مشاهدة النسخة كاملة : سؤال عن leman 24 hours
Ranma Saotome
25-02-2002, 04:14 PM
هاذا ثاني موضوع أكتبه في المنتدى وأتمنى أنه مايكون الاخير...
عندي سؤال عن سباق لومان 24 ساعه
وإذا جاوب عليه أحد الاعضاء، راح يكون في سؤال ثاني عن نفس السباق...
أوكي..
سؤالي الاول:
ماهي السيارات اللتي فازت بسباق لومان 24 ساعه مرتين في التاريخ؟
* اسم السياره وليس اسم الشركه.
واللي عنده أي توضيح يبيه في السؤال يقول..
وشكرا...
Blue Lagoon
25-02-2002, 04:35 PM
silkcut jaguar in the 1980's:D اذا تبي سيارة ثانية احنا جاهزين....
:D
Ranma Saotome
25-02-2002, 11:59 PM
أخوي Blue Lagoon صحيح هالسياره فازت بسباق لومان لكن مب مرتين...
أنا أقصد آبي اسم سياره فازت مرتين بالسباق؟
وعلى فكره ترى مافي ألا سيارتين قاموا بهالانجاز...
أتمنى من باقي الاعضاء يشاركون...
Ranma Saotome
26-02-2002, 02:25 PM
في شباب اطلبوا مني أني أكتب موضوع في المنتدى وهذاني كتبت موضوع...
وأنا بصراحه أشوف أن الموضوع حلو لكن يمكن محد يعرف الاجابه...
سوري يمكن الموضوع ماعجبكم لأنه مافي صور...
أنا قلت من الول أن أنا مو مقبول فيني في المنتدى...
مو مشكله...
أهم شي أني كتبت موضوع وخلاص...
حتى لو ماتعرفون الاجابه شاركوا...
باي
راعي الكورفيت
26-02-2002, 08:01 PM
Audi R8
أو يمكن Porsche 917
راعي الكورفيت
26-02-2002, 08:05 PM
هذي صور 917":"
راعي الكورفيت
26-02-2002, 08:06 PM
":"
راعي الكورفيت
26-02-2002, 08:08 PM
":" ":"
راعي الكورفيت
26-02-2002, 08:13 PM
:) :p
Ranma Saotome
26-02-2002, 09:38 PM
أحححححسسسسسسسسسسسسسسنت يا راعي الكورفت
Audi R8 فازت بالسباق مرتين...
لكن البورش 917 مافازت ولا مره أعتقد... مع أنها سياره أسطوريه...
أوكي شباب ألحين عرفنا سياره وحده وباقي وحده بعد...
مايصير الحين 49 دخلةا عالموضوع مافي ألا 9 ردود
باقي ال40 قرايه وين راحت...
المهم أنا بكره العصر باكتب الاجابه إذا مافي حد عرفها...
وأحب أذكر مره ثانيه أن في ناس من المنتدى طلبوا مني أن أفتح موضوع وقالوا لي: لا تتفلسف علينا وافتحلك موضوع ورينا شطارتك...
الظاهر أن طلعت صج شاطر ومحد عرف الاجابه...
وإذا حد من الاعضاء عرف الاجابه راح يكون في سؤال ثاني...
لكن مب عن اللومان... عن ال F1 لأن أتوقع أن عشاق هالسباق أكثر من عشاق سباق لومان الشهير...
طلعوا شطارتكم وخبرتكم هنيه يا أعضاء مب بس في الصور..
راعي الكورفيت
26-02-2002, 10:15 PM
يمكن بورش 917 ما فازت مرتين ولكن فازت مرة في عام 1970
السيارة الثانية يمكن تكون بورش 911
واعتقد أنها فازت في عامي 1997 و1998
أنا استبعد الكورفيت والفايبر والكاديلاك والكرايسلر والبنتلي والرولس رويز والبيجو
---------------------------------------
أما 917 أكيييد اسطورية لأنها أسرع سيارة في العالم من حيث التسارع أو عى الأقل حافظت على ذلك لمدة طويلة لأنها صنعت عام 1970 وهي تصل 100 كم/ساعة في 2,3ثواني:واو:
أما الأسرع في السرعة القصوى فهي 1988 Corvette callway sledghammer
بقوة 880 حصان وسرعة قصوى 409 رقم لم يحطم بعد
وينافسها بوجاتي فيرون بقوة 1000 حصان وسرعة 407 الفرق بسييييييط
وهذه هي صورة الكورفيت الخارقة
Ranma Saotome
27-02-2002, 12:27 AM
إي والله ياخوي اسكت هالبورش 917 تدوّخ الراس لما أشوفها...
لكن بعد لا مب البورش...
وصح الشركات اللي استبعدتهم بعد مافازوا..
ومشكور على هالمعلومات...
بس للحين مستغرب أن مافي ألا انت اللي رد عالموضوع...
شباب أن بكره العصر باقول الاجابه ومن بعدها لحد يزعل لما أرد في موضوعه ويسوي لي سالفه...
تبون تظهرون لي أن انتوا فاهمين وعباقره...
وروني شطارتكم...
طبعا انت مستبعد من هالكلام ياراعي الكورفت... انت فنان:-)
راعي الكورفيت
27-02-2002, 12:45 AM
افترض انها وحدة من ثلاث شركات:
رينارد-اف-دبليو
سالين
WR
لا تصدمني وتقول لي فيراري أو لامبرغيني أو هوندا
Ranma Saotome
27-02-2002, 12:58 AM
بعد لا حبيبي...
ولا تخاف مو فيراري ولا لامبورغيني ولا هوندا...
سياره غير...
والله انك مفرحني بمشاركاتك...
تسلم أخوي
Ranma Saotome
27-02-2002, 02:32 PM
شباب الظاهر انتوا مب قد مواضيع جاده...
70 قراءه ولا رد جديد
جزاكم الله خير
الاجابه اليوم الساعه 7 فالليل...
راعي الكورفيت
27-02-2002, 03:55 PM
حيرتنا أخوي Ranma Saotome يمكن بورش 962
أو بورش 911 GT1
أو.......?:
راعي الكورفيت
27-02-2002, 03:59 PM
أو يمكن بورش 550
أو902
يمكن ماكلارين
راعي الكورفيت
27-02-2002, 06:03 PM
كتب العضو (SMM®)
او TOYOTA GT-ONE
هذي تجيب الأول بعد الأخير
ما بقى إلا تقول لي هايلوكس أو كورولا
راعي الكورفيت
27-02-2002, 06:07 PM
الساعة الآن السابعة وسبعة دقائق بتوقيت مدينة الدمام وضواحيها
ننتظر الإجابة
>>>>>>>>>>>>>>>>>>>>>>>
كان معكم:
<<<<<<<<<<<<<<<<<<<<<<
////////////////////////////////////////////////////
راعي الكورفيت
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
راعي الكورفيت
27-02-2002, 06:10 PM
كتب العضو (SMM®)
او mazda kudzu DLY
يمكن مازدا 78:p :p :p :p
يا اخوي تقدر اتسكر فمك
اتصور انك ما تشوف كلمة ((مراقب)) تحت اسمي
هذي صورة mazda kudzu DLY
راعي الكورفيت
27-02-2002, 06:46 PM
كتب العضو (Ranma Saotome)
شباب الظاهر انتوا مب قد مواضيع جاده...
70 قراءه ولا رد جديد
جزاكم الله خير
الاجابه اليوم الساعه 7 فالليل...
الساعة الآن السابعة و خمس واربعين دقيقة بتوقيت الدمام وضواحيها
ننتظر الجواب;)
وننتظر السؤال الثاني عن F1
Ranma Saotome
27-02-2002, 07:44 PM
سووووووووووووري شباب عالتأخير
لكن شاسوي، لما الواحد يكون محبوب بين خويّانه ومايبغون يتركونه.. بعدين مايقدر يوفي بوعده...
ماشالله متحمس للإجابه...
ومشكور أخوي SMM عالمشاركه.. عالاقل في غير راعي الكورفت انتبه للموضوع..
الاجابه...
وأنا مستغرب أن مافكرتوا فيها أبدا...
هي...
الاسطوره...
Ford GT 40 اللي فازت في السباق سنة 1966 وسنة 1967
والاودي آر 8 فازت في سباق 2000 و 2001
ياترى من بيفوز في السباق الجاي؟ ننتظر ونشوف
والسؤال الجاي يمكن أتأخر ليما أحطه لأن وراي مشاغل كثيره وأمور لازم أخلصها...
لكن من أول مافضى على طول راح أحط لكم سؤال جديد...
وجزاكم الله خير
راعي الكورفيت
27-02-2002, 08:04 PM
كتب العضو (Ranma Saotome)
سووووووووووووري شباب عالتأخير
لكن شاسوي، لما الواحد يكون محبوب بين خويّانه ومايبغون يتركونه.. بعدين مايقدر يوفي بوعده...
ماشالله متحمس للإجابه...
ومشكور أخوي SMM عالمشاركه.. عالاقل في غير راعي الكورفت انتبه للموضوع..
الاجابه...
وأنا مستغرب أن مافكرتوا فيها أبدا...
هي...
الاسطوره...
Ford GT 40 اللي فازت في السباق سنة 1966 وسنة 1967
والاودي آر 8 فازت في سباق 2000 و 2001
ياترى من بيفوز في السباق الجاي؟ ننتظر ونشوف
والسؤال الجاي يمكن أتأخر ليما أحطه لأن وراي مشاغل كثيره وأمور لازم أخلصها...
لكن من أول مافضى على طول راح أحط لكم سؤال جديد...
وجزاكم الله خير
كيف فاتتني Ford GT40 مع إني أعرفها وأعرف قدراتها الأسطورية :" :" :" :" :"
راعي الكورفيت
27-02-2002, 08:07 PM
سمعت عنها معلومة يمكن تكون خيالية أكثر من واقعية
إنهم سووا لها تجربة قاموا أطلقوها في المضمار بدون سواق ضلت تلف المضمار يومين
وكان هذا في آواخر الستينات يمكن عام 1968
تخيل سيارة بدون سواق تلف المضمار يومين
عجب
Ranma Saotome
27-02-2002, 11:39 PM
والله أول مره أسمع هالكلام... معلومه حلوه
والله مايندرى فيهم...
هو على حسب المضمار... لو مضمار اختبارات بيضاوي... يمكن ليش لأ
لكن إذا كان مضمار بمعنى مضمار...
الله أعلم
راعي الكورفيت
28-02-2002, 04:16 AM
كتب العضو (Ranma Saotome)
والله أول مره أسمع هالكلام... معلومه حلوه
والله مايندرى فيهم...
هو على حسب المضمار... لو مضمار اختبارات بيضاوي... يمكن ليش لأ
لكن إذا كان مضمار بمعنى مضمار...
الله أعلم
المضمار بيضاوي
الموقع الأول (http://www.canadiandriver.com/news/010124-2.htm)
الموقع ثاني (http://www.mre.co.uk/Cars/Future/FFlyclassic.htm)
و هذي الصورة لـ FORD GT40 :
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .