المساعد الشخصي الرقمي

مشاهدة النسخة كاملة : كمال الاجسام والله ياشباب انضحك علي في موقع البودي بولدنق


تي كوفي
26-01-2015, 04:33 PM
معلومات المتقدم بالاستفسار :
العمر : 00 , الجنس : ذكر

الطول :0000 متر
الوزن : 00 كيلوجرام

نسبة الدهون : 00

و الاستفسار كالتالي :
السلام عليكم ورحمة الله وبركاتة

شريت iso 100 بحجم 5باوند بتكلفه اجماليه مع الشحن 464 ريال وبالصدفه
لقيت واحد في الانستقرام يبيعه نفسه 340 ريال لايطلعلى احد يقول مغشوش ومن هذا
الكلام لانه مرفق الفواتير معاه من امريكا
السؤال وش العمل نبغى موقع نتعامل معه نفس اللى يتعامل معه البائعين من يدلنا ؟؟
iexceptive
26-01-2015, 05:05 PM
الشحن مكلف + اذا بتطلب من برا اشتر كورس كامل اكثر من مكملين لان الشحن غالي
Mayoood.ad
26-01-2015, 05:17 PM
عليكم السلام والرحمه ،،

ياخوي المشكله مب في الموقع
المشكله في شركات الشحن والمبالغة في الأسعار ،،

Bodybuilding يعتبر من افضل وأضمن المواقع لشراء المكملات
لكن شركات الشحن تستغل إقبالنا عليه والمسافة الكبيره الي بيننا ،،

واحد من الشباب سوى حركه ،،
دخل موقع اسمه shop and ship على ما اعتقد ودفع مبلغ في حدود خمسين دولار ( تدفعه مره وحده فقط )
ويعطونك صندوق بريد في أمريكا وبريطانيا والصين تابع لأرامكس ويوم بتطلب من مواقع احد هذي الدول
تحط عنوان صندوق البريد الي عطوك والموقع يرسل الطلبيه عليه ،،
وبعدها أرامكس ترسل الطلبيه من صندوق بريدك في هذيك الدولة الى عنوانك في بلدك ،،
وطلبت مره عن طريق هالحركه لكن الي وفرته في بودي بيلدينج دفعته في الشحن ( يعني هيا هيا ) ،،

اخر مره اشتريت مكملات عن طريق موقع اسمه sporter.com
موقع ممتاز وأسعاره معقوله ومقرهم في دبي يعني مفروض الشحن للسعوديه يكون معقول ،،
جرب وشوف ،،

موفق ،،
almusket
26-01-2015, 07:20 PM
انصحك بموقع iherb الموقع مضمون واخذ جوائز كثيرة انا دايم اتعامل معاهم الشحن عندهم رخيييص وسريييع

دايم استلم شحنتي خلال 4 ايام

مره طلبت من بودي بلدنج وندمت شحنهم يقعد شهر

مثلا الايزو 100 بيكلفك في موقع اي هيرب ب 247 ريال مع الشحن للسعودية يابلاش

صح عندهم المكملات عندهم اغلى بس الشحن رخييص

واذا طلبت اول مره منهم يعطوك 10 دولار خصم يعني بيكلفك ارخص
iexceptive
26-01-2015, 08:51 PM
المواقع الي اراها جيده هي
iherb يعيبه عدم توفر جميع المكملات لكن يتميز برخص الشحن
muscleandstrength لكن ابعد عنه حتى تحل مشكلة الفيدكس
netrition يعيبه شحنه غالي لكن ممكن توفر اذا كنت طالب ٥ واكثر من المكملات
iexceptive
27-01-2015, 12:02 AM
طبعا بعد ما جلست امخمخ على iherb و
netrition اكتشفت ان الفارق بسيط في السعر 10-20 دولار
حيث netrition اسعار المكملات اقل لكن الشحن غالي والعكس في iherb للمعلومه فقط
Naser90
27-01-2015, 09:41 AM
يا اخوان انا عندي خبره بسيطه في التسوق الالكتروني
بحثت في هذه المواقع اي هيرب بوديبلدنق وغيرها

في الاخير كان الافضل لي امازون ..نعم امازون .. واشحن الاغراض شحن مباشر
لكن العيب انه مو كل الاشياء فيها شحن مباشر وايضا مو كل النكهات متوفره

الشحن المباشر في امازون اختار الشحن من 8-16 يوم ..وخلال اسبوعين يوصلني عن طرريق ارامكس

اما اي هيرب الصراحه يخوفون لانهم يشحنون عن طريق DHL والـ DHL معروفين في وضع الرسوم .. كل شحنه لازم يضيفون لها رسوم من عندهم..وخاصة المكملات يضيفون لها رسوم ويقولون لك هذي رسوم الافراج عن الشحنه ..مره اشتريت عسل من اي هيرب وتم شحنه عبر DHL وقالو لي احتمال الجمارك يحجزون الشحنه فلازم تجي تسوي فسح طبي للاغراض ..لكن الحمد لله تم الافراج عن الشحنه بدون الفسح الطبي

في النهايه ..شوف اغراضك اذا متوفره في امازون وبشحن مباشر ..اوفر لك
Naser90
27-01-2015, 09:54 AM
ملاحظة مهمة:


بالنسبة لردي السابق ..الشحن المباشر من امازون و كوني في دولة الكويت..يتم عبر شركة ارامكس ولا اعاني من اي مشاكل معها
اما الاخوة في المملكة العربية السعودية..حسب ما استطلعت كلام بعض الاخوة انه يتم شحنها عبر البريد السعودي ( او شي زي كذا ) وهذا البريد معروف بسمعتة السيئة ويمكن يحجزون الاغراض ..فارجوا منكم التاكد والانتباه لهذه النقطة