المساعد الشخصي الرقمي

مشاهدة النسخة كاملة : ارجو الدخول عاجل جداً والامر لا يحتمل التأجيل


غيث الغيث
09-03-2002, 01:23 PM
اخواني الافاضل بصراحة اصبح الدخول على البريد الاكتروني امرا يسيرا ويا للاسف من هكذا بشر كيف يعيشون وكانهم في غابة ...


والذي الريدة من الاخوان الكرام ان بريد قد سرق واريد احد يستطيع ارجاعي بريدي او الغاءة او فعل اي شي ... ان كان ذو خبرة في الهاكر .... او ما شابة ...


وعنواني البريدي السابق المسروق هو ....

amoory20@hotmail.com

.....................................................
شاكرا لكم حسن تعاونكم ...


غيث الغيث
alamid
09-03-2002, 01:33 PM
حزنتني:( :(
اميرة الكرام
10-03-2002, 09:20 AM
انا ما اعرف بأمور الهكر ولكن سبق وانسرق الأميل مالي وراسلت الهوتميل واهم ساعدوني

ادخل على forget my bassoured وادخل راسلهم واتمنى انو اعود لك
امروءالقيس
10-03-2002, 12:24 PM
كتب العضو (غيث الغيث)
اخواني الافاضل بصراحة اصبح الدخول على البريد الاكتروني امرا يسيرا ويا للاسف من هكذا بشر كيف يعيشون وكانهم في غابة ...


والذي الريدة من الاخوان الكرام ان بريد قد سرق واريد احد يستطيع ارجاعي بريدي او الغاءة او فعل اي شي ... ان كان ذو خبرة في الهاكر .... او ما شابة ...


وعنواني البريدي السابق المسروق هو ....

amoory20@hotmail.com

.....................................................
شاكرا لكم حسن تعاونكم ...


غيث الغيث
الحمدلله رب العالمين .
يا اخواني يا افاضل ادخلوا بسرعه ومدري ايش والنتيجة ضاع ايميلي .

يعني ما تدري اني جاي مسرع وبغيت اصدم في موتر موقف .. قلت عند الرجال مشكلة والا شي .

الحقيقة ما عندك سالفة .
هذي المشكلة الواجب انت تحلها لو صادف ووقعت للاحد الاعضاء .
ومامها وقعت لك اسكت ولا تفضح نفسك ( ما تعرف شي في النت )
ولكن وش نقول هذا ( المراقب اللي ضيّع بريده ) افـــــــا
الله يستر على المراقبين الباقين .
الشرهة على الليي دخل ويقراء مشكلتك .
عموما الحل الوحيد عندنا .
سو لك ايميل جديد وريّحنا وحط له قفل دكان حضرمي راعي ذهب واحرسه انت بنفسك .
:غضب: :غضب: :غضب: :غضب: :غضب: :غضب: :غضب:
ام هلال
10-03-2002, 12:40 PM
كتب العضو (امروءالقيس)

ولكن وش نقول هذا ( المراقب اللي ضيّع بريده ) افـــــــا
الله يستر على المراقبين الباقين .
الشرهة على الليي دخل ويقراء مشكلتك .
عموما الحل الوحيد عندنا .
سو لك ايميل جديد وريّحنا وحط له قفل دكان حضرمي راعي ذهب واحرسه انت بنفسك .
:غضب: :غضب: :غضب: :غضب: :غضب: :غضب: :غضب:

IF YOU CANNOT HELP HEM .. PLEASE DO NOT TALK:6
امروءالقيس
10-03-2002, 03:42 PM
كتب العضو (ام هلال)


IF YOU CANNOT HELP HEM .. PLEASE DO NOT TALK:6
افا يام هلال سلامات :واو: زعلانه وبلغة اجنبيه .
يالله فيك خير ساعديه ":" الريال بينجن على الايميل
ملحوظه :
( ما يغثك من الدبش الا ارداها ) . مثل اسوقه !!!
رجاءا يا ام هلال ..... خليكي في حالك ومطبخك واتركي عنك السوالف اللي مالها داعي .
لا تدورين الشر .:غضب:
bravo4ever
10-03-2002, 06:42 PM
(من غير زعل)

الله يهديك يا امروء القيس بدل ما تواسى الاخ غيث وتشوف له حل
تستهتر بكلامه مايصير كذا الله يهديك ويصلح بالك
تحياتي
امروءالقيس
10-03-2002, 07:44 PM
ماعليش يا خوي bravo4ever
السالفة ( قويه ) ما تحملت ما صدقت الموضوع مراقب ينسرق بريده .
عموما انا معاك الواجب نعيش مأساته ونشوف له حل .
اتفق معاك وخصوصا مع مراقب يمكن ينفعنا في اليوم الاسود ويطلع الصندوق .
الله لا يخلينا من بعض .
المخطي يقاله مخطي وانت يا خوي اشكرك وانا مستحيل ازعل جربني .
بس المشكله خالتي ( ام هلال ) وش اللي بيرضيها شنيت عليها جملة غير مفيده.
ظنك طقم طيران ومخافيق يرضيها.

:cool: :cool:
bravo4ever
10-03-2002, 08:19 PM
والنعم والله فيك يا امروء القيس على فهم كلامى ويدل على معدنك الطيب , اما بالنسبه للاخت ام هلال فأظن لو كتبت لهابيت شعر مدح يكون احسن وبترضى ;) ;) ;)

تحياتي لك
المحتزم
10-03-2002, 08:55 PM
اخوي غيث تراك طبيت في المكان الغلط

اعتقد لو تسئل في منتدى البرامج والكمبيوتر احسن لك

تراهم مماحين كمبيوتر


المحتزم:D ":" ;)
لولا
11-03-2002, 06:33 AM
والله رايي ياغيث الغيث من راي الاخ المحتزم تراهم هنا رايقيييين وحق كلام فاضي(امززززح لا تزعلون) :D بس حبيت اختصر الموضوع له ويستفيد من وقته الضايع هنا في منتدى الكمبيوتر عند ناس تفهم في تخصصها والله هنا شكلهم يادوب يدخلون المنتدى:D
غيث الغيث
11-03-2002, 08:15 AM
اسمحلي يا اخي امرء القيس ...ياليتك ماتكلمت ... .....


بصراحة انا احترم كل الناس وما اقدر ارد عليك مب من طبعي ..


واحتراما للجميع ...
ناوي شر
11-03-2002, 10:32 AM
سلامات يا غيث الغيث .
عسى ماشر
المشكلة انك مراقب .
والمشكلة الثانيه انك مثبت الموضوع اكبر للفضيحة ,
وتطالب الاعضاء بحل مشكلتك مالت عليك وعلى المشرف اللي خلاك مراقب.
:غضب: :cool: :cool: :cool: :cool:
ناوي شر
11-03-2002, 10:34 AM
كتب العضو (لولا)
والله رايي ياغيث الغيث من راي الاخ المحتزم تراهم هنا رايقيييين وحق كلام فاضي(امززززح لا تزعلون) :D بس حبيت اختصر الموضوع له ويستفيد من وقته الضايع هنا في منتدى الكمبيوتر عند ناس تفهم في تخصصها والله هنا شكلهم يادوب يدخلون المنتدى:D
صح 100%:cool:
مستشار
11-03-2002, 10:42 AM
ياجماعة الخير وراكم ماتصالحون
البريد والله يخلف عليه..
انا عندي لكم استشاره..
وش رايكم نقط .. كل عضو يدفع نص ريال ونشتري بريد جديد بقراطيسه
والا تدرون نسوي مسح في جميع ارجاء المملكة وكل عضو يمسك له منطقة.. ومن ناحيتي انا بابحث عن الايميل المسروق في الحراج..يمكن القاه هناك يحرجون عليه.. وانتم تدرون الدنيا حوادث.


مواهبك هذي طلعها بمنتدى المصرقعين او النكت مو هنا - ولا العمليه زيادة مشاركات والسلام

>>>>>> على العموم هذا انذار لك <<<<<<<
شاهد عيان
11-03-2002, 11:49 AM
الايميل حقك لقيته منقلب على خط الشرقية :"
والعالم متجمعه عليه..مايدرون منهو حقه :!
عموما تراهم شالوه وودوه لتشليح الحاير
ألحق عليه قبل لا يشلحونه.
ابسالك سؤال عاجل جداً و لا يحتمل التأجيل ذا ايميل والا سيارة ?: :غضب:

ترى فيه منتدى للصرقعه مو هنا مكان للتنكيت وخفت الدم - وهذا انذار لك - لكل مقام مقال
ناوي شر
11-03-2002, 11:59 AM
هههههههههههههههههههههههههههههههههههههههههههه
جبت الكلام لنفسك انت ويا هالايميل المنتهي وبعدين وش هو سيارة والا دباب والا ايش .
وكم موديله :0) :0) :0) :0)
yara
11-03-2002, 12:21 PM
الاخوه الاعضاء / اللي عنده معلومه ويحب يساعد
جزاه الله خير واللي ماعنده لا يعلق ولا يكتب رد

المقصود مو زيادة مشاركاتكم على حساب مشاعر الاخرين
______________________________________

العضو ناوي شر - من اولها كذا - وعلى فكره من اول ماسجلت وانا
متابعتك وعارفتك ولو تدخل بالف اسم تبقى انت انت مافيك فايده

على العموم تم ايقافك
شاهد عيان
11-03-2002, 12:45 PM
ترى فيه منتدى للصرقعه مو هنا مكان للتنكيت وخفت الدم - وهذا انذار لك - لكل مقام مقال
yara
------------------------------------------------------------------------------------------------
شكرا لك
الحين اللي يلطف الجو يصير غلطان :!
حنظله
12-03-2002, 08:26 AM
وش السالفة يالربع
انا في الخدمة.