#aNiMaNiA#
28-02-2002, 01:56 PM
أوووووووووووووووووووف! خلاص أنا مليت من كتابة الشعر وشغل الحزن هذا، قررت أغير:D
وما لقيت أحسن من إني أقلكم مغامراتي أنا والكابتن فوارس (روائد حاليا)
و إن شاء الله حنستمر مع بعض كم حلقة (هذا إذا ما مليتو)، يلا بينا:
(الحلقة الأولى-مغامرات wsws وفوارس مع مدام أمريكا-الفصل الأول)
يوووووووووووووووووووووووووووووووووووووووه يوم جديد ممل ومافي شي غير النوم والكمبيوتر، يلا أشغل الكمبيوتر يمكن ألاقي أحد أدردش معاه.
وبعد نص ساعة من الإنتظار حتى نخش الإنترنت ما لقيت أحد!
قلت: ياالله! إيش الملل هذا؟ خلاص بأطلع، إلا فجأة يطلعلي واحد! مين؟ فوارس؟ هلا والله كيف حالك وإيش أخبارك والكلام إياه.
فوارس: شفت موضوعي الجديد
أنا: أي موضوع يا شيخ أنا خاش بالعافية؟
فوارس: ليه؟
أنا: ياخي الإتصال مرة بطيء
فوارس: طب إيش نسوي
أنا: والله قهر يا شيخ شوف أمريكا عندهم خدمة سرعتها 100 ميجا بالثانية (أرنب كبييييييييييييييييييييييير)
فوارس: والله من جد؟
أنا : أمال أمزح معاك
فوارس: أقلك مادام إحنا عايشين في ملل خلينا نروح أمريكا نغير جو ( يعني ما لقيت غيرها؟)
أنا : والله؟ قدام ياشيخ
فوارس: كلام رجال؟
أنا: كلام رجال
فوارس: يلا بينا بكرة
أنا: خلاص بكرة مع السلامة
ومن اليوم إللي بعده رحنا ضبطنا أمورنا وخلاص السفر بعد أسبوع
بس فين رايحين في أمريكا؟ على كاليفورنيا يا قلبي (أمال تبغونا نروح نيويورك؟)
وجاك يوم السفر، وأنا فرحان وأقول في نفسي: ( مين قدك يا wsws رايح أمريكا)
(طبعا هذا كله قبل البرج ما يطيح ولا كنا ما أكلنا عيش هناك (هو أصلا حنأكل شي؟))
المهم أخذنا مقاعدنا في الطيارة درجة أولى جنب الحمامات (عاد تقولولي كيف أنا ما أدري هذا شغل وكالة السفريات)
وكل شوية تقل لهم فين الأكل فين الأكل ( على بالنا بجيبوا لنا أكل (فايف ستارز))
ولمن جا الأكل والله ماعرفنا إيش ناكل( الأشياء إللي في الصحن ولا الصحن نفسه؟)
قام فوارس يقول للمضيفة : إنتي يا بنت عندكم بيك؟
وإللي ما يعرف ما يعرف البيك نقول له: هي وجبة سريعة مشهورة في جدة
المضيفة ولعت (على بالها إهانة): وات إز ذيز بيك؟ :غضب: (يعني: إش هذا البيك؟)
جيت أنا أتفلسف: نووووووووووووووووووو هي مينز كيك (لاااااااااااااااااااااا هو قصده كيك)
( أحلى ياالمنقذ في المواقف الحرجة):D :D
المضيفة: أها، نوت ناو (مو الحين)
قلت لها: طب أنقلعي
قالت: وات؟
قلت: لا سلامتك
وجا وقت النوم، الناس كلها نامت إلا إحنا صاحيين قمنا نتمشى (وش البلاوي إللي شفناه بس خليها مستورة أحسن)
المهم وصلنا أمريكا بس وكالة السفريات الملعونة ما قالت لنا إنه الطيارة حتوقف في نيويورك(تمام إنها وقفت ولا ماكنت قلت لكم هذي القصة)
لمن وقفت في نيويورك قالوا في إستراحة لمدة ساعتين أجلسوا في الإنتظار
إلا فوراس راكبه عشرين جني وقام يصرخ : إنتظار ميييييييييييييييييين؟ نروح نلفلف ونرجعلكم
wsws:بس ما نتأخر، فوارس: أمشي ياجبان
الكابتن محسب نفسه لسه في جدة عشان يلفلف
ونخرج من المطار وشفنا دنيا جديدة مختلفة ولا السرقات والقتل عيني عينك
أمريكا ماهي قادرة تربي عيالها جات تحط حرها على أولاد الناس
فوارس:wsws wsws هيييي إصحى بدري على السرحان
أنا (وقاعد أتنافض من الفجعة) : إشبك فجعتني؟
فوارس: شوف هناك سباق سيارات زي إللي في فيلم the fast &the furious (أقول للي ملوا لا تروحوا ترى من هنا يبدأ الحماس)
والله عاد أنا ما صدقت هذي الأشياء تعجبني مرة
قلت له : مستني إيه؟ يلا بينا
والله رحنا على هناك وأول ما خشينا منطقتهم وأول ما عيوني طبت على الجماعة طبت على بنت (عاد إنتو تخيلوها ولا تغاروا ترى هي كانت السبب بعد الله إناا عايشين لهذي اللحظة)
أول ما طالعت فيا صرت أنا كذا:# وإلا فوارس أخيرا لقيت في ميزة كويسة ( إن زوغان العين في بعض الأحيان يكون مفيد) قعد يطالع لها وتطالع له ، غمز لها غمزت له قال لها تعالي ما صدقت على طول
وكل هذا في أقل من دقيقة.
إلا فجأة كل في المكان هناك أختفى
العالم والسيارات والهيصة والزيطة
(بعدين عرفنا إنه معاهم جهاز زي حق الدوريات عرفه منه إن الشرطة جاية تطب عليهم)
أنا : هييييييييييييييييييي إشبكم زعلتوا خلاص حنمشي أرجعوا
فوارس: البنت إللي هنا ترجع حالا ولا أسوي فيكم فاندام ( أشوف صاروخ طايح)
المهم الجماعة رجعوا بس مو هم الحكومة حقتهم
الشرطي: فريييييييييييييييييييييييييييز! دونت موف! يو آر أندر أرريست
أنا: فريز مين يا بويا غلطان في النمرة
فوارس:wsws حط رجلك
وإلا ما تلاقي إلا كل واحد في جهة مديها جري ولا بن جونسون حقهم إللي فرحانين بيه
وأجلس أجري أجري أجري أجري
ولكن...
زي ما يحصل في الأفلام حصل لنا
خشيت زقاق ( على بالي أضيعهم أنا إللي ضعت)
الزقاق طلع ديد إيند(يعني مقفل)
سيبوني في حالي شوية ونرجع لفوارس
جلس يجري يجري يجري
هو توه الشرطة وفلت منهم
لكن وقع في يد إللي أخس وألعن من الشرطة
النيقا حقون نيويورك
واحد نيقا:yo! mother... طبعا ما أقدر أقول كلامهم وإلا المراقب يفركشني على طول
فوارس( عاد قافلة معاه): وات دو يو وانت؟ (إيش تبغوا؟)
النيقا: قيف أس يور مني (أدينا فلوسك)
فوارس: ههأأو إن يور دريمز (في أحلامكم)
النيقا: ياواد ترانا حبرتية حتى شوف معانا مسدسات
فوارس: خلاص بأعطيكم
النيقا: هيا أرجع للجدار وأرمي لنا كل إللي في جيبك ونسيبك في حالك
فوارس: خذوا
النيقا: إنت مسكين تصدق بسرعة
فوارس: يا أنذال
النيقا: إستعدوا لذبحه!
==========================
في الفصل الثاني حنعرف كيف يتخلص wsws وفوارس من المصيبة إللي هم فيها
وإلى القاء حتى ذلك الوقت
wsws;-)
وما لقيت أحسن من إني أقلكم مغامراتي أنا والكابتن فوارس (روائد حاليا)
و إن شاء الله حنستمر مع بعض كم حلقة (هذا إذا ما مليتو)، يلا بينا:
(الحلقة الأولى-مغامرات wsws وفوارس مع مدام أمريكا-الفصل الأول)
يوووووووووووووووووووووووووووووووووووووووه يوم جديد ممل ومافي شي غير النوم والكمبيوتر، يلا أشغل الكمبيوتر يمكن ألاقي أحد أدردش معاه.
وبعد نص ساعة من الإنتظار حتى نخش الإنترنت ما لقيت أحد!
قلت: ياالله! إيش الملل هذا؟ خلاص بأطلع، إلا فجأة يطلعلي واحد! مين؟ فوارس؟ هلا والله كيف حالك وإيش أخبارك والكلام إياه.
فوارس: شفت موضوعي الجديد
أنا: أي موضوع يا شيخ أنا خاش بالعافية؟
فوارس: ليه؟
أنا: ياخي الإتصال مرة بطيء
فوارس: طب إيش نسوي
أنا: والله قهر يا شيخ شوف أمريكا عندهم خدمة سرعتها 100 ميجا بالثانية (أرنب كبييييييييييييييييييييييير)
فوارس: والله من جد؟
أنا : أمال أمزح معاك
فوارس: أقلك مادام إحنا عايشين في ملل خلينا نروح أمريكا نغير جو ( يعني ما لقيت غيرها؟)
أنا : والله؟ قدام ياشيخ
فوارس: كلام رجال؟
أنا: كلام رجال
فوارس: يلا بينا بكرة
أنا: خلاص بكرة مع السلامة
ومن اليوم إللي بعده رحنا ضبطنا أمورنا وخلاص السفر بعد أسبوع
بس فين رايحين في أمريكا؟ على كاليفورنيا يا قلبي (أمال تبغونا نروح نيويورك؟)
وجاك يوم السفر، وأنا فرحان وأقول في نفسي: ( مين قدك يا wsws رايح أمريكا)
(طبعا هذا كله قبل البرج ما يطيح ولا كنا ما أكلنا عيش هناك (هو أصلا حنأكل شي؟))
المهم أخذنا مقاعدنا في الطيارة درجة أولى جنب الحمامات (عاد تقولولي كيف أنا ما أدري هذا شغل وكالة السفريات)
وكل شوية تقل لهم فين الأكل فين الأكل ( على بالنا بجيبوا لنا أكل (فايف ستارز))
ولمن جا الأكل والله ماعرفنا إيش ناكل( الأشياء إللي في الصحن ولا الصحن نفسه؟)
قام فوارس يقول للمضيفة : إنتي يا بنت عندكم بيك؟
وإللي ما يعرف ما يعرف البيك نقول له: هي وجبة سريعة مشهورة في جدة
المضيفة ولعت (على بالها إهانة): وات إز ذيز بيك؟ :غضب: (يعني: إش هذا البيك؟)
جيت أنا أتفلسف: نووووووووووووووووووو هي مينز كيك (لاااااااااااااااااااااا هو قصده كيك)
( أحلى ياالمنقذ في المواقف الحرجة):D :D
المضيفة: أها، نوت ناو (مو الحين)
قلت لها: طب أنقلعي
قالت: وات؟
قلت: لا سلامتك
وجا وقت النوم، الناس كلها نامت إلا إحنا صاحيين قمنا نتمشى (وش البلاوي إللي شفناه بس خليها مستورة أحسن)
المهم وصلنا أمريكا بس وكالة السفريات الملعونة ما قالت لنا إنه الطيارة حتوقف في نيويورك(تمام إنها وقفت ولا ماكنت قلت لكم هذي القصة)
لمن وقفت في نيويورك قالوا في إستراحة لمدة ساعتين أجلسوا في الإنتظار
إلا فوراس راكبه عشرين جني وقام يصرخ : إنتظار ميييييييييييييييييين؟ نروح نلفلف ونرجعلكم
wsws:بس ما نتأخر، فوارس: أمشي ياجبان
الكابتن محسب نفسه لسه في جدة عشان يلفلف
ونخرج من المطار وشفنا دنيا جديدة مختلفة ولا السرقات والقتل عيني عينك
أمريكا ماهي قادرة تربي عيالها جات تحط حرها على أولاد الناس
فوارس:wsws wsws هيييي إصحى بدري على السرحان
أنا (وقاعد أتنافض من الفجعة) : إشبك فجعتني؟
فوارس: شوف هناك سباق سيارات زي إللي في فيلم the fast &the furious (أقول للي ملوا لا تروحوا ترى من هنا يبدأ الحماس)
والله عاد أنا ما صدقت هذي الأشياء تعجبني مرة
قلت له : مستني إيه؟ يلا بينا
والله رحنا على هناك وأول ما خشينا منطقتهم وأول ما عيوني طبت على الجماعة طبت على بنت (عاد إنتو تخيلوها ولا تغاروا ترى هي كانت السبب بعد الله إناا عايشين لهذي اللحظة)
أول ما طالعت فيا صرت أنا كذا:# وإلا فوارس أخيرا لقيت في ميزة كويسة ( إن زوغان العين في بعض الأحيان يكون مفيد) قعد يطالع لها وتطالع له ، غمز لها غمزت له قال لها تعالي ما صدقت على طول
وكل هذا في أقل من دقيقة.
إلا فجأة كل في المكان هناك أختفى
العالم والسيارات والهيصة والزيطة
(بعدين عرفنا إنه معاهم جهاز زي حق الدوريات عرفه منه إن الشرطة جاية تطب عليهم)
أنا : هييييييييييييييييييي إشبكم زعلتوا خلاص حنمشي أرجعوا
فوارس: البنت إللي هنا ترجع حالا ولا أسوي فيكم فاندام ( أشوف صاروخ طايح)
المهم الجماعة رجعوا بس مو هم الحكومة حقتهم
الشرطي: فريييييييييييييييييييييييييييز! دونت موف! يو آر أندر أرريست
أنا: فريز مين يا بويا غلطان في النمرة
فوارس:wsws حط رجلك
وإلا ما تلاقي إلا كل واحد في جهة مديها جري ولا بن جونسون حقهم إللي فرحانين بيه
وأجلس أجري أجري أجري أجري
ولكن...
زي ما يحصل في الأفلام حصل لنا
خشيت زقاق ( على بالي أضيعهم أنا إللي ضعت)
الزقاق طلع ديد إيند(يعني مقفل)
سيبوني في حالي شوية ونرجع لفوارس
جلس يجري يجري يجري
هو توه الشرطة وفلت منهم
لكن وقع في يد إللي أخس وألعن من الشرطة
النيقا حقون نيويورك
واحد نيقا:yo! mother... طبعا ما أقدر أقول كلامهم وإلا المراقب يفركشني على طول
فوارس( عاد قافلة معاه): وات دو يو وانت؟ (إيش تبغوا؟)
النيقا: قيف أس يور مني (أدينا فلوسك)
فوارس: ههأأو إن يور دريمز (في أحلامكم)
النيقا: ياواد ترانا حبرتية حتى شوف معانا مسدسات
فوارس: خلاص بأعطيكم
النيقا: هيا أرجع للجدار وأرمي لنا كل إللي في جيبك ونسيبك في حالك
فوارس: خذوا
النيقا: إنت مسكين تصدق بسرعة
فوارس: يا أنذال
النيقا: إستعدوا لذبحه!
==========================
في الفصل الثاني حنعرف كيف يتخلص wsws وفوارس من المصيبة إللي هم فيها
وإلى القاء حتى ذلك الوقت
wsws;-)