العلبة الضخمة(موضوع هام)

[gevil]

السلام عليكم ورحمة الله وبركاتهشبابوانا كنت بمكتبة جرير عشان اشتري نسخة الbattle chestعشان اقدر العب الى لفل80 وادخل رايدات ودنجنات بشكل حلو مو بشكل الخاص اللي مرة مللطبعا كلكم عارفين نسخة الbattle chestنسخة لها علبة ضخمة مو علبة صغيرة فيها سي دي ودليل صغير وسيريال نمبر بسلكن وانا هناك للاسف مالقيت الbattle chest لكن لقيت علبة لcataclysmوانا فاكر علبة cataclysm وماكانت بحجم الbattle chestفاعتقد انوا لها فرق عن العاديةاللي يعرف يقلي اش الفرق بين العلبة الكبيرة حقت Cataclysm والعلبة الصغيرة؟؟؟

[Karazhan]

ماكو فرق

اصلا بليزرد ما نزلوا دسكات حق الكاتا و اللاعبين نزلوها من الباتش نفسه , قعدنا يوم نحمل الباتش اللي اهو عباره عن الكاتا والتغييرات اللي حصلت

يعني ماكو شي اسمه سيديات الكاتا , انت لما تنزلت اللعبه راح تنزل التغييرات اللي حصلت كلها في ازيروث

[gevil]

ماقصدت فرق اللعب
قصدت الفرق الخارجي
يعني انا لو ابغى العب بCata
لازم اشتري batlle chest وبعدين كاتا او اشتري كاتا من النت
لكن العلبة الضخمة حقت كاتا اللي شكلها زي كدا
http://im32.gulfup.com/blDkk.jpg (http://www.gulfup.com/?JYK6zY)
اكيد بيكون لها فرق لكن وش هو
يعني ليه مكبرينه ومخلين سعره اغلى على الفاضي؟؟ اكيد لا اكيد في مميزات له
+
مين هذاك العراف العجوز اللي في warcraft III واللي كان يتحول لغراب؟؟؟
وفينه بوورلد اوف واركرافت؟؟

[Karazhan]

يمكن يكون فيها شي

مثلا يكون فيها مونت اللي لما تطور اكاونتك من الموقع الرسمي يقولك تبي تطوير عادي او ديلوكس , الديلوكس يعطونك مونت و بت زياده

يمكن العلبه هذي فيها شي منهم او تكون لغايه لفل 90 اللي اهو الكاتا

لأن الباتل جيست العادي والمعروف عندنا ان لغايه لفل 80 مدري 85 بس اعتقد 80 والله نسيت

انت امسك العلبه وشوف شنو فيها زياده عن العاديه

بخصوص العراف , هذا اسمه ميدفه <--- انا اسميه جذي لأني مااعرف انطق اسمه بالانجليزي , و اسمه بالانجليزي Medivh

هذا صاحب النك مالي karazhan , شفت كرزان القلعه اللي في ايسترن كنج دوم واللي عباره عن رايد لفل 70 , هذا صاحبها

لكن هالشخص هذا متوفى من زمان و آثاره باقيه , في لفل 60 تخلص كويستات و تحصل على سلاح خاص للكاسر اسطوري تاخذه منه , بعد ماتجمع القطع من ناكسرماس و aq40 ان ما خانتني الذاكره

السلاح هذا في كلمه use لما تستخدمه ينقلك لكرزان , الستاف هذا مال ميدفه نفسه واللي تشوفه ماسكها بالفيلم السينمائي باللعبه اللي من تبدأ في لفل 70 تشوفه واللي راح حق ملك اندر سيتي وقبل ماتكون اندر سيتي و كلمه قبل يجي ولد الملك اللي اهو ارثس و يذبح ابوه

هذا يتحول على غراب و راح حق ثرال وكلمه بالمنام و حذره من هجوم البورنقق ليق اللي هم جيش سيرجراس و كانوا القاده كيل جايدن و ارجموند و كازاك وغيرهم معروفين وغير معروفين

لما حاولوا يهجمون على ازيروث عبر البوابه راح ميدفه و كلم ثرال ملك الهورد وقتها و قاله عنهم و راح كلم غيره بعد عشان يتحدون ويوقفون هجوم الجيوش اللي دازهم سيرجراس

ميدفه ماله وجود باللعبه الا في مكان واحد واهو في keeper of time في اللي في tanari في kalimdor داخل الكهف راح تحصل عده مداخل لدنجنات تبدأ من لفل 65 يمكن الى 85

من الدنجنات اللي في لفل 70 انك تساعد ثرال و تهربه من السجن اللي محبوس فيه

من الدنجنات بعد في لفل 70 انك تساعد ميدفه هذا عشان يسكر البورتال , راح تشوف ميدفه على ايام شبابه , جسمه مثل اجسام النايت الف بس وجهه تقول هيومن

من الرايدات اللي بالكهف انك تقتل قاده الجيش اللي ارسله سيرجراس في hyjal

و دنجن لفل 80 تساعد ارثس و رايد لفل 85 تقتل ديث ونق

بالمكان هذا راح تشوف ميدفه , اما خارج المكان ماله اثر

زوجه ميدفه اسمها جارونا واهي اللي ذبحت ملك ستورم وند السابق ابو الملك الحالي

ابو ميدفه بعد يكون موجود في كرزان boss على شكل شبح تقريبا داخل المكتبه بالقصر

حسب الروايات اللي اخذتها من رفيجي ولد بطنها يقول : سبب تسميه كرزان بهذا الاسم نسبه الى سجن الكتراز alcatraz و السجن هذا مشكور بأمريكا ان على مدى 100 سنه محد قدر ينحاش منه وكل اللي انحاشوا ماتوا بسبب البحر , لأن السجن عباره عن جزيره

قدروا 3 بس ينحاشون من السجن سنه 1962 تقريبا , من ذاك اليوم الى اليوم مالهم حس او خبر , مايدرون هل ماتوا او عاشوا لأن كل اللي ينحاشون الشرطه تحصل جثثهم , لكن هالثلاثه ماحصلوا منهم الا القارب المطاطي اللي صنعوه عشان النحشه , ما حصلوا لهم اثر

بليزرد من عادتها ان اذا حبت تسمي شي باللعبه على شي خارج اللعبه تعدل فيه شوي , يعني مثل شخصيه انديانا جونز والبطل هاريسون فورد خلته هاريس جونر و مثل باريس هلتون خلتها مدري شنو

يعني يعكسون اسماء او يبدلون احرف , السجن هذا الكتراز خلته كرزان ولكن بطل النحشه مورس اهو نفسه في كرزان ومازال اسمه مورس على شكل انديد لأن قالوا يمكن مات وصار هيكل عظمي لذلك نخليه انديد

مع العلم ان اغلب الرؤساء في كرزان مو انديد

**تعديل

تحصل ميدفه بعد داخل كرزان "نسيت هالمكان و توني اتذكره" في داخل كرزان صندوق chest و لازم تلعب مع ميدفه شطرنج و تفوز عليه عشان تفتح الصندوق وتاخذ الloot ويفتلحك الباب اللي يوديك للبرنس اخر بوس بالرايد

يعني لازم تفوز عليه عشان تخلص الرايد , كثير من الناس اللي يروحون بروحهم حق كرزان عشان يسوون solo وياخذون الloot يبتلشون بالمكان هذا

ايضا تحصله في كرزان لما تخلص كويستات الجره اللي بواسطتها تقدر تستدعي boss اختياري , يعني مو ضروري تذبحه عشان تخلص الرايد

هالبوس تنين انديد تقاتله على سطح كرزان اسمه nightbane

هذا حسب ذاكرتي حاليا واذا في اماكن يطلع فيها بعد الله اعلم

هذا ميدفه في كرزان عند الشطرنج تلاحظ الصندوق اللي يمين هذا اللي لازم تفوز على ميدفه ويطلع من الارض وتاخذ اللوت , والسلاح "ستاف" اللي ماسكها اهي اللي تاخذها ايام لفل 60 والسلاح اسطوري "برتقالي" ورفيجي ولد بطنها اول الاشخاص اللي حصلوا عليها

ايام بوحا كان توه شاري اتاري بسبب نجاحه من ثانيه ابتدائي , كنا نسوي رايدات حق ناكس عشان يجمع القطع

360116

وهذي الصوره في بلاك مورس واللي يحاول يوقف هجوم

360117

وهني ميدفه يكلم التنين قبل يحترق ويصير انديد فوق سطح كرزان

الظاهر ان ميدفه غامت حمامه التنين القلابيه وهذا جاي يبي يرجعها

360118

[gevil]

لا والله جسم نايت الف بجد
لو لعبت شطرنج راح العبها بجد وبقوانينها والخ
ولا وش؟؟؟
لو كذا بيكون ظلم للي ما يحبوا شطرنج

[Karazhan]

تقدر تقلبها بلوت , تعرف تلعب بلوت ؟ زين هند ؟ طيب كوت بو سته

الله يهداك بس

اهي جذي شطرنج بس مو شطرنج اللي تعرفها بقوانينها المعقده

اهي مجموعتين من الجنود هورد و الاينس . اللي يذبح الرئيس يفوز . انت لو الاينس تلعب بالجنود الالاينس واذا هورد تلعب بجنود الهورد , كل مجموعه جنود لهم رئيس و هذا الرئيس لازم يبقى لأخر اللعبه ما يذبحونه اللي ضدك وانت لازم تذبح الرئيس مالهم

عندك هيلر و عندك كاستر و ميلي

اهي مخصصه كانت حق رايد من 10 لاعبين , كل لاعب يمسك جندي ويحركه . حاليا يدخلون لفلات 90 , يدخل بروحه عشان ياخذ اسلحه و جير عشان يغير شكل الجير عنده . فلما يوصل للشطرنج يغص فيها لأن لازم معاك لاعبين يحركون الجنود

طبعا يخلصونها بعد مشقه وبعد 20 محاوله , في منهم تضبط معاه و من اول محاوله لأن الكمبيوتر يتحكم بالجنود اللي ضدك

وهذا تسجيل للعبه واحد من الاينس بروحه داش يلعبها ويعلم الناس شلون يسوونها بروحهم


http://www.youtube.com/watch?v=h2zTKAkgzak

[ahmedwow999]

السلام عليكم ورحمة الله وبركاتهشبابوانا كنت بمكتبة جرير عشان اشتري نسخة الbattle chestعشان اقدر العب الى لفل80 وادخل رايدات ودنجنات بشكل حلو مو بشكل الخاص اللي مرة مللطبعا كلكم عارفين نسخة الbattle chestنسخة لها علبة ضخمة مو علبة صغيرة فيها سي دي ودليل صغير وسيريال نمبر بسلكن وانا هناك للاسف مالقيت الbattle chest لكن لقيت علبة لcataclysmوانا فاكر علبة cataclysm وماكانت بحجم الbattle chestفاعتقد انوا لها فرق عن العاديةاللي يعرف يقلي اش الفرق بين العلبة الكبيرة حقت Cataclysm والعلبة الصغيرة؟؟؟

انصحك تشتري اللعبه من اووف قيمر اشتري 30 دولار من بطاقه كاش يو واشتري كلها دحين سار اول اربع اجزاء في كود واحد اما الباندا لي كود يعني لو اشتريت الكاتا حتشتري علا الفاضي لانو خلاص سار اول اربع اجزاء في كود واحد ونصيحه مني اشتري العبه من offgamer

[gevil]

انا ما اشتريها من النت
انا ماعندي بطاقات شحن والخ
ومعرف حتى لبطاقات الشحن
بخصوص كرزان
وانا اقول وين هذا الرايد حق الشطرنج شكله غريب طلع هو اللعبة
الباتل جست صار اربع اجزاء في كود واحد؟؟؟
هذا خبر حلو يعني على طول 85 مو 80

[gevil]

طيب شباب الحين لو رحت مكتبة جرير بلاقي حق الاربع اكواد؟
+
لو اشتريت الباتل جست القديم وبعد كم شهر يعني بعد ما نزلوا wod وعلى استعداد انهم يحطوا الباتش الاول له مثل 6.1 او 6.2
واشتريت كود لكاتا لحاله يعني كاتا العلبة العادية
راح يشتغل الكود ولا لا؟؟؟