كم كمية ونوع الهرمونات اللى ياخذونها الابطال الكبار

[تي كوفي]

معلومات المتقدم بالاستفسار :
العمر : .. , الجنس : ذكر

الطول :175 متر
الوزن : .. كيلوجرام

نسبة الدهون : ..

و الاستفسار كالتالي :
السلام عليكم ورحمة الله وبركاتة

اختلف الاراء والمقولات عن كمية ونوع الهرمونات اللى ياخذونها الكبار امثال بق رامى

قالى الكابتن اللى يحضر بق رامى يضربونه اشياء لايعلمها هو ماهى وبينهم عقد موثق انه مايسأل

عن الجرعات والكميات اللى ياخذها ولاحتى نوعها

في استفساري هذا

ماهى نوع الهرمونات ؟ والانسلين؟
ماهي الكمية ؟ الهرمونات والانسلين؟

[Big Al]

وعليكم السلام ورحمة الله وبركاته

قبل كل شي ودي اقلك ان الكابتن عندك اعطاك المعلومة ذي من كيسه

يا صاحبي الموضوع باختصار ان كل واحد ياخذ الشي حسب تقبل جسمه وتحسنه وفي نفس الوقت حسب ظهور الاعراض الجانبية

اخوك مثلا يفضل ياخذ الاغراض الي خواصها البنائية اكثر بكثير من الاندروجينية بسبب حساسية جسمي للاندروجين وسرعة التحول الى DHT

وغيري يدور على زيادة الاندروجين لانه يضبط معاه 100%

وبالنسبة للابطال كل واحد فيهم يلاحظ تحسن جسمه على مواد معينة وفي نفس الوقت ما يبين اي شي سلبي في تحاليل دمه الدورية

ومن ناحية الانواع اغلبهم يرفضون رفض تام الكلام عن كورساتهم بسبب عقود الرعاية والامور القانونية والبعض يذكرها بطريقة غير مباشرة او عن طريق واحد من مدربينه السابقين

مثلا كاي جرين جرعته الاسبوعية من التستسترون 1000 ملغ لكن ما ذكر مدربه ايش يستخدم معاه
لي هاني كان معروف عنه استخدامه الاكيوبويز على فترات طويلة جدا وجرعات عالية (فوق 1000 ملغ اسبوعيا) وهذا الي الكثير اعتبره سبب الجمال العضلي الي كان عنده وماحد قرب منه

دوريان يتس كان هو الوحيد الي كتب مقال وشرح فيه بالتفصيل كورساته بالجرعات والاوقات لكن للاسف لاسباب قانونية توقف العدد الي كتب فيه المقال بعد ايام من طرحه ومنع نشره في اي وسيلة اعلامية

خلاصة الموضوع يا صاحبي, حدد لك هدف من كل كورس وجرب الشركات القوية واعرف ايش الاعراض الجانبية لكل مادة تحطها في جسمك عشان تشوف تأثيرها السلبي او الايجابي عليك وصدقني كل واحد من الابطال هذول جرب اشياء كثير الين وصل للكورس المناسب له

واذا في شي معين في بالك راسلني عالخاص وراح اعرضه على كذا كابتن من الي يشاركون في بطولات ويجيبون مراكز واجبلك رأيهم بالتفصيل

واسف عالاطالة

[تي كوفي]

شكرا بق ال

عندنا كبتن تكلم عن صديق له جنسية مصرية

ياخذ تستسترون 3000

وانسلين 30 وحده

شيئ من الجنون ولكن لديه جسم ضخم جدا

[Big Al]

العفو يا طيب

عارف ان فيه ناس تاخذ جرعات حتى اكبر

لكن السؤال هل جسمك استفاد منها ولا كلها كانت فضلات او مواد زايدة عن حاجة الجسم؟ هل المواد نظيفة ومفعولها 100% كامل؟

دوريان يتز في مقابلة قال اليومين ذي اللاعبين يضربون جرعات اعلى بكثير من الي كان يضربه في عزه وهو مسيطر على الاولمبيا تماما ومع هذا ما قربو من حجمه او شكل عضلاته وعلى حسب كلامه ان اغلب الموجود حاليا في السوق مضروب او تركيزه اقل من المذكور حتى لو كان من بعض الشركات المعروفة

جورج فرح (مدرب كاي جرين) كان له رأي ثاني ويقول الناس تاخذ اكبر من حاجتها وما تركز على الاكل والتمرين والراحة ومهما تضرب راح يوصل جسمك مرحلة ويوقف يتقبل ولهذا السبب ما يزيد لكاي جرين عن 1000 ملغ

وبالنسبة للانسولين اكون كذاب لو قلت لك عندي عنه معلومات بسبب اني رافض فكرته كليا وما انصح فيه لان الغلطة فيه ببلنتي