استفسار بخصوص الشوفان وجدول التمرين الجديد !

[R702]

معلومات المتقدم بالاستفسار :
العمر : 19 , الجنس : ذكر

الطول :173 متر
الوزن : 59 كيلوجرام

نسبة الدهون : 5

و الاستفسار كالتالي :
السلام عليكم ورحمة الله وبركاته
اخباركم عساكم باحسن حال ؟
ما ودي اطول عليكم بالمقدمه واحب ادخل بالاستفسار على طول :

1. في جدولي الغذائي احتاج الى كوب شوفان على الفطور مع 4 بيضات و عصير برتقال وبصراحة عجزت عن هضم كوب الشوفان لحاله او مع لبن .. الخ فقررت ان اخلطه مع البروتين واجرب وبصراحة طلع ينبلع واحسن بكثير فـ هل فيه مشكلة بخصوص هالشيء او ما ينفع اني اخلطه مع البروتين ولا الوضع اوكي وكله تمام ؟

2. انا طريقتي في اخذي الكرياتين والجلوتامين لحالها يعني ما اخلطها مع البروتين وطريقتي في اخذها : احط سكوب الجلوتامين على لساني وبعدها اشرب مويه يعني لا اخلطه مع عصير ولا مويه ولا اي شيء هل فيه مشكلة بهالطريقة ؟ لان الخلط ومدري ايش ياخذ وقت وقلق !

3. فيه احد الاخوان الله يجزاه خير منزل جدول تمرين وانا حاب اغير جدول تمريني وكان جدوله كالتالي :
سبت : صدر وبطن
احد : ظهر + ترابيس + جوانب
الاثنين : باي وتراي + سواعد + بطن
الثلاثاء : راحه
الاربعاء : ارجل + بطات + جوانب
الخميس : اكتاف + سواعد + بطن
الجمعة راحه

طبعا انا للاسف السبت ما اقدر اروح النادي بسبب ظروفي واشغالي فقررت تغيير الجدول لـ هالشيء :

احد : صدر + بطن
الاثنين : ظهر + ترابيس + جوانب
الثلاثاء : باي وتراي + سواعد + بطن
الاربعاء : ارجل + بطات + جوانب
الخميس : اكتاف + سواعد + بطن
الجمعة راحه
سبت : راحه

هل يفرق التغيير شيء كثير ؟ اذا يفرق كثير بحاول اضغط على نفسي واطبق جدول الكابتن المذكور بدون اي تعديل لكن اذا مافيه فرق بطبق اللي كتبته انا عشان يكون احسن لي وبدون ما اضغط على نفسي !
وبانتظار ردكم ويعطيكم الف عافية

[Bright Side]

بالنسبه للجدول .. ماعندك مشكله ابد ظبطه بالطريقة اللي تناسب حياتك ووقتك

بالنسبه للشوفان !! اصلا في ناس يخلطون البيض والحليب والتونه ومدري وشو ويقولك هذا احسن بروتين وهو حايس الدنيا كلها !! لذلك اذا معدتك متقبله هالشي ماشوف فيها مشكله !! لكن وجهة نظري انك تستفيد من البروتين كوجبه زياده يعني مثلا اخلط الشوفان مع الزبادي او مع الحليب بس وبعد الفطور بساعتين مثلا خذلك بروتين عشان بالنهايه عدد الوجبات اللي تاكلها يصير اكثر

وبالنسبه لسالفة تحط الكرياتين بفمك بعدين تشرب ماء .. مادري وش اقولك صراحه لكن الغايه بسالفة خلطها مع اي مشروب اننا نتأكد ان البودرة امتزجت بالماء وذابت عشان باذن الله ماتسبب مشاكل بالكلى !!

بعدين ياخي خذلك علبة او شيكر وحط فيه ماء وكرياتين او اي منتج واجلس هز فيه وانت ماشي يعني ماشوف انه ياخذ وقت !!!

بالتوفيق

[abohammed]

كوب كامل شوفان؟!!!
أنا ما أستطيع أكثر من 4 معالق كبيرة.. لا أظن أن كوب كامل أمر جيد!

[Rashid.S]

كوب كامل شوفان؟!!!
أنا ما أستطيع أكثر من 4 معالق كبيرة.. لا أظن أن كوب كامل أمر جيد!

ما يحتاج الظن الكوب أمر جيد لكن أمشي على الكوب بمعيار مو تأكذ أكبر كوب بالبيت وتقيس عليه

كوب الشوفان فيه تقريبا 36 جرام كارب - 40 جرام مو متأكد بصراحه كم بالضبط

كوب شوفان + كوبين ماء أو حليب وأطبخه على الفرن أو بالميكرويف وبعد ما يخلص حط سكوب بروتين لو حاب تخلط معه البروتين

[R702]

اوك يعطيك العافية بحاول اشوف للشوفان حل ثاني واذا مافيه بخليه مع البروتين !
وبالنسبة للكرياتين بحاول اخلطه مع الموية او اي عصير بدال هالطريقة .. والجلوتامين بخليه مع البروتين ينخلط !
وبالنسبة للجدول بما انه مافي تاثير بقوم بتطبيقه مثل ما ذكرت انا .. ويعطيكم العافية جميع يا كباتن ;)

[Mr.Puma]

لو كنت مثلك متسامح مع الكاربوهيدرات والنشويات ..

أو .. لو كنت أستطيع أتناول أكثر من 5 جم كاربس في الوجبة الواحدة :31:

لاختارت تناول البطاطا ( رقم 6 او 7 تقريبا في افضل المغذيات السوبر على سطح الكرة الارضية )
خلك من رقم واحد السلمون والسردين والاسماك :)