كارثة الكرشه

[ابو ريناء]

معلومات المتقدم بالاستفسار :
العمر : 29 , الجنس : ذكر

الطول :165 متر
الوزن : 66 كيلوجرام

نسبة الدهون : 25

و الاستفسار كالتالي :
السلام عليكم ورحمة الله وبركاته 🌹🌹
الله يعطيكم العافيه على المنتدى الرائع
واللي خلاني اتحمس وادخل نادي بسبب تفاعل اعضاءه
فشكراً جزيلاً لكم ..
عندي استفسار لو وقتكم يسمح .. واحتاج خبرتكم ونصائحكم
عمري 29 سنه
الوزن 66
الطول 165
نحفت من 74 الى 66
لي شهر بالنادي كمال اجسام
استخدمت بروكومبلكس سكوب واحد فقط بعد التمرين
وامينو 2222 حبتين قبل التمرين وحبتين بعدها
..
اتمرن بالاسبوع 4 ايام لاسباب السفر باخر الاسبوع
صدر باي
اكتاف تراي
ظهر سواعد
ارجل
هذا الجدول
..

اللي ودي استفسر عنه بعد اذنكم ..
ودي ابني جسم عضل خفيف بارز بشكل ملاحظ
ولكن مششششكلتي الكرشه
طبعاً كل مره واحد يفتيلي المدرب كل مره يجيب منتج عشان اشتري ورافض

ودي البطن ينحف ومع مرور شهرين يتكون سكس باك

جدول اكلي الغدا رز ودجاج
العشاء خفيف خبز صامولي وبياض البيض
والفطور حسب الوقت مرات عدس ومرات كبده

..
فنصيحتكم عشان افتك وارتاح من الكرش

[كلاااش 1403]

مافيه مكمل ينحفك في جهه معينه , ما عليكم من المدربين والناس ,

بالنسبه للكرش , عادي ياخوي توك جديد في النادي ووزنك مناسب لطولك , يعني العب بطن يوم واترك يوم وامورك طيبه ,

بالنسبه للأكل احسبها كذا :

وزنك 66 > انت محتاج 132جرام بروتين

ركز على البروتين في اكلك

الصباح 4 بيضات ( بدون صفار ) + قطعة خبز + كوب حليب

بعدها بساعتين زبادي + ملعقتين شوفان

وجبة الغداء صدر دجاج + 100 جرام ارز + سطله

بعدها ب 3 تروح النادي

بعدها سكوب بروتين

وجبة العشاء ( تونه + فاكهه )

وجبة ما قبل النوم , سكوب بروتين , او وجبه بروتين شبه خاليه من الدهون والكربوهيدرات

[thewave]

اولا لاتشتري من المدرب اي مكمل

ثانيا : الدايت عندك سيئ جدا فامشي على كلام الكابتن كلاش + ان الكتله العضليه عندك ضعيفه انا بنفس طولك ووزني 60 كيلو ونسبه الفات 11% والعضله احس انها مازالت صغيره لازم تزيد الكتله العضليه والجدول تبعك ممتاز لكن افضل

يومين
راحه
يومين
راحه
راحه

[Mr DeNaMeT]

عشان العضل يبرز لابد يكون عندك اساس عضلي جيد+نسبه دهون منخفضه هذا م يسمونه الفتنس او الفرنش بودي
وبخصوص الكرشه البطن والارداف عند الرجال مخازن للدهون يعني ممكن تلاقي واحد نحيف بس عندو كرشش والحل؟ الحل انك تنزل نسبه الدهون
قيس نسبه الدهون في الصيدليه واتبع برنامج غذائي موزون مع تمارين للبطن والخواصر راح تختفي الكرش بحول الله وقوتة

[Kurapica33]

واكبر غلط تاخذ مكملات الحين
لازم لازم تكمل 3 شهور بعدين تاخذ مكملات

[ابو ريناء]

واكبر غلط تاخذ مكملات الحين
لازم لازم تكمل 3 شهور بعدين تاخذ مكملات

..
الله يعطيكم العافيه .. ويجزيكم الجنة ..

بالنسبة للمكملات هل فيها خطورة لو استخدمتها الحين .. (( بروكمبلكس سكوب واحد فقط بعد التمرين + امينو2222 حبتين قبل التمرين وحبتين بعده فقط ))

الكابتن يقول عادي .. ويقول خليها 3 مرات البروتين ..

وانت الان تنصح .. وش الحل الله يرضالي عليك ..؟

[O.X.Y.G.E.N]

مسألة تبني عضل وتشيل كرش وتاخذ مكملات في نفس الوقت هذا شيله من بالك
بتضيع وقتك عالفاضي

قدامك حلين

1- تنحف وتشيل الكرش
تنسى بناء العضل والمكملات الحين وتستمر على الدايت وتمارين التخسيس شهر شهرين لين تقتنع بنحفك
لكن تتمرن في صالة الحديد عادي بأوزان متوسطه وخفيفه

2- تبني اساس عضلي ( مو شرط تصير معضل ) وتلتزم من ناحية التمارين والاكل وبعد سنه حولها تنشف وتشيل الكرش معها

انا من رأيي الحل الاول
شيل الكرش ورتب جسمك وشده بعدها ابني عضل صافي براحتك
عشان مو كل شوي تطالع في ذراعك في المرايه مبسوط وتنزل عينك على كرشك وتنكد عليك

[ابو ريناء]

مسألة تبني عضل وتشيل كرش وتاخذ مكملات في نفس الوقت هذا شيله من بالك
بتضيع وقتك عالفاضي

قدامك حلين

1- تنحف وتشيل الكرش
تنسى بناء العضل والمكملات الحين وتستمر على الدايت وتمارين التخسيس شهر شهرين لين تقتنع بنحفك
لكن تتمرن في صالة الحديد عادي بأوزان متوسطه وخفيفه

2- تبني اساس عضلي ( مو شرط تصير معضل ) وتلتزم من ناحية التمارين والاكل وبعد سنه حولها تنشف وتشيل الكرش معها

انا من رأيي الحل الاول
شيل الكرش ورتب جسمك وشده بعدها ابني عضل صافي براحتك
عشان مو كل شوي تطالع في ذراعك في المرايه مبسوط وتنزل عينك على كرشك وتنكد عليك



شكرآ لصراحتك وخياراتك .. انا بلعب ابني عضل ومعها تمارين بطن بيوم واليوم الثاني سباحه ويوم بطن وخواصر ويوم سباحه
وبعد تمارين الحديد بالدراجه نصف ساعه لجل اساعد اكثر لأزالة الدهون

خلال شهر فيه تغير بجسمي .. البطن أشتد والاكتاف فيها أختلاف بسيط جدآ ..

[ابو ريناء]

عشان العضل يبرز لابد يكون عندك اساس عضلي جيد+نسبه دهون منخفضه هذا م يسمونه الفتنس او الفرنش بودي
وبخصوص الكرشه البطن والارداف عند الرجال مخازن للدهون يعني ممكن تلاقي واحد نحيف بس عندو كرشش والحل؟ الحل انك تنزل نسبه الدهون
قيس نسبه الدهون في الصيدليه واتبع برنامج غذائي موزون مع تمارين للبطن والخواصر راح تختفي الكرش بحول الله وقوتة

سلمت يالغالي .. بأذن الله بعد شهرين بشكل متواصل نشوف النتائج ..