كمال الاجسام نادي جولدز قيم Gold's Gym الرياض شارع التحليه . رايكم فيه [الأرشيف]

مشاهدة النسخة كاملة : كمال الاجسام نادي جولدز قيم Gold's Gym الرياض شارع التحليه . رايكم فيه

أبو فارع

23-04-2014, 12:55 PM

معلومات المتقدم بالاستفسار :
العمر : 35 , الجنس : ذكر

الطول :199 متر
الوزن : 80 كيلوجرام

نسبة الدهون : 35

و الاستفسار كالتالي :
السلام عليكم
كم هو واضح بالعنوان
سؤال خاص عن فرع خاص
يعني ياليت الكلام يكون عن هذا الفرع بالتحديد
الي هو :

جولدز قيم فرع التحليه في مدينه الرياض
طبعا النادي غني عن التعريف
لكن سؤالي عن
كيف المدربين الي هناك
هل في اهتمام
وهل يوجد احترام
وما هي عيوب الفرع هذا من جميع النواحي

لاني كنت مسجل في البودي ماستر وانا اقيمه افشل نادي في حياتي مر علي
لا اهتمام ولا امانه في المدربين
بس تدفع فلوس وتدخل النادي تتفاجئ بالاهمال الي حاصل وقلة الادب من المدربين
فقلت مو مشكله ادفع مبلغ زياده واسجل بنادي ثاني اهم شي لا يكون مثل البودي ماستر

علما اني بمدينة الرياض
وتحديدا في منطقة العليا
فابحث عن نادي يكون قريب لي

كايرو العشق

23-04-2014, 06:42 PM

نصيحه سجل في وقت اللياقه !

اول شي فروعهم نظيفه وشغل صح والفروع الجديده اجهزتهم بالحديد جديده !

وغير كذا بكل زاويه فرع يعني تتمرن باي مكان واي مدينه

Kurapica33

23-04-2014, 11:18 PM

نصيحه سجل في وقت اللياقه !
واي مدينه

ليته يفتح عندنا بالحفر :02:

فهاد الشمري

24-04-2014, 07:35 AM

بودي ماستر من افشل النوادي الي عرفتها

وقت اللياقة اتوقع انه يطق لنوادي باصبع من ناحية كثرة الفروع والنظافة وطاقم التدريب الخ.....

alialshahrani

24-04-2014, 08:33 AM

انا مشترك بوقت اللياقة من سنتين ..
صراحة احترام من قبل الطاقم الاداري .. و الاجهزة الجديدة وكفائات المدربين .. وتعدد الفروع حيث انه لم يعجبك الفرع الفلاني بسبب المدربين او زحمة مشتركين او ما فيه مواقف او او او ..
تقدر تغير لآي فرع أخر وكل الاحياء فيها فروع .. النادي نظيف جدا ً أنصحك بالاشتراك بالاحمر

alialshahrani

24-04-2014, 08:35 AM

بخصوص جولدز جيم اتصلت عليهم امس كلمني واحد باكستاني ابي استفسر عن السعر لان ما اقدر اجدد بوقت اللياقة كاش وما فيه عروض حالياً فقلت اسجل بالفيزا واقسط ولقيت العرض ع جولدز جيم ..
ساعه افهمه ابي اسعار الاشتراك ويقولي لا ماني معلمك تعال بنفسك النادي وشوف الاسعار ؟
خير يبوي منت قادر تقولي اسعار اشتراك الشهر الشهرين الثلاثه .. لازم اجي ؟ وربي كرهت تعامله عن طريق التلفون فـ شلته من راسي

أبو فارع

24-04-2014, 10:09 AM

نصيحه سجل في وقت اللياقه !

اول شي فروعهم نظيفه وشغل صح والفروع الجديده اجهزتهم بالحديد جديده !

وغير كذا بكل زاويه فرع يعني تتمرن باي مكان واي مدينه

انا معك ان وقت اللياقه فروعهم نظيفه وعندهم اهتمام وشغلهم مرتب
لكن اسعارهم خياليه جدا جدا جدا
يعني استغلال
انا الحمدلله بامكاني اسجل عندهم واوضاعي الماديه الان الحمدلله متوسطه
لكن ماني مقتنع ادفع لثلاث شهور اشتراك = 1600 ريال سعودي
او ال 6 شهور = 2600
والسنه = 4300

هذا استغلال مبالغ فيه جدا
وظلم صراحه
وانا ما ادعم الاستغلال
يعني عشانهم عارفين ان اغلب النوادي مشي حالك يرفعون اسعارهم بالشكل هذا
الله يخلي نوادي امريكا الشهر في احسن نادي ب 100 ريال
لا وربعنا زعلانين هنا ليش كل الشعب مكرش وترهلات
مو من اسعار النوادي الي بالعلالي
ووقت اللياقه انا زرت كم فرع صراحه وعجبني لكن زي ما قلت
1 - اسعاره مبالغ فيها جدا
2 - زحمه اعوذ بالله , هذه بالنسبه للفروع الي قريبه مني

---

بودي ماستر من افشل النوادي الي عرفتها

وقت اللياقة اتوقع انه يطق لنوادي باصبع من ناحية كثرة الفروع والنظافة وطاقم التدريب الخ.....
فعلا بعد زيارة اغلب فروع بودي ماستر فروعهم كلها زي الزفت وقلة الادب
اما بخصوص وقت اللياقه
انا معك بالشي هذا مئه بالمئه من ناحية النظافه والاهتمام ممتازين , اما المدربين لم اجرب تدريبهم واهتمامهم اما اسعارهم فهي خياليه وهذا استغلال

انا مشترك بوقت اللياقة من سنتين ..
صراحة احترام من قبل الطاقم الاداري .. و الاجهزة الجديدة وكفائات المدربين .. وتعدد الفروع حيث انه لم يعجبك الفرع الفلاني بسبب المدربين او زحمة مشتركين او ما فيه مواقف او او او ..
تقدر تغير لآي فرع أخر وكل الاحياء فيها فروع .. النادي نظيف جدا ً أنصحك بالاشتراك بالاحمر

شهاده نعترف فيها منك وهذا يؤكد كلام الاخوان انه انجح نادي الى الان
ولكم بخصوص الزحمه
مثلا واحد متزوج وعنده دوام في منطقه معينه ومسجل في فرع قريب من بيته ودوامه , صعب انه يروح فرع ثاني بعيد عنه خصوصا بمنطقة زي الرياض اصغر مشوار يبيلك نص ساعه
وانا والله ودي اسجل بوقت اللياقه لكن كما ذكرت بالسابق انا لا ادعم الاستغلال وش الي 3 شهور ب 1600 والله هذا اخذ اموال الناس بغير حق

بخصوص جولدز جيم اتصلت عليهم امس كلمني واحد باكستاني ابي استفسر عن السعر لان ما اقدر اجدد بوقت اللياقة كاش وما فيه عروض حالياً فقلت اسجل بالفيزا واقسط ولقيت العرض ع جولدز جيم ..
ساعه افهمه ابي اسعار الاشتراك ويقولي لا ماني معلمك تعال بنفسك النادي وشوف الاسعار ؟
خير يبوي منت قادر تقولي اسعار اشتراك الشهر الشهرين الثلاثه .. لازم اجي ؟ وربي كرهت تعامله عن طريق التلفون فـ شلته من راسي

شاكر لك ردك الصريح وشجاعتك
وانا الصراحه كنت بذكر النقطه الي تكلمت عنها انت في بداية موضوعي
لكن ترددت وقلت يمكن ما صارت الا لي انا فقط
وبما ان صارلك نفس الي صارلي فبحط عليه اكس من الان
وبشرح ايش صارلي بنادي جولدز جيم والله العالم ايش السر في تصرفهم هذا وتكتمهم على الاسعار
يعني انت بالتلفون وما علموك
وحتى انا لما جيت لعندهم رفضو يكتبولي اسعارهم بورقه بيضا
حتى زعل لما مشيت من عنده وانا عارف الاسعار بدون ما اسجل
وعذرا باخذ راحتي بالشرح
وللمعلوميه بمدينه الرياض لا يوجد الا فرع واحد لهم فقط يعني الكلام بيكون عن هذا الفرع بالتحديد فرع التحليه بالرياض

بعد المغرب حركت السياره ورحت لفرع جولدز جيم في شارع التحليه في مدينة الرياض
اول ما دخلت الفرع بسم الله
استقبلني شخص مصري بالاستقبال لا يوجد الا هو
من هيئته مبين انه عامل بناء او عامل تلييس يعني لا يوجد به اي اهتمام بهندامه او مظهره
المهم ما علينا قلتله السلام عليكم
رد عليا وقال اهلا
قلت في اشتراكات وعروض عندكم للتسجيل
على طول طلعلي ورقه سجل معلومات تسجيلك
قلت له كيف ؟
قالي سجل ملعوماتك اول
قلتله : انا ابي اول حاجه اشوف الاسعار والعروض اذا ناسبتني سجلت بياناتي
بعد الحاح مني حولني لشخص اخر مصري جالس على مكتب صغير
رححت عنده وبدأ شغل المصريين في الافلام المصريه
في ايه يابيه ليه زعلان ومش عايز تسجل
اسلوب استفزني كثير وحسسني اني قاعد بشارع شعبي ونادي شعبي
المهم قلتله علمني عروضكم واسعاركم كم بالاول بعدين اسجل
قالي لا سبيك من العروض وتعال معاي شوف النادي
المهم قلت مو مشكله مشيت وراه وصار يعلمني النادي كله
صراحتا النادي ممتاز اجهزه ونظافه ومستوي راقي
يعني شغل يعجبك
والي ما عجبني في موسيقى صاخبه مرره في النادي كله
يعني انا اسمع اغاني عادي
لكن احيانا اجي النادي ابي اتمرن بدون اغاني وازعاج
ومبين ان الاغاني دائما شغاله عندهم
طبعا مافي مسبح بالنادي
وفي ثلاث فئات للأشتراك
الزبده
بعد ما شفت كل شي
رجعنا لمكتبه وقالي اسعار الاشتراك
وطبعا الاسعار لأقل فئه الي فيها حديد وسير واجهزه لياقه واجهزة السويدي فقط يعني بس ناقصها الجاكوزي واشياء تافهه بسيطه
ومره ثانيه مسبح مافي بالنادي
الثلاث شهور = 1800
ست شهور = والله ناسي
السنه = 3600
ورجعنا لنفس دوامة نادي وقت اللياقه
بس لو تلاحظون عرض السنه ممتاز كان بالنسبه لي
يعني بالشهر 300 ممكن اتقبلها ولو انها زياده شوي بعد لكن نقول ان الفرع مافيه زحمه والاجهزه عندهم امريكيه وبريطانيه ممتازه يعني والفرع نظيف مبين
المهم نويت اسجل الا دقيقه
بس الي خلاني اهون
لما قلتله طيب سجلي الاسعار بورقه فاضيه
هنا قالي نفس الي قال للأخ علي
قالي مش مسموح ليا اسجل الاسعار
قلتله سجلها بورقه بيضا
مو مكتوب عليها اسم النادي ولا اسمك انتا
قالي لا مئدرش
قلتله طيب انتا الان قلتلي الاسعار يعني استطيع انا اكتبها بورقه
بس عشان ما انسى الاسعار سجلها لي بورقه , لان فعلا الان انا نسيت اشتراك ال 6 شهور بكم قالي
رفض تمام
انا هنا زعلت
قلتله انتم نادي رياضي ولا نادي مخدرات
ليش ممنوع تكتبلي اسعارك
قالي يا استاز احنا نادينا من اعرق النوادي وافضل نادي بالعالم وافضل اجهزه وميه بالميه هيعجبك ومش هتلاقي احسن من نادينا انتا سجل وهيعجبك
انا هنا حسيت ان الدعوه فيها مقلب وخابووور وقلت في نفسي ااذا الاستقبال كذا كيف جوا
يعني الباب مبين من عنوانه
قلتله لا ماني مسجل الان
بجيك وقت ثاني
قالي : طيب اكتب رقم جوالك ورقم الهويه
قلت هذا مركز شرطه ؟ ليش رقم الهويه ؟
كتبتله رقم الجوال ومشيت
وقالي بيتصل علي بعد ثلاث اياام
وانا منتظر اتصاله عشان اجلده جلد هو وناديه
لاني بعد ما مشيت من عنده حسيت فعلا ان اسلوبه وسخ وما عنده اي احترام وتعامل وكأنه نادي شعبي بالقاهره او كانك داخل مرقص شعبي والله وشغل مصريين زي الزفت
حتى لما سألته وانا جوا نادي لما كنا نتمشى قلتله صالة الحديد هذه اجهزتها بس ولا في اجهزه ثانيه جوا
جاوبني بقلة ادب : وانتا عايز ايه كمان
قلتله ترا انا ماهي اول مره لي ادخل فيها نادي
انا اتدرب بالنوادي من سنين وكنت بالخارج و عارف كل الاجهزه ونوادي والاجهزه
بس المصريين الي هناك محتقرين العالم ويحسبون ان الي يجونهم جايين من البر وخيام وما يدرون عن شي
المهم انتظر تعليقاتكم على القصه الي صارتلي معهم
ولو واحد عنده اقتراحات اقول للمصري اذا اتصل علي
لانه بيتصل علي يوم الاحد
وانا ناوي اخربها صراحه
وسوري على الاطاله

فهاد الشمري

24-04-2014, 11:06 AM

كايرو العشق

24-04-2014, 05:51 PM

بالنسبه لوقت اللياقه انا اسجل ب 1280 بالاحمر بخصم 20 بالميه واخر مره جددت بالف ريال جاء خصم 25 قبل 3 شهور

بالنسبه للمدربين !!

اول مره دربني مدرب اسمه الكابتن واسم الهاجري ( بطل عالم في كمال أجسام في بطوله روسيا 2010 )

والحين يدربني كابتن عادل شحمي ( مغربي ) و ( بطل بطوله المملكه المفتوحه في حايل 2014 )

:biggthump

alialshahrani

24-04-2014, 08:06 PM

ههههههههههههههههههههههههه تصدق لو موقفك حصل لي كان بطلع من عندهم ع المستشفى أو أطلعهم ع المستشفى .. يا ضارب يا مضروب :09:
أقولك استفزني الباكستاني على الجوال ورب البيت رفع ضغطي ياخي قولي السعر قالي لا تعال بنفسك لحول و لا قوة الا بالله انا ساكن شرق الرياض وما فيني من راح التحليه مشوار علي لكن انحديت عليهم بسبب الضغوط المادية علي .. الموهم أني ما راح اسجل فيه لو سنة كامله بـ 12 ريال ..
ياخي ادفع شوي زيادة بس اشتري راحتي النفسيه .. وهاللعبه يبي لها راحة نفسيه مو تدخل النادي ااخلاقك براس خشمك بسبب عامل نظافه او بسبب موظف استقبال ..
نصيحتي من الاخر وقت اللياقة لا تتعذر انه غالي خلنا واقعيين روح للانديه الصغيره بالرياض .. وشوف اسعار الاشهر بكم .. ولا تلقى لهم فروع بعطيك مثال :
http://www.foc.com.sa/showMYtables.php
^ هذي اسعار نادي كنت بسجل مع خويي لانه مسجل فيه هو من زمان ..
ولكن تفاجأت 3 شهور بـ 1400 وما عندهم خدمات زي وقت اللياقة الاحمر لاحظ اني قارنته بالاحمر ما قارنت بالاصفر .. صراحة شي مبالغ فيه ..
افرق 200 ريال وسجل بوقت اللياقه ولا ازيدك من الشعر بيت وقت اللياقة عندهم خصم 20% للمجموعة يعني يطيح منك ما يقارب 300 ريال .. ؟ يعني كأنك مشترك 3 اشهر بـ 1300 ريال من غير انه موجود بكل زاوية ..
واذا انت تقول دوامك وبيت فكر فيها زين ترا دوامك الحي اللي فيه اكيد متواجد وقت اللياقة واسئل وبتلقى او ع الاقل بطريقك ..
بيتك الحي اللي انت فيه موجود فيه وقت اللياقة ..
هذي ميزة ما بتلقاها بالنوادي كلها توكل ع الله يا غالي وروح وقت اللياقة .. اسف ع الاطاله

alleewan

25-04-2014, 08:22 AM

السلام عليكم ورحمه الله وبركاته

اذا كان عاجبك وقت اللياقه والاسعار مو مناسبتك
سجل في وقت اللياقه برو اللي لونه اصفر

الاسعار ثلاثه شهور 1000 ريال

وان شاءالله يكون مناسب لك

فهاد الشمري

25-04-2014, 09:40 AM

فهاد الشمري

25-04-2014, 09:40 AM

أبو فارع

25-04-2014, 12:01 PM

ما شاء الله كاتب صحفي ما قريت نص الكلام لكن انبهك لنقطة ان وقت اللياقة عندهم خصومات لبعض القطاعات الحكومية والخاصة غير كذا استغل اوقات الخصومات انا ما اجدد اشتراكي الا وقت الخصومات الي تتراوح من 20 الى 25 % واعبي رصيد الين يجي خصم ثاني وهكذا بالاضافة الى ان فروعهم في كل المدن بخصوص سفريات العمل و سفريات السياحة الداخلية ما تبلش وتنقطع عن الجم

لا تلومني من كثر ما شفت من شي يرفع الضغط كتبت بدون ما احس بنفسي

بالنسبه للخصومات الي ذكرتها
انا لاني بقطاع حكومي ولا قطاع خاص له خصم بالنادي فما راح يخصمون لي شي
اما وقت الخصومات الي تتكلم عنها 20 % انا الان سجلت اسمي عندهم ورقم جوالي عشان اذا جاء خصومات يدقون علي
والان لي شهر من حطيت رقمي عندهم وما اتصلو علي
وانا سئلت الاستقبال حق وقت اللياقه كم الخصم تقريبا
قالي اذا الاشتراك ب 1600 ثلاث شهور عندهم بوقت الخصومات والعروض يعني يطلع الثلاث شهور ب 1300
يعني مو ذاك الخصم المغري
وبخصوص كلامك عن السفر وكذا
وان سافرت ما طقيت خبر للتمارين
لاني رايح اتمشى واوسع صدري مابي جيم وقت سياحتي
الله يخلي القلوتامين يحفظ العضلات شهر كامل ما تطيح
عموما شاكر لك نصايحك ما قصرت

بالنسبه لوقت اللياقه انا اسجل ب 1280 بالاحمر بخصم 20 بالميه واخر مره جددت بالف ريال جاء خصم 25 قبل 3 شهور

بالنسبه للمدربين !!

اول مره دربني مدرب اسمه الكابتن واسم الهاجري ( بطل عالم في كمال أجسام في بطوله روسيا 2010 )

والحين يدربني كابتن عادل شحمي ( مغربي ) و ( بطل بطوله المملكه المفتوحه في حايل 2014 )

:biggthump

وين الاسعار هذه الي تتكلم عنها ؟
ما شفناها ؟
يعني الخصم يجي لكل الناس ولا للموظفين الحكومين والخاص وكذا
وكيف المدربين تحسهم يراقبونك وان تتمرن واذا شافو تمرينك غلط يجونك ويعلمونك
ولا زي البودي ماستر المدرب يا قاعد يسولف مع متدرب قديم يستفيد منه يعطيه بروتينات او قاعد قدام التلفزيون يناظر المباراه ولا كانه بوقت عمل
بامانه رد علي بصدق

ههههههههههههههههههههههههه تصدق لو موقفك حصل لي كان بطلع من عندهم ع المستشفى أو أطلعهم ع المستشفى .. يا ضارب يا مضروب :09:
أقولك استفزني الباكستاني على الجوال ورب البيت رفع ضغطي ياخي قولي السعر قالي لا تعال بنفسك لحول و لا قوة الا بالله انا ساكن شرق الرياض وما فيني من راح التحليه مشوار علي لكن انحديت عليهم بسبب الضغوط المادية علي .. الموهم أني ما راح اسجل فيه لو سنة كامله بـ 12 ريال ..
ياخي ادفع شوي زيادة بس اشتري راحتي النفسيه .. وهاللعبه يبي لها راحة نفسيه مو تدخل النادي ااخلاقك براس خشمك بسبب عامل نظافه او بسبب موظف استقبال ..
نصيحتي من الاخر وقت اللياقة لا تتعذر انه غالي خلنا واقعيين روح للانديه الصغيره بالرياض .. وشوف اسعار الاشهر بكم .. ولا تلقى لهم فروع بعطيك مثال :
http://www.foc.com.sa/showMYtables.php
^ هذي اسعار نادي كنت بسجل مع خويي لانه مسجل فيه هو من زمان ..
ولكن تفاجأت 3 شهور بـ 1400 وما عندهم خدمات زي وقت اللياقة الاحمر لاحظ اني قارنته بالاحمر ما قارنت بالاصفر .. صراحة شي مبالغ فيه ..
افرق 200 ريال وسجل بوقت اللياقه ولا ازيدك من الشعر بيت وقت اللياقة عندهم خصم 20% للمجموعة يعني يطيح منك ما يقارب 300 ريال .. ؟ يعني كأنك مشترك 3 اشهر بـ 1300 ريال من غير انه موجود بكل زاوية ..
واذا انت تقول دوامك وبيت فكر فيها زين ترا دوامك الحي اللي فيه اكيد متواجد وقت اللياقة واسئل وبتلقى او ع الاقل بطريقك ..
بيتك الحي اللي انت فيه موجود فيه وقت اللياقة ..
هذي ميزة ما بتلقاها بالنوادي كلها توكل ع الله يا غالي وروح وقت اللياقة .. اسف ع الاطاله

لا والله ما يستاهلون اوسخ يدي فيهم ولا توسخ يديك فيهم
ولا نبي مشاكل حنا
الا سلام عليكم وافتك منهم
وتصدق انا معك ميه بالميه ان الواحد يروح النادي بعد الدوام او البيت ويكون راسه مصدع ويبي يريح مخه من المشاكل الي شافها باليوم ويشوف ناس محترمه تفتح النفس
مو زي الي بالبودي ماستر اعوذ بالله والله اني اروح هناك وحاس انهم هم الي يدفعون لي فلوس عشان اجي اتمرن عندهم
وعلى طاري وقت اللياقه لو حصلت اشتراك 3 شهور ب 1300 ما راح اشاور وبشترك
بس رافعين اسعارهم والله مافي 1300
وبالنسبه للمكان انا بحي العليا
يعني اغلب النوادي قريبه مني
بس مو معقوله اداوم من العليا لشمال الرياض او جنوبه
انا بالعليا واقرب فرع وقت لياقه الي بطريق الملك عبدالعزيز ودايم امر من جنبه اشوف زحمه اعوذ بالله
وفي فرع ثاني بالملك فهد بعد دخلت صاله الحديد الي فيه وزحمه
وباقي فروعهم بعيده علي
فعشان اروحلها يبيلي كل يوم ساعه كامله اروح لها
ما توصل للنادي الا وروحك طالعه
حلات النادي لما يكون جنب بيتكم او شغلك
وبأذن الله بسجل بوقت اللياقه بس منظر مثل ما قلت وقالو الشباب ينزل عرض 3 شهور ب 1300 وبسجل فيه لان مافي غيره عندي الان
وللعم تدري ان اشتراك السنه في البودي ماستر ب 1800 والله شكلهم حاسين بنفسهم انهم مخيسين ولا احد يبيهم عشان كذا منزلين اسعارهم وتشوف الهنود وطلاب المدارس منكبين عليهم بسبب الرخص فقط

السلام عليكم ورحمه الله وبركاته

اذا كان عاجبك وقت اللياقه والاسعار مو مناسبتك
سجل في وقت اللياقه برو اللي لونه اصفر

الاسعار ثلاثه شهور 1000 ريال

وان شاءالله يكون مناسب لك

وين هذا الله يعافيك
الاصفر اظن انه للي اعمارهم تحت 18 ؟
ولا
واذا فوق 18 وين موقعه عساه قريب من حي العليا
عشان اليوم اروح اسجل فيه
انا اهم شي يكون فيه صاله حديد فقط
ما ابي لا مسبح ولا سير ولا جاكوزي ولا اي حاجه
ابي صاله حديد ومدرب محترم وامين في عمله فقط

فهاد الشمري

25-04-2014, 07:17 PM

الأصفر لكل الناس افتح موقعهم على النت وشيك على أقرب فرع اصفر أخبر واحد في مخرج 5 اذا ما خاب ضني

THh Rock

29-04-2014, 02:30 PM

جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .