الحبحب او الجح الضخم كامل لحالي راح يحكي الناس ويضحك
ومرة في الدمام الشباب طبخوا رز ودجاج لأربعة اشخاص انا رابعهم .. مدري ايش حصل كأنه واحد قال تعشيت اصلا والثاني قال مالي نفس والثالث اضطر يستأذن
فبقى العشاء لي وحدي .. واحد جلس منهم معي مجاملة عشان الاحراج علي يسوي نفسه ياكل بس وياخذ ملعقة او ملعقتين .. وانا منغمس وآكل باصابع يدي العشرة
لمن قربت أخلص الصحن .. طالعت فيه بمزحة وقلت له : بصراحة قد شفت أحد ياكل كذا ؟ قال بصراحة لا :boggled:
طيب وش الحل ؟ مافي أحد يصكني عين ياجماعة المسلمين لووووووووووووووول واللهي ابغى واحد يعطيني عين يسد شهيتي
يوووووووووووووووووووووووه ذاك اليوم لمن الوالدة سوت في البيت صحن كامل او طبق تشيز كيك لضيوف انا عزمتهم برمضان الماضي وقسمته 10 قطع كبار
ضيوفي أكلوا منه بس حبتين .. وفي آخر الليل خرجته من الثلاجة ( على فكرة التشيز كيك الامريكي هذا أشهى أكلة عندي في العالم ) وأكلت القطع الثمانية كلها سحور كحلى غير الوجبة الاصل
في اليوم الثاني والدتي تخاصمني تقولي انت ماتفكر في الاشخاص اللي معك بالبيت ؟! مافي أحد يبغى ياكل التشيز كيك غيرك يعني ؟ مثلا انا سويته لكني ماذقت منه شيء
ياااااااااااااااااااااااااااااااااااه ياأمي .. أقسم بالله تمنيته يطلع من بطني ثم يرجع مثل ماهو وألقم امي بنفسي وه بس :02:

يعني انا بجلس آخذ كل شوي ليبو مركز عشان يساعدني في ردع الشهية ؟ احد عنده حل ياجماعة بجد أتكلم وحياة رب المصحف الشريف
عشان كذا التزم بالدايت .. لو أطلقت لنفسي العنان أقسم بالله أزيد 10 كيلو في 10 ايام .. أقسم بالله ( حصل معي فعلا ) لكني جهنم في التنشيف ارجع



ممكن زى ماقلت اثره بيكون مع التمرين

انا اعرف ناس استعملوه و ماحصل معهم شى

ممكن صداع فى البداية

ولايخفى على الجميع اهمية النظام الغدائى " الدايت "

اللي استعملوه وماحصل معهم شيء .. مادرسوا موضوع الدايت والداخل والخارج .. ابسلوتلي
الدايت لوحده ينشف .. والرياضة والدايت تنشف اكثر .. والرياضة والدايت والحارق أكثر وأكثر
لكن رياضة وحارق .. والسعرات زائدة ؟! بدون استقطاع ؟! ياصاحبي ماكأنك غزيت


ماشاء اللله نتائج حلوة

طيب انا وزني 68 والطول 169 والعمر 17 وابغا اوصل تحت ال60 ولي اربعه شهور احاول انزلها مافيه امل مع اني ملتزم بالرياضه

وكمان الشهيه مفتوحه وعلى كلامك انه يسد الشهية

وعندي ترهل في البطن والصدر

بستخدمها من الاسبوع الجاي مع برنامح insanity ونظام غذائي

تنصحني فيه ؟

عفوا على المداخلة .. لكن ماأنصحك فيه بهالسن ولا أظن الشباب يوافقونك هذا
يعني مالقيت الا الليبو سكس بلاك الترا وانت 17 ؟
راسلني خاص وأساعدك .. واذا مانزلتك 60 فأنا الغي عضويتي من المنتدى




شكرا لكم ياشباب جميعا شكرا
لاتنسون اذا احد يعرف شيء لحجب الشهية
مع اني لاحظت انه حبوب الامينو وحبوب الاتش ام بي تخفض الشهية الى حد ما
بس انا والله مو طول عمري باستخدم اتش ام بي ولا أمينو لووووووووووووووووول

سلام عليكم
IkeepGoing
30-10-2013, 10:15 AM
حبيت ردودك مستر بوما و بصراحة كل ما اقرأ ردودك تشجعني اكثر ,,
بس بخصوص يوم تقول تاخذ حبتين ,, انا فيني وزن و طوول يعني ماشاء الله عملاق شوي ~~ ,,
ما توقعت ان تأثير الليبو راح يكون بهالقوة على جسمي ..
صرت ما اقدر اخذ حبتين , اخذ حبة وحدة الساعة 6 الصبح و تأثيرها يظل يمكن للساعة 1 الليل ما اعرف انام , صرت انام بالكثير 5 ساعات ف اليوم و اقعد متكسر ..
اخذ الحبة و اروح الجامعه , و اقول برجع و بانام , لكن للأسف ما اقدر انام لاني اخذت الحبة , و انا مضطر اني اخذها عشان ما اكل الاخضر و اليابس :D
مادري شفيه جسمي ما يستحمل حبتين ,, اتعب بشكل مو طبيعي !! , انا راح اواصل على حبة لمدة اسبوعين و ارفع الجرعة حبتين و اخبرك بالجديد ~~
واصل مشاركاتك يا بوما , تفرحني ;)
زحمة حكي
30-10-2013, 10:29 AM
عسى استفدت ؟ لالا انت تمزح .
يارجل نسبة الدهن اذكر كانت 5 % او 5 ونصف .. ( هههههه أذكر اني أخذت جهاز كهربائي من الصيدلية بـ 380 ريال شريته عشان ارجع اقيس البدي فات وطلعت لي حسب ماأذكر 5 ونصف بعد
انتهائي من البرنامج والمنتج .. وقستها 20 مرة وكان كل شوي يعطيني قراءة من 5 الى 6 % بدي فات .. ولو اني ماأؤمن بالقياس الكهربائي وأعرف انه متخبط في القراءة مرة 5 % ومرة 10 %
لكنه كان معي ثابت تقريبا لانه فعلا جسمي كان خالي تقريبا من الفات والسوائل وحتى الجلايكوجين لكن لو فيه سوائل انواع القراءات الغلط .. ثم رجعت الجهاز للصيدلية قلت له ماعجبني قراءته مش دقيقة وأخذت الفلوس وانا ناوي اقيس وارجعه من البداية هع )
من النشفان وقتها عروقي طلعت تحت السرة وفوق السرة ومن جوانب البطن .. تنشفت بشكل فظيع

ايه انا مثلك أشوف تركيبة الهاردكور هايدروكسي افضل .. لكني قلت : افضل منتج جربته .. جربته
والهاردكور لسه ماشرفني هههههههههه لكنه جاي يوم من الايام وأعتقد خلال اسبوع يوصلني مع اني جربت احد حوارق الهايدروكسي لكنه ماكان الهاردكور
متردد حاليا في عمليتنا الشرائية غدا انا وصاحبي من الانترنت بأذن الله .. أختار الهاردكور أو الثيرمك الجبار : green stinger ( أقوى فورمولا وجدتها في السوق الى الآن )
يحوي افدرين < خط احمر لبعض الناس لووووووووووووووول .. أقصد متردد لأن الافدرين او الجرين ستنغر هذا يمنعونه من الدخول في الجمارك
وشركة vpx كذبت كذبة جديرة بالاحتقار ذكرتني بقوة كذبات جوزيف جوبلز مدير الاعلان والدعاية النازية في عهد هتلر في الحرب العالمية الثانية
لمن قالت : الملت داون تبعنا أقوى من الافدرين .. كذب وهراء
لايوجد في مسح العالم الى الآن شيء اكتشفوه أقوى من فعالية الافدرين في الحرق أوالايض

بالنسبة للراحة ريح شهر او شهرين .. أو هكذا أرى مع اني ادخل عباس على فرناس احيانا
من رمضان الى الآن 3 اشهر تقريبا استخدمت شوي من كلين باترول .. وحارق ملت داون .. وحارق ليبو سكس اكس .. والآن حارق ليبو سكس انليمتيد الجديد بعد الليبو المركز
لكن ماشعرت فيه مثل قوة الليبو المركز موضوعنا والثيرمك الحار في الجسم
(مثل ماضحك واحد من الاعضاء الله يستر عليه يقولي الى متى وانت تنشف لووووووووووووووووووووووووول ) مشكلتي طول لعبي اتنشف ودايت لأن همي هو : stay in shape ( المحافظة على المظهر او التجسد الحالي واخاف من تحجيم العضلات كثير ماراح أقدر ألبس واكون موديل في الاستايلات )



ما شاء الله
يعني تنصح خويي يستخدم ليبو بلاك الترا ؟
عضلات بطنه بارزه لكن فوقها شوي دهون وسوائل
هو يبي يبرز عضلات بطنه بشكل اقوى
الدهون والسوائل يبيها تروح
عندك مكملات تنصحه بها ؟
ان شاء الله نشوفك موديل
Mr.Puma
31-10-2013, 02:10 AM
حبيت ردودك مستر بوما و بصراحة كل ما اقرأ ردودك تشجعني اكثر ,,
بس بخصوص يوم تقول تاخذ حبتين ,, انا فيني وزن و طوول يعني ماشاء الله عملاق شوي ~~ ,,
ما توقعت ان تأثير الليبو راح يكون بهالقوة على جسمي ..
صرت ما اقدر اخذ حبتين , اخذ حبة وحدة الساعة 6 الصبح و تأثيرها يظل يمكن للساعة 1 الليل ما اعرف انام , صرت انام بالكثير 5 ساعات ف اليوم و اقعد متكسر ..
اخذ الحبة و اروح الجامعه , و اقول برجع و بانام , لكن للأسف ما اقدر انام لاني اخذت الحبة , و انا مضطر اني اخذها عشان ما اكل الاخضر و اليابس :D
مادري شفيه جسمي ما يستحمل حبتين ,, اتعب بشكل مو طبيعي !! , انا راح اواصل على حبة لمدة اسبوعين و ارفع الجرعة حبتين و اخبرك بالجديد ~~
واصل مشاركاتك يا بوما , تفرحني ;)


أحبك الله ..

ايه لاتنام او تفكر تنام في النهار .. تنشط وتحرك طول نهارك عشان مايجي الليل الا وانت تبي تريح .. هذا احسن حل

جسمك مايتحمل حبتين يمكن لانه هذا اول حارق لك . ؟ انا جسمي تبرمج على الحوارق لوووووووووول .. ياساتر بس يارب

خلاص خليك على حبة لمن تحس مع الايام انه الحبة صارت ماتفرق .. ادخل في الثانية


ما شاء الله
يعني تنصح خويي يستخدم ليبو بلاك الترا ؟
عضلات بطنه بارزه لكن فوقها شوي دهون وسوائل
هو يبي يبرز عضلات بطنه بشكل اقوى
الدهون والسوائل يبيها تروح
عندك مكملات تنصحه بها ؟
ان شاء الله نشوفك موديل

واللهي اذا مابدأ في اي بلز للحوارق .. فخليه يريح ويرتاح مزاجه لا من نوم .. ولا من عكرة وقلق ( أقصد هالحارق راح يخليه يبحث عن حارق قادم في مرحلة قادمة ايضا )

يقدر ياخذها منفصلة لو يحب : كافيين + يوهمبين اتش سي ال ..

وصدقني : it’s works
زحمة حكي
31-10-2013, 04:59 AM
واللهي اذا مابدأ في اي بلز للحوارق .. فخليه يريح ويرتاح مزاجه لا من نوم .. ولا من عكرة وقلق ( أقصد هالحارق راح يخليه يبحث عن حارق قادم في مرحلة قادمة ايضا )

يقدر ياخذها منفصلة لو يحب : كافيين + يوهمبين اتش سي ال ..

وصدقني : it’s works

حصلت انا واياه هذي الشركه والمنتج
PRIMAFORCE Yohimbine HCL (2.5mg)
هذا اللي تقصده ؟
والكافيين وش افضل نوع ؟
هو بيرتاح اسبوعين وبيبدا باللي تنصحه
Mr.Puma
31-10-2013, 12:11 PM
ايه نعم هذا استخدمته مرتين .. على حبة الصباح وحبة قبل التمرين
الكافيين اي نوع تكون الحبة 100 ملج عشان كمان تاخذها مرة مع اليوهمبين الصباح ومرة قبل الصالة
او : كوب بلاك كوفي الصباح ( أحسن شيء ) وكوب قبل الصالة

وبالتوفيق يارب
زحمة حكي
31-10-2013, 03:37 PM
حصلت انا واياه هذي الشركه والمنتج
PRIMAFORCE Yohimbine HCL (2.5mg)
هذا اللي تقصده ؟
والكافيين وش افضل نوع ؟
هو بيرتاح اسبوعين وبيبدا باللي تنصحه

حصلت كافيين لشركة برولاب
200 mg للحبه
اشتريهم ؟
ra7al uae
01-11-2013, 12:45 PM
السلام عليكم ورحمة الله وبركاته


شحالكم ؟


يالربع انا وزني 117 وطولي 183 وعمري 22

أعاني من تضخم في الثدي بس مادري اذا دهون او جينو

اذكر في سنة 2009 اجريت فحوصات وتحاليل

اتضح اني اعاني من زيادة في هرمون الحليب لأن عند الضغط على الحلمه تظهر ماده بيضا !

...

هل تنصحوني بإستخدام ليبو ؟ وهل له تأثير لمن يعانون من زيادة هرمون الحليب او الانوثه ؟

واذا مايناسبني شو البديل ؟

وهل اذا استخدمته ونزل وزني وضعفت بعاني من الترهلات او بيشد جسمي ؟

لأني افكر استخدم الحبوب وامارس رياضة المشي مع الرجيم
.::لوغي::.
01-11-2013, 03:01 PM
من خلال تجربتي للمنتج
لمدة 13 يوم
طريقته ياخذ الطاقه من الدهون نفسه
باختصار اذا اكلت شيء راح يمتص احماض قليله فقط المفيده ويطرد الكثير منها
ثم يبدأ ياخذ الطاقه من الدهون
اعراضه صداع وسد الشهيه
الصداع اذا تحركت وتمرنت يروح
بالنسبة لاستخدامي حبه واحده ومن بكرى راح ابدا بحبتين لاني بمرحلة تنشيف وليست تنحيف
المنتج قوي مره
نصيحه اول اسبوع حبه بعدها ابدأ بحبتين
وكذالك لاينصح ابدا بزيادة معدل الكافيين الافضل الابتعاد عن القهوه والشاي والمشروبات الغازيه
لأن اثره مضر جداً بعدين ع الجهاز العصبي
تأثيره ع منطقة البطن والخواصر قوي جداً

موفقين
IkeepGoing
05-11-2013, 05:04 PM
صحيح كلام اخي لوغي ..