سؤالي مختلف \ سؤال بخصوص اجهزه النـآدي

[آبـو جـآسم]

معلومات المتقدم بالاستفسار :
العمر : 19 , الجنس : ذكر

الطول :177 متر
الوزن : 70 كيلوجرام



و الاستفسار كالتالي :
السلام عليكم ورحمه الله وبركاته



اخواني الاعزاء ما ابي اطول عليكم


بختصر لكم بكلام مفيد ، ، ويمكن اكثر من شخص يقرا هذا الموضوع

كان يعاني منه في السابق او لا يزال ..


خلفيه عني انا :


انا لاعب كمال اجسام منذ 2011
قطعت فـ 2013

لعبت سنتين وصلت مستوى طيب ولله الحمد

القطعه اني تعبت ومرضت وتعرفون الناس ماتخلي احد بحاله

والحين شفت نفسي بادي اتحسن فدخلت بنادي منذ اسبوع


لكن تواجهني مشكله انا في السابق ككان في كبتن يمرني بس بدون مقابل ويوقف ع راسي


حاليا مافي احد ، ، وانا ما اذكر الوضعيات الي يسويها لي الكبتن متعود هو يسوي كل شي انا اجلس واطبق



وحاليا دخلت نادي بلاتينيوم للي عرفه بالكويت ،، الكبتن نظام اشراف عام للصاله ما يوقف ع راسك

الى بـ برايفت


فـ انا عندي خبره لكن مشكلتي تكمن فـ بعض الاجهزه الكرسي ما اعرف متى يكون في وضعيته الصحيحه

مثلا لما العب صدر الكرسي يكون مرتفع جدا او نازل او وسط ما اعرف كيف احدد المعيار الصحيح

وكذلك لاجهزه الباي او البيطان او اي جهاز فيه كرسي متحرك للاعلى وللاسفل

ساعات يكون شخص منزله عن وضعه وما اعرف ارجعه حق وضعي


ويروح التمرين كله خطأ



فـ ابي احد يفهمني هالموضوع لانه بادي اكره الرده للنادي واحس بالملل واني صاير ما افهم شي

[Rashid.S]

صحيح .. ربي كان مسخرلك واحد من عباده يعاونك وجزاه الله خير ساعدك مع انه مو مطلوب أنه يوقف فوق راسك على كل صغيره و كبيره

الحل انك تفعلخ كمدرب شخصي وما اتوقع 100 أو 500 ريال بتعيق معك من ناحية أنك تحصل التدريب و التغذيه والإشراف

أنا عن نفسي مؤيد للتدريب الشخصي

[آبـو جـآسم]

والله ما ادري عن مدربين السعوديه كم ياخذون بس حنا تقريبا بالكويت

100 او 80 دينار على حسب الكبتن

يعني تقريبا خل نقول 80 × 13 = 1040 ريال

الى 1300 ريال

غير اشتراك النادي والتزامات ههههههههه كونك طالب بيآثر عليك

[Rashid.S]

والله ما ادري عن مدربين السعوديه كم ياخذون بس حنا تقريبا بالكويت

100 او 80 دينار على حسب الكبتن

يعني تقريبا خل نقول 80 × 13 = 1040 ريال

الى 1300 ريال

غير اشتراك النادي والتزامات ههههههههه كونك طالب بيآثر عليك


اذا بس تدفعها طول مدة الأشتراك حلو لكن لو شهريا خل هاني أو جورج فرح يدربونك أفضل

بس انتبه بعضهم يأخذ منك هالمبلغ عشان يهجزلك كورس من العيار الثقيل

سمعت ان في مدرب يطلب 10000 ريال حق كورس :bigeyes::bigeyes::bigeyes:

[فهاد الشمري]

الاستغلال كثير جدا في هالمجال الله يعينك

[ALI90]

ادخل يوتيوب وشوف فيه مقاطع كثير كيف تؤدي التمرين

بالنسبه لوضعية البنش ف تمارين الصدر المستوى مايبيله وزن

العالي العب باكثر من زاويه مثلا اسبوع 15 واسبوع 30 او كل اسبوعين غير الزاويه

باقي الاجهزه سواء للظهر او الاكتاف او الباي والتراي خل الجهاز على رقم في النص لو مثلا عندك من واحد الى 8 خله على 4 وبعدها ارفع درجه او نزل على حسب طولك

[humax2007]

اليوتيوب قطع رزق المدربين !