آخر اخبار بطوله ويننج اليفين في الرياض

[RPG_master]

اولا بدت البطوله قبل اسبوع تقريبا .
ولعبت المجموعه الاولى المكونه من ابراهيم وناصر وعبدالعزيز وعبدالرحمن (طبعا نتحفظ على الاسماء الكامله)وتأجلت مباريات هذه المجموعه الى يوم الجمعه القادم بسبب انسحاب ناصر وعبدالرحمن وسوف يحل مكان ناصر (خالي)انا.وبالنسبه عبدالرحمن فهو عاد لاستكمال البطوله.اما المجموعه الثانيه التي يتواجد فيها اخوي فهي كالتالي .
اعضاء المجموعه 1-oglopهذا اخوي واسمه عبدالعزيز وهو مسجل وله كم مشاركه في المنتدى لكن مشاركاته نادره.(كرواتيا)
2-عبدالمحسن (يوم جاء يسجل في البطوله قال البطوله مضمونه).(فرنسا)
3-نواف.(البرازيل).
4-سليمان(البرازيل).
المهم (طبعا كانت عدسه RPG_masterمتواجده في الحدث ).
اول مباراه كانت بين اخوي وسليمان (كرواتياvsالبرازيل)
سليمان هذا جنى على نفسه يوم سجل فاخوي هدف ورد عليه اخوي بسته المهم انتهت المباراه انتهت 6-2 لاخوي .
المباراه الي بعدها بين سليمان وعبدالمحسن (فرنساvsالبرازيل)
انتهت المباراه بفوز فرنسا (عبدالمحسن)2-0 .
بعدها جت مباراه نواف وسليمان(الضحيه)(البرازيلvsالبرازيل)انتهت بفوز نواف 7-1 .طبعا كل مجموعه فيها اربعه لاعبين والبطوله فيها 11 مجموعه يتاهل الاول من كل مجموعه واحسن ثواني .وعدد المشاركين 44 لاعب.
بعدها جت مباراه اخوي وعبدالمحسن(كرواتياvsفرنسا) (هذا عبدالمحسن الي يقول البطوله مضمونه)انتهت المباراه بفوز اخوي
5-2 .
بعدها جت المباراه الفاصله بين اخوي و نواف (كرواتياvsالبرازيل)انتهت المباراه بفوز اخوي 3-2 .
وبكذا تأهل اخوي دور الست عشر .
والمركز الثاني كان نواف بعد فوزه في المباراه الاخيره على عبدالمحسن 2-0 (نواف يأمل على احسن ثواني)


بعدها جت المجموعه الثالثه ولاعبينها هم
1-وائل
2-عبدالعزيز
3-الامير سعود(لعبت معه كم مباراه وديه وفزت عليه 5-2 و3-0 مع الرأفه لان كان عنده مباراه بكره ما ابي احطمه)
4-فهد.
على العموم وباختصار الامير انهزم 7-2 و3-2 وطلع وتأهل من هذي المجموعه وائل.
والمجموعه الرابعه لعبت اليوم
وفيها
1-الامير عبدالله(اخو سعود الاكبر )
2-فيصل(اكبر ضحايا البطوله حتى الان)
3-محمد.(خوينا)
4-زياد.
باختصار تاهل زياد بعد ما فاز على محمد 6-4 وعلى فيصل 9-0 وعلى عبدالله 10-1(على فكره زياد تقدم وعادله عبدالله وصار الي صار).
وكان الثاني محمد بعد فوزه على عبدالله 2-1 وعلى فيصل 9-0

وسوف نوافيكم باخر اخبار البطوله انشالله وانا متحسف اني ما اشتركت فيهااا اهههههههههههه يالقهر.(لو اشتركت البطوله في الجيب الايمن :)))) )واسف على الايطاله وادعو لاخوي انه يتوفق.

[CASH2000]

لو بس كنت عايش في الرياض لكان شفتو شيء ثاني والله بس إنشاء الله تكون في بطولة في جدة قريباً :):):):):)

[RPG_master]

اشوف انك وااااااثق من نفسك ومخلي العالم كلهم غشمااااااااااااااااااااااااااااااااااااااااااااااااااااااااااااااااااااااااااااااان عندك ليه يا اخوي انت شفت لعب الناس على شان تحكم على البطووله الى هذي الدرجه واثق من نفسك؟؟وبعدين خليت المنتدى كلهم فاشلين وانت الفنان ليه ما نسوي بطوله للمنتدى ونشوف مين الفالح فينا ويا ليت وننج اليفين الجديد الي في البلاي ستيشن2 فيه انترنت علشان نسوي بطوله اون لاااين ونثبت منهو الافضل علشان نسكت الفاشليين .

[CASH2000]

أنا يا حبيبي ما حكمت على مشتوى البطولة بلعكس فيدل من كلامك أنه التنافس والحماس فيها يصل لدرجة بطولة محترفيه هذه العبة ألتي أقيمت في جاكرتا قبل شهرين وشاركت بها وحققت المركز الثاني خلف بطل العالم في هذه العبة WildDog هذا إسمه المستعار ....أنا ما خليت كل الناس فاشلين بلعكيس هناك لاعبين لعبت معهم عن طريق هذا المنتدى ومستواهم رائع جداً وبتوفيق للجميع (أشوف انك شوي عصبي فصلي على النبي حبيبي):):):):):)

[خالد2001]

اخ RPG master كم اعمار المشتركين بالبطوله عطني الحد الاعلى والحد الادنى .وكم وقت المباراة
وماهي شروط البطوله وبعدين ليش مايخلون كل واحد يلعب بفريقه الي مسويه فالمفروض يطلب من كل مشترك انه يجيب كرت الذاكره الي عنده ويكون كرت الذاكره مسجل فيه الفريق والتشكيله اوفر للوقت بدل ماكل واحد فبل كل مبارات يضيع الوقت باختيار التشكيله وتحريك اللاعبين يعني الشغله راح تطول.

[RPG_master]

اولا وقبل كل شي باركولي لاني شاركت في البطوله بدل واحد انسحب اليوم ولعبت المياراه الاولى مع واحد ما ادري وش اسمه الاول وتعادلت معه 1-1 بعد ما ضيعت بينلتي وما حسبلي الحكم بينلتي وااااضح المشكله انه نفس الكسره حقت البنيلتي الاول المهم ضيعت الينلتي شتها يسار لكن اللاعب ضيعها وضيعت اكثر من 4 انفرادات (الا الحين مقهور على ضياعها) المهم الي ضدي نجا من هزيمه مستحقه كانت المباراه سيطره 100%لي بس ما اراد الله اني افوز على العموم المسئله مسأله توفيق وبعدها لعب الي ضدي مع واحد اسمه غالي وفاز عليه 4-3 وبعدها لعب غالي مع مشعل وفاز عليه 4-2 وبعدها لعبت مع مشعل وفزت وتقدمت عليه 9-1 والوقت كان
30الشوط الثاني المهم وقف مشعل اللعب وقال ابي انسحب يكفي
وانا ما ابيه ينسحب وتحسب النتيجه انسحاب(2-0)المهم ترجاه المنظم انه يكمل وقلت صدقني ما راح ادخل عليك زياده بس كمل
وفعلا كمل وانتهت المباراه على هذي النتيجه .
بعدها لعب الي لعبت معاه اول مباراه مع مشعل وفاز عليه 13-3
المهم بقالي مباراه بكره مع غالي لازم افوز فيها بفارق 4 اهداف علشان اتساوى مع اول واحد لعبت معه في النقاط واتقدم عليه في الاهداف .ادعوولي.
لكن انشالله ما اخذل جماهيري العريقه:) (ومن الفقش ما قتل)
ومباراتي مع غالي تاجلت بسبب مباراه الاتحاد والاهلي
على العموم حتى لو ما فزت بفارق اربعه اهداف انا ضامن التاهل
بنظام احسن ثواني .

وبالنسبه لك يارونالدو اعمارهم من 15 16 الى 25 تقريبا وفيه اكبر بعد بس المهم ما يصيرون اقل من 8 سنوات.
وباللنسبه للفرق الي حنا نسويها لو خلوها كذا
كان صارت الفرق كلها متشابهه لانهم كلهم بياخذون رونالدو وشيفشنكو وغيره .ادعولي ويارب افوز واتاهل
عفوا نسيت وقت المباراه 15 دقيقه وتبدا المباريات بعد العصر
(البطوله في مقهى كوكب الرياضه)وشكرا

[خالد2001]

بالعكس كل واحد حسب ماقلت انت يبي ياخذ فرنسا او البرازيل او كرواتيا يعني الفرق محدودة يعني نفس الشيء بعدين قدرات الشخص الحقيقية تظهر باللعبين الي يرتاحلهم انت مثلا ضيعت بلانتي و لو معك اللاعب الي تفضلة وشات البلانتي مستحيل يضيعة انا مثلا مستحيل اضيع بلانتي بروبرتو كارلوس حتى لو طار عليها الحارس لاني اعرف اقدر قوة الشوتة بلاعبي.

[owen]

قهههههررررررررررر لو كنت ادري عن البطوله كان اشتركت وفزت قهررررر والله قهر انا من الرياض وتوني اعرف عن البطوله على العموم عندي سؤال.. البطوله تقام كل عام؟ ومتى وقت طلب الاشتراك فيها.؟؟؟؟
وشكرا على تغطية البطوله

[RPG_master]

على العموم يا اخ اوين يمكن يمديك تشترك لانه بقى ثلاث مجموعات ما لعبت ويمكن ينسحب واحد وتشترك بداله زي ما اشتركت انا.
اي والله نسيت باركووولي تراي تاهلت اليوم
لعبت مع غالي وكان يبيلي 4 اهداف علشان اتاهل الاول
وفزت عليه 6-1 قبل لا تبدى مباريات المجموعه اليوم
المهم مجموعه اليوم كان فيها خالي فشلنا الله يفشله وطلع بعد ما تعادل وانهزم وتاهل من هذي المجموعه واحد اسمه عبدالعزيز
معه منتخب البرازيل بعد ما فاز 4-2 4-2 5-2
ويا اخ اوين سمعت ان نفس المقهى يمكن يسوي بطوله ثانيه بعد هاذي بس خلني اتاكد وارد عليك.

[RPG_master]

شباب وش رايكم وش اخذ اي خطه في مبارات دور الست عشر
مع اني العب بـ4/4/b2 منتخبي البرازيل.وش رايكم خاصتا انت يا كاش وعماد18