ارتفاع اسعار المكملات الى اين ؟؟؟

[majed2013]

تحيه طيبه للجميع حتى باعه المكملات .... موضوعي قد لا يكون في القسم المحدد لكن وضعته هنا لعل ان يستقيم الحال ... غلاء المكملات الى اين سيتجه بنا ؟؟؟ اصبح البروتين بالذات وهو الاساس ماده صعب الحصول عليها والمشكله سعرها يتضاعف كلنا نعلم قبل سنه واكثر كان البروتين بحدود ال200ريال وشوي قفز فجأه 100 ريال اصبح بحدود 300 وال 280 ثم استقر بحدود 330 و300 الان وصلنا 360و350 ؟؟؟؟ الحاصل لا يرضي الله ولا رسوله وفيه جشع ومن قصص الجشع . شريت بروتين من شخص قدم به من دول الخليج للاستعمال الشخصي واراد بيعه هو اشتراه 200ريال وباعه بفائده 120ريال وكنت مجبر واشتريته .. السنه القادمه قد تصل العلبه 400 ريال وهذا لا يخدم اللعبه وفالنهايه الناس ستتوقف عن الشراء مثلي فلقد اكتفيت بالبروتين فقط انا لا اقول ان لا تتربح وتكسب لكن بالمنطق والمعقول . الى متى هذا الجشع ..... الله اعلم والحقيقه لست متفائل

[1973]

لا تعطيني سمكة ولكن علمني كيف اصطاد

اخوي ماجد لا تشتري من الباعه واشتري بنفسك تاخذ شي مضمون وبسعر ممتاز كلها بطاقه فيزا مسبقه الدفع من الراجحي واطلب من المواقع هذي

www.iherb.com/

www.muscleandstrength.com/

http://www.amazon.com/Vitamins-and-Dietary-Supplements/b?ie=UTF8&node=3764441

http://www.bodybuilding.com/store/

حتى عندهم عروض ممتازه تشتري مكملين الثالث مجانا ويدوك عينات وشياكر مجانا وكلها كم يوم وهي واصله بيتك ولا تقول جمارك او غيره يمسكها ما دام انها شخصيه توصلك ان شاء الله

اتمنى اني افدتك

[Kurapica33]

امس بالنادي كان في حوار مع الشباب عن سعر المكملات غاليه عندنا وارتفاع الاسعار بين فتره وفتره
في واحد منهم يعرف شخص بالرياض يطلب مكملات من برا ويجيبها رخيص ومثل ماذكر صاحبنا الي فوق فيزه من اي بنك وتمشي امورك
وغير العروض المجانيه الي يحطونها ترا بعض المواقع بعض الاوقات تسوي تخفيض على المكملات
الخلاصه من كلامي الافضل انك تشوف لك شخص يطلب لك او الاحسن اطلع فيزا من البنك وتعتمد على نفسك راح تلاحظ فيه فرق بالاسعار
بشكل كبير حنا هينا صراحه ملعوب علينا يجيب على سبيل المثال البروتين 170 يبيعه 350
وياليت اي واحد يطلب مكملات من برا يشاركنا بتجربته ولو يقدر يطلب لنا مكملات يسوي خير فينا وخلو التجار هينا تخيس بضاعتهم عندهم

[moo2]

امس بالنادي كان في حوار مع الشباب عن سعر المكملات غاليه عندنا وارتفاع الاسعار بين فتره وفتره
في واحد منهم يعرف شخص بالرياض يطلب مكملات من برا ويجيبها رخيص ومثل ماذكر صاحبنا الي فوق فيزه من اي بنك وتمشي امورك
وغير العروض المجانيه الي يحطونها ترا بعض المواقع بعض الاوقات تسوي تخفيض على المكملات
الخلاصه من كلامي الافضل انك تشوف لك شخص يطلب لك او الاحسن اطلع فيزا من البنك وتعتمد على نفسك راح تلاحظ فيه فرق بالاسعار
بشكل كبير حنا هينا صراحه ملعوب علينا يجيب على سبيل المثال البروتين 170 يبيعه 350
وياليت اي واحد يطلب مكملات من برا يشاركنا بتجربته ولو يقدر يطلب لنا مكملات يسوي خير فينا وخلو التجار هينا تخيس بضاعتهم عندهم


اخوي كلامك صحيح مثلا البروتين قيمته بي١٧٠ ريال وينباع هنا مثلا بي٣٥٠ ريال
بس ترا البروتين ما يوصل الى السعودية ببلاش ترا في قيمة الشحن اللي توصل لنفس سعر البروتين نفسه وفوقها ضرائب بعد
انا ابي منك تشيك على المواقع المكملات وتشوف الاسعار

[CruZiN]

تقدر توفر لو صلحت سيارتك بنفسك او حلقت شعرك و طبخت كل الاكل او بنيت بيتك بنفسك :33:
لا اعتقد ان بيع المكملات على الموقع هي الدخل الاساسي لاحد من البائعين على المنتدي ولكنها خدمة رخيصة بدل مغامرة الشراء من على النت الذي يحتوي على مخاطرة لا قدر الله ضياع او فساد او مصادرة المشتريات
و مع ذلك الاعتدال مطلوب طبعا :)

[[[^^الرعد^^]]]

كلامك سليم أخوي
أسعار المكملات في إزدياد و بعض الباعة ما تدري من وين يجيب مكملاته

عشان كذا طلبت مكملات من موقع بودي بيلدينغ قبل أسبوعين و وصلتني أمس عن طريق واصل عالمي بدون جمارك أو أي تأخير مع العلم أني راسلت هيئة الغذاء و الدواء لطلب فسح في حال وقفوها الجمارك لكن الحمد لله ما احتجت ورقة الفسح .. و الأخوة العاملين في واصل عالمي وصلوها إلى باب بيتنا الله يعطيهم العافية

و الطلبية كانت عبارة عن :

3 علب بروتين
علبين أمينو
علبة كرياتين
علبة منتج للريكفري
علبة محفز تستسترون
علبة حبوب للمفاصل

للإستخدام الشخصي

وقتها كان عندهم تخفيض 20% لجميع منتجات الشركات المشهورة
و كانت عبارة عن كرتونين كبير و صغير ، الكرتون الكبير ما كان عليه شعار بودي بيلدينغ
و تكلفة الشحن كانت 600 ريال لو العاملين في موقع بودي بيلدينغ جمعوها في كرتون واحد كان كلفني الشحن 575 ريال

و هذي كانت ثاني طلبية لي من النت ، الأولى كانت من موقع Muscle & Strength و الشحن عن طريق فيديكس و بدون جمارك برضه

و هذي صورتين للمكملات و الفاتورة

بالتوفيق للجميع

360819360820

[majed2013]

1973 (http://www.montada.com/member.php?u=863284)اهلا بك فعلا كلامك صحيح لكن المشكله هو اني سأطلب كل شهر وانتظر.. عموما عندي نيه التجربه وشكرا على النصيحه

http://www.montada.com/customavatars/avatar892102_2.gif (http://www.montada.com/member.php?u=892102)Kurapica33 (http://www.montada.com/member.php?u=892102) اهلا بك ... وانا ناكد لست ضد التكسب لكن الحاصل صاير في زياده جننتني من بعد ارتفاع 100 ريال قبل سنه قلت انشالله يرضون جشعهم ويهدون
المشكله زادت والانسان عنده متطلبات كثيره غير الرياضه ...
http://www.montada.com/customavatars/avatar892877_1.gif (http://www.montada.com/member.php?u=892877) moo2 (http://www.montada.com/member.php?u=892877) طبيعي مافي شي ببلاش لكن الاستغلال تعدى الحد والكل حاب ينهش فيك .. ومرحبا بك

CruZiN (http://www.montada.com/member.php?u=895074) اهلا ..مشاركتك تحتوي على لغز لان تريد اعتمد على نفسي هل اصنع مكملات ؟؟؟؟:)

[[^^الرعد^^]] (http://www.montada.com/member.php?u=207688) اهلا بك ... طلبيه جيده وليست قليله لكن متنوعه ممكن هذا سبب دخولها . واشكرك على طرح تجربتك والنصيحه ..
الموضوع هذا للفائده عموما وطرح تسائل ومحاوله لكبح زياده الاسعار فكنت فالسابق اضع 500ريال شهريا مكملات الان وصلت لمرحله مقاربه 700 ريال وهي بروتين فقط
فاصبحت اللعبه بدل ماتكون نعمه اصبحت نقمه ..

[MarwanJeeper]

انا دائما اطلب المكملات من بودي بلدنغ، يعنى مثلا Whey 100 standard ينباع ب GNC 370 وتحصله عندهم 196 درهم. والافضل انك تجمع المكملات وتجيبهم مرة وحدة ارخص في الشحن. طبعا عندهم اغراض فري تجي مع الشحنة مثل الشيكر وفنايل وقفازات الخ....

[Mohd01]

جشع واستغلال ووو .. الخ ؟؟

والبروتين اللي ب200 يباع ب 350 ؟؟

طيب خل نشوف هالصوره تعطيكم فكره عن الموضوع :

360821

واضحه الفكره ؟ طيب بشرح اكثر

الواي بروتين العادي من شركه قولد ستاندرد .. سعره بالاساس 55 دولار يعني 210 ريال سعودي
+ الشحن 51 دولار يعني 194 ريال
المجموع : 404 ريال

ومع ذلك يباع في المنتدى عند الاغلبيه بـ 330 ريال .. ليش ؟
لأن الواحد يطلب كميه ويقسم الشحن على كل الطلبات .. وبكذا يكسب شوي من المنتجات الصغيره وبنفس الوقت يفيد الباقين انه جاب لهم البروتين بسعر كويس !
بالاضافه لانه قاعد يضمن للاعضاء بضاعه نظيفه وبفواتيرها وتواريخ جديده

الطلب من النت سهل وبسيط وفيه شرح كامل له في المنتدى .. واللي يحتاج مساعده فيه يامر امر حطوا موضوع للاسفسارات وكلنا بنجاوب عالاستفسارات

لكن لحد يحط رجل على رجل ويقعد يعمم ويوزع الاتهامات والجشع وهالخرابيط وهو ماجرب بضاعته تتصادر ويخسر فيها الاف
ولا جرب يستأذن من دوامه علشان يراجع الجمارك .. ولا اضطر انه يتهاوش مع شركات الشحن مليون مره علشان التأخير وو .. الخ

ترا كون الشخص طلب مره ومرتين ودخلت موب معناتها بتمشي كل مره .. والعكس صحيح

خلاصه الكلام اللي يبي يطلب من النت يطلب وحنا مستعدين نساعده بالطريقه ..
واللي يبي يشتري من التجار حياه .. واللي يبي تاجر يشتريله من النت حياه .. واللي لاقي له عرض حلو بموقع يبلغنا ونطلبه له موب صعبه !
واللي يبي بضاعه مضروبه ومكملات سعرها ارخص حتى من النت يدور وبيلقى ان شاءالله ..

[Kurapica33]

محمد الفكره او نقول المشكله لو السعر ثابت كان قلنا ماعليه بس كل فتره وفتره يرتفع عشره وعشره على عشره لين يوصل 100وش السبب؟
انا اشوف اكثر المواقع تسوي تخفيض على المكملات ومع ذالك السعر عندنا يايكون ثابت يايزيد شوي علينا هذا حقك انك تكسب ولا نبي لك الخساره بس يكون بالمقعول
والله العظيم الحين 800 ريال زين تجيبلك كورس مكملات كامل ياخي حتى الشيكر الي بعض الاوقات يجي هديه او تحصل سعره بالدولار رخيص ينباع عليك 70-80 :02:

[majed2013]

MarwanJeeper (http://www.montada.com/member.php?u=895345) اهلا بك وشكرا على ذكر تجربتك

مملوح بالسكر (http://www.montada.com/member.php?u=822863) اهلا القصد ليس تخريب سوقك لا سوقك رابح بسبب قل الوعي لدينا كافه والنظام العام للجمارك الخ... .. اما البروتين ابو 200ريال يااخي هو باعه علي وملصق عليه السعر بالدرهم قد يكون سعر صرف الدرهم لديك مختلف ..
ردك هو المفروض ان نشكر من يأتي بالمكملات لا ان نتهمه بالجشع وشق اخر من ردك لا تطلبون من برى ممكن تدخل مرتين ثلاث وبعدين تتوقف
اتمنى السنه القادمه ان تجهز الاعذار لماذا وصل البروتين لسعر 400 ريال لان سيصل قريبا مع ارفاق قائمه لمكملاتك بالاسعار للدعايه لك ...

[majed2013]

Kurapica33 (http://www.montada.com/member.php?u=892102) قبل سنه وشوي قفزت الاسعار 100 ريال للبروتين مره وحده اما الان فالزياده عشره عشرين ثلاثين
الكل يعلم ان فيه جشع فلا يغتر احد بطول الردود او محدوديتها

[[[^^الرعد^^]]]

أنا مشترك في شركة Myus اللي تفتح لك بريد في أمريكا و ترسل أغراضك إلى السعودية عن طريق فيديكس أو دي اتش ال
و عندي تخفيض 22%

المشكلة أني ما حسبتها صح و خفت يحسبوا علي الوزن الحجمي
مع العلم لو أني شحنت عن طريقهم ممكن طلع علي الشحن بـ ٤٥٠ ريال و بفيديكس أسرع و أرخص و أضمن أنه ما يتجمرك

بالتوفيق

[moo2]

MarwanJeeper (http://www.montada.com/member.php?u=895345) اهلا بك وشكرا على ذكر تجربتك

مملوح بالسكر (http://www.montada.com/member.php?u=822863) اهلا القصد ليس تخريب سوقك لا سوقك رابح بسبب قل الوعي لدينا كافه والنظام العام للجمارك الخ... .. اما البروتين ابو 200ريال يااخي هو باعه علي وملصق عليه السعر بالدرهم قد يكون سعر صرف الدرهم لديك مختلف ..
ردك هو المفروض ان نشكر من يأتي بالمكملات لا ان نتهمه بالجشع وشق اخر من ردك لا تطلبون من برى ممكن تدخل مرتين ثلاث وبعدين تتوقف
اتمنى السنه القادمه ان تجهز الاعذار لماذا وصل البروتين لسعر 400 ريال لان سيصل قريبا مع ارفاق قائمه لمكملاتك بالاسعار للدعايه لك ...
انت تطلب من احد البائعين يشاركون في موضوعك واخرتها يكون هذا ردك؟!
انا بطلب منك تدخل على احد المواقع المكملات وتشوف الاسعار مع الشحن اما انك تجي هنا تفتح موضوع وما تدري ايش الحاصل انا اشوف تقفل موضوعك افضل
بعدين انت يوم تقارن اسعار المكملات بدول الخليج ترا العيشة هنا تختلف عنهم ليش ما تقارن بعد اسعار العقار وتقول ليش عندنا أغلى بعد!!!
بالاخير انت مو مغصوب تشتري من احد البائعين عندك محلات جي ان سي ما يقصر اللي ينباع هنا في المنتدى بي100 تحصله عند جي ان سي بي300 ريال


كلامي للي يطلبون من امريكا لانها تكلف عليهم قيمة الشحن
اما اللي يجيبون بظاعتهم من البحرين ودبي ومن صابر انا معك ان اسعارهم مرتفعه

[majed2013]

[[^^الرعد^^]] (http://www.montada.com/member.php?u=207688) اهلا وبالتوفيق لك ..
moo2 (http://www.montada.com/member.php?u=892877)

اهلا ومرحبا ..انا طلبت مشاركتكم ؟؟؟ لم اطلب غير صحيح . لابد تركز على الموضوع اكثر ولا ياخذك الحماس
ردك غير واضح يبدو انك قرأت مشاركه اخرى .. مثلا غير مغصوب وعقار ؟؟؟
اعد كتابه ردك بتنسيق اكثر واهلا بك

[C.L.A.S.S.I.C]

انا ابغى اعرف بس ليه ما فيه محلات تبيع المكملات عندنا زينا زي الكويت زي البحرين زي الامارات اتذكر فيه شركه بالكويت اسمها وان بروتين ماخذين وكالة لمكملات روني كولمان وجابو روني كولمان براسه للكويت اش السبب اننا ما نصير مثلهم طبعا انا ما احتسب جي ان سي متجر مكملات لانه ينصب مو يبيع

[1973]

كلامي للي يطلبون من امريكا لانها تكلف عليهم قيمة الشحن
اما اللي يجيبون بظاعتهم من البحرين ودبي ومن صابر انا معك ان اسعارهم مرتفعه

+1

بعض بضاعه البحرين ودبي مضروبه ورخيصه

[majed2013]

http://www.montada.com/customavatars/avatar849649_1.gif (http://www.montada.com/member.php?u=849649) C.L.A.S.S.I.C (http://www.montada.com/member.php?u=849649)
مافي اهتمام لمن لديهم رأس المال وهنا السر ...

1973 (http://www.montada.com/member.php?u=863284) هنا ايضا مشكله اخرى واعتقد الطلب من المواقع اصبح هو الافضل والاضمن والاكثر حريه في الاختيار ..

[BeaUnkill]

الكلام ماهي على الافراد الي يحاولون يترزقون على تقاطيع المنتجات هذي وبيعتها بالحبة. الكلام الحقيقي هو نظام التجارة عندنا في البلد. ليش شركة ارمال الوكيل الحصري لكثير من المنتجات واللي بدورها تقتل المنافسة وتخلي الاسعار ترتفع؟ شخصياً ما بحثت في اسباب عدم وجود منافسين وعما اذا كانت المشكلة في نظام السجلات التجارية لدى وزارة التجارة او عقبات من جهة الجمارك او هيئة الدواء والغذاء. هذا سوق عليه اقبال وطلب كبير فالمفترض ان الامور تسهل للي يحب يستثمر في هذا المجال. وبكذا السوق ينتعش وتحتد المنافسة وتنزل الاسعار غصب.

[majed2013]

BeaUnkill (http://www.montada.com/member.php?u=101423)

كلامك صحيح ولكن الجشع عم الجميع فانت ترى مثلا النتروتك واحد يبيعه ب330 الاخر 360 ؟؟
وايضا بنفسي انا شريت بروتين مكتوب عليه بعمله خليجيه مايعادل 210ريال بالضبط وتم بيعه 330 ريال
صحيح في احتكار وفيه وفيه الخ .. لكن حتى الناس هنا جشعين ..

[Wael Abdullah]

صلو على النبي ياجماعة الخير :o

ياشباب عندكم حرية الاختيار في الشراء كل طريقة لها تكلفتها ومزاياها وعيوبها
حاليا عندك 5 حلوووووول مالها سادس خذ الكلام مني
1/ الطلب عن طريق النت تشوف التكلفة فدام عينك قبل ما توافق ولك حرية الاختيار تبقى المشكلة في تكلفة الشحن اللي يوصل لنفس قيمة مكملاتك في حال اذا كنت تطلب كمية شخصية.
في الغالب اغراضك بتدخل لو كانت كميتها قليلة ولكن لو قلت الكمية راح تكون المكملات غاليه لانه شحنها غالي فتضطر تفكر تزيد الكمية اذا تبغى توفر عشان تتناسب قيمة الشحن وهو انك تطلب لك ولأحد من زملائك على سبيل المثال. لكن كلما زادت الكمية زاد خطر استقعاد موظف الجمارك او على حسب مزاجه ذاك اليوم.

2/ طريقة اخرى:
طق سلف الله لا يهينك للبحرين وخذلك كم ساعه لين توصل الجسر وبعد ما توصل انصحك تمر على ماك تطلبلك وجبه والا خذلك نقنقة لأنك بتصف ساعه ونص والا ساعتين ويمكن أكثر طابور من الزحمة خاصة لو طلعت في الويكند وساعة ونص الى ساعتين ويمكن اكثر وانت راجع بعد. وفوق هذا بتدفع 20 ريال رايح و20 ريال راجع رسوم الجسر و20 ريال تأمين وغير البنزين. وحب خشوم الجمارك عشان تدخل البروتين لانه احيانا يستقعد. ويمكن يصورك ساهر وانت في الطريق لا سمح الله ولا تنسى الكم ساعه راجع لمدينتك.
ولما توصل البحرين اضمن محل تشتري منه بضاعته اصلية هو رويال ماجستي. ما اشكك في المحلات الثانية قد يكون هناك محلات اصلية اخرى ولكن رويال ماجيستي هو وكيل اوبتيمم في البحرين مثل ماهو منشور في موقع اوبتيمم وبأمكانك تتأكد من موقع اوبتيمم. واسعار رويال ماجيستي قريبه من اسعار الباعه في المنتدى... امممم لكم الحكم في هذا الحل.

3/ الحل الثالث ريح دماغك واشتر من الباعه هنا اللي لهم سمعتهم وادفع فرق اعتبرها اتعابهم انهم جابولك الاغراض الين عندك وانت مرتاح وفي شباب يعرضولك الفواتير للتأكد من ان بضاعتهم من مصدر موثوق.

4/ الحل الرابع ارمال الله يهديه. واسعاره لا تخفى على أحد

5/ الحل الخامس الانتحار !! هههههههه امزح الله يعطيكم العافية جميعا.

اتمنى ان يتم توعية البلد وتثقيفها باهمية الرياضه والمكملات الغذائية للجنسين الرجال والنساء

[BeaUnkill]

الجشع كلمة كبيرة شوي. لو كان مافيه الا تاجر واحد ويبيع بهامش ربح يتجاوز الـ 50% ومحتكر السوق وقتها ممكن نقول عنه جشع. لكن الجميع هنا مخيّر لا مسيّر في شراء المكملات. خذ بالاعتبار هامش الوقت + تكاليف الشحن + الروحة والجية والوقت اللي بتقضيه عشان تشتري المنتجات بنفسك او تتوفر على نفسك كل هذا بدفع فارق مادي. لا اراه جشع خاصة وانه فيه اكثر من بائع (افراد) وفيه تجار في السوق. اتفهم موقفك واتفهم امتعاضك من ارتفاع الاسعار لكن لا اجد مبرراً لاطلاق الاحكام على الناس. وشخصياً ارى الأمر طبيعي وراح تنزل الاسعار بازدياد المنافسة وما زال المجال مفتوح للكثير من المهتمين للخوض في هذا المجال بتقديم خدمات اضافية واسرع واسعار منافسه للباعة الحاليين. باذن الله مسألة وقت خاصة في ضل ازدهار الرياضة وتوجه كثير من الشباب لها بفضل الله.

[Big Al]

يا طيب بصفة عامة اسعار مكملات شركة اوبتيمم ارتفعت حتى في دول الخليج واغلب الي يبيعونه بحول 200 ريال او درهم عندهم بضاعة قديمة او طلبوها قبل ارتفاع الاسعار

خليني اعطيك مثالين :

في محل في دبي معروف تلقاه في كل سوق وحتى في دبي مول لهم محل وكشكين بطل يبيع مكملات اوبتيمم ولما سألت في كذا فرع كلهم كان لهم نفس الرد ان اسعارهم غليت وصارت ما تدخل لهم فلوس

والمثال الثاني صابر والي ما يعرف صابر هو اكبر تاجر مكملات في السعودية واغلب الي تلاقيه في الاندية في جميع المملكة ياخذونه من صابر, كنت اخر منه الوي جولد ستاندرد 5 باوند ب200 والبروكومبلكس ب250 والان صارت ب350 و400 ريال ولما سألته (والرجال اعرفه زين ويعطيني بأسعار اقل من غيري) قلي قسم بالله الاسعار ارتفعت علينا وشوف اي شي ثاني واراعيك فيه

ومثل ما تفضلو الاخوان سعر الشحن يكلف كثير وما ينفع نقارن نفسنا بامريكا لانها البلد المصنعة ولانه بصفة عامة كل شي عندهم ارخص

وبالنسبة للي جايبه من الامارات وسعره ب200 وطلب فيه مبلغ اكبر, اول شي ذا سعر السوق, وثاني حاجة الله يعلم قد ايش كلفته السفرة, يعني لو يزود سعر التذكرة لوحده على العلبة قيمتها عدت الالف


ونصيحة من شخص بدأ يستخدم المكملات في سنة 2002, لا تعتمد على مكمل واحد وخلي عندك اكثر من خيار في نفس الوقت, والي يكون مو متوفر ولا سعره ولع حول على الثاني على طول ولا صدقني ما يمديك تكمل, مرت علينا فترة ناخذ الميجا ماس الي ما يسوى ريال ذي اليومين باربعمية ريال والمايو بلكس ب600 ريال ولا واحد فيهم يكمل معاك شهر, الحمدلله حاليا احنا في نعمة

[shubar]

انا الصراحة يا شباب مثلا ابيع الواي بروتين 280 ريال طبعا اخذه من البحرين 230 والله الشاهد ع كلامي والفاتورة موجودة طبعا غير الجسر والتعهد بعض الاحيان لان ممنوع الا اذا كان شخصي فطبعا صاحبي كل ما بين اسبوعين يروح واطلب منه يجيب وربحي تقريبا في العلبة 40 ريال فقط لا غير البحرين كان سعره عندهم 170 ريال بس رفعو سعهر عندك دبي ارخص بس دبي صعب انك اتحصل مضمون لان اغلب اللي في دبي مضروبين

[majed2013]

Wael Abdullah (http://www.montada.com/member.php?u=818582)اهلا
حلولك بعضها غير متاح او مخاطره وبالنسبه لارمال انا اليوم شريت وي غير متوفر لدى الباعه حجم 5باوند مع التخفيض طلع 320 ومضمون يعني سعر افضل ومنها نجرب وي غير الموجود وهو شبيه بالسينثا سكس..
http://www.montada.com/customavatars/avatar101423_13.gif (http://www.montada.com/member.php?u=101423) اهلاBeaUnkill (http://www.montada.com/member.php?u=101423) كلمه جشع عاديه بل انا حاولت الطف الامر .. حسب المصادر يوجد شخص واحد غير رسمي يوزع للجميع البقيه تاثيرهم ضعيف اما طلبات فرديه ويبيعونها
اما ادخل كميه بسيطه من برى . وموزع رسمي وهو ارمال جي ان سي وهذا منتجاته مع التخفيض مقاربه لاسعارهم ومضمون المصدر عيوبهم لا تجد كل ماتحتاجه وهم بالجشع سوا ..مستقبلا ممكن تنزل الاسعار
اذا سمح بادخال المكملات بشكل عادي غير ذالك لا اعتقد ...

Big Al (http://www.montada.com/member.php?u=893229) اهلا ..المنتجات ليست حصريه على اوبتيميم انا سأشتري اي وي فيه نسب جيده من البروتين والاحماض الامينيه وغيرها والتغيير مطلوب لكن البضاعه مصدرها فالغالب واحد ..
بالنسبه من راح للامارات او غيرها هو راح لغرض او عمل او نزهه وجاب في طريقه لان حسب ماسمعت الكميات المسموح بها قليله فلماذا محاوله الكسب 50% هذا جشع ..
بالنسبه لكلامك استخدم اي مكمل نعم صحيح لكن انا لا استخدم غير الوي عموما وماشابهه مثل الوي المخلوط بمصادر اخرى بحد اقصى سعرات حراريه لا تتجاوز 200سعره فصعب اخذ اي شي ..
shubar (http://www.montada.com/member.php?u=896223)اهلا ويعيطيك العافيه وماعليه لو وصلته 300 لكن انا اشوف الاسعار رايحه 350 للوي وصلت 360 يعني اخر السنه 400 ..

بكل حال ممكن في امور تغيب عني لاني صراحه لست بائع مكملات ولا اعرف بكم يشترونها جمله وهل المصدر المتواتر انه صابر هل صحيح او طبعا صحيح لكن هل لوحدته ؟؟ الله اعلم
لكن الزياده في الاسعار كل 4شهور واحيان 6 شهور معليش هل البروتين ماده نادره في الكون :33:
والله لم ارى سلعه في حياتي تزيد كل شوي غير المكملات وهذا سبب قولي ان فيه جشع واستغلال لتوجه الشباب الحالي للعبه كمال الاجسام ...

[BODY4U]

بخصوص طلب عن طريق المواقع ..
هل تصل الى السعودية ؟ وبالرياض بالتحديد ؟

ياليت احد يفيدنا ؟ ويقول عن طريق اي موقع وعن طريق اي شحن اي شركة ؟؟

انا طلبت من موقع بودي بلدنق مق حق البروتين والى الان ما وصل تقديباً شهر ما طلب بروتينات ولا شي بس مق بآلوان مختلفه

ارجو الافادة بليز وشكراً ..

[وتر الاحساس]

السلام عليكم
يا شباب الموضوع سهل الحين صارلي سنه اسويها اذا طلبك 5 او 6 قطع راح يصير سعره مع سعر الشحن ارخص من الي يبيعون هنا
واذا انت تبي شغله وحده سو قروب مع الي في النادي واطلبو سوى
والجمارك تمشي 100% اذا طلبت من شركات متنوعه ولا تزيد عن علبتين للشركه الوحده يعني مثلا تشتري الوي بروتين علبتين والبرو كمبلكس علبتين تمشي
والتاجر الي يقول الشحن غالي الشحن غالي ياخوي وضح انه اذا طلب شغله وحده تطلع غاليه مش تقل غالي غالي وتخوف الشباب من الطلب بالنت

[MarwanJeeper]

بخصوص طلب عن طريق المواقع ..
هل تصل الى السعودية ؟ وبالرياض بالتحديد ؟

ياليت احد يفيدنا ؟ ويقول عن طريق اي موقع وعن طريق اي شحن اي شركة ؟؟

انا طلبت من موقع بودي بلدنق مق حق البروتين والى الان ما وصل تقديباً شهر ما طلب بروتينات ولا شي بس مق بآلوان مختلفه

ارجو الافادة بليز وشكراً ..

هم كاتبين 8-20 يوم بس المدة تاخذ اكثر تقريبا شهر لان الشحنة تطلع على المانيا وتنام كم يوم وبعدين تطلع على السعودية وعادة هم يتعاملون مع DHL وهم بيوصلوها لك. عندك Tracking Number تقدر تشوف الشحنة وين وصلت.