استفسارات بخصوص الـ (ليبو 6 بلاك) وفعاليتها في انقاص الوزن ؟؟

[aboo3mar]

معلومات المتقدم بالاستفسار :
العمر : 27 , الجنس : ذكر

الطول :177 متر
الوزن : 90 كيلوجرام



و الاستفسار كالتالي :
السلام عليكم

يا اخوان كان وزني 99 قبل ثلاث سنوات ونزلت بالتمارين والتخفيف في الاكل الى 82

هذا قبل الزواج ههههههههههه

لكن الان رجع وزني الى 90 تقريباً

والمصيبه عندي ان الزياده جات بالارداف والكرشه يعني شكلي مررررره رايح فيها

وهذي مشكلتي من زمان (الارداف والكرشة)

وحاولت اني انتظم في نادي وسجلت مرتين بس ادفع الفلوس واحضر كم يوم وانسحب (كعادة السعوديين ههههههه)





السؤال الان هل لو استخدمت الـ (ليبو 6 بلاك) مع المشي يومياً لمدة ساعه هل راح يكون مفيد في انقاص وزني بشكل آمن وسريع ؟؟

وهل الـ (ليبو 6 بلاك) مضر بالصحه اثناء الاستخدام او اذا قطعته بعد فتره ؟؟

وهل الـ (ليبو 6 بلاك) له تأثير خاص على الشحوم المتراكمه خصوصاً اللي بالارداف والكرشه ؟؟

وكم نوع للـ (ليبو 6 بلاك) وطريقو استخدامه ؟؟ (لاني سمعت فيه بس ما سبق لي التجربه)

وفقكم الله ارجوا منكم المساعده

[said777]

وعليكم السلام
ابو عمار اذا ماني غلطان قول امين الله يرزقك باذريه الصالحه
اول شي فعالية حرق الدهون في الجسم تعمد على كمية العضلات في جسمك
ثاني شي الوضع اللي انت حاب توصل له يبي له اصرار وعزيمه من ناحية تنظيم الأكل والكارديو اقل شي شهر اذا ماهمك نقصان العضلات
اما بخصوص الزياده في المنطقه الوسطى ركز على الدراجه وافضل حل لك مشي على السير او براء اذا ما انت ناوي ترجع لنادي لمدة عشرين دقيقه حرق سعرات وبعدها خمسه وعشرين او ثلاثين على الدراجه كذا راح تنسفها من واقع تجربه
أخيرا بخصوص حوارق الدهون اليبو ثلاث انواع انا جربت lipo 6 ultra ولا جاب نتيجه معي لكن سمعت البعض
يمدح lipo 6 x لكن اللي جربته hydroxycut hardcore ومازلت مستمر عليه واذا حبيت تجربه قولي اقولك طريقته
اما بخصوص مضرته لصحه يضر اذا تعدى استخدامك له شهرين هذا الهيدروكسي اما اليبو شفته ماجاب نتيجه معي من اول اسبوع ونطلته
بتوفيق

[.::لوغي::.]

السلام عليكم
بتكلم من واقع تجربة
حوارق الدهون له دور واحد فقط تسريع عملية الحرق
بدون حوارق راح تبدأ تحرق بعد نص ساعة من التمرين يعني لو تتمرن كل يوم نص ساعة مافي فايدة ولو تتمرن 45 د راح تحرق ربع ساعة فهمت علي ؟
فالحوارق تسرع هذي المدة وقت استهلاك الكارب ثم تخزينه والبدء بأخذ الطاقة من مصادر اخرى وأولها الدهون
نصيحة ادخل نادي - بعد التسخين 5 د - رح للحديد والعب تكرارات كثيرة اوزان خفيفة بعد 30 ساعة من اللعب بالحديد
روح للسير وارفعه كأنك ترقى طلعه امش نص ساعة اركض شوي وارتاح شوي ثم ريح 5 د - والعب السيكل 20 د
واذا خلصت روح المسبح
وحاول تسجل انت وشخص حتى يحمسك وتحمسه
واذا بتاخذ حارق انصحك انا بليبو بلاك الترا ممتاز ويعطيك بور
وقبل كل شيء الدايت هو مفتاح كل شيء
بالتوفيق

[Rashid.S]

منتج فعال وما منه خوف

[Bright Side]

طيب بتستخدم الليبو 6 وراح تنحف وتنبسط وتفلها وبما انك ماتقدر تكمل يومين بالنادي راح ترجع تسمن وتكرش ووو

طيب والحل ؟؟ ادري بتقول يارجال خلني انحف بس وبعدين يصير خير

نصيحه

رتب اكلك ثم رتب اكلك ثم رتب اكلك ثم تمرن

شوف حتى لو ماتتمرن بس تتبع نظام غذائي ممتاز خمس ايام بالاسبوع (راح تنحف 4 كيلو ) كل شهر ..

[ehabsamy]

السلام عليكم
بتكلم من واقع تجربة
حوارق الدهون له دور واحد فقط تسريع عملية الحرق
بدون حوارق راح تبدأ تحرق بعد نص ساعة من التمرين يعني لو تتمرن كل يوم نص ساعة مافي فايدة ولو تتمرن 45 د راح تحرق ربع ساعة فهمت علي ؟
فالحوارق تسرع هذي المدة وقت استهلاك الكارب ثم تخزينه والبدء بأخذ الطاقة من مصادر اخرى وأولها الدهون
نصيحة ادخل نادي - بعد التسخين 5 د - رح للحديد والعب تكرارات كثيرة اوزان خفيفة بعد 30 ساعة من اللعب بالحديد
روح للسير وارفعه كأنك ترقى طلعه امش نص ساعة اركض شوي وارتاح شوي ثم ريح 5 د - والعب السيكل 20 د
واذا خلصت روح المسبح
وحاول تسجل انت وشخص حتى يحمسك وتحمسه
واذا بتاخذ حارق انصحك انا بليبو بلاك الترا ممتاز ويعطيك بور
وقبل كل شيء الدايت هو مفتاح كل شيء
بالتوفيق

ونعم الكلام انت قلت الملخص يا لوغي
لآن بعض الناس تفكر ان حوارق الدهون تاخذها وهى لحالها تقعد تحرق لك الدهون :)
وفعلا فائدة حوارق الدهون هى انها تسرع عملية الحرق اثناء التمرين مو انها تحرق الدهون اوتوماتيكياً !!!
وايضاً ليبو الترا يعطيك طاقة جبارة بجان تسريع الحرق وعن تجربة .