كم يكلف فتح صالة متوسطة

[وينج تشوان]

ياشباب الا يبغى يفتح صالة متوسط المستوى

كم تكلفه من جهة الاجهزة والدملبز والبار

طبعاً والموقع

انا اقصد بس الاجهزة يعنى على مساحة متوسطة 200م


ارجوا الافادة


ومشكروين

[Wael Abdullah]

لايقل عن 200 الف ريال أجهزة ودمبلز وبارز وكراسي وفرش عازل. تفتحلك جيم متواضع

الديكور على حسب مزاجك تكلفة منفصلة.

الموقع تكلفته يفيدك فيها شخص عقاري.

[majed2013]

رأي متواضع وليس من خبير
ابتعد عن هذا المشروع والاسباب هي ان المنافسين فيها اقوياء ولن تطيق معهم صبرا
مثلا وقت اللياقه انا مشترك بتخفيض يعني 800ريال كل ثلاث شهور او الف للي ماعنده تخفيض
حسابيا كل شهر 300 ريال تنقص او تزيد بقليل . انت بكم سيكون اشتراكك ؟؟ 100؟؟ او 200؟؟ هنا انت خسرت و سيقول المشترك ازيدها ميه ريال واخذ افضل الخدمات والاجهزه ونادي متكامل
اعتقد المشروع هذا فالسعوديه لن ينجح الا في مكان لا يوجد به منافسين ...او حل اخر ان تدفع الملايين وهذا امر بعيد لشخص عادي

[shubar]

انا راي ان المشروع ناجح من ناحية ان بعض الاشخاص تحب تغير الصالة من فترة الى فترة وايضا مثلا تعجبه الصالة اللي اتكون صغيره ومتوسطة وطبعا لابد انك اتجيب اجهزة جديدة ومتطورة حتى لو كانت الصالة صغيره بس اهم شيء اتكون الاجهزة تختلف عن الصالات القريبة منها وايضا يعتمد ع المكان اللي انت فيه لو اتكون في حارة اتكون افضل وقريبين والمشروع باذن الله ناجح طبعا هذه لو انت في الشرقيه اقولك افتح حتى لو كان جنبك مليون صالة . طبعا سوي عرض اول ما تفتح مثلا اللي يشترك سنه له سنه او ست شهور مجانا لعدد محدود طبعا وسوي عروضات كل ما بين فترة. وبالتوفيق

[shubar]

واول ما تفتح الصالة حاول انك اتجيب لك بطل معروف ويعرض بالصالة وكذذا يعني يبي لها شويه دعايات وتنجح باذن الله . ما قلت لنا وين الصالة وفي وين موقعك

[Kurapica33]

الاهم المدرب

[ent7ari]

اخوي تبي الربح المضمون عليك بالعروض الطويلة
والله انك تشوفهم 3 ايام وهذا وجهي اذا شفتهم بعد كذا يعني ربح في كم يوم
انا بحكم اني في مدينة صغيرة الاشتراكات عندنا 150 بالشهر 300 ثلاث شهور
ولاحظت ان النوادي عندنا يتفننون بالعروض الطويلة لدرجة ان بعضهم يعطي اشتراك 600 ريال سنة كاملة وعرفت انه مجرد تسويق ولا هو خسران
لأن الكثير تغريهم هالعروض خاصة المبتدئين وتشوفه مايتحمل ويترك بعد فترة بسيطة

عموما انا الي شايفه ان اكثر المشتركين يتوجهون للياقة والفئة هاذي اكثر الناس يتركون النادي بفترة بسيطة ولو دافع حق سنة

[shubar]

انا مشترك في صالة صغيره والعرض اللي اشتركت فيه طبعا 1400 ريال سنه كاملة + سنه مجانا وصارت الزحمه

[وينج تشوان]

الله يحفظك ويبارك فيكم جمعياً

عموماً كل شي وله ناسو والصالات تختلف بعضه زحمة والاشتراك على 150 ريال شهرياً والاجهزة اي كلام .

لكن مقصودى متواضعة بمعنى فيه ميزة نوع ما

وبالنسبة للمدرب الحمد لله انا مدرب وكان عند صالة سابقا لكن انشغلت .

ان شاء الله اسافر واجيب اجهزة وقبل كل شي استخير الله .

شكرا للجميع

[shubar]

الله يوفقك يارب:)

[BODY4U]

الصراحه ما قصروا معك الشباب ..
لكن فيه نقطه مهم جداً وراح تجيب لك زبائن حاول قبل ما تفتح تجيب تصريح النادي يفتح الي ٢ الليل
ولو تشوف لك آحد الفنادق تستآجر منهم مدى طويل يكون افضل ،، وطبعاً يكون المشتركين من الفندق وخارج الفندق

حسب علمي النوادي المشهوره بالرياض وبدون ذكر اسماا انها تستآجر الى ١٠ سنوات


الي اقوله الله يسهل عليك ويرزقك الحلال يا رب ،،،:o

[Rashid.S]

المشروع هذا مغامرة في رأيي هو حلو انه شيء تهواه ولو تغامر تقدر تتفنن

وعندي كم نقطة أحب أضيفها ممكن تفيدك :-
1- الأجهزة أكيد الكل ذكرها لكن انا ابي اتكلم عن أجعزة الظهر والأرجل نادر ما تحصل صالة فيها الأجهزة الكامله أغلب الصالات أجهزتهم ناقصه
مثل للأرجل seated leg curls
standing leg curls
vertical leg press
وأجهزة الظم والفتح لعضلات الأرجل ممكن تكون مفيدة

للظهر جهاز السحب العلوي
وجهاز ال Pulldown بأوزان الطارات
وغيرها من أجهزة

كل ما وفرت الأجهزة كل ما جوك الأبطال والناس اللي تبي صالة متكامله وسعرها مقبول لأن مو الكل يبي مسبح ويبي سكواتش وغيره .. في ناس همها صاله نظيفة فيها كل الأجهزة اللازمه

2- المدربين ( والنعم فيك .. مدرب أكيد تعرف تدرب ) لكنك بتحتاج أحد يعاونك أنصحك بالفلبن بس ان طحت على واحد رايق منهم وفلاوي وفاهم شغله راح يجونه الناس ( وبعد رواتبهم غير مكلفه )
ولا يهونون السعودين ( لكني قصدت مدرب ثابت بدوام رسمي ومتفرغ لك )

3- سو لك مصلى صغير داخل المبنى هالمصلى بدوره راح يفكك من وجع الهيئة .. دام عندك مصلى داخل انت غير ملزم انك تسكر باب الصالة وتخلي المتدربين يا داخل أو برا هذه فيها أزعاج للمتدرب وكثير يكرهون فتنيس تايم بسبب هالشغلة

4- جمعلك أبطال تعرفهم وعطهم أشتراكات مجانيه يجونك وبيجون الناس لان صالتك صالة أبطال وخلهم يخذون راحتهم لو بيدربون أحد بشكل شخصي بالعكس هذا بيخلي المتدربين يستمرون عندك لأنهم متعلقين وثانين بيخلي الناس تجيك عشان تحصل ناس فاهمه تمشيهم على طريق البطولات وغيره

5- في الأخير سمعة الصالة هي الأهم كل ما زانت سمعة الصالة كل ما جوك الزبائن أكثر

هذه هي اقتراحاتي وان شاء الله تكون مفيده لك أو لأي واحد وده يدخل في هالبزنس

[وينج تشوان]

مشكور اخي Rashid.S (http://www.montada.com/member.php?u=825254)

ماقصرت ونصائح جداً جداً مفيدة استفادة منها

[Kurapica33]

فين عاد مكان الصاله

[majed00774]

استاذي عجبني موضوعك وانا صدقا ابغى ايدك لاني الحمدلله شريك مع صديق لي في صالتين بالمدينه الله يعطيني رزق حلال بين منها نصيحتي لك اخي انك تروح لجده سوق الصواريخ انا ورطت بالاولى بس كسبت بالثانيه ولله الحمد اخذت اجهزه نص استخدام وزيتها وشحمتها ودهنتها فرن وحطيت استكراتي اللي ابغاها وبالاول والاخر هو حديد مايضره شئ بس تشحيم ودهان ويرجع جديد كله كلفني 40 الف تقريبا مثل ماقال الاخ راشد الاجهزه الضروريه السحب والكيابل والبارات والدنابل ومن ناحية المدربين ياكثر الوحوش بالبلد واذا تبي واحد خبره 12 سنه انا موجود :D الله يعطيك خيرها ويكفيك شرها انا معك استاذي بأي استفسار اخوك ابو عبدالعزيز / 05909594964

[Mr.Puma]

أنا بعلق في نقطتين جات في بالي على السريع

1 ) انتبه تغامر بقروض وبرامج تسليف .. لأني سمعت قصة مؤسفة أحد اقاربي يرويها امامي لصديق له ذهب يشتري اجهزة من برا ويرتب ويجتهد واخذ من البنك وسريع سريع يبغى يخلص الصالة
وسوى شراكة مع واحد مصري مدرب وكذا وكذا .. جاته فترة بعد ست شهور من فتح الصالة تورط في السداد والآن هو مسجون !!!! ماكانت الحسابات مثل ماتوقع
اقصد بأذن الله لاتدخل في المشروع الا بوقفة رجلك وليس وقفة بنوك

2 ) يارجل .. قضية الموقع هذي لو طحت لك في موقع ذكي .. وانت الوحيد الاقرب للناس هذي اللي ماعندها خيار الا انها تروح صالتك .. تعين خير بأذن الله
فيه صالة بالمدينة المنورة موقعها قريب جدا من بوابة او مخرج الجامعة .. وهذه الجامعة فيها طلاب كثيييييييييييير جدا او اغلب طلابها من الاخوان الوافدين ( الشام وشرق آسيا وافريقيا وحتى اوروبا او القارات البعيدة ) جايين يدرسون بالمدينة المنورة لغة عربية وشريعة ودراسات اسلامية ..
اغلبهم 90 % ماعندهم سيارات .. منكبين كب على هذه الصالة القريبة منهم وشغالة تطلع فلوس من اشتراكاتهم ( أدخل مثلا الظهر ألقى 5 سعوديين وممكن 20 وافد من هالشباب الطيب )
هذا غير فترة العصر والليل
رغم ان الصالة ان جاز التعبير : صالة طقعان :)



استخير قبل كل شيء مثل ماذكرت والله يوفقك

[Rashid.S]

مشكور اخي Rashid.S (http://www.montada.com/member.php?u=825254)

ماقصرت ونصائح جداً جداً مفيدة استفادة منها


العفو اخوي

:biggthump والله يوفقك يا وحش