طقطقة الكتف

[عاشق الباي]

معلومات المتقدم بالاستفسار :
العمر : 25 , الجنس : ذكر

الطول :179 متر
الوزن : 85 كيلوجرام



و الاستفسار كالتالي :
السلام عليكم
كيف الحال
كل عام والجميع بخير بمناسبة اقتراب شهر رمضان المبارك

انا عندي مشكلة ياشباب طقطقة في الكتف بسبب ارهاق العضلة وتحميلها اوزان كبيرة وسبق ان طرحت موضوع ونصحوني الشباب بمراجعة طبيب و استخدام اوميغا 3 والراحة ولكن للاسف سويت كل شي دون جدوى الآن لي 3 اسابيع او اكثر بدون تدريب والطقطقة مازالت موجودة

[Kurapica33]

راجعة طبيب وش قالك :33:

[عاشق الباي]

قال تحتاج راحة اسبوع اسبوعين وتروح

[عاشق الباي]

واعطاني كريم ماسوى اي شي

[Kurapica33]

عملك اشعة ؟

[عاشق الباي]

لا لم يعمل

[الصريح جداا]

جرب مساج وتدليك وركز ع المنطقه بالمساج

[Rashid.S]

ان كانت طقطقه بدون الم كمل ولا توسوس هذا هو الحل

انا الطقطقه تروح وتجي من الكوع إلى الركبه .. دورلك أي مفصل وتحصله يشتكي

لعبة كمال الاجسام وتحميل الأوزان الثقيله تسبب بعض الخشونه بالمفاصل .. وان قد استخدمت كورس راح يساعد أكثر :28:

جرب تأخذ منتج مثل أنمال فليكس وانا قد جاتني طقطقه بالم في الكوع استخدمت الجوزنت فليكس او الجوينت كير وخفف الألم :ponder: ترى ما ادري شسمه بالضبط بس تحصله بالصيدليه سعره أذكر انه فوق ال 200

[Kurapica33]

سلمني على دكتورك
وروح شوف اخصائي عظام ثاني
سو اشعه وشف وش فيك هينا محد يقدر يفيدك ولا ندري وش سبب المشكلة و اذا عرف السبب بطل العجب
يمكن معاك كسر او تمزق او لتواء انت جالس كذا ولاتدري وش سبب المشكلة :33:

[aalfarhood]

سبق واني سمعت لصانع الابطال جورج فرح كان يقول لاترفع اوزان اللي بس تقدر ترفعها مثلا ٣ مرات بعض الناس يسوي سكوات بوزني عااااالي ٣ مرات بس
عشان بس يهايط او تتوقع انها بتنفعك يقول اذا رفعت الوزن عاالي وبمقدره ٣ عدات اعلى شي تقدر عليه مثلا انت تمرن المفصل مو العظله. :)

[Mos2363]

سؤال أخي،،

هل تشعر بأي ألم في الكتف مصاحب للطقطة أثناء تحريك ذراعك لأعلى أو رفعه بجانب الجسم (كما في تمرين الكتف الجانبي بالدمبل) أو حين لف ذراعك للخلف (كأنك تضع محفظة بجيبك الخلفي)؟؟

إذا كان كذلك يرجى توضيح أي حركة بالضبط التي تشعر فيها بالألم.