Zuluf
27-02-2002, 07:09 PM
خرج محمد الى قاعة الاحتفال بأحد الفنادق في الساعة التاسعة مساءا هو ووالده واخوانه وجميع أقاربه إحتفالا بزفافه والمشاركة في يوم فرحه .. جرت المراسم الاحتفالية بالاستقبال كالمعتاد ثم الجلوس في القاعة كل واحد مبلم في وجه الثاني حتى حان موعد العشاء ثم بعد ذلك قربت ساعة زفة محمد الى زوجته نورة .. وبعد ان دنا خالد أخو العروس الى إذن محمد هامسا .. هااااه نمشي .. والا ننتظر شوي .. أجابه محمد .. لا خلاص وش ننتظر له خل نمشي بس .. وقال خالد لمحمد .. هاااه بتسوي زفة مع نورة والا مازلتا مصر على رايك .. محمد .. يووووه يا خالد قلت لك الف مره لا تحرجني .. ولا عندي نية أنزف والله عند الحريم !! خل نمشي بس للجناح وننتظر ونريح لين يجون أهلي واهلك ويسلمون ويصورون معنا والوجه من الوجه ابيض !! خل بس ناخذ ابوي لانه تعب !! خالد .. أوكيه براحتك بس لك الى ساعة تفكر بالزفة واذا غيرت رايك قلي .. ترا كل شي جاهز !! بس ننتظر موافقتك !! قال محمد .. ردينا يا خالد !!
وذهب محمد ووالده بصحبة خالد الى الجناح إنتظارا لمقدم العروس !!
قال محمد لوالده : يا بيي ورا ماتستريح وتريح وتنام على السرير شوي !! لان الحريم الظاهر بيتأخرون !! خل نتمدد لين تقرب جيتهم وبعلمك قبلها بربع ساعة !!
بعد ساعتين من الانتظار دق التليفون ورد محمد ... الووو ..
هلا محمد يمة وشلونك !!
محمد : هلا والله بميميتي وشلونتس يمه
أمه : الحمد لله .. محمد ترا نورة موصيتني ودها بالزفة وودها تنزل .. تعال وانا أمك لا تفشلها كلها ليلة في العمر .. فرحها وانا أمك !!
محمد : يمه .. يا بعد الدنيا .. لاتحرجوني والله أنا قايل لكم من أول تراني ماني منزف عند الحريم .. يمه لاتحرجيني .. ولا تعكرون مزاجي في ليلتي !!
أمه : براحتك يا وليدي ..ولا تحرج نفسك .. الدنيا ماتسوى تنكد عليك يا بعد أمك !!
وبعد الانتظار .. دخلت العروس ووالدتها وأهل محمد ووالدته .. وجلسوا معهم سواليف وتهاني وتصوير وكان محمد جالس بجانب زوجته نورة واللي كانت زعلانه لانه ما أنزف معها وكان واضح على ملامحها ....!! وحاول محمد يلطف الجو بهمسات جانبية بينه وبين زوجته !!
محمد : هاااه نورة .. طالعة قمر ماشاء الله !! عسى ما ينضلونك بس !!
نورة : وراك مارضيت تنزف وفشلتني عند زميلاتي وبنات عمي !!
محمد : والله هالموضوع قايل لكم فيه رأيي من زمان وماهي حلوه اني انزف بين حريم اجنبيات ويتغطون .. واذا رفعت عيوني قالوا يناظر وطايرة عيونه في هالحريم واذا نزلتها قالوا ياهو حياوي والا يجلسون يقارنون هو اطول والا هي اطول والا ياهو مملوح والا هي املح منه !! خلينا بس من هالخرابيط اهم شي نجتمع مع بعض تحت سقف واحد ياعمري !!
نورة : والله فشلتني عند تهاني ... يعني هي منزفة الكل يحكي فيها في الكلية !! وانا قايله لها اني بأنزف مع زوجي وبالاخير تفشلني !!
محمد : يااااا الله رجعنا تهاني !!
نورة : اييييييه بنرجع يعني هي أحسن مني !!
محمد : يعني كل هالخساير ما أعجبتك .. والله مكلف الزواج فوق الثمانين الف ولا اعجبك
نورة : هيء هيء .. مكلف زواج تهاني 250 الف !! وانت حتى الزفة متكيثرها علي
محمد : أقول والله عندي لك مفاجأة حلوة زي ماقلت لك أمس !! بس خلينا نجلس بروحنا !!
وفي أثناء هذه الهمسات والمشاجرة الصغيرة كانت كاميرا التصوير والتهاني تقطع الاحاديث الجانبية بينهم وتلطف الجو !! والا كان علوم ....
وبعد ان هم الجميع بالخروج ... همست ام نورة بإذن محمد قائلة : محمد يا وليدي عاد أرفق على نورة تاراها عصبية بس هذا لون البني يشوفن غيرهن ويغارن بس عاد انت تعامل معها بالهون وانا خالتك !! رد عليها محمد .. أبشري يا خاله والله ماراح تشوفين مني الا الزين !!
بعدها إنفرجت .... وجلس محمد ونورة لوحدهما في الجناح .... وقال محمد لنورة : هاااه يا بعد محمد ودك أعطيك المفاجأة !!
نورة : تصدق عاد اول ماقلت لي عندي لك مفاجأة يا نورة أمس .. قلت أكيد بيجي ينزف معي ويبي يخليها مفاجأة
محمد : يا الله ما انتهيتي من الزفة !! مفاجأتي أحلى !!
نورة : ما هقيته !! بس يا الله ... كنت اتمنى انها كانت الزفة !!
محمد : نورة ... لا تحرقين مفاجأتي الله يخليك !!
نورة : وش عقبة يا محمد بعد ماحرقت أحلى لحظة كنت انتظرها !!
محمد : يا الله يا نورة !! لها الدرجة ... منتي منتظرة وش جايب لك !!
نورة : لا .... يا الله انا قلت كنت اتمنى !! بس صدقني لو تجيب لي كنوز الدنيا ماراح تكون أحلى من زفتك معي !!
محمد : انتي يا نورة مادية ولاتنظرين الا للماديات !! ومفاجأتي ماتصلح لك والله .......
نورة : براحتك والله ... بس تدري ودي بطلب منك طلب صغينون ... أنا ودي أدخل الغرفة الثانية بغير ملابس !!
وبعد لحظات شمت نورة ريحة حرق .... ونار .... في غرفة محمد .. وجت تركض ... محمد محمد وش هالنار !! يؤ .. ليه هالورقة تحترق !! خذت نورة جيك الموية وطفت النار اللي جالسة تأكل في ورقة ... وبعد إنطفاء النار !! أخذت نورة الورقة وهي تطالع بعيون محمد واللي تحول لونها الى اللون الاحمر وأخذت ماتبقى من الورقة المحترقة وقرأت أخر سطر فيها والذي جاء نصه :
نورة قدمت لك أحلى مفاجأة قصيدة متواضعة طاهرة بريئة تعبر عن شعور صادق من القلب لقلب أحلى فتاة شاهدتها عيناي !! نورة .. هذي أغلى قصيدة خطتها يميني تعبيرا عن حبي الصادق لأغلى فتاة !!
نورة .... أتمنى ان تحوز هذه الابيات على إعجابك .... وصدقيني هذي جزء بسيط من الكلمات المسطرة بقلبي !!
وفجأة ... صرخت نورة وقالت ... محمد ليه حرقت الورقة والقصيدة ...
محمد ...( وعينه تدمع ) : نورة .. أنتي حرقتيها قبل لاتحرقها النار ...:" :" :"
وذهب محمد ووالده بصحبة خالد الى الجناح إنتظارا لمقدم العروس !!
قال محمد لوالده : يا بيي ورا ماتستريح وتريح وتنام على السرير شوي !! لان الحريم الظاهر بيتأخرون !! خل نتمدد لين تقرب جيتهم وبعلمك قبلها بربع ساعة !!
بعد ساعتين من الانتظار دق التليفون ورد محمد ... الووو ..
هلا محمد يمة وشلونك !!
محمد : هلا والله بميميتي وشلونتس يمه
أمه : الحمد لله .. محمد ترا نورة موصيتني ودها بالزفة وودها تنزل .. تعال وانا أمك لا تفشلها كلها ليلة في العمر .. فرحها وانا أمك !!
محمد : يمه .. يا بعد الدنيا .. لاتحرجوني والله أنا قايل لكم من أول تراني ماني منزف عند الحريم .. يمه لاتحرجيني .. ولا تعكرون مزاجي في ليلتي !!
أمه : براحتك يا وليدي ..ولا تحرج نفسك .. الدنيا ماتسوى تنكد عليك يا بعد أمك !!
وبعد الانتظار .. دخلت العروس ووالدتها وأهل محمد ووالدته .. وجلسوا معهم سواليف وتهاني وتصوير وكان محمد جالس بجانب زوجته نورة واللي كانت زعلانه لانه ما أنزف معها وكان واضح على ملامحها ....!! وحاول محمد يلطف الجو بهمسات جانبية بينه وبين زوجته !!
محمد : هاااه نورة .. طالعة قمر ماشاء الله !! عسى ما ينضلونك بس !!
نورة : وراك مارضيت تنزف وفشلتني عند زميلاتي وبنات عمي !!
محمد : والله هالموضوع قايل لكم فيه رأيي من زمان وماهي حلوه اني انزف بين حريم اجنبيات ويتغطون .. واذا رفعت عيوني قالوا يناظر وطايرة عيونه في هالحريم واذا نزلتها قالوا ياهو حياوي والا يجلسون يقارنون هو اطول والا هي اطول والا ياهو مملوح والا هي املح منه !! خلينا بس من هالخرابيط اهم شي نجتمع مع بعض تحت سقف واحد ياعمري !!
نورة : والله فشلتني عند تهاني ... يعني هي منزفة الكل يحكي فيها في الكلية !! وانا قايله لها اني بأنزف مع زوجي وبالاخير تفشلني !!
محمد : يااااا الله رجعنا تهاني !!
نورة : اييييييه بنرجع يعني هي أحسن مني !!
محمد : يعني كل هالخساير ما أعجبتك .. والله مكلف الزواج فوق الثمانين الف ولا اعجبك
نورة : هيء هيء .. مكلف زواج تهاني 250 الف !! وانت حتى الزفة متكيثرها علي
محمد : أقول والله عندي لك مفاجأة حلوة زي ماقلت لك أمس !! بس خلينا نجلس بروحنا !!
وفي أثناء هذه الهمسات والمشاجرة الصغيرة كانت كاميرا التصوير والتهاني تقطع الاحاديث الجانبية بينهم وتلطف الجو !! والا كان علوم ....
وبعد ان هم الجميع بالخروج ... همست ام نورة بإذن محمد قائلة : محمد يا وليدي عاد أرفق على نورة تاراها عصبية بس هذا لون البني يشوفن غيرهن ويغارن بس عاد انت تعامل معها بالهون وانا خالتك !! رد عليها محمد .. أبشري يا خاله والله ماراح تشوفين مني الا الزين !!
بعدها إنفرجت .... وجلس محمد ونورة لوحدهما في الجناح .... وقال محمد لنورة : هاااه يا بعد محمد ودك أعطيك المفاجأة !!
نورة : تصدق عاد اول ماقلت لي عندي لك مفاجأة يا نورة أمس .. قلت أكيد بيجي ينزف معي ويبي يخليها مفاجأة
محمد : يا الله ما انتهيتي من الزفة !! مفاجأتي أحلى !!
نورة : ما هقيته !! بس يا الله ... كنت اتمنى انها كانت الزفة !!
محمد : نورة ... لا تحرقين مفاجأتي الله يخليك !!
نورة : وش عقبة يا محمد بعد ماحرقت أحلى لحظة كنت انتظرها !!
محمد : يا الله يا نورة !! لها الدرجة ... منتي منتظرة وش جايب لك !!
نورة : لا .... يا الله انا قلت كنت اتمنى !! بس صدقني لو تجيب لي كنوز الدنيا ماراح تكون أحلى من زفتك معي !!
محمد : انتي يا نورة مادية ولاتنظرين الا للماديات !! ومفاجأتي ماتصلح لك والله .......
نورة : براحتك والله ... بس تدري ودي بطلب منك طلب صغينون ... أنا ودي أدخل الغرفة الثانية بغير ملابس !!
وبعد لحظات شمت نورة ريحة حرق .... ونار .... في غرفة محمد .. وجت تركض ... محمد محمد وش هالنار !! يؤ .. ليه هالورقة تحترق !! خذت نورة جيك الموية وطفت النار اللي جالسة تأكل في ورقة ... وبعد إنطفاء النار !! أخذت نورة الورقة وهي تطالع بعيون محمد واللي تحول لونها الى اللون الاحمر وأخذت ماتبقى من الورقة المحترقة وقرأت أخر سطر فيها والذي جاء نصه :
نورة قدمت لك أحلى مفاجأة قصيدة متواضعة طاهرة بريئة تعبر عن شعور صادق من القلب لقلب أحلى فتاة شاهدتها عيناي !! نورة .. هذي أغلى قصيدة خطتها يميني تعبيرا عن حبي الصادق لأغلى فتاة !!
نورة .... أتمنى ان تحوز هذه الابيات على إعجابك .... وصدقيني هذي جزء بسيط من الكلمات المسطرة بقلبي !!
وفجأة ... صرخت نورة وقالت ... محمد ليه حرقت الورقة والقصيدة ...
محمد ...( وعينه تدمع ) : نورة .. أنتي حرقتيها قبل لاتحرقها النار ...:" :" :"