انا داري ان هالموضوع مب عاجب كثير من الاعضاء...بس هذا الحق ولازم ينقال......... [الأرشيف]

Chandler

02-03-2002, 03:05 PM

محد منكم سأل نفسه ليش اعضاء المنتدى بدوا يجحدونه شوي شوي.....او ليش قلت المشاركات...؟!.............الجواب:

لأن المنتدى صار باااايخ

وبشهادة جميع الاعضاء...تعرفون وش هو السبب!!.......

1) مكان المنتدى المدسوس...اتحدى احد يدري انه فيه منتدى صرقعة بين منتديات الالعاب هذي...وانا قلت للمشرف 20 الف مرة....انقل مكان المنتدى للواجهه...والله هنا المنتدى بيموت....بس...الى الان...لا تجاوب...وانا متأكد ان 90% من اعضاء المنتدى ((اللي ما يدخلون منتدى الالعاب))....ما يدرون انه فيه منتدى صرقعة...والله حرام....

2) فيه اعضاء كثااااار يخربون المواضيع....ويقلبونها تشات....والهدف..........تكثير المشاركات...هذا من جد شي يرفع الضغط....تخيل انك داخل منتدى اول مرة تشوفه...ولقيت موضوع فيه 50 او 60 رد....اكيد بتقول في نفسك ((واضح ان هالموضوع ممتاز من كثر المشاركات اللي فيه))....يدخل.....ما يلقى الا عضوين او 3 اعضاء يردون على بعض ((تشات))....ويطلعون عن الموضوع الاساسي....بالله ما راح تتحسف انك ضيعت الوقت اللي قعدته حتى يفتح الموضوع....وتقول...يا ليتني داخل منتدى ثاني فيه مواضيع تستاهل اشوفها...

3) المواضيع المكرره...الظاهره هذي كبرت بقوة..لدرجة انه ممكن تلقى موضوعين نسخ عن بعض في نفس الصفحة...وانا شفت حركة في بعض المنتديات اعجبتني...اذا واحد كتب موضوع مكرر...يحذفون ويرسلون رسالة خاصة للكاتب يقولون له ان موضوعه مكرر وهو يتقبل الموضوع بكل رحابة صدر...عكس اللي صاير عندنا اذا واحد انحذف له موضوع...يقوم الدنيا ولا يقعدها....

4) تكثير المشاركات....هذي يا شباب..سخافة...ما بعدها سخافة....وش بيفرق ان كانت مشاركاتك 10...ولا 1000...بيخلونك مراقب!!....لعلمكم..ترى فيه اكثر من مراقب مشاركاته ما توصل لل500 مشاركة....بس مشاركاتهم فعالة مو زي اللي مشاركاته 1000 وكلها...ابتسامات..او ردود كلمتين بس.........يعني من اول كنا نمشيها..لأن ما فيه اعضاء كثار يسوون ذي الحركات...اما الحين..يجي الواحد يرد على نفسه اذا ما لقى احد يرد عليه....يعني باللي هي به لااااازم يكثر مشاركاته.....

5) آخر نقطة حبيت اوضحها.....اغلب الاعضاء يقولون ليش ما تردون على مواضيعنا....واذا دورنا مواضيعهم وش نلقى؟!.........اما مواضيع منقوله...او موضوع كامل وما فيه الا كلمتين...او موضوع ما فيه الا صورة....يعني هالمواضيع متعوب فيها؟!.....ابدا..كلها كوبي بيست..وانتهى الموضوع.....بالله هذي المواضيع تقارن بمواضيع متعوب عليها....يعني واحد يكتب موضوع من افكاره..ويتعب عليه ويضبطه.....هذا غصبن من ورا خشمك ترد عليه..حتى ولو كان الموضوع مب ممتاز...لكنك تقدر تعبه....

:o :o <<< تعبت :6 :6

تراني ما اقصد اي شخص محدد بالكلام اللي فوق....انا قصدت وضع المنتدى بشكل عام....وان شاء الله ما اكون زعلت اي احد.... :)

Kasser

02-03-2002, 03:16 PM

كتب العضو (naf)

1) مكان المنتدى المدسوس...اتحدى احد يدري انه فيه منتدى صرقعة بين منتديات الالعاب هذي...وانا قلت للمشرف 20 الف مرة....انقل مكان المنتدى للواجهه...والله هنا المنتدى بيموت....بس...الى الان...لا تجاوب...وانا متأكد ان 90% من اعضاء المنتدى ((اللي ما يدخلون منتدى الالعاب))....ما يدرون انه فيه منتدى صرقعة...والله حرام....

2) فيه اعضاء كثااااار يخربون المواضيع....ويقلبونها تشات....والهدف..........تكثير المشاركات...هذا من جد شي يرفع الضغط....تخيل انك داخل منتدى اول مرة تشوفه...ولقيت موضوع فيه 50 او 60 رد....اكيد بتقول في نفسك ((واضح ان هالموضوع ممتاز من كثر المشاركات اللي فيه))....يدخل.....ما يلقى الا عضوين او 3 اعضاء يردون على بعض ((تشات))....ويطلعون عن الموضوع الاساسي....بالله ما راح تتحسف انك ضيعت الوقت اللي قعدته حتى يفتح الموضوع....وتقول...يا ليتني داخل منتدى ثاني فيه مواضيع تستاهل اشوفها...

هذان السببان يكفيان

عماد 18

02-03-2002, 03:49 PM

مو كانه كل يوم طالع لنا موضوع نفس الشكل :) ؟
عرفنا انه المنتدى صار بايخ ..
و عرفنا الاسباب ..
لكن هل فيه واحد جلس يطبق ؟؟
المشرف و ما نقل المنتدى ..
و الاعضاء طايحين في الشات ..
يعني الاغلبية اذن من طين ما ادري صبة و اذن من عجين ما ادري طحين :6

Chandler

02-03-2002, 03:59 PM

عماد...

هذي المرة بازعج المشرف على الخاص لما يقرا الموضوع...

وانا اشوف ان الحل....

1) المواضيع المكررة تحذف مع ارسال رسالة لكاتب الموضوع نعلمه ان موضوعه انحذف ((عشان ما يكتب لي عشرين موضوع يقول وين موضوعي))

2) المواضيع اللي ما لها علاقة بالمنتدى تنقل....والمواضيع اللي اساسها تشات ((يعني يجي واحد يقول خلونا نسوي تشات)) تحذف...

3) الاعضاء اللي يخربون المواضيع بردود ورا بعض ((يعنني بيكثر مشاركاته))...ننبه مرة...ومرتين....وبعدها اي رد يكتبه بهدف تكثير المشاركات يحذف......وان زودها يوفق له كم من يوم...

4) المواضيع البايخه او اللي كلها كلمتين....تطنش...عشان يفهم راعيها ان المنتدى مو اي كلام..يعني يا يكتب موضوع من تعبه....او لا يكتب ابد....

5) بالنسبة لمكان المشرف....ابغى من كل عضو يرسل للمشرف رسالة خاصة يقول له اننا نبغى ننقل مكان المنتدى للواجهه...عشان يعرف اننا جادين....

Chandler

02-03-2002, 04:02 PM

على فكرة...

اي واحد ارسل للمشرف رسالة خاصة عشان موضوعنا يكتب رد هنا

<<< عشان نعرف من هم الجادين...:أفكر: :أفكر:

عماد 18

02-03-2002, 04:15 PM

1) المواضيع المكررة تحذف مع ارسال رسالة لكاتب الموضوع نعلمه ان موضوعه انحذف ((عشان ما يكتب لي عشرين موضوع يقول وين موضوعي))
حل تقفيل الموضوع و يكون اخر رد سبب التقفيل اريح :) ..

2) المواضيع اللي ما لها علاقة بالمنتدى تنقل....والمواضيع اللي اساسها تشات ((يعني يجي واحد يقول خلونا نسوي تشات)) تحذف...

3) الاعضاء اللي يخربون المواضيع بردود ورا بعض ((يعنني بيكثر مشاركاته))...ننبه مرة...ومرتين....وبعدها اي رد يكتبه بهدف تكثير المشاركات يحذف......وان زودها يوفق له كم من يوم...
حلو ..

4) المواضيع البايخه او اللي كلها كلمتين....تطنش...عشان يفهم راعيها ان المنتدى مو اي كلام..يعني يا يكتب موضوع من تعبه....او لا يكتب ابد...
هذا اللي كنت اقوله بخصوص مواضيع ميستي قبل ما تاخذ كورس لغة عربية لكن تطنيش ...
الموضوع من اول يوم يطق ال50 رد ..

5) بالنسبة لمكان المشرف....ابغى من كل عضو يرسل للمشرف رسالة خاصة يقول له اننا نبغى ننقل مكان المنتدى للواجهه...عشان يعرف اننا جادين....
لو يبي ينقله كان نقله من اول رسالة :) ..
لكن هو بعض الاحيان ينسى ارسل له رسالة تذكره ..

Kubaj

02-03-2002, 04:40 PM

بالعكس ...موضوع يضرب في الصميم

فعلا المنتدى صار باااااااااااااااااااايخ بشكل ....

وانا موافق على جميع الشروط لاني فعلا قرفت من المنتدى :o

MEL C

02-03-2002, 04:44 PM

توني مرسل له هاذي الرساله

السلام عليكم ورحمه الله وبركاته

يالحبيب في إقتراحات اكثر الأعضاء يشتكون منها وانا قلت يمكن تفتح رسالتي:أفكر: ... المهم هاذي المهمات:

مكان المنتدى مدسوس يعني مهوب باين للعالم والحين بدى المنتدى يفقد اعضاءه وردوده الجميله مثلا لو حطيناه في الواجهه والله ان يجيه ناس كثار
اعتقد ان السبب الي يخليك ماتحطه انك تستحي من الأسم ولو حطيته يمكن يهز مكانه المنتدى...اعتقد ان هذا تفكيرك بس ودي اقول لك انك غلطان لو فكرت كذا لأن العالم بتتهافت وناس كثار بيسجلون عشان هذا المنتدى بالذات....

في اعضاء كثيرين يقلبون المواضيع إلى شات...‍! صراحه حركه مالها داعي والمراقبين مايقدرون يقولون شي لأنها ردود مافيها اي شي من قوانين حذف الردود إلا إذا كثرها فهي اعتقد تعتبر مثل الفلود...ممكن بس تتكرم وتدخل منتدى الصرقعه وهاذي الوصله:
http://www.montada.com/games4arab/forumdisplay.php?forumid=119
وبس تكتب موضوع عن معاقبه الي يقلبون المواضيع إلى سواليف وخوفهم وبس لاتقعد ماعليك وإنشاء الله يخف المنتدى من الردود السخيفه وعلى فكره إذا حطيت الموضوع بيكون للمراقبين حجه انهم يمسحون الردود...او المواضيع‍!

المهم اخاف طولت عليك .... وإنشاء الله تنفذ إذا ماعليك كلافه....

((على فكره شكر خاص للمراقب ناف على تنبيه المنتدى بهاذي النقاط والي انا خذيت منها الإختصار وحطيته هنا))
اخوك عبدالله..

تتوقعون يرد علي؟

عماد 18

02-03-2002, 04:47 PM

اخوك عبدالله..

اموت على الرسميين انا :6

Chandler

02-03-2002, 04:48 PM

خوباج...

احم...اول مرة توافقني بشي :-) :-) :-) ....

ميل سي...

احلى شي الشكر :أفكر: :أفكر: :أفكر: ...

هو اكيد بيقرا رسالتك...بس يرد عليها.....مو اكيد..((ان شاء الله مع كثر الرسايل بيرد على الموضوع :) ))

HArb200

02-03-2002, 05:20 PM

اسمع بقولك بصراحه :
انتم اذا نقلتوه الى الواجهه بيجونكم اعضاء المنتدى الاسلامي واللي يسب واللي يشتم وبيصير هالمنتدى منتدى سب وشتم ويقومون الاعضاء يخافون يحطون المواضيع اللي انت خابرها مثل:

داج ينحاش من مدرسته ::بيجونك ويقلبونلك الموضوع سب في داج وفي اسمه الين ماعاد تشوفونه ::

نوااااااااااااااااااااااااف في الفيصيليه :::والاشياااااااء اللي حصلت ::والله ان يقلبون موضوعك ويمكن يهكرون على المنتدى.

صوووووووووووورتي ::بيجيك منهم من يقول الصور ممنوعه ووووو الخخخخخ.

سيلفيييييييييييييييي ودجتها المعروفه ::::

ابقولك موقف صار لي بالمنتدى الاسلامي .

انا دخلت احد المواضيع واللي تتكلم بالراوافض وماالروافض :المهم::
كتبت لي كم رد وجيت بعد يومين لقيتهم ناسخين بعض كلامي اللي بالمنتدى الصرقعه وحاطينه هناك :::يعني موقف لااحسد علييييه ::يقولون:
هذا العضو المدعو HArb200 يتكلم مع الفتيات ((ويتحرش)) وووو الخ

فقط لاني كنت اتكلم مع عضوه من الاعضاء كلام عادي فكيف ببعض الشباب اللي هنا (((وبدون ذكر اسماء كلن يعرف نفسه)) :أفكر:

انا بعد هالكلام انقطعت عن المنتدى لمدة شهرين ورجعت بعدها .
يعني والله لولا كرامت الاعضاء الموجودين بذاك الموضوع ولولا اني محترمهم كان لعنت ابو جدانه بس الطرد وراك وراك :p

ولا عاد يجونك حق المنتدى السياسي والله مشكله صدق .

انا هذا اللي ودي اقوله عن موضوع حطه بالواجهه.
وشكرا:) والصراحه راحه :)

لــــــولـــــو

02-03-2002, 05:23 PM

الصراحة احبطوتني:(

ليش كذا منتداكم

إنشاء الله يتحسن للأفضل;)

Chandler

02-03-2002, 05:38 PM

هارب...

ما عليهم مننا...لو اننا مسوين شي غلط كان المشرف ما سوى منتدى الصرقعة...

لولو...

احم...انتي جديدة.....خليك من هالموضوع...هذا الموضوع للمغبرين في المنتدى :)

النايم

02-03-2002, 05:54 PM

كلامك واقعي

بس شرايك نهجر هالمنتدى ونروح منتدى النكت والقصص الخيالية

عماد 18

02-03-2002, 05:57 PM

انا اقول لو ينقله لواجهة منتدى الالعاب احسن :أفكر: ..

Sleeping Dragon

02-03-2002, 06:34 PM

صح كلامك حتى أنا قلت حق واحد أعرفه تعرف منتدى االصرقعة رد علي بالنفي وهذا يدل على غنه محد يدري عنه شيء

Kubaj

02-03-2002, 06:36 PM

كتب العضو (naf)
خوباج...

احم...اول مرة توافقني بشي :-) :-) :-) ....

ميل سي...

احلى شي الشكر :أفكر: :أفكر: :أفكر: ...

هو اكيد بيقرا رسالتك...بس يرد عليها.....مو اكيد..((ان شاء الله مع كثر الرسايل بيرد على الموضوع :) ))

هههههههه ملاحظ انت :6

العمدا

02-03-2002, 06:51 PM

والله يا اخوي انت معاك حق...المنتدى هاليومين متغير شوي.....صحيح اني انا مانيب من زمان وانا اكتب فيه....بس اذا تبي الحق ..والله التغيير واضح....واتمنى ان الشروط الي انت حطيتها تساعد في تحسين المنتدى.... :0) :0)

جمال

02-03-2002, 07:51 PM

نواف صراحه معك حق في كل اللي قلته

بالنسبه للهارب انا ما اتوقع انه يصير هذا الشي مع المنتديات الثانيه
(الهواش مع المنتدى الاسلامي والسياسي ...الخ)

وانا عندي اقتراح لو تحطون منتدى للرسايل (رسايل الايميل)

لانه اغلب المواضيع البايخه تكون منها اما نكون قارينها ولا تقليد للشي قديم يعني غيرو فيها كلمه كلمتين

(وارجو انكم تعطوني رايكم فيها)
_______________________________________

وانا اقول من الاشياء اللي تبيخ المنتدى كثره المواضيع لانك ما تدري ايش تقرا ايش تخلي والمشكله كلهم يصيرون مالهم داعي

وأرجو اني اكون ما طولت عليكم :)

alamid

02-03-2002, 08:10 PM

انا معاكم ياشباب:p :p

mom_com3

02-03-2002, 08:21 PM

يا ابن الحلال ...
انا معاك...
بس ...
لو بتقعد تزاعق من اليوم لبكره البزر بيبقى بزر على قولت المثل (( ذيل الكلب عمره ما ينعدل))..
والحين 3/4 الاعضاء الممتازين راحو ... ما بقى الا كم واحد و بزران ..
..
بالنسبه للمشرف والمكان ما في ايدنا شي غير اننا نغثه...>>>> برسله رساله الحين..
..
وانا ما قصدت اسائه ...
والسلام عليكم ..
..
(( عندي احساس ان هذا الموضوع بينقلب شات مدري ليه :p :p ))..

Chandler

02-03-2002, 10:35 PM

النايم...

الصرقعة احسن....بس لو ينقله المشرف للواجهه.....

عماد...

فيه اعضاء مصرقعييييين بقوة...بس ما يدخلون منتدى الالعاب..وش بيدريهم عن منتدى الصرقعة؟!...والدليل على هذا..كلام اركناين...

العمدا...

والله صارت الفضيحة بجلاجل.....ويييييين ايام اول...

جمال...

بدال ما يكون منتدى الرسائل...نخليه منتدى المواضيع البايخه او المواضيع الماصله.....

موم كوم...

والله الاعضاء الموجودين فيهم الخير والبركة....بس كل واحد يتشكى من المنتدى ولا يحاول يسوي شي....يعني لو كل عضو امتنع عن مواضيع التشات وكتب مواضيع حلوة...والله المنتدى يصير زي العسل...

على فكرة....ترى هالموضوع جدي 100%....وما عندنا مزح.....يعني اللي بيكتب رد ماله دخل بالموضوع ((يعني على باله بيبدا تشات))....لا يستبعد ان رده ينحذف :-)

العميد...

راجع رد موم كوم......محد يفكر يقلب الموضوع تشات......لأنه هو الخسران بالنهاية :أفكر: :أفكر:

HArb200

03-03-2002, 12:17 AM

كتب العضو (جمال)

بالنسبه للهارب انا ما اتوقع انه يصير هذا الشي مع المنتديات الثانيه
(الهواش مع المنتدى الاسلامي والسياسي ...الخ)

ليش ماتتوقع :أفكر:

يقولون :::اسئل مجرب ولاتسئل حكيم :::
وانا من اللي جربوا وتورطوا.

انت هالحين رح اكتب هناك واكشف حقايقهم بتلقاهم مسوين بك نفس الحركه اللي سووها بي ويمكن العن منها .:) لان هذي حيلتهم الوحيده عشان يقولون شوفوا هالعضو وش كاتب ووش مسوي .

شوفوا انتم ان حطيتوا كم موضوع في منتدى النكت فيه الوصله لها المنتدى اتوقع يكفي لانه مافيه فرق بين انك تحطه على واجهة منتدى الالعاب او ضمن المنتدى العام يعني كلها واحد.

اما مواضيع الايميل ففيه بعضها حلوة ولاعليها كلام.
وبعضها؟!!!!!

HArb200

03-03-2002, 12:37 AM

ودي ازود شي :

انكم لو تلاحظون اغلب الاعضاء المميزين ((((((في كل الاقسام بالمنتدى)))))) صار دخولهم للمنتدى قليل جدا .يعني المشكله شااااااامله وليست بس في منتدى الصرقعه.

انا عرف واحد بمنتدى فاينل تقريبا افضل عضو في المنتدى صار له مشاكل مع قطاوة المنتدى وهاجر ولا ادري متى بيجي .

فلذلك كل الاقسام صارت ضعيفه مع اني اشوف ان الحضور كثير الا ان اغلب الردود او المواضيع بلا فائده ....يمكن الحين افضل قسم هو قسم السيارات هههههه من حيث الحركه عليه .

وشكرا.

باباسنفور

03-03-2002, 02:00 AM

حبيب البي نواف ... شوف

اعلم انك احرص واحد ان المنتدى يرجع كما كان قوي ...

وانك عملت اشياء كثيره وحاولت بفترة ضعفه الان ... واششكرلك جهودك

<............. مسوي صاحب الموقع

لكن للحق هذا الكلام طلع مني غصب عني

موضوعك هادف ورهيب

ولكن عندي تعليق على المواضيع لامنقوله

شوف اناا لي بهالمنتدى مواضيع كثيره منقوله ... ولكن ليش انا نقلتها هنااا اذكر الشبب واذا عرف السبب بطل العجب
اولا هذا تحريك للمنتدى الميت

ثانيا قد يكون الموضوع جميل ومضحك فليش نحرم هالعالم ..

ثالثا قد يكون الموضوع تربوي او هادف بمعنى اصح ... ليش انا ما احاول اوعي الناس وانقل لهم الموضوع بغرض الفائده وانا هنا اتكلم عن نفسي وعن رفضي لنظرة غالب الاعضاء للمواضيع المنقوله
بالعكس المفترض نشيد بهؤلاء لانهم يبحثون عن المصلحه ...

الا اذا كان هدف العضو الناقل للموضوع زيادة المشاركات فهذا شىء اخر
ارجوا ان تنظروا الا ردي هذا ومفهومي للمواضيع المنقوله بحرص شديد وارجوا ان تتغير فكرتكم عن مثل هذه المواضيع

تحياتي

يــــــونــــا

03-03-2002, 04:56 AM

كتب العضو (naf)

2) فيه اعضاء كثااااار يخربون المواضيع....ويقلبونها تشات....والهدف..........تكثير المشاركات...هذا من جد شي يرفع الضغط....تخيل انك داخل منتدى اول مرة تشوفه...ولقيت موضوع فيه 50 او 60 رد....اكيد بتقول في نفسك ((واضح ان هالموضوع ممتاز من كثر المشاركات اللي فيه))....يدخل.....ما يلقى الا عضوين او 3 اعضاء يردون على بعض ((تشات))....ويطلعون عن الموضوع الاساسي....بالله ما راح تتحسف انك ضيعت الوقت اللي قعدته حتى يفتح الموضوع....وتقول...يا ليتني داخل منتدى ثاني فيه مواضيع تستاهل اشوفها...

زي راعي الكورفيت الى يبغى يزيد مشاركاته وكمان قالب موضوعي صور :o :o :o

Kubaj

03-03-2002, 08:12 AM

كتب العضو (باباسنفور)
حبيب البي نواف ... شوف

اعلم انك احرص واحد ان المنتدى يرجع كما كان قوي ...

وانك عملت اشياء كثيره وحاولت بفترة ضعفه الان ... واششكرلك جهودك

<............. مسوي صاحب الموقع

لكن للحق هذا الكلام طلع مني غصب عني

موضوعك هادف ورهيب

ولكن عندي تعليق على المواضيع لامنقوله

شوف اناا لي بهالمنتدى مواضيع كثيره منقوله ... ولكن ليش انا نقلتها هنااا اذكر الشبب واذا عرف السبب بطل العجب
اولا هذا تحريك للمنتدى الميت

ثانيا قد يكون الموضوع جميل ومضحك فليش نحرم هالعالم ..

ثالثا قد يكون الموضوع تربوي او هادف بمعنى اصح ... ليش انا ما احاول اوعي الناس وانقل لهم الموضوع بغرض الفائده وانا هنا اتكلم عن نفسي وعن رفضي لنظرة غالب الاعضاء للمواضيع المنقوله
بالعكس المفترض نشيد بهؤلاء لانهم يبحثون عن المصلحه ...

الا اذا كان هدف العضو الناقل للموضوع زيادة المشاركات فهذا شىء اخر
ارجوا ان تنظروا الا ردي هذا ومفهومي للمواضيع المنقوله بحرص شديد وارجوا ان تتغير فكرتكم عن مثل هذه المواضيع

تحياتي

ليه حاس انك انت نفسك يا سنفور ما تدري وش قاعد تقول ...:0)

على العموم يا نواف كلام الاخ هارب صحيح لاحظ معي انه اغلب المنتديات شبه ميته وموب منتدانا بس...

وهناك اسباب عديده ....مثل خوينا اللي فتح منتدى وجرجر نص الاعضاء معه ولا عاد شفنا خشته :6

ونسخه المنتدى نفسها صارت قديمه ....وكأنه المشرف نفسه مل من المنتدى ...الخ

ايييه ...تذكر ايام الاجازه :" الصيفيه واقعد صح الين ينفقع راسك :o

Lucky guy

03-03-2002, 01:28 PM

هد أعصابك يا سمو الامير :p :p

أنا أقول لو ينقل المنتدى في وجيه يكون احسن وأفضل وأنا اقترح ان نسحب المشرف ونطقه <<< وين وين رحت أنا ، المهم :

المنتدى لازم ينقل من هنا

Chandler

03-03-2002, 04:36 PM

هارب...

شوف...خل المشرف ينقل المنتدى.......وماراح يصير الا الخير.....ما دمت ما تسوي شي غلط.....لا يهمك احد وزي ما قلت لك.....لو ان منتدى الصرقعة فيه شي غلط كان المشرف ما سواه من الاساس...

سنفور...

انا معك...بس لو كل واحد جاب مواضيع منقوله من الايميل...كان مات المنتدى....لأن اي احد بيدخله بيلقاه منتدى الايميلات مو الصرقعة......واكيد اكيد فيه ناس كثار قارين الموضوع....

باختصار...المواضيع المنقولة ((الحلوة))...تستاهل تنكتب...لكن مو بزيادة.....:)

يونا...

اشتكي عليه....او راسلي المشرف.....:أفكر: :أفكر:

خوباج...

كلامك صح...لكن..لو طبقنا الكلام اللي قلته في اول شي...ابصم لك بال15 ان المنتدى بيتغير وبيتحسن....حتى الاعضاء القدام بيرجعون يشاركون ((لأنهم اصلا ما تركوه الا من بياخته :) ))

لاكي قاي...

هذا كلامي من زمان...:) :)

راعي الكورفيت

03-03-2002, 04:44 PM

اشتكي عليه....او راسلي المشرف.....

هيه شنوه اشتكي عليه?:

هدو أعصابكن :)

ما حصل إلا الخير ;)

وكل واحد يصلح سيارته :D

Lucky guy

03-03-2002, 04:53 PM

كتب العضو (naf)

لاكي قاي...

هذا كلامي من زمان...:) :)

وأنا وش أسويلك هذا الي كان في رأسي اول ما قمت من النوم بعدين تعالى ليه كذا التحطيم <<< يلعن أبو الوسوسه وتخبيط :p :p

عماد 18

03-03-2002, 09:55 PM

بخصوص المواضيع المنقولة من الايميل ما فيها مشكلة لكن مو يجي يوم و كانه نزل عليك الوحي تصك 5 او 6 مواضيع من ايميلك !!
تنزل مواضيع متعوب عليها عشان كم موضوع يمكن الاكثرية واصلهم بالايميل ..

باباسنفور

03-03-2002, 10:41 PM

كتب العضو (king_kubaj)

ليه حاس انك انت نفسك يا سنفور ما تدري وش قاعد تقول ...:0)

على العموم يا نواف كلام الاخ هارب صحيح لاحظ معي انه اغلب المنتديات شبه ميته وموب منتدانا بس...

وهناك اسباب عديده ....مثل خوينا اللي فتح منتدى وجرجر نص الاعضاء معه ولا عاد شفنا خشته :6

ونسخه المنتدى نفسها صارت قديمه ....وكأنه المشرف نفسه مل من المنتدى ...الخ

ايييه ...تذكر ايام الاجازه :" الصيفيه واقعد صح الين ينفقع راسك :o

عاد تصدق انك صادق مدري واله وش كنت قاعد اقول

يارجل اهو كلام والسلام

بس انت ياتورا فاهم شو قاعد تقول؟؟;-)

راعي الكورفيت

04-03-2002, 01:40 PM

ما اعتقد إن المنتدى ميت بتلك الدرجة مقارنتا بغيره

بس عماد 18 قفل موضوع Jo عن الجماهير الهلالية النسائية وهو ما يستاهل التقفيل

:D

Chandler

04-03-2002, 03:57 PM

اوكي...على رأي المثل.....((هي خاربه خاربه)) <<< وش يبي ذا :!

بما ان اغلب الاعضاء موافقين...قررت اني اطبق القوانين اللي قلتها في اول الموضوع....لما يجي المشرف ويشوف للموضوع حل...

والقوانين هي <<< ترى بيبدا تطبيقها فورا

1) المواضيع المكررة تغلق مع توضيح سبب اغلاقها....((اصرف من حذفها))....

2) المواضيع اللي ما لها علاقة بالمنتدى تنقل....والمواضيع اللي اساسها تشات ((يعني يجي واحد يقول خلونا نسوي تشات)) تحذف...

3) الاعضاء اللي يخربون المواضيع بردود ورا بعض ((يعنني بيكثر مشاركاته))...ننبه مرة...ومرتين....وبعدها اي رد يكتبه بهدف تكثير المشاركات يحذف......وان زودها يوقف له كم من يوم...

4) المواضيع البايخه او اللي كلها كلمتين....تقفل...عشان يفهم راعيها ان المنتدى مو اي كلام..يعني يا يكتب موضوع من تعبه....او لا يكتب ابد....

انا بلغت...ومن وقت نزول هالرد بتتطبق هالقوانين

وبالنسبة للمشرف....ابغاكم تراسلونه لما يرضخ للامر الواقع....:أفكر: :أفكر:

راعي الكورفيت

04-03-2002, 04:10 PM

كتب العضو (naf)
اوكي...على رأي المثل.....((هي خاربه خاربه)) <<< وش يبي ذا :!

بما ان اغلب الاعضاء موافقين...قررت اني اطبق القوانين اللي قلتها في اول الموضوع....لما يجي المشرف ويشوف للموضوع حل...

والقوانين هي <<< ترى بيبدا تطبيقها فورا

1) المواضيع المكررة تغلق مع توضيح سبب اغلاقها....((اصرف من حذفها))....

2) المواضيع اللي ما لها علاقة بالمنتدى تنقل....والمواضيع اللي اساسها تشات ((يعني يجي واحد يقول خلونا نسوي تشات)) تحذف...

3) الاعضاء اللي يخربون المواضيع بردود ورا بعض ((يعنني بيكثر مشاركاته))...ننبه مرة...ومرتين....وبعدها اي رد يكتبه بهدف تكثير المشاركات يحذف......وان زودها يوقف له كم من يوم...

4) المواضيع البايخه او اللي كلها كلمتين....تقفل...عشان يفهم راعيها ان المنتدى مو اي كلام..يعني يا يكتب موضوع من تعبه....او لا يكتب ابد....

انا بلغت...ومن وقت نزول هالرد بتتطبق هالقوانين

وبالنسبة للمشرف....ابغاكم تراسلونه لما يرضخ للامر الواقع....:أفكر: :أفكر:

أوافق وما أوافق

أوافق على كلامك

وما أوافق على تنفيذ القوانين دون استفتاء

:D

Chandler

04-03-2002, 04:19 PM

راعي الكورفيت...

والله انا الظاهر حطيت الموضوع عشان اشوف اراء الاعضاء يعني كأني سويت تصويت...بس انا ما احب الاستفتاء لأنه اسهل شي يمكن للاعضاء التلاعب فيه....

على فكرة شباب...

ترى القوانين بيبدأ تطبيقها من يوم ما تشوفون الاعلان اللي كاتبه عماد :-)

mohammed111

04-03-2002, 11:48 PM

ان اللي اعرفه ان اي مشرف يهمه مصلحة منتداه
ويتمنى ان يكثر عدد الاعضاء ويوفر طلباتهم وكل سبل راحتهم
الا مشرفنا اللي معطي المنتدى أشكل ولا همه
ولو الله ثم المراقبين كان صارت علوم
وانا اشبه مشرفنا بماكينه البيبسي
اذا امتلت ريالات توقفت عن العمل
ومشرفنا يوم امتلئ المنتدى اعضاء طنش
والله يستر...

Kubaj

05-03-2002, 12:40 PM

كتب العضو (mohammed111)
ان اللي اعرفه ان اي مشرف يهمه مصلحة منتداه
ويتمنى ان يكثر عدد الاعضاء ويوفر طلباتهم وكل سبل راحتهم
الا مشرفنا اللي معطي المنتدى أشكل ولا همه
ولو الله ثم المراقبين كان صارت علوم
وانا اشبه مشرفنا بماكينه البيبسي
اذا امتلت ريالات توقفت عن العمل
ومشرفنا يوم امتلئ المنتدى اعضاء طنش
والله يستر...

وين يبو رايحين حمله للعمره :6

هيين اما علليك تشبييييييه :0)

Chandler

05-03-2002, 03:24 PM

محمد...

الحين هذا مدح ولا حش :أفكر: :أفكر: :أفكر:

HArb200

05-03-2002, 03:41 PM

الحين وش صار على النقل :) ؟:

Chandler

05-03-2002, 04:17 PM

والله...ننتظر رد المشرف....:)

HArb200

05-03-2002, 04:35 PM

الله يستر بس :أفكر:

ضايع

05-03-2002, 07:45 PM

اقول نواف..

ياخي صدقت في كلامك بس لو فيه اجراءات زي حذف المواضيع المكررة ومسألة وضع المنتدى ايه والله ترى بالطقاق ينشاف:غضب:

mohammed111

05-03-2002, 11:16 PM

كتب العضو (naf)
محمد...

الحين هذا مدح ولا حش :أفكر: :أفكر: :أفكر:
والله تقدر تسميها فلسفة ما لها داعي
بس حبيت اوصل لهدف ان المشرف مهمل المنتدى بشكل عام
بعدين شفتوا آخر صيحات المشرف
منتدى للمرحلة الابتدائية:!
انا اول امرة اعرف انه في طالب عمره 10 سنوات
يقدر يسجل في هالمنتدى ويتكلم بعقلانية ويحترم قوانين المنتدى:أفكر:

SMM®

06-03-2002, 10:55 AM

كتب العضو (naf)
[
1) مكان المنتدى المدسوس...اتحدى احد يدري انه فيه منتدى صرقعة بين منتديات الالعاب هذي...وانا قلت للمشرف 20 الف مرة....انقل مكان المنتدى للواجهه...والله هنا المنتدى بيموت....بس...الى الان...لا تجاوب...وانا متأكد ان 90% من اعضاء المنتدى ((اللي ما يدخلون منتدى الالعاب))....ما يدرون انه فيه منتدى صرقعة...والله حرام....

صح كلامك
انا توني اعرف انّ في منتدى صرقعه

MoaeD

06-03-2002, 02:31 PM

انا موافق 100 %

وراح ارسل رساله للمشرف انشاء الله ..... :)

crazy

06-03-2002, 09:54 PM

كتب العضو (naf)
على فكرة...

اي واحد ارسل للمشرف رسالة خاصة عشان موضوعنا يكتب رد هنا

<<< عشان نعرف من هم الجادين...:أفكر: :أفكر:

انا ارسلتلــــــــــــــــــــه :)

mohammed111

07-03-2002, 01:53 AM

كتب العضو (crazy)

انا ارسلتلــــــــــــــــــــه :)
مي تو:)

مشرف المنتدى

07-03-2002, 03:15 AM

السلام عليكم,,

بالنسبة للقوانيين اللي اقترحتوها... فهذا منتداكم و لكم حق تقوننون (تحطون قوانيين) على كيفكم.

اما النقل للواجهة... فانا قلت لكم اول ما (تتفقون) على دمج المنتدى مع منتدى النكت علموني. لكن واضح انكم ما اتفقتم. لانه ما جتني رسالة تخبرني بالنقل. اما اننا ننقل المنتدى للواجهة الرئيسية و فيه منتدى ثاني يؤدي نفس الغرض... فما اعتقد ان له داعي أبد. أقصى شي نقدر نسويه اننا ننقله لواجهة منتديات الألعاب... رغم ان حتى هذا الخيار ما أفضله لكن نمشيها...

Chandler

07-03-2002, 03:23 AM

اخيرا رديت...

طيب..انا باقول لك...

اذا تقدر تدمج المنتدى مع منتدى النكت....فهذا افضل خيار.....اما اذا واجهت مشاكل..فأقل شي انك تنقله لواجهة منتدى الالعاب....

وش قلت...واذا كنت تقدر تسوي الدمج فورا...يكون احسن.....:)

The Hacker

07-03-2002, 10:20 AM

صراحة ، الموضوع رهييب ، و المشاكل حقت منتداكم تعاني منها كثيبر من المنتديات
صراحة هناك الكثير جداً من النقاط اللي يلزمها رد ، لذا قررت إني ما أرد ولا على أي نقطة، و (ده قرار جمهوري) :D
و الله المنتدى حلو بس وجع الرأس اللي إسمه تعريب ما يترك للواحد وقت كافي لهذه الأمور ، يالله بسيطة :)
تعرف يا أخ ناف ؟ هذا الموضوع يجب أن يصل لكل الشباب ، شوف مثلاً منتدى رزدنت إيفل
كتبت فيه موضوع عن سبب طفشان كل الأعضاء الجيدين منه (ليس تقريباً ، بل تماماً !) و حتى هذا الموضوع الذي يشكو من ظاهرة تكثير المشاركات قلبوه شات !!!!!!
شيء يقهر فعلاً ، لا بس أنا على الأقل مطلع قهري في منتدى التعريب :D ممنوع منعاً باتاً أي مشاركة غير هادفة ، و أصلاً ما في بزران يروحوا مكان زي هذا
ما تروح هناك غير الناس الفاهمة
و شكراً

راعي الكورفيت

07-03-2002, 10:58 AM

كتب العضو (مشرف الألعاب)
السلام عليكم,,

بالنسبة للقوانيين اللي اقترحتوها... فهذا منتداكم و لكم حق تقوننون (تحطون قوانيين) على كيفكم.

اما النقل للواجهة... فانا قلت لكم اول ما (تتفقون) على دمج المنتدى مع منتدى النكت علموني. لكن واضح انكم ما اتفقتم. لانه ما جتني رسالة تخبرني بالنقل. اما اننا ننقل المنتدى للواجهة الرئيسية و فيه منتدى ثاني يؤدي نفس الغرض... فما اعتقد ان له داعي أبد. أقصى شي نقدر نسويه اننا ننقله لواجهة منتديات الألعاب... رغم ان حتى هذا الخيار ما أفضله لكن نمشيها...

عليك نور يا بعد قلبي يا مشرفنا

بس حطه في واجهة منتدى الألعاب

وصدقت أخوي The Hacker تقريبا 99,99% من المنتديات ميتة

:D