((--- قوانين المنتدى+تنبيهات مهمه ---)) <<< مهم لكل عضو في هذا المنتدى

[Chandler]

السلام عليكم...

مبروك علينا جميعا دمج منتديي الصرقعة والنكت...لكن هذا الجمع أدى الى كثرة الاعضاء المشاركين في هذا المنتدى ((اكيد هذا شيء جيد))....لكن انا شايف انه فيه بعض التشوه في المنتدى وان شاء الله بنعالج هالمشكله....ولذلك وضعنا كم من قانون يرجى من الجميع تطبيقها....

1) المواضيع المكررة تغلق مع توضيح سبب اغلاقها....((اصرف من حذفها))....

2) المواضيع اللي ما لها علاقة بالمنتدى تنقل....والمواضيع اللي اساسها تشات ((يعني يجي واحد يقول خلونا نسوي تشات)) تحذف...

3) الاعضاء اللي يخربون المواضيع بردود ورا بعض ((يعنني بيكثر مشاركاته))...ننبه مرة...ومرتين....وبعدها اي رد يكتبه بهدف تكثير المشاركات يحذف......وان زودها يوقف له كم من يوم...

4) المواضيع البايخه او اللي كلها كلمتين....تقفل...عشان يفهم راعيها ان المنتدى مو اي كلام..يعني يا يكتب موضوع من تعبه....او لا يكتب ابد....

غير كذا....انا لاحظت هنا ان الاعضاء يسمون بعض بالشغالات والسواقين...هذا شي راجع لهم.....بس اذا احد كتب موضوع عن هذي السالفة....بنعتبره موضوع تشات ونحذفه....
-------------------------------------
النقطة الثانية والاخيره...

ابغاكم تتفقون على اسم بدال منتدى النكت والقصص الخيالية....نبغى اسم له رنين.....((زي الصرقعة سابقا بس الصرقعة ما وافق المشرف يحطها على الواجهه))....

وانا بأعطيكم كم من اسم....((الاقلاع-الرجة-التنكيت والهبال)).....واللي عنده اسماء حلوة ثانية لا يبخل فيها علينا....
-------------------------------------

ملاحظة:
1- القوانين باخليها كم من يوم قبل ما اطبقها((لما يوصلون المراقبين الجدد))...بس بعد كذا ما فيه تسامح مع الاعضاء...
2- الموضوع جدي 100%..اي رد استهبال سيتم حذفه...

[الشاب خالد]

والله شوف أنا معاك في بعضها وبعضها لا ولا إحنا زي الاطرش في الزفه
كله( لا لا بينحذف لا لا غير مراقبين )
ياخي مع إحترامي لك لا زم تأخ> رأي الاعضاء على الاقل المراقبين الثانيين والله مراقبينا أحسن مراقبين
ينكتون معانا زي يارا وyara وأيضا محروم وهذا ياخي إسمه منتدى النكت يعني نكت وخربط على كيفك
أما إنك تجي وتعين مراقبين وحط وشيل أنا مني معاك في هذاأبدا

وبعدين أنت >كرت كلمة الشغالات والسواقين هذي الجمله أنا أطلقتها على بعض الاعضاء وهم مازعلوا
بالعكس فرحوا وأنبسطوا ولا راح يكون المنتدى بايخ وكل شئ ينحذف والله ماصار إسمه منتدى النكت
والقصص الخياليه
وأنا أقول ايش خلا منتدى الصرقعه يخرب
والله منتدى كان مافي أحسن منه

ياخي وينك يا تركي ويا توتة ويا اليارتين ومحروم وجميع الاعضاء وينكم ليه ماتشوفوا هذا الموضوع
:غضب: :غضب: :غضب: :غضب: :غضب: :غضب: :غضب:

[مجموعة انسان]

بتوفيق!!!!


تحيات الك
(مجموعة انسان...)

[Lucky guy]

اولاً: مشكور على القوانين يا أخ نواف وعلى جهدك المبذول في مصلحة المنتدى والى الامام :) :)

ثانياً: يا أخ خالد المحترم وش فيك مسوي زحمة ياخي ما صار الا الخير نواف هدفه مصلحة المنتدى وتنشيطه وتنظيمه بعد فأرجوا أنك تفهم زين وتقدره :) :) :)

[Chandler]

الشاب خالد...

اولا...انا ما قلت انك اطرش في الزفة...ولو اني مابغى آخذ رأيكم ما كنت حطيت القوانين في موضوع...يمدحون الاعلان....احطه ولا احد يقدر يرد علي...

ثانيا...من ناحية مراقبين المنتدى السابقين...يمكن اكون غلطان بكلامي وتسرعت....((بامسح هالنقطة))....لكن انا ما كتبتها الا عشاني تفاجأت من بعض الردود...<<< قفل على هذي النقطة

ثالثا...انا ما قلت لا تقولون شغالات وسواقين....بس المواضيع اللي زي كذا تعتبر تشات....


واصلا منتدى الصرقعة كان ناجح من الاساس وما خربه الا مواضيع التشات وطقتهم...((وهذا السبب اللي خلانا نحط هذي القوانين))....

[عماد 18]

قوانين في محلها فعلا لان المنتدى بصراحة كان فيه شوية فوضى ..
تلقى اثنين ماسكين خط في موضوع لواحد ما له دخل في السالفة الي يتكلمون فيها ؟!
اخ خالد ..
معليش لكن الظاهر ان نواف استعجل في النقطة الثانية و هو حذفها :) ..
ما يحتاج تشيل على خاطرك ..

[الشاب خالد]

بالعكس والله ه>ي خاصة هي اللي خلت المنتدى أحسن مايكون

[HArb200]

اولا نشكر لكم حسن تعاونكم معنا ونرجو منكم تقبل ابداء الرأي مننا .

ثانيا :القوانين هذه رأيتها تريليون مره فلماذا التكرار يكفي ان تضعونها في على شكل اعلان وينتهي الموضوع :)

ثالثا:المراقبين السابقين كانوا افضل وبكثير لانهم يتفهمون وضع الاعضاء بهذا المنتدى اما الذين سيأتون (((والجميع يعرفهم ))) فهؤلاء متوحشون (((بالنسبه لاعضاء هذا المنتدى)))

رابعا:نرجو ان ينظر بهذه القوانين مرة اخرى لانها تعسفيه ومتبجحه علينا كأعضاء.

خامسا:ياأعضاء هذا المنتدى ((سابقا)) انتم مساكين جدا لان نصف مواضيعكم دردشات فلذلك اجمعوا وصفوا امتعتكم وارحلوا اذا لم يعجبكم الوضع وبدون تردد .

خامسا: اتوقع ان المراقب اللذي يقرأ ردي يريد ان يشنقني بعد هذا الكلام لكن هيهات فلن تجدني.

سادسا: شكرا لكم ولحسن تعاونكم ونرجو عدم الانزعاج من ردي هذا لكن لمصلحة المنتدى كتبته.

سابعا: :)

[Chandler]

الشاب خالد...

منتدى الصرقعة...اول ما افتتحناه....كان آخر حلاوة..والمنتدى ماشي تمام بأعضائه.....بس بعدين بدت المواضيع التشاتيه...وبدت بعض الحركات...((مثل حركت الشغالات والسواقين))...هذا خلى الاعضاء الجدد ينفرون من المنتدى...وبعدها بدا الاعضاء يطفشون وتركوا المنتدى واحد واحد...حتى صار بهذا الشكل....لذلك...ومنعا لمثل هذه المأساة...وضعنا هذه القوانين...

وزي ما يقولون...اسأل مجرب ولا تسأل طبيب
:)

[ODIN]

ايه الشروط حلوة وصارمه يا نواف ..

لكن تغيير المراقبين محروم ويارا و yara ان شاء الله ما يتغيرون . لانهم هم من ارتقى بالمنتدى هذا من قبل شهرين .. ولهم حق كبير فيه ..

[Chandler]

هارب...

اولا...انا حطيتها كذا...عشان نناقشها مع الاعضاء اللي ما قروها...

ثانيا...قلت لكم...قفلوا موضوع المراقبين...

ثالثا...هذا كله لمصلحة المنتدى...وحرصا منا على عدم تكرار اللي صار بمنتدى الصرقعة...


اودين...

مشكور...بس يا ليت لو تقفل موضوع المراقبين...المراقبين القدامى على العين والراس والخشم....



اي احد بيتكلم عن المراقبين الجدد او القدامى بينحذف كلامه...رجاء قفلوا الموضوع

[مجموعة انسان]

كتب العضو (ODIN)
ايه الشروط حلوة وصارمه يا نواف ..

لكن تغيير المراقبين محروم ويارا و yara ان شاء الله ما يتغيرون . لانهم هم من ارتقى بالمنتدى هذا من قبل شهرين .. ولهم حق كبير فيه ..

بصراحه انا ماتفق معك بهاذ؟؟

وسبب اني من سجلت في هاذا المنتدى ماشف موضوعع او رد للمراقب (المحروم)
انا ابي اعرف هو مراقب ولاايش؟؟؟

وبعدين في بعض المراقبين الي اتمنا انكم تعيدو انضر فيهم


تحيات الكم
(مجموعة انسان..)

[الشاب خالد]

والله شوف مع إحترامي لك أنت راح تخرب المنتدى وأنت تشوف بكرة إنشاء الله كيف راح يهجموا عليك
زيي وأكثر مني لأننا عشنا على كذا وإحنا إذا أنت تقول إنه خرب المنتدى بسبب زي هذي المشكله

وتشوف إ>ا أنت طبقت ماقلته كله وراح تحذف ردود الشات فإن كل العضاء راح يبطلوا من المنتدى وراح تخسرنا
وتخسر الاعضاء
وأنت أصلا لساعك ماعرفت مين يكونوا أعضاء منتدى النكت

[الشاب خالد]

وبعدين أنت يعني ماتبغ شات طيب يعني ايش نسوي
واحد يقول نكتة والثاني يقله أحسنت ولا وفقك الله يا ولدي
والله هذا اللي بقي
أنا ماأبي أتريق من جد أنا أتكلم وصدقني أسمع كلامي رجعوا منتدى الصرقعه حقكم وغيروا إسمه وحطوة تحت
منتدى الاصدقاء وتكون المشكله أنتهت مراقبينكم لكم ومراقبينا لنا ونرجع المنتدى زي ماهو كان عليه
وتشوف راح تفهم كلامي بعدين

[Chandler]

الشاب خالد...

تراني الى الان معاملك بأحترام...مع ان كلامك بدا يتغير تدريجيا للتهديد....

...الله يسامحك...

واحب اقول لك وش هي مواضيع التشات...هي اللي مالها موضوع...ويجي واحد يقول خلونا نسوي تشات....<<< هذي تستاهل الحذف...

وفيه نوع ثاني من التشات...وهو انه يجي عضو يخش عرض في موضوع حلو...ويغير الموضوع...ويرد على نفسه...هذا بيخرب الموضوع <<< هنا نبدا نحذف ردود التشات...


ما اقول الا اننا ما فكرنا بهالقوانين الا لمصلحة المنتدى...والله يسامحك مرة ثانية....

[HArb200]

كتب العضو (الشاب خالد)
وبعدين أنت يعني ماتبغ شات طيب يعني ايش نسوي
واحد يقول نكتة والثاني يقله أحسنت ولا وفقك الله يا ولدي
والله هذا اللي بقي
أنا ماأبي أتريق من جد أنا أتكلم وصدقني أسمع كلامي رجعوا منتدى الصرقعه حقكم وغيروا إسمه وحطوة تحت
منتدى الاصدقاء وتكون المشكله أنتهت مراقبينكم لكم ومراقبينا لنا ونرجع المنتدى زي ماهو كان عليه
وتشوف راح تفهم كلامي بعدين

يااخ خالد اذا كنت تستخدم هالمقوله((خالف تعرف)) في كتاباتك للرد ومعارضتك فأبشر باللي مايعطيك وجه :)
يقولك فيه مثل :::الي ماتقدر عليهم انظم لهم :::
فأقولك ابلعها وحتى لو مادخلت الا بالقوة مش حالك;)
ماتشوف العالم ممشين حالهم خلك مثل هالعالم يعني انت ملاك :)

وشكرا.

[الشاب خالد]

شوفوا والله إنكم أحرقتوا قلبي بهذا الموضوع عشان كذا فقدت السيطرة على نفسي وبأت أتهجم عليكم
طيب يا ناف إحنا محد عمرة سوا كذا زي ماتقول في المنتدى بس ممكن أحد يقول كلام أوجمله ويرد عليه الثاني
والثاني يدخل وهنا واحد يقول كذا وهنا كذا يعني الشغله حلوة كذا
بس أنا مني فاهم ليه منتوا راضيين بالواقع
وأنا وكثير من الاعضاء اللي مايحب المراقبيين المتشددين مرة زياده على اللزوم يعني
taiket easy
ماهي نهاية العالم اذا قلت إنك تبي مافي شات بس الحمدلله ماصار زي إنت ماتقول
بس السولفه حلوة ولا ليه فاتحين منتدى من أصله

[عماد 18]

اخ خالد ..
قلنا لك هالشي معروف بكل المنتديات ..
و مو معقول نخالف هالشي عشان كم واحد ..
يعني حتى لو تترك هالمنتدى راح تشوف نفس الشي في المنتديات الثانية ..

[الشاب خالد]

والله ماني فاهم ياعماد لو سمحت وضح أكثر

[عماد 18]

اقصد ان القوانين اللي ذكرها الاخ ناف ..
متعارف عليها في جميع المنتديات ..
الجاد منها و المازح ..
و غالبا تلقى موضوع مثبت يحذر من قلب المواضيع الى شات و ما الى ذلك ..
المقصود ان هالقوانين شي عادي انت جالس تعترض لانك ما استوعبت القوانين زين و صدقني هالقوانين راح ترفع من مستوى المنتدى ..
انت عصبت عشان سالفة المراقبين ..
السالفة و ما فيها ان الاخ ناف استعجل بكلامه بخصوص المراقبين و الحمدلله تدارك خطاه و شال هالنقطة ..
فاصبر على القوانين و شوف اذا هي فعلا تبي تطفشك و الا راح ترفع مستوى المنتدى ..

[Arsene Lupin]

الى السواق خالد --- اسفين على الازعاج - شوف هالقوانين ماهي متشدده لذيك الدرجه --- انا كنت موجود في منتدى الصرقعه--- بالعكس تقدر تعلق و تقول اللي تبي ---بس المقصود منها المواضيع اللي >>> خذ هذا مثال --- يجيك واحد و يحط موضوع و اذا دخلته تلقاه يقول لعبت عليكم ولا شي اهبل زي كذا او يرص لك مليون سطر علامات استفهام--- هذا هو المقصود من هالقوانين--- ;)

انت مشيها الحين و خليكم على ما كنتوا عليه --- شغالات و سواقين ذبوا على كيفك --- و يا ليت اذا بترد علي قل لي السواق ابو لوبين ---:0)


و شكرا لتعاونكم :o


نواف --- يا غبي اقوللك حط موضوع خاص باختيار اسم للمنتدى -- مو تحط موضوع قوانين---- :غضب:


نقطه اخيره ----- مواضيع الترحيب تسوي زحمه --- فيا ليت يقفل اي موضوع ترحيب -- بمعنى ان اي عضو يمون على الثاني بمجرد التسجيل - و اظن انك توافقني في هالنقطه اخ خالد ;-)

[بدون ـ اسم]

ياشباب هدو اللعب ":"

انا اقترح (((((بما ان السوق ماشي ذا الايام للاقتراحات :p))))

اقترح جعل منتدى الاصدقاء للشات اما هذا للصرقعه فقط :)

[تركي]

مع إحترامي لك ياعزيزي ((ناف)) أنا لا أتفق معك في بعض القوانين:(

حنا تعودنا على إننا نقلب كل موضوع تشات بقصد التسليه,ولاكيف تبنيا نستانس:(

وبعدين هذا المنتدى الوحيد الذي أعجبني لأنني من خلاله أستطيع أن أخرج ماعندي من نكت وحش في الأعضاء(طبعاً بعد رضاهم) وفي آخر شيء تقولون خلاااااااااااااص كل شيء ممنوع:(

مايصير كذا ياعزيزي((ناف)) ولا ودي أطول الكلام معك ولكن أقولك زبدة الكلام( ياعزيزي (ناف) إذا كنت مصر على تطبيق القانونين الصارمه,فكأنك تقول يا الشاب خالد وتركي إنقلعوا دوروا منتدى ثاني :(

لأننا لانستطيع الإستمرار على الحاله هذه,:(


أرجوك يا ناف:أفكر:

[Arsene Lupin]

كتب العضو (turkifwa)
مع إحترامي لك ياعزيزي ((ناف)) أنا لا أتفق معك في بعض القوانين:(

حنا تعودنا على إننا نقلب كل موضوع تشات بقصد التسليه,ولاكيف تبنيا نستانس:(

وبعدين هذا المنتدى الوحيد الذي أعجبني لأنني من خلاله أستطيع أن أخرج ماعندي من نكت وحش في الأعضاء(طبعاً بعد رضاهم) وفي آخر شيء تقولون خلاااااااااااااص كل شيء ممنوع:(

مايصير كذا ياعزيزي((ناف)) ولا ودي أطول الكلام معك ولكن أقولك زبدة الكلام( ياعزيزي (ناف) إذا كنت مصر على تطبيق القانونين الصارمه,فكأنك تقول يا الشاب خالد وتركي إنقلعوا دوروا منتدى ثاني :(

لأننا لانستطيع الإستمرار على الحاله هذه,:(


أرجوك يا ناف:أفكر:




:" :"

يا تركي --- مثل ما قلت لخالد --- خلوكم على ما انتم عليه --- ذبوا على بعض ما عليكم من هالقوانين--- هذي القوانين لعينات هي عارفه نفسها--- اعتبروا اللي صار بس تضخم مفاجئ في عدد الاعضاء لا اكثر--- و يمكن بيجون اعضاء و يسوون زحمه و اذكر مثال هنا العضو HARB سوا زحمه شوي الله يهاديه--- فيا ليت ما تردون عليه لان المسؤول عنها هم المراقبين


و السلام خير ختام :)

[HArb200]

كتب العضو (Arsin Lopeen)





:" :"

يا تركي --- مثل ما قلت لخالد --- خلوكم على ما انتم عليه --- ذبوا على بعض ما عليكم من هالقوانين--- هذي القوانين لعينات هي عارفه نفسها--- اعتبروا اللي صار بس تضخم مفاجئ في عدد الاعضاء لا اكثر--- و يمكن بيجون اعضاء و يسوون زحمه و اذكر مثال هنا العضو HARB سوا زحمه شوي الله يهاديه--- فيا ليت ما تردون عليه لان المسؤول عنها هم المراقبين


و السلام خير ختام :)

اقوووووووووووول اسمي HArb200 فلذلك اظبط امورك وبعدين تعال تكلم ":"

ثانيا :" :" :" :" ابامووووووت واعرف انت وش خصك يالقرص على الصاج :) ?:

لا ::واذكر مثال:: ياااسبحاااان الله مالقيت الاانا :"

وخير ختام السلام :)

[Arsene Lupin]

اقوووووووووووول اسمي HArb200 فلذلك اظبط امورك وبعدين تعال تكلم


اسف :)



ابامووووووت واعرف انت وش خصك


اذكر مثال فقط لا غير -- منها يقتنعون الشبيبه و منها يعرف غلطه اللي في المثال :)



يالقرص على الصاج


ترانسيليشون بليز ?: :p



لا ::واذكر مثال:: ياااسبحاااان الله مالقيت الاانا


هذا مثال ممكن انه يكون انت ممكن غيرك -- بس المشكله اني ما شفت غيرك :( ............. :6




وخير ختام السلام


حقوق الطبع محفوظه --- فلو سمحت -- لا تفبرك و تسوي بريء:غضب:



:D :D :D

[HArb200]

كتب العضو (Arsin Lopeen)


1 ــ
اسف :)




2 ــ
اذكر مثال فقط لا غير -- منها يقتنعون الشبيبه و منها يعرف غلطه اللي في المثال :)




3 ــ
ترانسيليشون بليز ?: :p




4 ــ
هذا مثال ممكن انه يكون انت ممكن غيرك -- بس المشكله اني ما شفت غيرك :( ............. :6





5 ــ
حقوق الطبع محفوظه --- فلو سمحت -- لا تفبرك و تسوي بريء:غضب:


6 ــ
:D :D :D

عفوووووا ?: نمبر 1
=========
وش غلطي لو سمحت نمبر 2
=========
يابووي هذي اشياء ماتعرفها في _____الا قللي انت في كندا والا USA _______نمبر 3
=========
طيب انا ماكتبت موضوع عن هالمشكله الا للتو <<<<فصحا للتو == للحضه ":" .....فا وش دخلني ووش ذنبي :" نمبر 4
=========
هه هذي انا طابعها عشرين مره يعني روح العب بعيد ":" :) نمبر 5
=========
:" :" :" نمبر 6
=========
وشكرا لتعاونكم <<<<<<هذي انت سارقها وتبي الدليل اجيبلك :D

[Arsene Lupin]

في USA :)



طيب انا ماكتبت موضوع عن هالمشكله الا للتو

اقصد ردك عن واحد تكلم عن الشغالات و السواقين :)



هه هذي انا طابعها عشرين مره يعني روح العب بعيد


:":




وشكرا لتعاونكم <<<<<<هذي انت سارقها وتبي الدليل اجيبلك



من الكتاب ولا من السنة :D
just kidding

c ya

[Gio]

قوانين صارمه يا نواف و انا اجزم غنها راح تعدل وضع المنتدى قريبن :)



انا حتى رايي من راي تركي.. خاصة بخصوص موضوع الشغالات والسواقين و(التشات) الن نحن نبي نتسلى بس.. وبعدين هو اسمه منتدى النكت يعني كل واحد يعمل اللي عاجبه

يا اخ لوسي او اخت و الله ما ادري وش ذا الإسم المهم إذا تكررت عندكم مواضيع الشات و الكلام الفاضي و ش بتستفيدون منها ... و مل ما قال ناف كل واحد يكتب موضوع تاعب عليه و إلا لا يكتب :) :) :)

[راعي الكورفيت]

منتدى الفنحشة

[الشاب خالد]

صدقني الموضوع هذا ماراح ينتهي أبدا لإأنا من رأيي إنكم ترجعوا منتداكم وتحطوة تحت الاصدقاء
وبكذا أنحلت المشكله
وياتركي ولوسي لو شفتوا أمس كيف أنقهر قلبي على أللي سووه والله كنت أبا أدخل داخل الشاشه
و............... ولا بلاش يمكن يزعلوا أنا عارف منتدى الصرقعة مايتحملوا المزح وهذا سبب
فشل المنتدى حقهم أما إحنا عادي المراقبين حقينا اللي مافي أحلى منهم كل واحد يحش في الثاني وعااااااااادي
وبالعكس نستانس والواحد يحس إنه لو نفس في الكلام مو خمول ويالله يكتب جمله أو جملتين

وبعدين يحق المواضيع اللي مافيها شئ يعني تدخل ويقلك ضحكت عليكم ولا زي كذا
مراقبينا مايقصروا يحذفوا الموضوع
وبعدين فين موضوعي المثبت اللي فيه أحسن نكته شوف إحنا على الاقل نسوي مقابلات ومسابقات وحش
أما إنتم.............. والله ماأقدر أقول أخاف تزعلوا وتحذفوا المنتدى كله
وأرجوا إنكم فهمتوا قصدي
ولا إيش ياتركي ولوسي (الزوجين)

[Gio]

ههههههههههههههههههههههههههههههههه كم قصه صارت بمنتداكم ذا ؟ :أفكر:

[ضايع]

نواف..

ياخي شفت بهالمنتدى شيء ما عمري شفته بمنتديات ثانية:6

يجيك واحد يكتب موضوع ((شكرا يا العضو الفلاني..أو..الى العضو الفلاني..))؟؟
ياخي فيه اختراع يسمى
رسااايل خاصة
اجل وش فايدتها؟؟

ياخي شف المنتديات الثانية ما تحصل كذا ;)

[mzar3aranb]

اني اايد كلام الشاب خالد ولن ولن نرضى بهاذه القوانين وانا سجلت عشانه منتدى حلو واتمنى ان لا تطبق هاذه القوانين<<<(لا تفهمون غلط قصدي الي زين المنتدى الشغالات والسواقين)
وما زلت اقول لن ولن
وااااااااااااااااااااااتركيا
ساعدنا اغثنا(يجب ان نقف سواق لسواق
صديق لصديق
شغاله مع سواق<---(مع الاسف)
(جميع الي مسجلين نتمنى منهم المساعده)



لن ولن:غضب: :0) :غضب: :غضب: :غضب: :غضب: :غضب:

[راعي الكورفيت]

منتدى الصرقعة مكان فاشل ولكن السبب هو المكان

وأنا كنت أحفلها في المراقبين ( خاصة ناف وعماد 18 ) وما زلت

والله لا يجيب الزعل بيني وبين المراقبين

":"

:p

:D

[mom_com3]

هلا نف نف..
بالنسبه للدمج..
انا قايل من اول لاتدمجون حطو منتدى الصرقعه تحته بس محد سمع كلامي ...
واعيدها لكم واذا كان الاسم ماينفع يحط في الواجهه ... حطو اسم غيره <<<<< لا جديد:p ..


المهم ...
ليش ما تسمونه (( منتدى الزحف :p :p )) او ((منتدى الفكاهه و خفه الظل ))<< اخس يا خفه ظل ..
ترى اسم الصرقعه ما فيه شي ... حلو وجيد ... يعني ما فيه اشكال ولا هي مقلله من مكانه المنتدى ...
بالعكس هذي بتجيبلك ناس اكثر...
..
.
وتراى راسي يوجعني <<<< بختصار وش بصير في النهايه ..

بتبقون على حالكم ولا بتنقلونه للواجهه .. علمونا..<<<<< قلب الشريط ..

وسلامتكم MoM_CoM3..

[Kubaj]

it was five in the afternoon....:(



it`s the just the beggining of the end.....where is my moon



i can`t write in arabic....sorry


nawaf.....what are you doing:!


leave them alone....they have the right to say what ever they want....and besides....this montada...is really going down:o

[Kubaj]

كتب العضو (بدون ـ اسم)
ياشباب هدو اللعب ":"

انا اقترح (((((بما ان السوق ماشي ذا الايام للاقتراحات :p))))

اقترح جعل منتدى الاصدقاء للشات اما هذا للصرقعه فقط :)


why hello there my friend do you remember me;-)


now i just knew who you are....so plz. return to you`r REAL. NAME;-)

[راعي الكورفيت]

قوانين راعي الكورفيت للمعارضين والمعارضات على قوانين ناف النشاف

=============================

1) السماح بالمواضيع المكررة لأن يمكن واحد فاته موضوع أو ناس ما قروا الموضوع وهذا مفيد للأعضاء الجدد

2) السماح بالمواضيع التي ليست لها علاقة بالمنتدى من أجل تغيير الجو

3) (( اتفق مع ناف في هذا القانون ))

4) (( اتفق مع ناف في هذا القانون ))

الشات مسموح وذلك لأضفاء جو من الفرفشة والتسلية

ايش رايكم بهذا الاسم منتدى الفرفشة والتسلية

:D

[ضايع]

كتب العضو (king_kubaj)



why hello there my friend do you remember me;-)


now i just knew who you are....so plz. return to you`r REAL. NAME;-)

متى تغير الكيبورد:6

=============================
نواف
المنتدى صار يجيب النوم والله رجعوا الصرقعة..
ولو تحطون منتدى خاص للي يبون يكثرون مشاركاتهم ازين بعد:غضب:

بعدين..

ياخي منتدى القصص والفقش له اعضائه والصرقعة لها اعضائها":" ما يصلح تخبطووون كل شيء
شف كل دقيقة كاتب واحد موضوع عنك وعن الصرقعة صارت حرب احزاب فدبروا صرفة;)

[راعي الكورفيت]

كتب العضو (لوسي)
انا معاك يا راعي الكورفت وموافقة على كل قوانينك:D :D :D

مشكورة أختي لوسي

ويا ضايع المنتدى تحسن بعد الدمج

ولكن الاسم يسد النفس

:D

[Chandler]

احسن سويته يا خالد انك هديت...

انا عارف انكم متضايقين من قانون مواضيع التشات....بس يا شباب خذوها بالعقل والمنطق....لو جا زائر للمنتدى ((يبغى يشوفه قبل لا يسجل))...بيدخل لهذا المنتدى وش بيلقى؟!...

1- مواضيع تشات...يعني مالها موضوع وكلها سواليف بين الاعضاء...وش بيقرا في هالموضوع؟!...ردودكم على بعض ولا سواليفكم؟!...ما فيه موضوع يقراه او يرد عليه....((يعني يكون الموضوع مسوي زحمه على الفاضي))...

2- المواضيع اللي تنقلب تشات...موضوع حلو ومرتب ومتعوب فيه....وفجأة...يجيك عضو يخش عرض برد ماله دخل في الموضوع الاساسي....ويقلبونه تشات....وش ذنب صاحب الموضوع تخربون موضوعه؟!...بالله هذي ما فيها تخريب...

---------------------------------------------

عارف انكم متضايقين من خشتي الغلط ((على طول قوانين وتنبيهات))...تراني والله ما سويت كذا الا عشان غيرتي على المنتدى وخوفي على مصلحته....وان كنت ضايقت احد بكلامي فأنا اعتذر...واعتذر مرة ثانية على كلامي في المراقبين (يارا-yara-محروم)....


<<< للحديث بقية...بس انا مستعجل باروح....:)

[Sleeping Dragon]

قوانين ممتازة يا ناف
وأنا اقول إنه ناف أكثر المراقبين ديموقرطية
والمفروض يخلو عماد مراقب على هذا المنتدى لأنه أثره في كل مكان كبير
وأنتم إذا كنتم معارضين فهذه اوامر المشرف ولا يوجد واحد فيكم يقدر يعارض
وناف وانا ما تخذنا هذا القرارات إلا من بعد محادثة المشرف <------ شيبي هذا

[Gio]

توقيعك مخالف ":"

[Chandler]

<<<< تكملة لردي...

شباب...ابغى اسألكم سؤال...ورجاء فكروا فيه زين...

الحين وش مصلحتي من كل هذا؟!

الرقابة؟!...
كنت مراقب على الصرقعة

كرهي للاعضاء؟!...
هذا مع وين تجي...الاعضاء اغلبهم ما اعرفهم...

تسلط وفرض رأي؟!...
نفس الشي..كنت اقدر اتسلط وافرض رأيي وانا مراقب على الصرقعة...

تفكيري بمصلحة المنتدى؟!
ليش لأ...يعني كنت مرتاح بمنتدى الصرقعة..وما فيه اي مشاكل...بس والله اني ما فكرت في هالفكرة الا لمصلحة المنتدى اللي احبه...كنت اقدر اترك المنتدى ((زي ما سوو اغلب الاعضاء))...لكني ما قدرت...((الحب وما يسوي :-) ))...

[Arsene Lupin]

و الكبر بعد شين

[بدون ـ اسم]

افا ياخوباج ":" بدينا نجحد .:":

زعلتن منك :(

اقول انا مالي تسجيل الا باسمي هذا اللي هو :::بدون ـ اسم ":"

[Chandler]

راعي الكورفت...

ترى ان شفتك حاط قوانين مرة ثانية...ما يردني الا الban...<<< اسأل عنه عماد اذا ما عرفته :)

[aya brea 4000]

انا الصراحة مع الاخ naf بكل كلمة وكل حرف قالة...:o

[تــوتـه]

لله يوفقنا ويوفقكم

ونكون في منتدى واحد متعاونين:)


وانشاء الله مع الايام نتعود على هذا الوضع الجديد،ونتمشى معاه ومانخالف القوانين:)

مدرسه :D :D

وسلامتكم



توته المنتدى :)

[Kubaj]

كتب العضو (بدون ـ اسم)
افا ياخوباج ":" بدينا نجحد .:":

زعلتن منك :(

اقول انا مالي تسجيل الا باسمي هذا اللي هو :::بدون ـ اسم ":"


حبيبي ...ورا ماتروح وترجع لاسمك لاجي اصدمك انت وحبيبتك :أفكر:

[rosey_girl]

عندى سؤال؟



لو كانت ردودى ورا بعض

بس هي اكيد رد علي الموضوع ((تنحذف؟!))

[mom_com3]

خنباج .. جاي تسوي شات هنا ما تستحي...

الا يا نواف وشو "البان"... البان الصافي ولا المراعي (( بايخه))...

ايه والنهايه وش بيصير زي العاده نقعد نتكلم ساعه وبدون نتيجه ...

[باباسنفور]

والله بالنسبه لى مادري وش اقول ....

لكن بننتظر ونشوف حستو روسنا ارسوا على بر

[راعي الكورفيت]

كتب العضو (naf)
راعي الكورفت...

ترى ان شفتك حاط قوانين مرة ثانية...ما يردني الا الban...<<< اسأل عنه عماد اذا ما عرفته :)

اللي في راسك سووه

وبعدين أنا حطيت قوانين للمعارضة بحكم حرية الرأي اللي عندنا في المنتدى

وما أبي يجي واحد دكتتاتوري منسم ويقول لي ممنوع

تبي تعترض اعترض بدون تهديد خلاص حبيبي وعسى الله لا يجيب الزعل بيني وبينك

":"

[ضايع]

كتب العضو (راعي الكورفيت)


اللي في راسك سووه

وبعدين أنا حطيت قوانين للمعارضة بحكم حرية الرأي اللي عندنا في المنتدى

وما أبي يجي واحد دكتتاتوري منسم ويقول لي ممنوع

تبي تعترض اعترض بدون تهديد خلاص حبيبي وعسى الله لا يجيب الزعل بيني وبينك

":"

ابسألك سؤال وجاوب بصراحة..

ليه تحب المشاكل؟؟ نبي جواب جاد منك راعي بدون زعل ولا شيء وش الهدف من المعارضة؟؟ عطنا وجهة نظرك؟؟

[جمال]

كتب العضو (راعي الكورفيت)


اللي في راسك سووه

وبعدين أنا حطيت قوانين للمعارضة بحكم حرية الرأي اللي عندنا في المنتدى

وما أبي يجي واحد دكتتاتوري منسم ويقول لي ممنوع

تبي تعترض اعترض بدون تهديد خلاص حبيبي وعسى الله لا يجيب الزعل بيني وبينك

":"


راعي الكورفيت كنك مصختها شوي

كل شوي طالع معارضه

[Chandler]

راعي الكورفت...

انا منيب راد عليك....لكن يكفى ان تعرف انك زودتها..ولا تستغرب اذا جيت ولقيت تحت اسمك عضو موقوف....

[Gio]

كتب العضو (naf)
راعي الكورفت...

انا منيب راد عليك....لكن يكفى ان تعرف انك زودتها..ولا تستغرب اذا جيت ولقيت تحت اسمك عضو موقوف....
معليه يا راعي الكورفيت هدي اللعب شوي هع :0)

[HArb200]

تدرون ياأخوان انا اتوقع ان راعي الكورفيت مهوب سعودي ":"
لان السعوديين متعودين على امر,, سم,, انت تامر وحنا نطامر,, بس ذا مسوي مظاهرات وأشياء ياراعيها وش رايك تورينا البطاقه ":" سواء رجالي او نسائي :p بس ترى مسموح انك تسجل هنا بس مهوب تدعي انك سعودي :o

:cool:

[Chandler]

امنيم..

انا مهدي بزيادة....


راعي الكورفت...

المعارضة ما قلنا شي..عارض برجولك ويدينك....اما انك تأف قوانين...ما ادري متى عينوك مراقب عشان تكتب قوانين....:أفكر:

[راعي الكورفيت]

بالعربي قانونين لك عجبوني

واثنين ما عجبوني وبعدين في كم من واحد يوافقني مو بس أنا >>>> نصير المظلموين زورو

وبعدين ليش تهدد إنت مراقب على العين والراس وأنا ما سويت مشاكل

خلاص أنسحب من الانتخابات.....هععع

ويا هارب سياسة سم تامر ونحن نطامر طويتها >>>> الحين أنا أعيش في عام 2002 بعد الميلاد

مو عام 2002 قبل الميلاد

":"

[Chandler]

راعي الكورفت...

انا ما هددت...بس انت اللي مصختها شوي.......

خلاص قفل الموضوع وحصل خير....

[bravo4ever]

naf
قوانين ممتازه وعندى اقتراح لو تم كتابة الموضوع وتم تثبيته واغلاقه من
حيث الردود لانه اصبح الان الموضوع عباره عن شات هذا مجرد اقتراح

ولكم تحياتي ;)

[راعي الكورفيت]

كتب العضو (naf)
راعي الكورفت...

انا ما هددت...بس انت اللي مصختها شوي.......

خلاص قفل الموضوع وحصل خير....

الخير كله منك

وأيام فيري سوري:# >>>>يلعن أبو العنقليزي

":"

[ضايع]

كتب العضو (naf)
راعي الكورفت...

انا ما هددت...بس انت اللي مصختها شوي.......

خلاص قفل الموضوع وحصل خير....

اقووول..
ترى منتدى جيمز طلع حربي خلاص ملينا من هواشكم:6

[Kubaj]

ايييييه ....من شاف المنتدى في عطله الصيف اللي راحت ...


وجا وشافه الحين ..... يحز في قلبه اللي يصير من تخبطات والمدارس


اللي فتحوها بالمنتدى والخربطه والمشاكل......الخ :o

[باباسنفور]

كتب العضو (king_kubaj)
ايييييه ....من شاف المنتدى في عطله الصيف اللي راحت ...


وجا وشافه الحين ..... يحز في قلبه اللي يصير من تخبطات والمدارس


اللي فتحوها بالمنتدى والخربطه والمشاكل......الخ :o
ايه والله انك صادق
تاكدوا بس اخاف ان مشرف الالعاب جالس يحط قوانين وهوبالبحرين !!!;-) :6

[fsfs 3000]

الا بالعقـــــل ورا ما تفكرون وش مصلحة ناف من هالقوانيــــــــن!!!
بالتأكيـــــــــد خدمتكم !!
وانا معه في هالقوانين بس عندي اقتراح بسيط
ورا ما تفتحون منتدى للسواليف
وتغيرون اسم هالمنتدى ل (منتدى ساعة الصدر)

[Spike]

طيب نواف انا عندي سؤال..
وش سار على المراقبين القدام...(داج،RPG master،...الخ)
وممكن تعطيني وصلة منتدى داج.
شكرا...:)

[محامي الشيطان]

بصراحة انا مشاركاتي قليلة بس يمكن اكثر واحد يراقبكم من بعيد ...
وجاء الوقت الي اقول فيه كلمتي ....
البركة اساس كل شي وكان المنتددى بالبركة ماشي وزي الورد
لكن التصاريح العديمة من المسؤولية والتصرفات التسلطية والغير منطقية أدت الى هذا التفكك العظيم
عندي عدة أسئلة :
1- كم عمر القائد ناف عشان يتصف بالحكمة ؟؟؟؟؟
2- وكم عمر مؤيدين القائد الأرعن؟؟؟؟؟(أقصد الاعظم)
3-وليش ايدوه؟؟؟؟؟؟؟؟؟
4- وكم أعمار المعارضين ؟؟؟؟؟؟؟؟؟؟؟
المسألة ماهي مسألة عمر انما حسن تصرف وعقلانية
يا أخواني أنا اعلن التحزب في هذا المنتدى
وان كانت احزاب فأنا أمثل حزب المعارض ولكم مني كل الدعم المادي والمعنوي(هههههههههههه)":" ":"
;-)
أخوكم محامي..........................

[Chandler]

هلا بالمحامي...كيفك :أفكر:

انت اكيد عارفني...وانا برضه اعرفك....

بالنسبه للقوانين مب انا اللي حاطها..هذي معروفه في اغلب المنتديات...والمشرف وافق عليها..يعني بالله لا تبلشنا...ما نبغى احزاب معارضه ولا حوسه...

((فيه كلام باقوله لك على الخاص)):)

[HArb200]

اقول بلا استهبال انتا وهو عطونا الزبده ويييييين تغييراتكم ?:

[Chandler]

ننتظر رد المشرف...:أفكر:

[HArb200]

ياذا المشرف الزووووووول <<<<<<ترا امزح <<<<مسكين خاف :p

[غيث الغيث]

ما شالله عليك يا اودن .... صعب تنشاف هالايام للاسف .

[ضايع]

جبتوا لنا النوم والله

ذبحتونا يا الامم المتحدة:6
نواف يا جنرال قيمز:6

اغلق الموضوع صار شات نكثر فيه مشاركاتنا :!

[HArb200]

نواااااااااااااااااااااااااف افتح موضوعي ولا قلبت عاليها واطيها :غضب:

ترى مهوب تهديد لكن واااااضح ان الدعوى يبيلها واسطات واذا خشت الواسطات بالموضوع والله ماتشوف احد هنا :)

فلذلك افتح موضوعي لاهنت :)



شباااااب من يدورلي مراقب يستخدم فيتامين وااااااااااااااااااااااااااااااااااااو :أفكر: ابيه في كلمة خاااااااااااااااص :)

اللي عنده علىىىىىىىىى الخاااااااص :)



بالله عليك ماعندك الا انا ليييش وانا وش سويت لك :"
نواف اتمنى لامن جيت تقفل موضوع مره ثانيه تفكر ان هالموضوع صاحبه راح يحقد عليك فلذلك تعقل في قفل المواضيع ;) لان موضوعي انت (((بنفسك ))) قايل في لستة القوانين انه مسموح . ولاتنسى ان درزن مواضيع للحبايب كلها شات :أفكر:

[Arsene Lupin]

يا مراقبين --- واحد يتصرف مع السقيم اللي فوق:غضب:

[Arsene Lupin]

HArb200:

قايللك نواف بينكب عفشك ":"