المساعد الشخصي الرقمي

مشاهدة النسخة كاملة : التخسيس واللياقة مساعدة في برنامج منزلي للتخسيس


vip_temaa
21-04-2014, 11:50 AM
معلومات المتقدم بالاستفسار :
العمر : 34 , الجنس : ذكر

الطول :166 متر
الوزن : 100 كيلوجرام



و الاستفسار كالتالي :
السلام عليكم ورحمة الله وبركاته,,

أخواني انا لي موقف 3 رياضه سنوات بسبب دراستي وزاد وزني حتى وصل 100

اللحين رجعت ولكن ماقدر اشترك في نادي حاليا لضيق الوقت
أملك سير كهربائي ودراجه ودمبلز

ياليت تعطوني برنامج غذائي ورياضي اقدر اسويه في البيت

وشكرا لكم
Bright Side
21-04-2014, 01:48 PM
بالمختصر المفيد ..

رتب اكلك وبسسس .. لو تبي بعد تسحب ع التمارين الرياضيه اسسسسحب ... بس اهم شي خمس ايام بالاسبوع رتب اكلك (وانت تعرف وش اقصد برتب اكلك) ويومين عندك كل اللي تبي وبقد ماتبي


ومع الوقت بتشوف النتيجه بس يبيلك تصبر ثم تصبر ثم تصبررررررر
vip_temaa
21-04-2014, 02:18 PM
جووووووواب مختصر
بيض الله وجهك

اش تنصحني بالتمارين

مع العلم انا وزني من الصعب النزول فيه
Bright Side
21-04-2014, 03:12 PM
اخوي بقولك شي وان شاء الله انك بتحس براحه للي بقوله وبتتبع كلامي

بالعاده اللي يبي ينحف تلقاه يبي افضل برنامج غذائي وافضل تمارين تحرق ام ام ام الدهون .. ويصمل شهر .. شهر ونص .. بعدين يمل ويرجع كما كان (الا من رحم ربي) والاكثر تلقاه يقول انا كنت نحيف ومدري ايش لكن رجعت سمنت .. طيب دامك كنت نحيف تسمن ليش ؟

عموما اللي اقصده انك لما تبدا اي برنامج غذائي عشان تنحف ..حط في بالك ان هالبرنامج بيكون دائم يعني هذا نظامك الغذائي للابد مو مسالة مؤقته .. النحف سهل لكن انك تبقى نحيف دائم يعتبر صعب بالنسبه لاي شخص سمين !! لاحظ ما قلت يعتبر شي صعب وبس .. لان مافي شي اسمه مستحيل ابدا ابدا ابدا

لذلك الامور توخذ حبه حبه وبهداوه عشان تتعود وتتأقلم و ماتجيك فتره وتمل خصوصا انك ماعندك وقت

الخطوه الاولى : اللي هي تعتبر هدفك الاول خلال الثلاث الشهور الجايه (هاذي الخطوه هي اهم شي وتمثل 80 % من نحافتك )

نظامك الغذائي وحط تحتها ستين الف خط

ماراح اقولك كل زيتونه وحده وتفاحه الصباح ومدري ايش لا

النظام اللي بعطيك عباره عن خمس ايام تلتزم فيها بشروط ويومين تاكل ع كيف كيف كيفك بس تلتزم بالخمس ايام بالشروط بحذافيرها ولا تتهاون ابد لا بلقمه ولا بكسره .. الخ

قبل ما اكتب لك النظام لازم تعرف شي .. المصيبه مو بس بالاكلات الدهنية .. المصيبة الاقوى بالنشويات .. اللي هي الخبز والرز والبطاطس والذره .. الخ حتى لو كان الرز مسلوق او الخبز بر او البطاطس مسلوقه .. تبقى نشويات

اكيد بتقول ليش طيب .. لان جسم الانسان اذا بدا يحرق اول شي بيحرق النشويات .. وبعدها يحرق الدهون .. فاذا كمية النشويات كثير كمية الحرق ماراح تلحق وتوصل للدهون !! وصلت الفكره ؟؟

يعني لازم تقلل نشويات بقدر المستطاع .. يعني بعد الساعه 2 الظهر ماتاكل نشويات ابد

في الخمس ايام من كل اسبوع تتبع الشروط التالية

1. يفضل تنسى شي اسمه ملح وتستبدله بليمون وان ماقدرت كميات بسيطه جدا جدا جدا
2. تنسى السكر كلياً لا سكر بني ولا سكر احمر ..-- مافي احمر بس بما معناه انه تنساه ههههههه
3. تنسى الحلويات
4. تنسى المعجنات
5.تنسى المشروبات الغازيه
6.تنسى الاكلات الدهنية والمقلية
7. ابعد عن الكاتشاب والصلصات وسوالفة التتبيلات الا ان كانت التتبيله مكونه من شغلات صحيه مثل (زبادي خالي الدسم +ليمون + شوية كركم)
8. اشرب ماء كثييير .. عادي تقضي يومك كله بالحمام تتبول عزك الله بالعكس صحي وتخرج السموم والفضلات .. لاتشرب ماء بعد الاكل مباشرة
9.زبادي خالي الدسم يفضل علبتيين باليومز
10. شيبس وبطاطس مقلي ... الخ هذولي انسسسسساهم

طبعا انا عارف بتقول وش خليت وش بقيت لي عشان اكل .. لكن تذكر شغلتين (في يومين من كل اسبوع تعوض وتاكل ع كيف كيفك وغير كذا اي شي ماهو مذكور فوق كل ام امه)

اليومين مثلا كل ويك اند كل ع كيف كما تشتهي ولكن خلك حريص .. شلون .. يعني مو عشانك بدايت تقوم تاكل الاخضر واليابس في هاليومين وتقول عادي يومين اكل اللي ابي هو صحيح تاكل اللي تبي بس كول اللي نفسك فيه مو اي شي قدامك تاكله هههه

وصدقني ع هالجدول بدون تمارين رياضه انا اضمن لك اقل شي 4 كيلو بالشهر :psbt::psbt:

والله يوفقك وصدقني مافي شي مسسستحيل ابدا
Bright Side
21-04-2014, 03:16 PM
الخطوه الثانية اذا حسيت انك تعودت ع النظام الغذائي دخل الرياضه .. وانا من راي الشخصي وبحكم خبرتي القليله المتواضعه ... مشي سريع لمدة ساعه او 45 دقيقه وبسسسس
vip_temaa
22-04-2014, 08:05 AM
شكرا جزيلا لك أخوي كفييت ووفيت
انا عملي مهندس خلال دوامي أقوم واتحرك كيف أقدر اعطي جسمي طاقة اذا انا اصلا ما اكلت نشويات
انا حاليا أفطر شريحتين توست أسمر مع شريحة جبنة بوك قليلة الدسم ومثلها بعد الظهر
اذا الخبر ممنوع اش البدائل
ثانيا هل الفواكة مسموحة

وبالنسبة لليومين هل اذا أكلت اللي اشتهيتة يصير الاسبوع اللي بعدة الحرق قليل والا الكلام خطأ

هل تنصح بالأكثار من الشاي الأخضر

شكرا لك وتقبل تحياتي,,,,,
فهاد الشمري
22-04-2014, 08:11 AM
الخبز النخالة ممتاز
Bright Side
22-04-2014, 11:22 AM
العفو اخوي

تقدر تاكل فواكه وخضروات وخبز بر ودجاج وسمك ولحم .. الخ

مثلا بعد الظهر تقدر تاكل زبادي خالي الدسم وتفاحه وموزه او موزتين

بعدها بساعه او ساعه ونص لاحسيت طاقتك راحت .. خذلك ثلاث تمرات

اشرب شاي اخضر مرتين باليوم .. اشرب قهوه سوداء

كثر شرب مااااء

وترى ع فكره انا دوامي من سبعه الصباح الى اربعه العصر واتمرن حديد بعد المغرب لمدة ساعه وربع واوزان ثقيله وانام الساعه 12 بالليل وهذا نظامي والحمدلله اموري تمام

ركز باكلك وكل شي مفيد .. تفطر ع توست وجبن قليل الدسم ... بعد الظهر مو لازم تاكل مره ثانيه توست وجبن قليل الدسم .. كل دجاج كل سمك سلطه زبادي

الفواكه كلها ع معده فاضيه

والله يوفقك
Bright Side
22-04-2014, 11:24 AM
وبالنسبه لليومين اللي تاكل فيهم اللي تبي .. عادي الجسم يحتاج تعويض