المساعد الشخصي الرقمي

مشاهدة النسخة كاملة : لعبة القصة المشتركة بين الاعضاء


Kasser
07-03-2002, 09:59 AM
احم

هذي اللعبة منشورة بالمنتديات وكل واحد يقوم يكمل القصة بسطرين او اكثر,


طيب أبدأ اللعبة انا اولا


======
كان يامكان في قديم الزمان

كان فيه واحد اسمه عادل يدلعونه عويدل كان واحد بريء مرة . وعنده اقرباء شريين ":" يوم من الايام طلع مع اقربائه وركبوا داتسن طالعين رحلة والمسكين عويدل مايدري وين بروح وفجأة

طرااااااااخ

يصير حادث مروري



يالا كملوا انتوا انا ماعرف للقصص :p
تركي
07-03-2002, 10:14 AM
نزلوا الشباب من السياره وضربوا راعي السياره الثانيه إلين ماتوفى, وجت الشرطه تلحقهم وعويدل خواف مايدري ويش يسوي:( وبعدين الشرطه ضيعتهم ,,,,,وراحوا الشباب لمنطقه بعيده عن المدينه علشان مايلقوا القبض عليهم:( عاد المنطقه غير مأهوله بالسكان ومعروفه بتواجد الأشباح بكثره, وأصدقاء عويدل(الشريين)
يدرون بهذا الشيء لكنهم ماحبوا إنهم يقولون لعويدل علشان إنه خواف,,,,,, وبعدين جاء وقت النوم:!

أصدقاء عويدل/يالله ناموا ياشباب لاتخافون من الشرطه,
عويدل/لكن المكان مظلم مافيه لمبه (سهاريه),
أصدقاء عويدل/ لمبه (سهاريه) في بيت أمك مو هنا يالله نم,
عويدل/خلاااااااص أبي أنام(تصبحون على خير),

وفي منتصف الليل تقريباً الساعه 12 ونصف أحسوا في حركه غريبه تحت سيارتهم الددتسن,وفجأه خرج الذي لم يكن في الحسبان,,,,,, كملوا القصه ياشاطرين:D
يارا
07-03-2002, 12:12 PM
نعم كانت مصيبه الي شافها تحت السياره

شاف شبح لراعي السياره الي سطروه
ومن الروعه لما حس انه دفتر مسطر مع العلم انه كان سابقا دفتر ابو وجه وجه مادرى بنفسه الا وهو طايح بالارض وقلبه قاعد يفرفر من الخوف عويدل نادى قلبه وهو ماشي:اقول يالحبيب وين رايح؟
قلب عويدل: لا بس حاس عندي لزوم وابغى الحمام!!! ياخي انقلع انت واحد يندخلي فيه ؟روح شوف لك قلب ثاني يستحمل هبالك.
ونط قلب عويد في اقرب جحر ضب منقرض واختفى
قعد عويدل يطالع مو مصدق هل يصدق ان فيه جني ميت ولا قلبه الي هج وقال عدوا لي؟
المهم عويدل اخيرا تكلم لما ماصار يحس (طبعا لعدم وجود قلب عنده يحس فيه) وقال للجني:اقول يا سفير ابليس وش الطاري قاعد تحت السياره؟
الجني :انت ماتشوف؟(يقولها بتطنز)
عويدل:شنو اشوف؟
الجني: منت تشوف اني قاعد افك السياره من تحت؟
عويدل :ليش طيب؟
الجني:ياخي مو حرام عليكم تصدمون الرجال وتسطرونه الى ان صار دفتر رياضيات ابو مربعات وبعد تذبحونه وتهجون !!! لا وسيارته كسرتوها!!!
انتو مو دارين انها تقسيط واني كافله فيها؟
عويدل:واذا صار ؟
الجني:ياثور شنو اذا صار؟اقولك انا كافله فيها يعني لو ماسدد بيجون حقين البنك الي بجهنم يسحبوني من بلاعيمي علشان اسدد
عويدل:وشنوخص السياره فيك؟
الجني :ايه ماتنلام (يقولها بحرقه) ماكفلت احد من قبل وابتلشت بالتسدس انت ,هذا الي صدمتوه كنت كافله ومسدد للبنك 5 اقساط بس قلت اتلاحق عمري واخذ السياره هذي وابيعها تشليح على الاقل تسد لي بعض الي خسرته(انت ووجهك المعفن) وببيع السياره بالتشليح انت خابر داتسن وتجيب ذهب وبنفس الوقت اخذ بثاره المسكين لما ذبحتوه
وفجاة هبت ريح عاصفه ودخل التراب في عيون عويدل وماعاد شاف شي
ومثل ماجت الريح فجاة وقفت فجاة وقعد عويد يفرك جفونه من الغبار ومادرى الا وعينه اليسرى طايحه بيده من قوه الحك وبسرعه نفظ الغبار عنها ولحسها مثل مايلحس بطاقه الاتصلال الي تستخدم في التلفون العمومي لما ماترضى تشتغل (وهي على فكره تشتغل من اول لحسه )وبسرعه رماها في محجرها يعني في الحفره حقتها
وماشاء الله عليه من الحرافه دخلت قوووووووووول على طول

بس للاسف راحت في محجر العين اليمين بالغلط وصار عويدل يشوف يعيونه اليمين الدبل مثل زرقاء اليمامه يعني والعين الثانيه عمياء
ولما فتح عويد عيونه الدبل وطالع حوله يدور مكان السياره ومكان اخوياه
شنو تتصورون لقى؟؟
ماصدق من الخرعه الي شافه

يالله واحد غيري يكملها
X_5
07-03-2002, 01:24 PM
شاف رساله طايح في الارض مكتوب عليها ( اي نو وات يو ديد لاست سمر ) >>>>>>انقليزي

المهم يوم قراها تخرع عويدل وراح يدور على اخوياه المهم وهو ماشي جنب الخط الا مر جمس مظلل وراكبه ورا حرمه مكتمه هي بعد وشافت عويدل على نياته وقالت له وشفيك قالها القصه وركبته معاها وهم ما شين في الطريق خس عويدل ببروده شديده والا الحرمه فصخت عبايتها ووقف عقل لاعادل >>>>معنده قلب
تتصورون وش شاف؟؟":"
kld2002
07-03-2002, 02:04 PM
اطلعت الحرمه مرت ذاك الجني الي هج ورايحه تعطيه على وجهه كم كف
لأنه تزوجها علشان قراطيسها(القراطيس:ذهب) وهو راح يبوق السيارة
علشان يبيعها وياخذ حصيلتها ويتزوج أبها جنيه ثانيه وصلوا مكان العرس ويوم شاف الجني حرمته الأوليه جاه.............





يا الله من يكمل؟؟؟؟؟؟؟؟؟؟؟



ولكم تحياتي:-
kld2002

;-) ;-) ;-) :6 :6 :-) :-) :!
Lucky guy
07-03-2002, 02:16 PM
جاه وذبحه وقضت القصه ويالله كل واحد يروح بيته :p :p :p <<<< واحد يحب يخرب :6 :6
silverpaco_101
07-03-2002, 02:29 PM
كتب العضو (THE LUCKY GUY)
جاه وذبحه وقضت القصه ويالله كل واحد يروح بيته :p :p :p <<<< واحد يحب يخرب :6 :6

هع:D
يارا
07-03-2002, 05:07 PM
يابيخك بيخاه


حركه شينه خلنا نشوف باقي القصه يمكن نطبعها بكتاب
silverpaco_101
07-03-2002, 08:15 PM
يمزح وشفيكي زعلتى;)
mr_mozh
07-03-2002, 08:18 PM
كتب العضو (THE LUCKY GUY)
جاه وذبحه وقضت القصه ويالله كل واحد يروح بيته :p :p :p <<<< واحد يحب يخرب :6 :6


وبعد مارحت بيتك عوديل قاعد يفكر وش يسوي اليوم الثاني المهم بعد مافكر عوديل قرر انه ينزل السوق مع اصدقائه المهم راحو السوق وصادفو ثلاث بنات عوديل لعب براسه الشيطان وقال يالله انشاء الله خير راح عوديل يحاول يحتك فيهم ماعطوه وجه قال عوديل لهم
عوديل:ياهو نظره
البنات:استح على وجهك قليل حيا
عوديل:طيب بوسه
البنات:انت ماعندك خوات
عوديل:ليش الغلا ياعمري
البنات:تفو عليك قليل ادب ماتستحي
عوديل قام يفكر وراح الاصدقائه وهو زعلان قال يشاباب ماعطوني وجه وش اسوي...................



كمل ياحلوين;)
kld2002
07-03-2002, 09:28 PM
.......بعدين البسوا عبايات (طبعا كلهم وأولهم عدول) ومشوا ذاك اليوم

في سوق تجاري كبيييييييييييييييييييير مررررررررررررررررررررره


وفي كل زاويه من السوق يشوفون بنات واااااااااااااااااااااااااجد


المهم هم احتاروا بالمجموعاااااااااااااااااااااات الكبيييييييييييييييييره


المهم أختاروا مجموعة من البنات الحلوييييييييييييييين مرررررررررررررررره


ما قربوا الإ الي...................0






يالله يا شطار كمبليت ذس ستوري.......>>>عنغليزي






ومع تحياتي:-



kld2002.;-) ;-) ;-) ;-) ;-) ;-) ;-)
Kasser
07-03-2002, 11:00 PM
وهم يلاحقونهم

عويدل الدلخ قام وقف على عباية صاحبه وينكشفوا ويجو الشرطة

ويطلعوا بره للشبح (الداتسن) وطيران

وكان الشبح مال اللي ذبحوه شاري سيارة جديدة فرحان ومسوي احتفال وفجأة يشوف الداتسن ويصير وجهه كذه :واو: : لالالا لاتصدموا سيارتي الجديدة

طراااااااخ

الغريب سيارة اصحاب عويدل صاحية ولاتغيرت وسيارة الشبح مابقى منها شيء

ويجي الشبح ويقول : ياكلاب تعالوا اكفخكم :غضب:

و اول واحد جاته الضربة عادل المسكيين واغمى عليه


يالا كملوا
mr_mozh
11-03-2002, 12:07 AM
يوم اغمى عليه راحت امه للمستشفى وهي تصايح شافت ولدها عوديل متفقع وجهه وكله خيوط ودم والله لا يوريك المهم عوديل كان في غيبوبه وكل يوم امه بجنبه وتقول
امه:اه ياولدي مالك ومال رفقاء السوء
عوديل:خخخخخخخخخخخخخخخخخخخخخخخخخخخخخخ نايم يشاخر
امه هيء هيء هيء:" وللله انت فلذت كبدي
عوديل:خخخخخخخخخخخخخخخخخخخخخخخخخخخ ولا داري وش السالفه
امه:اقول قوم يالكلب
عوديل:هاه وش فيه
امه اقول بكره بتجي البيت معاي وانا اربيك
عوديل:زين يمه خليني اكمل حلمي
طبعا عوديل كان يحلم حلم حطير مره انه كان في بلد غريبه كلها سعادهوكل شيء يتمناه موجود فيها من حب ودلع وحنان وسيارات وبحر وبيوت وكل شيء
المهم عوديل وهو يحلم افتكر انه عنده في هذه المدينه قصر كبير مره يشوف منه البحار والبنات<====جايه غلط
المهم ولما كان بالقصر قال للسوق جهز السياره يوم جهز السياره وين راح ...........



كملو;)
يارا
11-03-2002, 12:52 AM
ياربيه انتم دايم تخلون لي القصه المعقده بس يالله خذوا الارنب

لما جهز السياره وطلع كان في باله يروح يدور له بالشوارع مثل عيال الكشخه المنسمين
قام قال للسواق >----- على باله انه كشخه:اقول يالعبد الازمر تحرك اطلع لشارع العليا العام:غضب:
السواق:ابشر ياعمي >----يقولها وهو يتنافض شايف عمه منتفش (بس المشكله مو قادر ينتف ريشه المعفن هذا)
طلع السواق يدور ويدور بعويدل من الفيصليه للمملكه للعقاريه وهكذا وهو ماغير مراره على هالقهواي وطلب نسكافيه وكابتشينوا منها ويستعرض بالسياره والسواق الي ملبسه ثوب تقل تمثيليه بدويه بدون ملح
وفجاءة وقف السواق >----يقالك مؤدب يعني
وفرررررررمل بسرعه
عويد:عمى بهالوجه:غضب: ليش تدعس فرامل يا معفن ؟
السواق:معليش فيه حرمه شكلها تبغى شي وتاشر لنا علشان نوقف لها
عويدل :حرمه؟؟ ياربي وش هالحظ> --طبعا مايحتاج نشرح ان سعابيله قاعده تقطر اكيد واضحه
الترجمه "سعابيله تعني :ماء يطلع من الفم من كثر الشفقه على الشي يعني من الشفاحه(خخخخخخخخخ)
بس ماراح اشرح شنو معنى شفاحه بتطول القصه
السواق بالسياره اووووووووووووووححححححححححححح
يعني تفرمل بقوه
عويدل ماكذب خبر الحرمه قربت من الباب فتح لها باب الشبح مالته وقال لها:شبيك لبيك عويدل بين يديك >--بنفس المنظر السابق ابو سعابيل يعني
وهو مطلع لسانه ومقفل نصف عيونه وماد ذراعيه وفاتحها يقول تفضلي يابعد طوايفي وعمري وهلي انت
وقاعد يغني لعبد المجيد \ياسراجي بينهم -عطني من دنياك حبك واترك الباقي لهم(عذرا ماعراف الاغنيه لعدم اطلاعي على هذا المقطع من الفلم )
المره بنت الجنيه ماكذبت خبر المخفه المنسم هذا عويدل وعلى طوووووووول دشت بالسياره
ومثل الحراميه وكانه متعود(اقصد السواق)نزل وبسرعه تلفت يمين ويسار يدور لا يشوفه احد قام بكل قوة خابط بالباب وصاكه مادرى على رجل عويدل الا وهي تصير عجين ويصارخ عويدل :ياولد الكلب يا سواق التبن يا -- يا---:غضب: يقالك معصب
بسرعه السواق صفط السياره باقرب موقف عند اشارة البنك الفرنسي ووقف هناك ثم نزل من السياره وفتح الباب على رجل عويدل وقام بكل بروووود وعدل العجين مالها ورصها شوي لحد مارجعت للشكل الطبيعي المتخلف لرجل عويدل
المهم ركبوا كلهم السياره وكل هذا يصير والمره ساكته مثل الصنم
عويدل ماعجبه الوضع
بس سكت وكمل
صار السواق يمشي وعلى كل قهوه ولا مطعم يوقفون ويجيبون اكل ولا حار ولا حتى بارد ويعطي المره وهي تلططططططه يعني تشربه بقوه وحول ماتشرب عويدل وهو يمد لها الحاجه
الترجمه يلط =يدخله بحلقه كانه مسلك بلعومه بزيت فيتزحلق فيه الاكل
حول = تقريبا او حوالي
يمد =يعني يعطي
نكمل القصه
المره لما شافها عويدل كذا قال مابدهاش بقى ياراقل
وقام مقرب منها على باله يكلمها مادرى الا وهذيك العبايه طايره بالسماء والا هذيك المره الي كانها نجاتوه النسره المنتفشه قدامه
وعلى طووووووووول عرفها
من تتوقعون؟؟ يالله كملوا



































لا معليش اكمل
بايخه كذا
صارت منو هذاي المره؟؟
صارت مره الجني
قالت لعويدل:اهاااااااااااااا:غضب: انا لي زمان ادور عليك ابي انتقم منك يا اما ترجع لي زوجي اطيب جني بالارض الي ماقد اكل غير اربعين شخص ولا دمر الا ستين بيت وقدوته شارون ابن الكلب
ولا انك تخليني ادخل فيك مثل الجن مايسوون؟
هنا طاح عويدل من طوله>(اصلا هذي نصبه لا عويدل كان واقف علشان يطيح ولا هو طويل من الاساس )وقال لها :


يالله كملوا
هنا المشكله من يكمل
بس شنو رايكم انفع مؤلفه ؟
ونصابه بعد


كملوا
Chandler
11-03-2002, 01:09 AM
الموضوع حلو...

ودي ادخل معكم بس منيب قادر أألف :o
يارا
11-03-2002, 02:28 AM
مومشكله اذا ماتقدر تالف
فانت تقدر تصرقع شوي لنا كم صرقوعه
وعلى السكه صرقوعتين للاصحاب
ماعليك جرب
الدعوى خاربه خاربه
:6 :6 :6 ?:
يارا
11-03-2002, 06:42 PM
هاه يا اعضاء؟؟
وين باقي القصه؟؟
من يكمل؟
ولا عجزتوا عنها؟
mzar3aranb
11-03-2002, 08:53 PM
كم الساعه قالت 5 قال شكرا مع السلامه انا رايح مزرعه الارانب >>>>>>كل واحد يصلح سياره الثاني وتوكلو<---(خاش غلط*)
يارا
11-03-2002, 09:11 PM
الله يعيننا ماقدرنا على ارنب تجينا المزرعه بكبرها !!!!!
ايه البلاوي الي بيتحدف علينا اوي كده؟؟
معليش يابو ارنب كمل الحكايه وخلينا نشوف <----يقالك مصري ومتسعود :cool: :D :6 :6 :6
Chandler
11-03-2002, 10:52 PM
هع...

حاولت يا يارا...وماقدرت :" :" <---- والله ان هالوجه ينرحم :p
يارا
12-03-2002, 06:18 PM
الشكوى لله:" ماني قادره استحمل :" المراقب بكبره مو قادر؟:" :" :" الله يعينك :"
بس ماعليه معذور اكيد مشاغل المراقبه ماخلت لك وقت تأرنب علينا
ولو تبغى نصيحتي روح لمزرعه ارانب ترى هو عنده كورسات الموضوع هذا
بس انت لا :" :" :" كثير ما استحمل:"
انت المراقب اجل شنو نقول على غيره؟