عام البلاستيشن2 اقوى من الاكس بوكس والكيوب وسبب واضح [الأرشيف]

moon_face

06-03-2002, 05:08 PM

البلاستيشن تو القوى من اكس بوكس والكيوب لانه الاعابه افضل منهم مثال
عندكم الالعاب الرعب مثل رن لايك هيل الي سوف تصدر قريبا وانيموشا الي سوف تصدر في بضعه ايام وجيرلنس لعبه قويه جدا والالعاب القتال عندكم تيكن4 سوف تصدر اخر اشهر الجاري وسول كالبور2 لعبه فظيعه ورياضه عندكم دوري الياباني 6 وغيره الكثير لايهم قوه الجهاز بل الالعاب هي التى سوف تحدد مكانه الجهاز اكيد تتذكرون النافسه الي صارت بين البلاستيشن 1 ودريم كاست كانت قوه دريم كاست اكبر من سوني 1 بكثير لاكن كانت العابه قليله ونتصر سوني 1 بسبب الالعاب هل سيحدث نفس شيء مع البلاستيشن تو ؟
اتمنى ذالك
وعندي طلب واحد فقط ان تكتبوا ايملاتكم لكي اضيفكم بلماسنجر ونتعرف على بعض اكثر وشكرا
واسف على الاطاله:#

ODIN

06-03-2002, 05:26 PM

صحيح يا اخوي الى الان البلاي ستيشن افضل ..

لكن انت عددت العاب البلاي ستيشن 2 ولم تعدد العاب الاكس بوكس ..

اونيموشا... راح تنزل نسخه افضل ومطوره من السوني 2 لا اعلم يمكن جزء جديد .ز

هالو .. هذه فقط تجعلك تشتري الجهاز لاجلها افضل لعبه بهذه السنه ..

شين مو ..لا تعليق ..

جراند ثيف اوتو ... ايضا لا تعليق

وكثير كثير سأذكرها فيما بعد .. وشكرا :)

راعي الكورفيت

06-03-2002, 05:36 PM

moon_face ليس PS2 أفضل من XBOX بل PSX

ولاحد يسوي فيها فيلسوف ويقول لي XBOX مفاعل نووي

ترى PSX أقوى من النجوم التي هي أكبر المفاعلات النووية

:D

moon_face

06-03-2002, 05:56 PM

صحيح ياخوي اودن انه لعبه هالو عجيبه لكن يوجد مايماثلها على سوني تو مثل ريد فاكشن وسوف يصدر الجزء الثاني من لعبه قريبا ومافائده عندما اشتري جهاز غالي ثمن من اجل لعبه واحده لانك سوف تمل منها بتأكيد وايضا ماههي الفائده ان تلعب لعبه قد صدرت على جهاز اخر لاتنسى ان انموشا قد صدرت على بلاستيشن تو شهر ثلاثه 2001 وعلى الاكس بوكس شهر واحد 2002 لاحظت المده الطويله هل تريد ان تنظر كا هاذيهي المده لكي تلعب بلعبه وفيها المزايا العب لعبه اصلي افضل من انتظر كلامي صحيح ولا انا غلطان
وشكرا

rushin_911

06-03-2002, 07:09 PM

كتب العضو (ODIN)

اونيموشا... راح تنزل نسخه افضل ومطوره من السوني 2 لا اعلم يمكن جزء جديد .
ليست جزء جديد و إنما مطور قليلاً و الرسوم لم تفرق كثيراً و إنما الجزء الجديد على البلاي ستايشن2.

[/B][/QUOTE]
هالو .. هذه فقط تجعلك تشتري الجهاز لاجلها افضل لعبه بهذه السنه ..
صحيح أن اللعبة رائعة لكن لا أعتقد أنها تستحق أفضل لعبة لهذه السنة فألاعب كفاينل فانتسي10 و ميتل جير سوليد2 و جراند ثيفت أوتو3 أحق منها بهذا اللقب.

شين مو ..لا تعليق ..

اللعبة رائعة لكن المؤكد هو شينمو2 و ليش شينمو3 و لا تأتي لي بوصلة من موقع gamenetwork لأن لو كلامهم صحيح كان نزل الخبر في كل المواقع...

جراند ثيف اوتو ... ايضا لا تعليق

إذا لم تكن تعرف بعد فإن جراند ثيفت أوتو3 لن تنزل على الأكس بوكس و إذا لم تصدّقني فراجع إرشيف أخبار الأكس بوكس أو اذهب إلى موقع "روك ستار" و لن تجد جراند ثيفت أوتو3 مدرجة تحت قائمة الألعاب المقررة للأكس بوكس، كانت موجودة لكنهم حذفوها ...

M911

07-03-2002, 07:59 AM

اكيد البلاي ستيشن2 احسن جهاز بدون منازع ;-)
http://www.porsche.de/modelle/911/gt2/bilder/intro_ani.gif

ash 90

07-03-2002, 09:35 AM

يا شباب البلايستيشن 1 مازال يزداد مبيعات العابه اذن مالذي سيحصل مع البلايستيشن 2 طبعا سيكسر السوق لانه شركة سوني الافضل

البلايستيشن 2و بس و الباقي خس:D

المحارب الغامض

07-03-2002, 09:50 AM

يا جماعة الخيـــر خل عنكــم الخرابيـــط ..

ترى الإكس بوكس خايـــس وإن كنت رسومه رائعة .. مافي شركة يابانية متعاقدة معاه ... يعني بيفشل

البلايستيشن 2و بس و الباقي خس
هذي الردود وإلا بلاش :):)

ستيف بورنسايد

07-03-2002, 09:52 AM

كتب العضو (المحارب الغامض)
يا جماعة الخيـــر خل عنكــم الخرابيـــط ..

ترى الإكس بوكس خايـــس وإن كنت رسومه رائعة .. مافي شركة يابانية متعاقدة معاه ... يعني بيفشل

هذي الردود وإلا بلاش :):)
البلاي ستيشن 2وبسسسسسسسسسسسسسسس

M911

07-03-2002, 09:52 AM

كلك نظر حبيبي ash 90

M911

07-03-2002, 09:55 AM

والي بيشتري الاكس بوكس حيلحس فيكس
البلاي ستيشن2 وبس والباقي خس ;-)

l.figo'10

07-03-2002, 11:04 AM

ماكو عالبلاي ستيشن2 من ناحيه الالعاب

البلاي ستيشن2 احسن الاجهزه بلا منازعه

moon_face

07-03-2002, 11:16 AM

اكيد ماكو على البلاستيشن 2 من ناحيه الالعاب عندكم اللعبه عجيبه مافي احد تكلم عنها وهي بروجيكت ايدين

من نفس شركه التي اظهرت لنا لعبه تومب رايدر شركه (كور) واللعبه قمه ورسومها احلى اذا تبون تفاصيل

للعبه انا حاضر

ash 90

07-03-2002, 11:30 AM

كتب العضو (M911)
كلك نظر حبيبي ash 90

تسلم;-)

moon_face

07-03-2002, 11:38 AM

اكتبوا كل لعبه تحبونها طبعا على بلاستيشن 2 عشان يدرون الناس انه احسن من الاكس بوكس والكيوب

العراقي17

10-03-2002, 01:26 PM

ههع:D

شكلكم ما تدرون شكثر العاب مميزة راح تنزل على الاكس بوكس والجيم كيوب":"

يالله اخليكم تشوفون بعيونكم ما ابي احرق عليكم المفاجآت:D

سلطان 2020

10-03-2002, 01:44 PM

البلاي ستيشن تو أحسن بألف مره لأن ألعابه أحسن بألف مره ومبيعاته أكثر منهم بألف مره
وشكرا مليون ألف مره
وهذا أيميلي
koko_1888@hotmail.com

ODIN

10-03-2002, 01:52 PM

با اخوان صراحه ما تشجعون على النقاش الهادف ..:)

نصيحه .. لا تحسب ان الجهاز الي تملكه هو الافضل .. لازم نزيل هذه القاعده الغبيه ..

moon_face

10-03-2002, 03:57 PM

يا ODIN ليش نحسب الجهاز الي نملكه يكون هو الافضل هذي الحقيقه مو القاده الغبيه على قولتك
واذا تبي دليل قاطع على ان جهاز سوني تو هو الافضل قولي بس ونا اقوله لك":"

Aerodynamic

10-03-2002, 04:11 PM

يا moon_face جرب الأكس بوكس و العب عليها هاذي اللعبة
http://gamespot.com/gamespot/images/2001/xbox/jsrf/jetsetradiofuture_boxshot.jpg
و بعدين احكم عليه.....أتحداك ما يعجبك

naji

10-03-2002, 04:19 PM

نسيتو الجيم كيوب
ونسيتو العابة التي تفوقت على جميع الالعاب وغفلتوا عن قوة الجهاز

العراقي17

10-03-2002, 05:45 PM

ODIN

انا اتفق معك 1000000000%

فهذي هي عقلية الانسان العاقل(الذي يتسم بالذكاء) الذي يرى الامور من المنظور الواقعي البعيد عن رغباته التي تسيطر عليه.

Legend

10-03-2002, 06:22 PM

الدليل ان البلاي ستيشن 2 افضل هو ان ناينتندو خذت اقوى العابها رزدنت ايفل وفاينل فانتزي رجع لناينتندو مره ثانيه بعد تبون اقوى من هذا الدليل بان الجيم كيوب هي الافضل .

اصحو لالحين نايمين:6

X DRAGON

10-03-2002, 06:50 PM

:D هههه صحيح يا لاجند
:)
اتحدى تلقون لعبة مثل هذه على أجهزه السوني ههههه
هالو:0)
ويقولون انها سيئه ترى اخذت هذه اللعبه 5 جوائز:غضب: ويكون بعلمك راح ينزل هالو مطور ;) حيث تدخل فيه الأنترنت وملاحظه اخرى هالو ما تقارن ب ريد فاكشن ههههه يحليلها هاللعبه قدام هالو
_________________
:أفكر: وجيت سيت راديو..
_________________
:أفكر: وبلود وايك وووالخ كثير والأهم من ذلك انه العابه قويه مو مهم كثرة الألعاب بل المهم متعتها;-)
_________________
:p اقوووول شنو بقى لكم يا بلاي2 كل شئ بدأ يروح عنك هههه ريزدنت راحت عليكم .....داينو راحت عليكم:o ابي اعرف شنو الي تبونه يبا خلاص جهازكم صار شيبه الديمن خليه ينام بس مو قرب اجهزه سيجا او نيتندو خليه ينام جمب ال3do ههههه
_________________
:cool: بغيت شوي ارفع ضغتكم
انا بعت جهاز البلاي2 وبشتري الكيوب بداله:) والأكس بوكس عندي:6
_________________
كيوب و أكس هم الأفضل
__________________

:6 أصحو يالنايمين

xbox1

10-03-2002, 07:00 PM

كم مرة أقولكم :
اللي ماعنده إكس بوكس ولا جرب هالو .. وجت ست ريديو ، لايقعد يحكم على الأجهزة الثانيه

ورجاءا لمن تقارنون شئ بلإكس بوكس لازم يكون جهاز معتبر مو بلي ستيشن 2

واللي موقادر يشتري الإكس بوكس لايعيب عليه ... هاهاها

kooji

10-03-2002, 07:03 PM

البلايستيشن 2 بس والباقي خس وللأخAlucard_2k2 هذي اللعبة انا في نظري مش حلوة ((اعذرني )) وبعدييين اذا كانت هذي اللعبة حلوة على الاكس بكس في عشررات الاعاب الحلوة على البلايستيشن 2 وشكرا ........................(( بلايستيشن 2 وووووبس))

aoks

10-03-2002, 07:06 PM

انا جربت كل الاجهزه‍‍

وصراحة كل واحد احلا من الثاني............ما في واحد احلا من الثاني

بإختصار اشتريهم كلهم

واذا ما تقدر اشتري البلاي 2 علشان FF و MGS
واذا تحب البلات فورم فعليك بالـ GAME CUBE
واذا تحب الاكشن والحمااااااااااس خذ الـ XBOX

العراقي17

10-03-2002, 07:37 PM

شوفوا غلط انكم تقولون انه الواحد يشتري جهاز واحد اوحتى اثنين لازم تشتريهم ثلاثتهم عشان تستمتع بكل الالعاب:

انا مثلا..

شريت البلي ستيشن2 قبل شهرين وبشتري الاكس بوكس بعد شهرين والجيم كيوب بعيد الفطر وبهذا الشكل يكون عندي كل الاجهزة واي لعبة مميزة تنزل على اي جهاز ما احس بالغيرة لاني 100% اقدر اشتريها والعبها :D

moon_face

10-03-2002, 08:16 PM

ياحبيبي alucard2_2 جايبلي لعبه سخيفه من شركه سيجا اتقولي العب فيها وحكم على الجهاز اللعبه موجوده منها على الدريم كاست اقصد الجزء الاول سخيفه حيييل وماتستاهل اشتريها اصلي .

وبعد الاخ the x dargon اقول انت مستانس على لعبه هالو ماعندك غيره تراه لعبه وحده يعني ماتسوي شي بلاستيشن 2 عنده حاولي 30 لعبه رائعه اذا مو اكثر اذا بيعت جهازك يكون احسن ترى مو انت ماتبي بلاستيشن 2 اصلا بلاستيشن 2 مايبيك.

:D
:D
:D

kooji

10-03-2002, 08:43 PM

البلايستيشن 2 بس والباقي خس وللأخAlucard_2k2 هذي اللعبة انا في نظري مش حلوة ((اعذرني )) وبعدييين اذا كانت هذي اللعبة حلوة على الاكس بكس في عشررات الاعاب الحلوة على البلايستيشن 2 و بعدين انا الاحظ انه اصحاب الاكس بوكس متعصبيين واايد حق اجهزتهم ((يمكن علشان دفعوا دم قلبهم فيه وبعدين لقوووه كلااام عللى فااااااااااشووووووووووووووووش ..خخخخخخخخخ )) وبعدين اقولكم يا اصحاب الاكس بوكس انه التاريخ يعيد نفسة لأنه زماان كان في تناافس اشد من هاالتناافس بي ن السوني ون والدريم كاست وكان كل الناس متوقعين انه الدريم كاست يسحق السوني لاكن مالاقو إلا انتصار شركة سوني والحين بيصير نفس الشي السوني 2 بيسحق الاكس بوكس والاياام بيننا ,,,,,, البلايستيشن 2 وبس والباقي خسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسس

Aerodynamic

10-03-2002, 08:44 PM

الناس أذواق و أنا قصدي قوة الجهاز و ليس الالعاب فأنا أحب البلاي 2 أكثر عشان الالعاب أكيد بس الأكس بوكس أقوى من البلاي 2 من ناحية القدرات و مو قصدي إلي فيها من العاب

moon_face

10-03-2002, 08:56 PM

ياخوي alucard2_2 انت تقول الجهاز الاكس بوكس اقوى من البلاستيشن 2 شنو الفايده ان يكون اقوي والمبرمجين الالعاب مو قادرين الحين ان يستغلوا كل قوه بلاستيشن 2 فما بالك الاكس بوكس ;)

basom

11-03-2002, 12:36 AM

يا شباب أكثر موضوع كتب عنو بالمنتدى هو المقارنة بين الجهازين وانا شخصيا لي رأي وسط
الأكس بوكس أقوى
البلي ستيشن2 العابه أحلى
وبالنتيجة نحنا بدنا الألعاب يبقى البلي أستيشن 2أفضل
وشكرا

وبعض ميزات البلي ستيشن2
سعره أحلى .....يوجد كوبي ......له مستقبل ........اليدة رهيبة ......قريبا مودم والعاب أنترنت ........................

weskerالكويت

11-03-2002, 12:49 AM

بدون زعل يا شباب:
بلاي ستيشن2 هو الافضل :cool: :cool: :cool: :cool: :cool: :cool: :cool:

العراقي17

11-03-2002, 01:10 PM

شوفوا يا شباب انا مو متحيز حق اي جهاز ولكني اقول الصراحة والحق!

moon_face

على اي اساس كلامك
:p انت لعبت GTA3?(اعتقد اي:أفكر: ) روح مر على الحي الصيني بسيارة وشوف مستوى التقطيع!!:D

لعبت فاينل فانتسي 10؟ شوف مستوى التقطيع الكبير عن مبارات الزعماء وايضا مشاكل عدم توافق الصوت مع حركة الشفاة!

هع....يقولي ما استهلكوا قدراته الا قدراته ما تكفي;-)

weskerالكويت
basom
Alucard_2k
kooji

ترا لو تعلمون انه معظم العاب البلي ستيشن2 نازلة على الاكس بوكس وبعضها بينزل قريبا وكلامي صحيح حيث انه بالفعل نزلت سايلنت هيل 2 مطورة برسوم روعة وقصة اطول وايضا نزلت اونيموشا برسوم محسنة وعدد من الالعاب مثل ssx و ,توني هاوكس 3 وايضا ستصدر GTA3 وميتل جير 2 محسنة باسم ميتل جير X وايضا هناك بعض العاب البلي ستيشن1 اصبحت حصرية عليه مثل داينو كراسيس3 (وهي من اهم الالعاب واكثر الالعاب المنظرة) ولا تنسوا الالعاب الاخرى الحصرية عليه مثل هالو وويركس والعديد من الالعاب(للمزيد من المعلومات عن الالعاب المتوفرة حاليا ذهبوا الى موقع http://www.xbox.com)

يعني الي يشتري الاكس بوكس راح يحصل العاب البلي ستيشن2 وزيادة!

مع العلم اني لم اذكر الالعاب الاخرى التي ستصدر عليه ولكن ركزت على العاب البلي ستيشن2.

وايضا هناك امر اخر يميز الاكس بوكس وهو قابليته للدخول للانترنت عبر وصلة البرود باند(يعني تقدر تدخل النت عن طريق ال DSL او القمر الصناعي!!) وايضا تقدر تدخل النت عبر الشبكة المنزلية(يعني اكثر من واحد بالبيت يقدر يدش النت!!) وايضا تقدر تلعب عبر الشبكة المنزلية!!(يعني انت وربعك تيبون اجهزتكم وتوصلونها على الشبكة وتلعبون!)

مع العلم انه الاكس بوكس مجهز مسبقا بمودم البرودباند يعني لا تكاليف اضافية;-)

وايضا ما يكروسوفت لحد الان ما بدأت بتشغيل شبكتها يعني لو شغلتها شبيصير!!:D

kooji

11-03-2002, 01:58 PM

على اي اساس تقول عيوب هالاعاب حبيبي لعلمك انا لعبت gta3 ومالاحظت هالتقطيع لما امر بالحي الصيني وبعد لما قريت كلامك اتصلت بربعي وسألتهم عن هالعيب وقالوا انه ما في تقطيع لما نمر على الحي الصيني (شوف الجهاز حقك يمكن فيه شي ) وبعديييييين نفس الشي فاينل فانتسي ...(ما اعرف كيف جبت هالكلام ) انا صح مالعبتها لاكن اعرف واحد لعبها ونفى وجود التقطيع بعد يعني لا تألف عيوب من عندك على الاعاب ومادام الاعاب كلها على البلايستيشن 2 نازلة عالى الاكس بوكس هذااا اكبر دليييل على تفوق البلايستيشن 2 في العابة على الاكس بوووكس يعنييي مافي ابداعااات جديدة على الاكس بوكس إلا كم لعبة (اعتبرهااا انا ولا شي قداام انجازات السوني 2 ) وبعدين اقولك انت لما تتكلم عن الموديم (اهو نازل على البلايستيشن وايضا بيكون قابل للتطوير ميزاتة لأنه قطعة متحركة ) لا كن كم واحد بيلعب عبر النت يااخي يمكن 5 % من العرب بيلعب على النت وبعدين اذا قلت ماافي تكاليف اضافية حبيبي شفت ايهم اغلى ( الاكس بوكس طبعا )) (وايهم ارخص البلايستيشن 2 )) يعني قيمة المودم على البلايستيشن 2 لو اضفنااهااا على سعر الجهاز البلايستيشن 2 بيتعادل السعر و(وانتهت المشكلة ) ............................ومازلت اقووول البلايستيشن 2 وبس والباقي خس !1:D :D :D :D :D :D

moon_face

11-03-2002, 02:00 PM

ياخوي العراقي 17 شنو الي يشتري جهاز الاكس بوكس كأنه شاري يلا ستيشن 2 وزياده لو كلا مك صح كان ماحد شره سوني تو ترى مو كل للعاب بلايستيشن 2 راح تنزل على الاكس بوكس فيه الالعاب حلوه حصريه للبلاستيشن2 مثل انموشا2 وديفل ماي كرلي الجزء الاول والثاني ولعبه المرعبه رن لايك هيل
وجيرلنس والالعاب كثيره بس اقوالك ابيك تعطيني لعبه تضاهي تكن على الاكس بوكس ماراح تلقى
وبي لعبه سيارات احلا من جران ترزمو ؟
وكره قدم اتصك على دوري الياباني ؟ لادور ماراح تلقى :D

العراقي17

11-03-2002, 02:22 PM

kooji

هالشي ما راح تلاحظه يبيله واحد خبير بالجرافيكس(مثلي) او اذا تبي مساعده في هذي الاشياء روح منتدى العاب البيسي ويساعدونك ولا تحسب انه التقطيع يعني توقف الصورة!:p

يعني يقل معدل الاطارات والمعدل الطلوب 60 اطار بالثانية وطبعا نادرة ما تجده في العاب البلي ستيشن2 قد تكون ميتل جير هي الافضل فلاحظت انها حافظت على معدل اطارات عالي جدا وتشبه العاب الاكس بوكس الى حد كبير.

moon_face
يا حبيب قلبي تبي الواحد يهد جهاز جبارعشان شوية العاب بسيطة ويمكن تصدر عليه بالمستقبل؟

وللعلم راح تنزل عليه سيجا GT ويمكن تصك على جراند تريزمو3 نظرا لقوة الاكس بوكس

وحتى الدوري الياباني فهو ليس حصريا على البلي ستيشن2 (اذا تعارضني يبلي وصلة تثبت ذلك)

وانيموشا 2 راح تصدر على الاكس بوكس مثل ما صدرت اونيموشا1 على الاكس بوكس يعني ما في مانع.

اما تكن فتوجد لعبة تعادلها وهي ديد اور الايف 3 وقد تكون افضل منها بالنسبة للبعض ولكن البعض يكرها وهو حر.

الشيئ الوحيد الذي يميز السوني وجود سلسلة فاينل فانتسي ولكن هذه الميزة تلاشت بعد خبر نزولها على الجيم كيوب.

kooji

11-03-2002, 02:31 PM

ولو بيتم البلايستيشن 2 المتميز ياااخي طيب ماعلينا في الجهااز الحين جيبلي كم لعبة نزلت على الاكس بوكس ومتميزة بس اريد لعبة نزلت على لاكس بوكس بسسس وحصلت على ربع شهرة ميتال جيير
الجواااب مافي هذا بعد دليل على تميز البلايستيشن 2 وبعدين مادام تقول انه التقطع نقص في الاطارات ما ادري التواير ما حد يلاحظها غير الخبراء اللي مثلك ما في داعي نغير فكرتنا عن الجهااز علشاانك ( اعذرني )

M7MOOOD

11-03-2002, 02:32 PM

أصلا البلاي ستيشن 2 أفضل و أقوى بكثير من الأكس بوكس .. و ذلك لأسباب كثيرة لا تعد و لا تحصى .. منها أن الأكس بوكس تنقصه الحلاوة و السكر و هي ألعاب سلسلة فاينل فانتسي ":" ":" ":" ":" ":" ":" ":"

سكير999

11-03-2002, 02:51 PM

اسمحلي أقولك مب أقوى من الأكس بوكس بل أفضل:cool:

CV XBLOOD

11-03-2002, 03:51 PM

الـ PS2 رهيب ، بس لمن راحت لعبة ريزدنت إيفل وداينوكريسيس صار الجهاز واقف على ثلاث أركان !!!:" :!

Aerodynamic

11-03-2002, 04:00 PM

أصلا البلاي ستيشن 2 أقوى بكثير من الأكس بوكس
أقول محمود قابلني بس

moon_face

11-03-2002, 04:54 PM

ياحبيبي يا عراقي 17 انت مصدقك قاعد تكلم ان GT راح تصك على جران تزمو مالك امل لعبه جران تزمو لها تاريخ كبير تراها فجرت السوق لما انزلت ولعبه GT توني اسمه عنها تراها اول مره تمر علي .

وديد اور الايف 3 من صدقك تره هذه تكن مو شويه تذكر لما انزلت على دريك كاست الجزء الثاني من ديد اور الايف 2 ماقدرت اتصك على تكن الي على بلاستيشن 1 وشوف الفرق القدرات بين الجهازين .
ترى مو دوري الياباني الي راح ينزل على الاكس بوكس الي راح ينزل على الاكس بوكس هو
انترنشونال سوبر ستار شكر مو وينج اليفن فهمت الحين :D

العراقي17

11-03-2002, 05:56 PM

moon_face

اللعبة اسمها سيجا GT ونزلت على الدريم كاست وكانت جميلة جدا لوا التحكم ولكن الجزء الجديد سيكون على الاكس بوكس وسيفوق كل التوقعات خاصة انه على الاكس بوكس الجبار مع العلم انه نزلت لعبة راليات جديدة على الاكس بوكس واخذت تقدير عالي جدا 9.2 وهذا شيئ يبشر بالخير فالعاب السيارات على الاكس بوكس جميعها من المستوى الرائع.

اما ديد اور الايف 3 فانصحك انك تروح احد المحلات وتجربها او تشوف رسومها على الاقل (بس لا تنسى تيييب معاك كيس لان عيونك بتطلع من مكانها خشهم فيه:6 )

-------------------------------------------------------------
بس عموما انا ماحب الثنتين ولكن احب سول كيلبر;)
-------------------------------------------------------------

وعن ويننج اليفن انا ما قلت انهم اعلنوا موعد نزولها ولكن قلت انه شي مو غريب اذا اعلنوا انها راح تنزل في موعد معين لانه ما في شي يثبت حصريتها للبلي ستيشن2 (والي يعترض ييبلي وصلة تثبت)

kooji

شكلك غشيم شوي روح راجع مواقع الالعاب (روح جيم سبوت مثلا;-) )
اما التقطيع فواضح جدا حتى اخوي الصغير لاحظ هذا وقالي "شفيها اللعبة صارت شوي بطيئة"(الظاهر الفطنة بالوراثة عندنا:أفكر: )
اعذرني اذا كنت قاسي معاك شوي (بس كلامك نرفزني:-) )
M7MOOOD
بهاذي صدتني وهذا الشي الوحيد الي مخليني ما ابيع البلي ستيشن2 لحد الان:D

واخيرا اعيد واكرر لا يطلع واحد فيكم ويقول اني متحيز تراني مو متحيز ولا شي ولكني اقول الحق وانا اصلا تقدروني تعتبروني "ناقد" وهذا الي مخليني ضد وجهات نظركم.

Aerodynamic

11-03-2002, 07:55 PM

أنا الي قهرني في فف10 أنه سهل مرررة
ليتهم مصعبينها أكثر

moon_face

11-03-2002, 08:15 PM

ياحبيبي يا خوي العراقي 17 انا شايف ديد اور الايف رسومها حلوه بس ماتفوق تكن تاغ مو تكن 4
لعبه سيارات الي ماخذه 9,2 ترى جران ترزمو ماخه 9,5 على ماعتقد اذا مو اكثر

العراقي17

12-03-2002, 12:47 PM

moon_face

خل تاخذ الي تبي بس على الاقل بادرات طيبة بدت تصدر على الاكس بوكس ببسبب قوته الهائلة(مع انه الجهاز ما صارله حتى 4 اشهر بس!!) ولو تلاحظ انه معظم العاب الاكس بوكس تقاديراها فوق ال8.8 لانه معظم العابه"نقوة" ما يكروسوفت تعرف شتختار لجهازها;-)

Aerodynamic

12-03-2002, 02:35 PM

مين يقول تكن أحلى من DOA!?!?!?!?!?!?!?:غضب:

moon_face

12-03-2002, 02:43 PM

ياحبيبي عراقي 17 شنو كل الالعاب الاكس بوكس ماخذه فوق 8,8 في الالعاب ماخذه 6 و5 ترى بس لعبتين في الاكس بوكس ماخذين فوق 9 الي هم هالو وسيارات هذه الي تقول عنها اما البلاستيشن2 عليه عشرات الالعاب ماخذين فوق تسعه وزيدك من اشعر بيت ترى في لعبه على بلاستيشن 2 ماخذه 10 الي الاكس بوكس ماقدر ت الالعابه تاخذ هذه نسبه ":"

Aerodynamic

12-03-2002, 02:48 PM

شكلك يا moon_face ما عندك سالفة
جت ست راديو فيوتور أخذ 9.1 في موقع IGN و تقولي بس لعبتين ماخذه فوق 9
و راح يلحق عليه انشاء الله العاب أكثر

العراقي17

12-03-2002, 03:07 PM

moon_face

شوف وتمعّن;-)

----------------------------------------------------------------------------------------
Halo Action Buy 9.7
Tony Hawk's Pro Skater 3 Extreme Sports Buy 9.5
Dead or Alive 3 Fighting Buy 9.4
RalliSport Challenge (Xbox) Racing Buy 9.2
Jet Set Radio Future Action Buy 9.1
WWF Raw Wrestling Buy 9.1
NHL 2002 Sports Buy 9.0
SSX Tricky Sports Buy 9.0
Wreckless: The Yakuza Mission Action Buy 9.0
All-Star Baseball 2003 Sports Buy 8.9
Max Payne Action Buy 8.9
Knockout Kings 2002 Sports Buy 8.8
NBA 2K2 Sports Buy 8.8
Project Gotham Racing Racing Buy 8.8
TransWorld Surf Sports Buy 8.8

صدّقت الحين؟

هذا والجهاز ما صارله 4 اشهر .......هع:D

moon_face

13-03-2002, 05:25 PM

كل نسب الالعاب غلط اسمحلي يعني في كم لعبه انت امغير في نسبها
انت روح موقع gamespot وراح تقولي كلامك صح :6

Aerodynamic

13-03-2002, 07:03 PM

النسب من موقع IGN
و لو إنت ما تعرفه مدري وش أقولك والله
أنا ملاحظ أن أي لعبة نذكر اسمها تقول أنها بايخة
شكلك ما تحب الألعاب إجمالا

moon_face

13-03-2002, 09:43 PM

انا ماحب الالعاب حراااااااام عليك انا من معجبين في الابتكار رائع الي هو الاجهزه المنزليه والالعاب

ونا اقول بايخه لانه هذا ذوقي ورد اقوووووووووووووووووووووووووولك ( الناااااااااس اذواااااااااااق)

ونا ذوقي احب سوني تو كملايين غيري ;-)

khalid2001

13-03-2002, 10:23 PM

مع اني ةماعندي بلاى ستيشن 2 يعني مااعرف مواصفاته كامله بس انا اقول
لو تدورون الدنيا كله ماتقدرون تجيبون اجهزه افضل من اجهزة شركة سوني
اما عن الالعاب انتم شكلكم نسيتوا اللعبه الاولى لهذا العام وهي ميتال جير سوليد2 ومع اني مجرب الديمو بس بس سراحه اعجبتني اللعبه جداً هذا وهي الديمو اجل فكيف بالكامله هذا عن العاب التجسس اما السيارات فعندك جران تورميزو3 و جراند ثيفت اوتو3 وكريزي تاكسي اما عن العاب كرة القدم عندك الدوري اليابني5
ووووو نبي نبتل نعدد لما بكره
وبعدين وش فايدة مواصفات الجهاز المسمى بــــــــxboxمالم تستغل استغلال كامل
وبكذا يتضح للجميعععععععععع ان البلاى ستيشن2 هو الافضل دائماً ولا يقارن باي جهاز اخر
اما اذا بغيت تقارن بين سوني ومايكرسوفت فمن المعروف انا سوني هي الاولى في العاب الفديو ومايكروسفت هي الاولى في اجهزة الكمبيوتر كما هو معروف
وشكراً هذا رأيي بصراحة تامه بعدين نسيت شي الاكس بوكس مثلا تبي تشتري لعبه طبعاً مافيه الا اصلي وبكذا
تدفع100او200او300 ريال على لعبه واحده!!!!!!!!!:واو: :!
يله سلام

abody

14-03-2002, 06:40 AM

انا ما بهمني الاكس بكس ولا البلاي ستيشن ؟؟؟؟

انا يهمني الجهاز اللي تنزل عليه العاب جديده وقويه في نفس الوقت والاهم انها مستمره علشان تجذب :D

صح ولا لا ولا كلامي غلط .

THE SOLID SNAKE

14-03-2002, 09:57 AM

اقوووووول كل شي الا البلاي ستيشن2

والله اتحدى تجيبون العاب احسن من فاينل و ميتل جير

هذي من احلا الالعاب في كل الاجهزه:أفكر:

كم مرة أقولكم :
اللي ماعنده إكس بوكس ولا جرب هالو .. وجت ست ريديو ، لايقعد يحكم على الأجهزة الثانيه

ورجاءا لمن تقارنون شئ بلإكس بوكس لازم يكون جهاز معتبر مو بلي ستيشن 2

واللي موقادر يشتري الإكس بوكس لايعيب عليه ... هاهاها

وش جاي تسوي

هذا منتدى اكس بوكس ولا منتدى بلاي ستيشن؟

بعدين طلع العاب زي هذي:

متل جير

فاينل فانتسي

رن لايك هيل

رزدنت ايفل

فرتشوا فايتر

ديفل مي كراي

اونيموشا1 & 2

زيـــــــــــــــــرو

ويننج اليفن

جي تي

و و و و و و و و العاب كثيييييييييييييييييييييييره مره

يعني الاكس بوكس هو اللي ما يتقارن بالبلاي ستيشن2":" ":" ":" ":" ":"

Aerodynamic

14-03-2002, 05:14 PM

نسيت شي الاكس بوكس مثلا تبي تشتري لعبه طبعاً مافيه الا اصلي وبكذا تدفع100او200او300 ريال على لعبه واحده!!!!!!!!!
ما تدري أن العاب كوبي راح تطلع بعد شهر على الأكس بوكس و راح تكون كاملة؟؟؟؟؟؟؟؟؟
فلو سمحت تأكد من أخبارك قبل لا ترد عشان ما ننشر أخبار خاطئة

THE SOLID SNAKE

14-03-2002, 05:49 PM

كتب العضو (Alucard_2k2)

ما تدري أن العاب كوبي راح تطلع بعد شهر على الأكس بوكس و راح تكون كاملة؟؟؟؟؟؟؟؟؟
فلو سمحت تأكد من أخبارك قبل لا ترد عشان ما ننشر أخبار خاطئة

كامله مستحييييل تجي كامله ههههه

كان صارت العاب السوني كامله

الا اذا كانت العاب الاكس بوكس سي دي مب دي في دي:أفكر:

JBR

14-03-2002, 07:05 PM

بعد ماقريت هذا النقاش قررت اني اشتري ps2
بصراحة حببتوني فية وايد

العراقي17

14-03-2002, 11:42 PM

الي ما يعرف للاكس بوكس لا يتكلم عنه;-)

ملاحظ تخاريف كثيرة بالردود المشكلة مالي خلق ارد عليها:D

(انا طالع من الموضوع لاني زهقت وانا اكتب والشباب يدشون على عبط ولا يقرون الردود السابقة ويكتبون كلام مكرر:أفكر: )

neo-alarab

15-03-2002, 05:38 AM

العراقي17 I'm doing the same thing that you are doing which I'm going to buy the GG and the XP but after I try them because I want to make sure that they deserv the mony that I'm going to pay for them

and by the way if you're wondering how I'm goning to try them jost tell me so

:0) ;-)

Aerodynamic

15-03-2002, 03:26 PM

الا اذا كانت العاب الاكس بوكس سي دي مب دي في دي
أنا سمعت أن العابه إلى الآن كلها على سي دي فقط
و لو سمحتوا يقدر واحد يقولي كيف أخلي يجي كتب العضو (فلان) في الquote?:D

العراقي17

15-03-2002, 05:35 PM

neo-alarab

U did The Right thing;-)

...HoW?:D

Alucard_2k2

لا كل العابه على DVD (عكس البلي ستيشن2)اصلا هو مافيه قارئ سيدي بس فيه قارئ سيديات الاغاني

واذا تبي تسوي Quote

وانت بشاشة كتابة الرد شوف مع الخيارات راح تلقى دقمة Quote اضغط عليها وراح يطلعلك مستطيل اكتب فيه الكلام الي تبيه(او انسخ)

Aerodynamic

17-03-2002, 08:25 PM

طيب ليش عروض الفيديو في العاب الأكس بوكس مو DVD quality يعني مي صافية الصورة؟؟؟

العراقي17

17-03-2002, 08:41 PM

Alucard_2k2

عدة اسباب يمكن لعبة معينه فقط اهي بهذي النقاوة لانه يمكن الدسك متروس فاضروا يقللون النقاوة(مثل ما حصل مع فاينل فانتسي x)

وايضا الافلام بالالعاب عادة ما تكون بنقاوة الديفيدي وتكون بنسق اخر لانه كما تعلم افلام الديفيدي حجمها كبير جدا !

يعني دسك حجمه 4.7 جيجا بيالله يكفي حق فلم حجمه ساعة ونص!

Aerodynamic

17-03-2002, 08:56 PM

مو قصدي أفلام زي حق فاينل x
أنا قصدي زي لعبة nba inside drive 2002 فيه عرض فيديو مصور حقيقي طوله يمكن 15 ثانية بس و العرض فيه كأنه عرض فيديو nba على البلاي 1

THE_X_WOLF

17-03-2002, 09:09 PM

أنا عندي البلاي ستيشين 2 و والله إني مبسوط فيه كثيييييييييييييييييير و الله ألعابه حلوة كثييييييييير و أكثر من رائعة و أنصح اللي ما عنده بلاي ستيشين 2 يشتريه فوراً فهو جهاز رائع بجميع المقاييس و بشهادة الجميع فالإكس بوكس رغم تفوقه في القوة على البلاي ستيشين 2 إلا أنه لم يستطع مقاومة البلاي ستيشين 2 و أنا عندي إكس بوكس بس هو حلو و ممتع بس مو قد البلاي ستيشين 2 لأنه ما أحس بمتعة و أنا ألعبه و ما في ألعاب حلوة كثير أنا عندي DOA3 و HALO و الله هالو لعبة حلوة كثييييييييييييييير بس أنا ندمت إني إشتريت الإكس بوكس لأني أحس إنه ما في ألعاب حلوة كثير فالألعاب الحلوة تنعد على الأصابع و هذا رأيي

:D ;)

basom

17-03-2002, 10:58 PM