مشكلة في جدول التمرين + التغذية

[7aMmooD]

معلومات المتقدم بالاستفسار :
العمر : 18 , الجنس : ذكر

الطول :175 متر
الوزن : 58 كيلوجرام



و الاستفسار كالتالي :
السلام عليكم يا شباب عندي كم استفساررر و اتمنى تساعدوني
اول شي:
كنت العب من قبل بس متقطع ومب مهتم ف ما كان في نتيجة صراحة بس الحين حمدلله لي تقريبا شهرين مواصل والصور تحت

اول شي جدول التمرين انا كان جدولي 5 ايام ( صدر - كتف - باي تراي - رجل - ظهر ) وبعدين يومين راحة والشهر الثاني المدرب قالي العب ( صدر باي - كتف تراي - رجل - ظهر ) بس المشكلة انه قالي 4 ايام ويوم راحة وبعدين ارجع اعيد الجدول انا استغربت قلتله ليه قالي كدا اوك احسه يسلكلي والله مب مرتاح ..

واحس انه مدربنا يعطيني تمارين كثيرة يعني يوم الصدر والباي 6 تمارين صدر و 4 تمارين باي ! والكتف 7 تمارين والتراي 4 - الرجل 5 والظهر 6 وكل التمارين 3 جولات ف كدا صح ولا كيف؟

وبالنسبة لعضلات البطن عندي العضلتين العلوتين احسهم مش تمام يعني هل في تمرين معين يخليهم بارزات ؟

وعلى سالفة الوجبات والله صعبة لانو محد يسويلي اكل وانا ماعرف اطبخ بس انا احاول انه اكل 6 وجبات فل يوم مثلا الصبح حليب مع سندويتش وقبل النوم فلييل نفس الشي وفل غدا مع الاهل وقبل الجيم موز وعصير وبعده مثلا شاورما ووجة فلليل يوم اطلع ف شو رايكم فيه؟

والنوم انا هالفترة حمدلله فاضي ما وراي شي ف انام من 8-10 ساعات بس المشكلة اني اسهر ! يعني تقريبا انام من 3 الفجر ل 12 هل كذا يؤثر على العضلات؟

وبصراحة انا ما اشيل اوزان كثيرة فل رجل ابدا
امرنها بس اوزان خفيفة لان احس تأثر على الجسم كامل وعلى الظهر و يا شباب هل فيه امل انه طولي يزيد شوي؟ وكيف تمرين العقلة للطول لانه لما اتمدد رجلي تلمس الارض ف كيف اسويها؟

واسمحووولي على الاسئلة الكثيرة بس نتعلم من خبراتكم ^_^ وتسلموا شباب

[Rashid.S]

بنسبة لمدربك فاهم وهو بتبع نظام الكثره أو Volume training هالنظام يعتمد على كثرة التمارين وأختلاف الزوايا كما ان زيادة التمرين تعتبر هي طريقة زيادة المجهود في هذا النمط و عندك Jay Cutler خير مثال في هذا البرنامج كما اني انا شخصيا العب هالنظام ويعتبر جميل جدا ..

بالنسبة لاكلك وانك ما تقدر تطبخ وما تقدر تعدله فما راح اعدل عليه

ومن صورك أقولك ما شاء اله عليك واصل يا بطل .. الله يقويك

[Kurapica33]

انا اختلف معك بالنقطعه هذا هو يعطيه تمارين مكثقه وهو لساته مبتدى صعب عليه كذا يكون هدم و ارهاق للعضله
انا اشوف ان كثرة التمارين تلعبها ناس عضلاتها قويه مثل ماذكرت جاي كتلر صعب ثنين يلعبون نفس المستوى متقارن واحد له سنه او سنتين بواحد له فوق 7 سنين يتمرن
وبالنهاية ردي مجرد وجهة نظر

[Kurapica33]

معلومات المتقدم بالاستفسار :
العمر : 18 , الجنس : ذكر

الطول :175 متر
الوزن : 58 كيلوجرام



و الاستفسار كالتالي :
السلام عليكم يا شباب عندي كم استفساررر و اتمنى تساعدوني
اول شي:
كنت العب من قبل بس متقطع ومب مهتم ف ما كان في نتيجة صراحة بس الحين حمدلله لي تقريبا شهرين مواصل والصور تحت

اول شي جدول التمرين انا كان جدولي 5 ايام ( صدر - كتف - باي تراي - رجل - ظهر ) وبعدين يومين راحة والشهر الثاني المدرب قالي العب ( صدر باي - كتف تراي - رجل - ظهر ) بس المشكلة انه قالي 4 ايام ويوم راحة وبعدين ارجع اعيد الجدول انا استغربت قلتله ليه قالي كدا اوك احسه يسلكلي والله مب مرتاح ..

انا اشوف انه غلط وعارض بقووووه على فكره العضلات تكبر وقت الراحه مهو وقت التمرين بعدين يوم واحد ماتكون اخذه العضله استشفاء كامل فكذا لاسمح الله تجي الاصابه
يعني يكون جدول تمرينك(ظهر تراي وسواعد- كتف-ارجل-راحه=صدر وباي-راحه راحه)

واحس انه مدربنا يعطيني تمارين كثيرة يعني يوم الصدر والباي 6 تمارين صدر و 4 تمارين باي ! والكتف 7 تمارين والتراي 4 - الرجل 5 والظهر 6 وكل التمارين 3 جولات ف كدا صح ولا كيف؟

انت شكلك تتمرن بالنادي الي انا فيه :09: نفس الكورس الي يعطنياه المدرب

5 تمارين للعضله الكبيره و 3 للصغيره و 2 للسمانه.,. اكثر من كذا انت تهلك العضله

وبالنسبة لعضلات البطن عندي العضلتين العلوتين احسهم مش تمام يعني هل في تمرين معين يخليهم بارزات ؟
شوف اليوتيوب يفيدك اكثر

وعلى سالفة الوجبات والله صعبة لانو محد يسويلي اكل وانا ماعرف اطبخ بس انا احاول انه اكل 6 وجبات فل يوم مثلا الصبح حليب مع سندويتش وقبل النوم فلييل نفس الشي وفل غدا مع الاهل وقبل الجيم موز وعصير وبعده مثلا شاورما ووجة فلليل يوم اطلع ف شو رايكم فيه؟

ماهو عذر لك كلنا مانعرف نطبخ وتعلمنا يالله يا اكلنا ترا كله اكل عادي
ممكن تونه وبياض بيض
ورز ابيض ساده وصدر دجاج تجيبه جاهز من الجمعيات
مكرونية وبطاطس مسلوق

والنوم انا هالفترة حمدلله فاضي ما وراي شي ف انام من 8-10 ساعات بس المشكلة اني اسهر ! يعني تقريبا انام من 3 الفجر ل 12 هل كذا يؤثر على العضلات؟

بيأثر سلبيا علي هرمون النمو لانه المفروض انه بيشتغل بالليل
و انت نايم و انت ضيعت ساعات النوم بالليل و كمان له علاقه قويه بتقليل التركيز و النشاط و الشعور بالخمول<نسخته لك اسرع

وبصراحة انا ما اشيل اوزان كثيرة فل رجل ابدا
امرنها بس اوزان خفيفة لان احس تأثر على الجسم كامل وعلى الظهر و يا شباب هل فيه امل انه طولي يزيد شوي؟ وكيف تمرين العقلة للطول لانه لما اتمدد رجلي تلمس الارض ف كيف اسويها؟

لاتاثر ولا حاجه لازم عضلات رجلك تكون قويه عشان تقدر تشيل نفسك العب بوزن ثقيل تقدر تلعبه صح

العقله عادي ارفع رجلينك على بعض نفس كذا
http://s3.amazonaws.com/mbc_actionha/uploads/31082/original.jpg
واسمحووولي على الاسئلة الكثيرة بس نتعلم من خبراتكم ^_^ وتسلموا شباب


الله يسلمك
....

[Rashid.S]

انا اختلف معك بالنقطعه هذا هو يعطيه تمارين مكثقه وهو لساته مبتدى صعب عليه كذا يكون هدم و ارهاق للعضله
انا اشوف ان كثرة التمارين تلعبها ناس عضلاتها قويه مثل ماذكرت جاي كتلر صعب ثنين يلعبون نفس المستوى متقارن واحد له سنه او سنتين بواحد له فوق 7 سنين يتمرن
وبالنهاية ردي مجرد وجهة نظر

يعطيك العافيه .. لكن أنا ما قرنته بجاي ولا راح أقارنه بجاي .. جاي مخذ مستر ألومبيا 4 مرات وأحنا منو جمب جاي بهذه اللعبه ..
المقصد يا عزيزي أن التكنيك ناجح ولو ما طلع جاي ما كان أعتبر هالتكنيك ناجح ..

عندي كم نقطة اتفق معك فيها انه مبتدأ .. لكن مو شرط انه مبتدأ يدخل في مرحلة الأرهق والهدم العضلي من كثرت التمارين لأنه ما يلعب كل التمارين الصح مثلا أغلب اللي يتمرنون ظهر مثلا ما يشغلونه 100% في كل تمرين لأنه إلى الأن ما يعرف يقبض ويشد ويتحكم ويتشعر عضلة الظهر ولا يعرف التكنيك الصحيح 100% كلنا نشوف التكنيك لكن أن جينا نلعب ما نجيب ألا 50% منه بالذات في بداية المشوار ..

أنا أدرب وأعطي بعد الناس بدال التدريب تدريبين وبالذات المبتدأ أعطيله مثلا البنش بريس لكن بعدها أدخله على المشين بريس طيب ليش ما أكتفيت بالبنش ؟!!
أنا أقولك ليش لانه كان جالس يحاول يتعلم الفورمه وحرك العظله لكن ما حركها 100% بعد ما خليته يتكيف على البنش أول مره دخلته على المشين بريس لأن هنا الفورمه سهله وبالغصب بيمرن الصدر صح

اللي نستفيده أن البنش بريس لحاله للمبتدأ ما يفيد لكن بعد شهر بعد ما يتعلم شلون يوازن البار ويضبط الفورمه صح أقدر أعفيه عن المشين بريس .. ما أدري إذا فهمت اللي أقصده ولا لا ..

أتمنى أكون وضحت لك فكرتي ..

[Kurapica33]

انا معك عزيزي بس كثرة التمارين = كثرة الوقت وهذا شي غلط
التمرين كله على بعضه ساعه بالكثير وانا اشوف انه صعب اللعب 6 او 7 تمارين من غير العضلات الصغيره
لان هرمون التيستوستيرون بعد حوالى 60 دقيقة من التمرين يصل الى مستويات القمة وبعدين
يبدأ فى الانخفاض بسرعة . و من اضرار نقص هرمون التيستوستيرون فقدان العضلات

[7aMmooD]

اخوي راشد تسلم حبيب بس المشكلة اني مرة قريت انه كثرة التمارين ترهق العضلة و قلة ايام الراحة بعد ف انا شكيت فل جدول اللي 4 ايام ويوم راحة ف حبيت استفسر هنا
طيب انت الحين يعني تنصحني اني اكمل على هالجدول ؟ لانو خلاص بكرة بكون خلصت شهر على هالجدول ان شالله ف اكمل عليه ولا ارجع لجدول ال5 ايام ويومين راحة ؟

انت شكلك تتمرن بالنادي الي انا فيه :09: نفس الكورس الي يعطنياه المدرب
هلا اخوي كورابيا هههههههه ممكن ليش لا ^^

شوف اليوتيوب يفيدك اكثر خلاص ان شالله الحين بشوف بس انا حسبت انه ممكن الجينات الي عندي يعني اخرى ال 4 عضلات بس اللي فوقهم العلوين ما بيطلعوا او يتقسموا اوك


ماهو عذر لك كلنا مانعرف نطبخ وتعلمنا يالله يا اكلنا ترا كله اكل عادي
ممكن تونه وبياض بيض
ورز ابيض ساده وصدر دجاج تجيبه جاهز من الجمعيات
مكرونية وبطاطس مسلوق المشكلة ف سالفة الاكل انه محد فاضيلي في البيت والوالدة تشتغل ف صعب عليها بس ان شالله انا بحاول ازبط موضوع الاكل


بيأثر سلبيا علي هرمون النمو لانه المفروض انه بيشتغل بالليل
و انت نايم و انت ضيعت ساعات النوم بالليل و كمان له علاقه قويه بتقليل التركيز و النشاط و الشعور بالخمول<نسخته لك اسرعان شالله بحاول اعدل نومي طيب النوم الكثير الزيادة عن 10 ساعات يأثر بعد؟ لان صراحة نومي ثقيييييل


لاتاثر ولا حاجه لازم عضلات رجلك تكون قويه عشان تقدر تشيل نفسك العب بوزن ثقيل تقدر تلعبه صح تسلم يا كابتن ^^


أتمنى أكون وضحت لك فكرتي .
وبالنسبة لاخوي راشد ترا انا حطيت هالسوال لاني حسيت المدرب بس يمشي معاي ترا ما ارتاحله كثير بصراحة عشان كدا حبيت اتاكد

وممكن يا شباب نصايحكم واراءكم بجسمي يعني على شو اركز والحمدلله هالشهرين وزني من 53-58 وان شالله اكمل ^_^:09:

[Kurapica33]

جسمك مشاء الله مضبوط لو تكون على 4 ايام تدريب وثلاث ايام راحه مثل ماقلتلك
العضله تكبر وفت الراحه والاهم الاستشفاء تاخذ وقتها
بس حاول انك تركز بالاكل عشان ماتخسر العضل حرام ينهدم العضل عشان ماتعرف تطبخ اكل
سؤال خارجي شوي
ماتقدر تحط رز بماء وتحطه على النار
صدر دجاج اطلعه من كرتونه وتطبخه بماء كذالك البيض والبطاطس والمكرونيه
انت لاعب كمال اجسام مايحتاج ملح وبهارات وزيت انت تسوي اكل نظيف مايحتاج وقت 3 دقايق يكون اكلك على النار
ولاتنسى الشوفان قبل النوم

[7aMmooD]

مشكوورر اخوي ^_^ حمستني والله
طيب في ايام الراحة يعني ما اسوي اي نشاط ؟ حتى انو ما ينفع العب كورة على الخفيف؟ وبعديها اشرب ماي؟
والحين اليوم الثاني بعد التمرين احس جسمي خلاص ما يعورني هل انو خلاص جسمي تعود؟ وكدا ما بستفيد؟ لان احس ان اوزاني حمدلله اوكي بس اليوم الثاني جسمي يكون عادي ؟؟

وبالنسبة للاكل ترا ماعرفف اي شي فل مطبخ ابدااا ولا اعرف شو سالفة الفرن لانو من انولدت كانت عندنا الخدامة و ما دخلت المطبخ ابدا ادري هذا مش اوك بس الله يساعدنا ومشكور اخوي اسمحلي طفرتك بهالاسلة الكثيرة

[Kurapica33]

الافضل تخلي العضلات ترتاح بس مافي مشكله لو لعبت اي رياضه بوقت قصير بدون جهد للعضله
خاصه الكوره لان تحرق كثير ولاتنسى تاخذ جولتامين يساعد على منع هدم العضل ويعطيك استشفاء

[thewave]

انا مع كلام الكابتن kurapica33 مانصحك تتبع جدول المدرب خلي تمارينك 4 ايام في الاسبوع و 3 راحه والافضل انك تبعد عضلات الاكتاف بيوم او يومين عن الصدر وهذا اقتراح مني

ارجل
صدر
راحه
ظهر
اكتاف

لابتعدى تمرينك للعضله الواحده عن 4 الى 5 تمارين بالكثير

وجباتك 4 الى 5 + شرب الماء بكثره

النوم قدر الامكان

نصيحه اخيره : توقف عن تضخيم عضله البطن لانها راح تأثر على شكل وحجم عضله الصدر

[7aMmooD]

الافضل تخلي العضلات ترتاح بس مافي مشكله لو لعبت اي رياضه بوقت قصير بدون جهد للعضله

انا بس العب كورة على الخفيف انو بس تسلية ف حسبت انو بتاثر كثير على يوم الراحة وخلاص وتسلم يا كابتن


انا مع كلام الكابتن kurapica33 مانصحك تتبع جدول المدرب خلي تمارينك 4 ايام في الاسبوع و 3 راحه والافضل انك تبعد عضلات الاكتاف بيوم او يومين عن الصدر وهذا اقتراح مني

ارجل
صدر
راحه
ظهر
اكتاف

لابتعدى تمرينك للعضله الواحده عن 4 الى 5 تمارين بالكثير

وجباتك 4 الى 5 + شرب الماء بكثره

النوم قدر الامكان

نصيحه اخيره : توقف عن تضخيم عضله البطن لانها راح تأثر على شكل وحجم عضله الصدر
بس يا كابتن احس كدا 3 ايام راحة كثير ترا اكون طفران مافي شي اسويه ف اروح الجم وبعدين انو يكون جسمي عادي مافي وجع من اليوم اللي قبلوا ف يجيني حماس اني العب ينفع 5 ايام ويومين؟
وبالنسبة للبطن حمدلله خلاص انا ما العبها كثير بس مرة فل اسبوع
وتسلم اخوي

[thewave]

الحكايه مو بالوجع كل عضله في الجسم تحتاج مابين يومين الى 3 حتى ترجع تبني نفسها وطبعا تبني نفسها في اوقات الراحه فاذا مرنت اليوم صدر وبكره اكتاف وبعده ظهر بدون راحه طيب جسمك يبني ايش ويسيب ايش وخاصه اننا كاكل الدابت عندنا مو زي الاجانب يعني اليوم تاكل 4 وجبات بكره 3 وحسب النفسيه غير حكايه النوم مره تنام 4 ساعات ومره 7

يمعنى اخر اعطى جسمك الوقت الكافي علشان يبني نفسه

انا كنت اتمرن 5 ايام وكانت النتائج كويسه لكن بعد مامشيت على الجدول السابق ذكره النتائج صارت اسرع والحصول عليها اسهل

[7aMmooD]

بس أحس لما أطول ف أيام الراحة يعني يومين. أو ثلاثة أحس فل يوم إلي بعديه لما أروح الجم جسمي يكون فيه خمول ! بس يمكن هذا من الأكل اللي أكله ؟
طيب الحين شو تنصحني اخلي جدولي؟
صدر بأي - راحة - كتف ترائ - راحة - رجل - ظهر - راحة ؟
ولأ 4 أيام وبعدين 3 راحة ؟ ومشكور أخوي

[Kurapica33]

بفلقك بهذا :12:


http://im31.gulfup.com/GmKcX.jpg

راحه يوم واحد اصابه مع الوقت وانت فكر فيها خلي كووووووورسك كذا
تمرين +تمرين+تمرين+راحه+تمرين+راحه+راحه
يجيك الكسل كل وجبة كارب محترمه قبل التمرين بساعه ونص
وانت راحي للنادي معك كوب نسكافي روق وصح صح فيه :32:

[7aMmooD]

هههههههههههه خلاص كبتن آخر سؤال بس لاتذبحني
شو اخلي بدال كلمة تمرين تمرين تمرين راحة ؟
يعني لو سمحت بدون عصبية رتبهم لي. صدر بأي - كتف ترائ - رجل - ظهر. حطهم بدل كلمة تمرين آخر مرة ومافي استسفار مرة ثانية أن شالله هههههه

[Kurapica33]

افضل شي كذا
ظهرتراي سواعد--كتف مثلثات--ارجل--راحه--صدر وباي--راحه--راحه
وموفق يارب :09:

[7aMmooD]

ههههههه خلاص أن شالله من بكرة ببدا فيه وبحاول أشد فل أكل وبقولك بعد شهر أن شالله شو النتائج
وبالنسبة للمثلثات قصدك ترابيس ؟ لأني العب بس تمرين واحد بعد الكتف اللي هوا تقريبا اسحب البار من ورا ظهري لفوق وانزل رقبتي ل تحت بس هذا ؟ وبالتوفيق ليا وليك :^_^

[Rashid.S]

أنا أتابعكم وانتظر اقط معكم :p يا كابتن أسمحلي أعدل على جدولك

الجدول الأول
صدر + تراي
ظهر + باي + سواعد
راحة
أكتاف + ترابيس
أرجل + بطات
راحة
راحة

الجدول الثاني ان كنت ما تقدر تلعب صدر وتراي وظهر وتراي لك هالجدول
صدر وباي و سواعد
أرجل بطات
راحة
أكتاف ومثلثات وتراي
ظهر
راحة
راحة

هذايلا أفضل جدولين لنمط تمرين 4 أيام ولو تلاحظ العضلات كلها المساعده والرئيسيه عندها وقت مناسب للترتاح لو كنت خايف من الأجهاد التدريبي ;)

[system]

ششوف الجدول ذا
وهو جدول تضخيم،، ونتائجه جميلة

شوف :

http://www.muscleandstrength.com/workouts/10-week-mass-building-program.html

[7aMmooD]

أنا شكلي بمشي عالجدول الثانني حق الصدر وبائ - أرجل وبطات
لأني صراحة تعودت العب صدر أول شيء دائما
اليوم لعبت صدر بأي حمدلله أوزان إوك بس أول تمرين صدر مائل أحس لما العبوا في ألم خفيف فل كتف أمامي مش وجع يعني بس أنو أحس الوزن كلو على الكتف يمكن اسخن أكثر ؟ أو أركز على تمارين الكتف الأمامي؟

[7aMmooD]

ويا كبتن سيستم موقعك ما فتح من موبائلي :( يوم افتح من اللاب أن شالله أشوفو وارد عليك. ؤتسلم حبيب

[7aMmooD]

اخوي سيستم شفت الجدول بس الحين انا بديت فللي فوق ان شالله بخلص شهر وبجرب الجدول حقك تسلم كبتن ^_^

[system]

شوف بالنسبة لموضوع إنك تحس الوزن على الكتف في تمرين الصدر ، هذا بسبب إن مستوى كتفك أعلى من مستوى صدرك
لجعل مستوى صدرك أعلى قم بتقويس أسفل الظهر وأبرز صدرك لأعلى ، ثم ارفع بقوة صدرك بشكل مستقيم إلى الأعلى
ولا تنسى، الشهيق عند الرفع والزفير عند الإنزال

جرب في البداية بوزن خفيف ثم تصاعد بالوزن حتى تصل إلى الوزن الذي تستطيع أن تكمل 10 عدات
هذا الوزن الأخير راح يكون هو الأساس لك ،، ومع الأيام تحاول تزيد عليه تدريجيا

ويفيدوك الأبطال

[7aMmooD]

شوف بالنسبة لموضوع إنك تحس الوزن على الكتف في تمرين الصدر ، هذا بسبب إن مستوى كتفك أعلى من مستوى صدرك
اهاااا يمكن هالسبب لاني ولامرة جربت اقوس ظهري خلاص المرة الجاية ان شالله وبقولك شو صار معاي


ولا تنسى، الشهيق عند الرفع والزفير عند الإنزال
انا محتار ف سالفة التنفس والله مش زابطة معاي يعني لما ادفع او ارفع شهيق؟ ولما انزل او ارجع زفير؟ ولما اتنفس الخبط فل عد هههههه

جرب في البداية بوزن خفيف ثم تصاعد بالوزن حتى تصل إلى الوزن الذي تستطيع أن تكمل 10 عدات
يا كابتن انا خلصت سالفة الوزن الخفيف الحين حمدلله ابدا ب 10كيلو بس يمكن لان الوزن كثير شوي بالنسبة لوزني؟ اجرب العب وزن خفيف الاسبوع الجاي؟
ومشكور كبتن ^^

[thewave]

10 كيلو وزن خفيف ياكابتن ((:

مشكله الم الكتف سوي زي ماذكر لك الكابتن system بالضيط + لاتخلي المرفق موازي للكتف نزله لناحيه الصدر السفلي يعني زي الفيديو

http://www.youtube.com/watch?v=33mjoyc5JbE&feature=c4-overview-vl&list=PL3fB03J6Xve_N5GKIBA84QC0UszAlSc-M

[7aMmooD]

ههههههههه اوووف كبتن احبطتني الله يسامحك :bigeyes::12:
خلاص ان شالله بجرب الاسبووع الجاي واقولكم شو صار معاي ومشكوووور

[7aMmooD]

سلام عليكم شباب
الحين بكرة ببدا الاسبوع الثالث اعتقد على الجدول صدر وباي - رجل - راحة - كتف تراي - ظهر راحة راحة
احس حمدلله استوى عندي شوية لحم والباي كبرت شوي بس امس قست وزني على السريع كان نفسه شكله جسمي يستهبل:boggled: بس ان شالله بكرة بقيس وان شالله اكون زدت يااارب بس والله بعدني متعقد مع سالفة النوم ترا ماقدر دايما انام بعد الثلاثة:bigeyes: بس بحاول انام على الوحدة من اليوم ورايح ان شالله بس سوال في يوم الراحة شوو احسن ؟ اكل واجلس فل بيت يعني مشي على الخفيف؟
و ياشباب احس الباي عندي لما اشدها مش صلبة ممكن تقولولي ليش ؟
وبالنسبة للماي كم لازم اشرب فل يوم وشو فايدته انا سمعت بس مب متاكد انه يسرع عمليه الايض اذا جي يعني مب اوك حقي هههههه بس كم لازم اشرب فل يوم انا بصراحة بالعافية اشرب لتر فل يوم

[Kurapica33]

قس الوزن بجهاز الصيدليات افضل
تنام على ثلاث بيوم الراحه قم 8 وامسك نفسك لين 11 باليل النهار قصير الوقت يمشي سريع
بالنسبه للباي قصدك بوقت التمرين او الراحه.؟
وبخصوص المويه وجعلنا من الماء كل شيء حاول قد ماتقدر تشرب عشان المكملات ماتترسب على الكبد

[7aMmooD]

هههههههههه كل ما اشوفك ترد احس بتذبحني من كثر الاسئلة على سالفة النوم ترا عندي اجازة ف انام كثييير من 3 ليين 1 هههههه بس خلاص ان شالله بحاول اعدل
بالنسبة للباي بشكل عام يعني برا الجم يوم الراحة اي وقت يعني ربيعي ماشالله صلبة مع انه اصغر من الباي اللي عندي انا اكبر بس طرية يمكن عشان ما اشرب ماي كثير؟
طيب وبالنسبة للماي اناماخذ مكملات ^_^
وشو رايك في الشاورما بعد التمرين هل تعتبر مفيدة او لا؟