علاج اصابة الكتف ؟

[كلاااش 1403]

معلومات المتقدم بالاستفسار :
العمر : 32 , الجنس : ذكر

الطول :174 متر
الوزن : 70 كيلوجرام



و الاستفسار كالتالي :
السلام عليكم

شباب انا مصاب في الكتف منذ 3 شهور تقريبا , وتوقفت عن اللعب طول هذه الفتره , استخدمت في البداية كريمات , وخلصت

الآن لا يوجد ألم في حركاتي اليوميه لا اشعر بآلام

لكن اذا تدربت في البيت بتمارين خفيفه بوزن 1 كيلو او اقل , ترجع الآلام , وخاصه في اليوم الثاني من التمرين تظهر الآلم بدون تمرين , فاترك التمرين اسبوع فتختفي الآلام

يعني الآلام ما تجي الا بالتدريب حتى وان كان بوزن كيلو او اقل , او حتى بشد بعض العضلات كـ عضلة الكتف وعضلة الظهر الخلفية والصدر العلوي

ابي الحل يا اخوان طفشت بدون تمرين

[Mr.Puma]

وعليكم السلام ورحمة الله وبركاته

المستشفيات ليش موجودة بالبلد الله يهديك !!!

سوي كشف واشعة ويفيدك الطبيب بالضبط ايش المشكلة وان شاء الله علاجها

[كلاااش 1403]

وعليكم السلام ورحمة الله وبركاته

المستشفيات ليش موجودة بالبلد الله يهديك !!!

سوي كشف واشعة ويفيدك الطبيب بالضبط ايش المشكلة وان شاء الله علاجها

اي مستشفيات اللي تتكلم عنها

مستشفيات السعوديه تسميها مستشفيات

هذولا ياخذون فلوسك وانت تضحك , ما عمري دخلت مستشفى وتعالجت , الا في الامراض المعروفه ( انفلونزا , صداع , زكام , حراره )

ولا حسيب ولا رقيب , كل من عنده فلوس راح فتح له مستشفى وجاب له هالدكاتره اللي شكلهم راسبين في تخصصاتهم , حط شهاداتهم على بوابات المستتشفى ( اطباء بتقدير امتياز في جميع التخصصات)

[mr.dark.gym]

وعليكم السلام ورحمه الله وبركاته ..

دام استخدمت الكريمات والمراهم وتوقفت فتره طويله

الافضل تراجع لك دكتور مختص وتسوي اشعه رنين مغناطيسي علشان تعرف وين المشكله وتريح نفسك ..

انا عندي حاليا التهاب بمفصل وعظام الكتف والاشعه العادية ما تطلع كل شيء

والله يعافيك يالذيب

[O.X.Y.G.E.N]

سبق واصبت في الكتف بتمزق واستمر معي واضطريت اقعد
اسبوع بدون ما اقدر احرك ذراعي
شهر بدون تمرين لا صدر ولا اكتاف
3 شهور بأوزان خفيفة للصدر والاكتاف
ثم زدت الاوزان بشكل تدريجي وما زلت اعاني من نغزات في الكتف الى 6 اشهر بعد الاصابه
والآن الحمدلله مالها اثر
والعلاج بكريم joint Flex وكمادات
خليك من كريمات فولتارين وطقتها .. ما تنفع في الاصابات
ولعلمك والله ما طبيت لا مستشفى ولا مستوصف عشانها.. اخذت الكريم من صيدليه

المستشفيات اما يسويلك اشعة رنين مغناطيسي وهي مكلفه جدا اتوقع توصل 1200 او 1300 ريال
او فحص سريري
العلاج يكون اما بعملية للحالات المستعصية
او بإبر الكورتيزون للحالات المتوسطه .. ويمكن في انواع اخرى من الابر ما اعرف
او كريمات للحالات البسيطه
وفي وضعك وحسب كلامك ما اشوف "من وجهة نظري" انك تحتاج تسوي اشعه

اتوقع تحتاج صبر وتحتاج تعطي العضله راحه اكبر

[Mr.Puma]

عشان كذا قلت لك : ان شاء الله علاجها

مشيئة الله فوق كل شيء .. بس روح اضرب السبب وشوف وش يطلع معك .. حسبتك متأمن في العلاج :boggled:

ثم تصدق في الشارع ووجهات الخير بنية كشف السوء عنك .. الله كريم مايخذلك سبحانه

[sioorx]

اقسم بالله انك صادق .. مستشفيات المملكه ماعندك احد !!

انا طحت على يدي طيحه قويه ! رحت مستشفين اثنين ! واحد يقولي لي التهاب ب عضلات اليد ! والثاني يقول لي رضوض !

كل واحد يفتي من راسه !

[ميعرو]

اخوي اولا اسال الله العظيم رب العرش الكريم ان يشفيك
اذا استمرت الاصابة لازم تسوي اشعة وفحص في مستوصف خاااااص

[قونسل]

والعلاج بكريم joint Flex


من اي صيدلة اخذته؟

[Rashid.S]

ان كنت في الشرقيه وبالاخص الخبر أو الدمام راسلني على الخاص بخصوص دكتور قد تعالجت عنده

كان عندي اصابه سابقه حاولت معها بكل الطرق علاج طبيعي وراحه ومراهم ومافي شيء جاب فائده
بالاخير ريحة راحه تامه مع مسكن ومراهم وبعدها رجعت بشكل خفيف شامل وقبل التمرين العب للكتف ما يسما بالثوابت

يعني انك تادي كل تمارين الرفرفه لكن بوزن خفيف وتجزء الحركه لأربع أجزاء وتثبت في كل جزء ما يقارب 10 ثواني
ولا تنسى تسخين الروتر كف

[كلاااش 1403]

انا مريح الكتف ما اجهدها , بس لو اتمرن او اشد اي عضله في جسمي ( صدر ، ظهر ، كتف ، باي ، تراي ) ترجع الآلام

فقط مجرد الشد , لاني ما اتمرن بأوزان , ترجع الاصابه

على كذا ولا بعد سنه راح اتشافى

والمشكله اذا ريحت العضله بدون تمرين لمدة اسبوعين متتاليه يصير عندي تجمد في الكتف , يعني تجيني آلام اثناء القيام بالحركات اليوميه العاديه

يعني لا مريح الكتف مرتاح ولا بالتمرين مرتاح

[Mr.Puma]

اسأل الله ان يشفي الجميع .. ونفسي اعرف سواء من صاحب الموضوع او الاول او الثاني او الثالث .. وش الاخطاء او الخلل المشترك بينكم في اصابات الكتف ؟
علمونا عشان مانلحقكم :bigeyes: ؟ ماتتمنون للآخرين الخير ؟! :02:
اذا تريد تتفادى اآلام اجهاد العضلة وشدها بعد التمرين .. فعليك بالشاي الاخضر والقهوة بعد التمرين <<<< اكلينيكال

[كلاااش 1403]

اسأل الله ان يشفي الجميع .. ونفسي اعرف سواء من صاحب الموضوع او الاول او الثاني او الثالث .. وش الاخطاء او الخلل المشترك بينكم في اصابات الكتف ؟
علمونا عشان مانلحقكم :bigeyes: ؟ ماتتمنون للآخرين الخير ؟! :02:
اذا تريد تتفادى اآلام اجهاد العضلة وشدها بعد التمرين .. فعليك بالشاي الاخضر والقهوة بعد التمرين <<<< اكلينيكال


والله الخطأ مو مني

للأسف طلبت من احد المتقدمين في اللعبه على مساعدتي في رفع وزن عالي في تمرين ( صدر علوي ) وللاسف تارك الوزن كله علي وبس حاط يده

نعم هي سياسة المساعده فقط لكي لا يسقط الوزن عليك ولكي يتوازن وتركز , لكن يجب مراعاة ثقافة الشخص الذي تساعده في اللعبه

هل هذا الشخص متفهم هذا الشيء ؟ ام ينظر للغير ويريد ان يطبق

ايضا , باور هذا الشخص .. هل قادر على حمل الاوزان بنفسه ام المطلوب منك ان تساعده على حسب باوره

[O.X.Y.G.E.N]

من اي صيدلة اخذته؟
اتوقع تلقاه في اغلب الصيدليات
انا اخذته من النهدي


اسأل الله ان يشفي الجميع .. ونفسي اعرف سواء من صاحب الموضوع او الاول او الثاني او الثالث .. وش الاخطاء او الخلل المشترك بينكم في اصابات الكتف ؟
علمونا عشان مانلحقكم :bigeyes: ؟ ماتتمنون للآخرين الخير ؟! :02:
اذا تريد تتفادى اآلام اجهاد العضلة وشدها بعد التمرين .. فعليك بالشاي الاخضر والقهوة بعد التمرين <<<< اكلينيكال

والله ابد
كان عندي يوم صدر
ودخلت اول تمرين دنابل عالي وكنت اول مره في حياتي ابدأ الصدر بهالتمرين
تعرف رفعة الدنابل معاناه
بديت احس بألم بعد ثاني جلسه وكملت تمريني عادي
والألم يزيد شوي شوي لين خلصت تمريني عساس ان الألم خفيف مو اصابه
رجعت البيت تعشيت ونمت وصحاني ألم في كتفي
ومثل ما ذكرت قعدت اسبوع ما اقدر ارفع ذراعي
والغريب في الموضوع اني يومها كنت اتمرن انا وواحد توني وقتها تعرفت عليه
وقطعت النادي اسبوعين ورجعت ولقيته يشكيلي من كتفه ومن نفس اصابتي وتوه راجع النادي
وبرضو كان تمرين الدنابل عالي اول تمرين له ذاك اليوم
سبحان الله تمرنا سوا ونفس الاصابه ورجعنا سوا
عشان كذا حرمت.. اول مره واخر مره أبدأ فيه

[Rashid.S]

اسأل الله ان يشفي الجميع .. ونفسي اعرف سواء من صاحب الموضوع او الاول او الثاني او الثالث .. وش الاخطاء او الخلل المشترك بينكم في اصابات الكتف ؟
علمونا عشان مانلحقكم :bigeyes: ؟ ماتتمنون للآخرين الخير ؟! :02:
اذا تريد تتفادى اآلام اجهاد العضلة وشدها بعد التمرين .. فعليك بالشاي الاخضر والقهوة بعد التمرين <<<< اكلينيكال

على جهاز السميث مشين للأكتاف حاط وزن عالي بالنسبة لي وابي العب اخر 4 تكرارت بجوله وحده وانهي عليهم وسوء تقدير الوزن لاني كنت متحمس وتوني صارلي سنه ونص تقريبا باللعبه

انا شلت الوزن في الاولى في الثانيه وانا في اعلى الرفعه طاح علي الوزن والفلبيني اللي معي لاهي واللي ثبت الوزن المثبتات .. الحمدلله جت سليمه
رحت شلت الوزن وقلت يلا مافيني شيء خلني اعطيها وحده اخيره رفعت الوزن وسيت حركت خلني اركز بالنزول وانا في نص النزول ويروح البور سبحان الله فجاءه ويطيح علي الوزن مره ثانيه
زين ان في مساعدات السيفتي حقت المشين ولا كان انا في الانعاش مكسره ضلوعي هههههههه

ابد وكان في الم رحت قلت خلني استكشف خذيت 5 باوند وما قدرت العب فيها رفرفه :bigeyes: فعلى طول رحت ريحت وكذا وثاني يوم قمت من النوم وانا احس كتفي لاصق بخدودي خخخخخ

المهم هنا الغلطه الكبرى اني رحت كشفت في الطورائ وقالوا مافيك شيء وكشفت عند دكتور عظام لان هو الوحيد اللي يستقبل هالاصابات وقال مافيك شيء ورحت لمعالج طبيعي لأحد الأنديه في المنطقه الشرقيه وقالي اللي عندك شد من الدرجه الثالثه ريحت اسبوع إلى اسبوعين وانا اتعالج واحط مراهم وثلج وكنت العب خفيف بين فتره وفتره الين وانا اسوي احد التمارين للكتف كنت اسخنه ضرب معاي مره ثانيه وهالمره وصلت لتمزق ومن بعدها رحت لدكتور ثاني ووقفت لعب لفترة لا تزيد عن ثلاث اشهر