لقاء مع فنان العرب ابو نوره >>>>>لايفوتكم

[الســــــــاهـر]

ياهلا ومرحبا فيكم في حوار جريء مع الفنان الكبير محمد عبده ... حوارنا ماراح يك
ون تقليدي ابدا بمعنى راح نصك أبو نورة باسئلة في الصميم بدون أية تحفظات ... أمسية سعيده نتمناها لكم

*************************
- محمد عبده فنان كبير وغير كذا ملحن و ...( قاطعني ) وقال

وأصور معاناتي حروف وأبيات ** يلقى بها راعي الولع جاذبيـه


-جميل جدا , ولكن الناس عرفوك مطرب وملحن , ليش مانشرت أشعارك ؟؟

لاتشتكي من جور الأيام للناس ** ادفن همومك في ثرى الصمت كله


رسالة توجهها الى كل من رفـض التعـاون معـك في بدايـة مشوارك الفنـي ؟؟-

ياقليل الحظ لو طـاوعتني ** كان ابخجـل كل بدر من ظيـاك


لننتقل الى جانب آخر في حياة محمد عبـدة , من هي المرأه بالنسبـة لك ؟-

هي الحيــــاة ..بالنسبة لي .. بحلوها وبمـرها


بمرها ؟؟! ..هل ندمت على شي في حيــاتك ؟-

ولانيب ندمــان على كل مافات ** أخذت من حلو الزمـان ورديـّه


طيب كم مره حب الفنـان محمد عبده ؟-

من عدد رمـل الصحـاري .. من المطـر أكثر وأكثر


ماشـاء اللـه قلبك خضـر يابو نورة ... هنا تنهّد وقال

قلبـي اللي لواه من الصـواديف لاوي ** جرحتـه الليـالي والحظوظ الرديـّه


ممكن توصف لنـا حبّك الأول؟-

عـــاشقيـن ..ونبضنـا طفـل حنـون


طيب ! وش اللي فرقكـم عن بعض؟-

اختلفنـــــــا ميـــــــــــــــن يحب الثــــــاني أكثر


بصـراحه وبدون مبالغة .. محبوبتك كانت جميـله؟-

نصـف زيـن الخلايـق في عيـونه ** وبـــاقي الزيـن في باقيـه كـلّه


حدثنـا عن يوم وظروف أول لقــاء جمعكم مع بعض-

ليــلة خميـس .. طرّز بهـا نور القمـر.. شط البحـر ..نصف الشهر


الله .. كم كانت الســاعه وقتها

ليـــلة لقـانا .. موعـد الساعة ثمـان


وكيف كـان شعورك في ذا الليـله بالذات؟-

شعـــوري ذا الليـله غريب

كيـف؟-

يوم اقبلت طرنـا لها .. أنا وشوقـي والنسيــم


فـعلا شي غريب جدا .. أن الاستاذ ابو نوره ( يطير بالعجه) وهو المعروف برزانتـه.. هل تلتمس العذر لنفسك بهالتصرف؟

أبعتـــــذر عن كـل شي .. الا الهـوى ماللهـوى عندي عذر


طيـب ولايهمك.. بعد ماطـرت لـها .. وش صـار ؟-

عيـن لمحتـني وشهقت .. وعيـن حضنت عيـني وبكت


الله .. وعيـونك ياأبو نورة ؟-

في عيـــني اليمنى من الورد بستـان ** وفي عيـني اليسرى عجاج السنيـني


ها ها ها .. أكيـد ان عيـنها اللي شهقت نـاظرت عيـنك أم عجـاج

( هنا عصب وقـام بيمشـي قائلا)
ســـــــــــــــــــــــــــــــاري ... ســ ــ ـــ ـــ ــــ ـــ ـــ ـــاري



لالا أرجـوك .. أنا آسف مجرد دعـابه ( ابو نورة ماعنده كيـري ميـري) كمل .. وش صـار بعديـن-

كلمت والصّوت مبحوح الحـروف ** صمتها ونه وفي الونّة حكـي


وحضرتك.. كيف كانت حالتك وقتها؟-

وقتــي يطوف .. لونـي ظايع ومخطـوف


فـعلا موقف صعب... أكيـد انتابك نوع من الخوف لحظتها .. صحيح؟-

أنـــا خايف يستمــر صمت الشفـايف


وكيـف حسمت الموقف؟-

ليـــن أنا حلفتها بذيك الحلـوف ** قلت قوليلي دخيـلك وش بكي

جميـل , وايش كان ردها ؟-

قالت من النـاس ماأشعر بخوف ** ودي اسمع منك وأعرف مسلكـي

وايش كـان جوابك لها ؟-

قلت حب النـاس لو يجمع بجوف ** مايجـي لو ربع احساسي بكي


ياسلام يابو نورة ..هذا حبـك الأول ........ قاطعني قائلا

وقلبـي تايه من عـام الأول ** الا يالله يسـر من يدلـه


قلبك مع ميـن هالمره؟-

خذاه اللـي على خده علامه ** سوادة غيم في شمـس مطلـه

خذاه ؟؟ وشلون .. ممكن توضح

سـرقني مادريت انـه سرقنـي ** نهبنـي وأحسب اني فاطنٍ لـه

كيـف كـان اللقـاء هذي المـره ؟-

جتــــني .. وشافتها عيونٍ حــايرات

ممكـن نعرف الفرق بيـن هالزيـارة واللقـاء السابق مع حبـك الأول ؟

كبيـــــــر الفرق .. مابيـن أول لقـاء وآخر زيـارة , محتـار اش أقول


أوكي ولايهمـك , طيب ننتقل لجانب آخر , يتسائل الجمهور عن الأماكن الي يحبها أبو نورة ويجد فيها الراحه؟-

طعــس و غديــر و قمـــر و نجـوم منثـــورة

واضـح انك تهوى الطبيـعه الصحـراوية .. من المؤكد لك ذكريات في نجد وطبيعتها

ليـــالي نجد مامثلك ليـاـلي ** غلاك أول وزاد الحـب غـالي


معنـى هذا , انـك حبيت نجديّـه ؟-

تستــاهل الحب نجديـّة ** رفيـعة الشـان عجّـابة


مثل سابقتيـها , كيف كـان اللقاء هذي المـرة ؟

يوم روّح لـي نظـر عيـنه بهون ** فز له قلبـي وصفق وارتـعد


جمهورك حاب يعرف سر تعدد العلاقـات وتزعزعهـا-

اللـه أكبر يانصيـبي انا وش بيدي ** كـل ماعدلت واحـد يميـل الثاني


طيب يهون عليـك الفراق الى هالدرجـه ؟-

أنا أشهـد ان المفـارق من عظيم البلاوي ** ميـر هذا نصيبك يالعيـون الشقيّة



وفي ختـــــام هذا الحوار الصريـح جدا .. نشكر الفنان أبو نورة , ونشكر لكم تواصلكم معنا , واستروا ماواجهتوا