المساعد الشخصي الرقمي

مشاهدة النسخة كاملة : لابد من الدخول والمشاركة


memo
02-03-2002, 02:30 PM
عندي احساس ان هالموضوع ما يهم بعض الناس ، لكن بالنسبة لي ( مهم جدا) ،،،،،،، وهو طريقة تعامل الناس مع بعضهم ، يعني بالشارع ،، المطعم ،،، السوق ، بصراحة الاحظ ان الوضع شبة مكهرب مثلا لما تكون بالطريق وغلطت غلط بسيط تجد الشخص في السيارة الاخرى زعلان ويرمي عليك السيارة واحيانا يقول الفاظ!!!!!!!!! ايضا في الاسواق او (علشان ما اطول ويكون الموضوع ممل ) عموما تجد التصرفات بين الاشخاص فيها نوع من الشد قليلا وكأنة ينتظر منك كلمة علشان يرد باكثر من كذا . ليست نظرة تشأمية ولكن فعلا موضوع مهم ليس لي وحدي وانما ,,,,, هذة قصة احكيها حيث كنت في مطعم وعندما طلبت كنت انتظر فجاء شخص وطلب وعندما انتهى( تذكر) ان ما معة فلوس فقال للرجل انا ما معي فلوس الغي الطلب ، قال الرجل للاسف لااستطيع لانة على وشك يجهز , فقال لة بعصبية ماابغاة ارمية ولآ لزقة بظهلر زبون ، المهم تدخلت بكل لطف وقلت للزبون انا ادف ها المرة واعتبرها عزيمة قال من متى المعرفة!!!!!!!!! قلت اجل اعطيك بدون عزيمة قال انا مااقبل صدقة ، قلت يا ابن الحلال الناس لبعضها !!! لكنة رفض وخرج من دون اكل وهو زعلان وصاحب المحل زعلان وانا مستغرب ،،،، وغية القصص كثيرة واكيد انتم بعد عندكم قصص.
بس هالنوعية من الناس تتعبني واكيد انتم بس انا بزيادة مرة :(
Taiso
02-03-2002, 03:58 PM
أولاً: اللي سويته مع الريال المسجين... غلط! اكل انسان عنده كرامه الله لايهينك ومايرضى انه اي احد يسوي وياه هالشي المحرج كلياً! على الأقل كنت لازم اتقول (يعني اتجذب) انا كنت بطلب نفس الطلب وتاخذ الطلب وتدفع حسابه على ابو انك راح تاخذ الطلب لك وتاكله! مو تحرج الريال!

ثانياً: أنا وياك باللي قلته اول شي... الناس هالأيام صايرين عصبين حيل لدرجة انهم يروحون مسرحيات ومايضحكون... من كثر النكد والهموم اللي وراهم. بعضهم أسبابهم من الحياة الزوجيه وزوجاتهم اللي طلباتهم ماتخلص. وبعضهم من الديون. وبعضهم من المشاكل العائليه اللي نازله عليهم كالشهب! وفي بعضهم من ماكثر ما الأزواج مايقعدون معاهم او مايريحونهم كزوجات, يكون مزاجهم مقفل عالآخر! من هالأسباب وأكثر أتلاقي الناس بهالطريقه اللي ذكرتها... أو ايولك ناس متعصبين حيل وماخذين على العادات والتقاليد القديمه ف مايضرون اي احد يسوي شي يديد على تفكيرهم. أو اشين شي البنات اللي كابتين عليهم اهاليهم هذول اللي صج حالاتهم تحت الصفر!

أرجو اني ماطولت... بس موضوعك عار اهتمامي :)
يارا
02-03-2002, 08:14 PM
نعم موضوعك مهم ويشوفه كثير من الناس
واعتقد ان سببه الضغوط اليوميه الي يواجهها النس من الحياة لدرجه انه مجرد اي واحد يكلمه يقوم يحط حرته فيه؟
ايه طيب ليش عاد؟
ماتدري بس كذا من القهر
ويقول المثل مايقدر على الحمار قدر على سرجه
الله المستعان
تــوتـه
02-03-2002, 10:18 PM
:( :) :( :( :( :) الله المستعااااااااااااااان
DE NILSON
14-03-2002, 01:45 PM
والله موضوع مهم