تسجيل الدخول

مشاهدة النسخة كاملة : كمال الاجسام سؤال عن محفز تسترون للمجربين والخبرة ابودانا وغيره


مالقيت ولااسم
20-07-2014, 12:01 AM
معلومات المتقدم بالاستفسار :
العمر : 31 , الجنس : ذكر

الطول :172 متر
الوزن : 62 كيلوجرام

نسبة الدهون : 15

و الاستفسار كالتالي :
السلام عليكم
كل عام وانتم بخير اخواني الكرام
لي سنة ونصف العب ومالاحظ اني مثل غيري بالصالة بالمستوى المامول
لقيت محفز test hd من شركة muscle tech وعليها عرض ومادري هل هو مناسب استخدامه ؟
مع العلم ان لي رغبة اجرب انيمال كت واحدهم يقول المحفزات مضرة عليك ب ZMA
الرجاء مشاركتي وتوجيهي
ابو دانا الحربي
20-07-2014, 02:24 PM
حياك يالغالي .. وترى ماهنا خبره ولاشي .. ماكملنا ولا سنه حتى الان في اللعبه :)

المحفزات في نظري مضيعه للوقت والمال .. اذا عندك ضعف في هرمون الذكوره عن طريق الفحص مع الدكتور .. راح يصرف لك علاج يرفع لك المعدل ..

انت محتاج تاكل وتزيد وزنك ..

طولك 172 ووزنك 62 وتبي تستخدم انيمال كت .. واضح عليك انك من النوع النحيف السمين بنفس الوقت .. او اللي يسموه skinny fat ..

حتى تبني عضل تحتاج تاكل .. تحتاج تزيد وزنك .. بتقول الدهون راح تزيد .. اقول معليش الدهون راح نتعامل معها بعدين .. اللي يخاف من شوية دهون ماراح يطلع عضل ..

حسب بياناتك تحتاج الى 2000 - 2200 كالوري يوميا ويكون من ضمنها تقريبا 125 غرام من البروتين .. حاول تزيد وزنك تقريبا نص كيلو اسبوعيا .. استمر على كذا 6-8 اشهر بإذن الله راح تشوف فرق بالقوه وبكمية العضل المكتسبه .. نعم راح يكون فيه دهون عليها .. بعدها تشوف هل تكمل بزيادة الوزن او تشيل الدهون الاضافيه ..

غير كذا للاسف مافيه حل .. لامحفزات ولاغيره راح يفيدك ..

بالتوفيق ..
مالقيت ولااسم
20-07-2014, 05:38 PM
عندك علم يابودانا وقد وجدت الفائدة بمواضيعك وردودك
بالنسبة لشكلي نحيف
ورح ارفع وزني
معليش اذا تتحملني بسؤالين :|
الكارديو انا عشر دقايق احماء وعشرين بعد التمرين كذا كويس ؟
واش رايك في جدول Push - Pull - leg ?
هل هو مناسب وكنوع من التغيير
ابو دانا الحربي
20-07-2014, 07:04 PM
عندك علم يابودانا وقد وجدت الفائدة بمواضيعك وردودك
بالنسبة لشكلي نحيف
ورح ارفع وزني
معليش اذا تتحملني بسؤالين :|
الكارديو انا عشر دقايق احماء وعشرين بعد التمرين كذا كويس ؟
واش رايك في جدول Push - Pull - leg ?
هل هو مناسب وكنوع من التغيير

الكارديو مافيه مشكله وومتاز .. الكارديو كويس للصحه العامه وفيه دراسات انه يفيد بالريكوفري بعد فتره طويله بشكل بسيط .. بس المهم مايكون على حساب وزنك ويكون يمنعك من زيادة وزنك .. يعني احسب حسابك ياتاكل اكثر او تقلل كارديو اذا شفت وزنك ماصار يزيد ..

بالنسبه لنظان ال PPL .. جيد وهو نظامي ولكن اضيف عليه يوم رابع للاكتاف .. وبعدها راحه .. بعدها اعيده من جديد ..

بالتوفيق ..
مالقيت ولااسم
20-07-2014, 07:40 PM
بارك الله فيك
الف شكر نورتني