مواقف طريفه حصلت لي بالجامعة ( لا يفوتكم )

[نــونــو]

السلام عليكم جميعااااااا



وياشباب الى عنده سالفه صارتله او صارة قدامه يقولها


بشرط تكون طريفة





وانا اول من يبدء في هذا الشيء





في اول يوم دراسي بالجامعه بعد رمضان وكان بداية الفصل الدراسي الثاني



دخل علينا دكتور سعودي



وكان يتكلم عن المقرر حق الماده هذي ( علم اجتماع السكان )




ولما وصل الدكتور عند أسم مؤلف الكتاب





قال : اسم المؤلف د.عبدالرزاق
راح يتفلسف ويكتبه في الصبوره

وكتب عبد الرززززز
وقال عبد الرزاق تكتب الالف قبل الزء ولا بعدها

وندهش الحظور وردين عليه : لا بعدها
:! :! :!

وقال : متأكدين انا والله مدري
وقام وصرفها المهم نرجع لموضوعنا
ونكمل الدرس














تخيلوا ياجماعه رجال يحمل شهادةالدكتوراه ولا يعرف الاملا :"
















بس يالله الواسطه وماتسوي

;-) ;-) ;-) ;-)









استنا ردودكي:D :D

[BECKHAM 7]

أنا بقول شي يجيب القهر..........
عندنا مدرسين كلاب في كليتنا يتأخرون 30 ساعة,ولما الطالب يتأخر نص دقيقة يغيبونه....?: ?: ?: :غضب: :غضب: :غضب: :غضب:


في طلاب انحرموا في مواد بسبب تأخير نص دقيقة:غضب: :غضب:

[بنت الصحرا]

والله ياخوي لو قعدت على الاملاء زين اللي يصير انهم حتى ما يعرفون يدرسون
تجي وحده وتفتح الكتاب وتقرا منه وخلاص كذا انتهت المحاضره
ولا اذا كان دكتور خذ العلم :
سواليف وضحك مع البنات ونهايه الفصل يالله هذي ضحكت معي( ناجحه)
ذي ما اعطتني وجه ( راسبه)
الله ينصرنا عليهم وبس

[نــونــو]

واااااااااااااااااااااااااااااااااااو



كل هذا من الدكاتره




والله يعينكم يالبنات











انا عندي محاضره مشتركه بين الشباب والبنات








والدكتور اصلااا مايشرح لنا هو بس حاط السماعه في اذنه ويتكلم معاهم












واذا سئل سؤال واحنا ردينا يسوي نفسه مانتبه ويقول

ايوه....ايوه.... مين البنت الى قالت كده صح اسمها ايه خلاص ولايهمك انتي زياده دركتين



والله صج قهر:غضب: :غضب: :غضب: :غضب:


















ياشباب ترى نسينا الموضوع الرئيسي


من صار معاه موقف حلوووو اليوم:D :D

[mohammed111]

عندنا دكتور بعد ما خلص الاختبار
قلتله يا دكتور لاتنسى تساعدنا في التصحيح
قال (الله يخلي المدام هي اللي تصحح
وترصد الدرجات وترسب الطلاب كمان)
:أفكر: :أفكر:

[نــونــو]

الله يعينك اخوي


بس ياشباب لانبعد عن الموضوع




الى عنده سالفه حلوووه يقولها:غضب:







ومشكورين علىالردود:D :D :D :D :D :D :D

[شجـون]

:غضب: :غضب: :غضب:

[BECKHAM 7]

كتب العضو (شجـون)
:غضب: :غضب: :غضب:

على ايش؟؟؟
:p :p :p :D :D :D

[ريــــــاش]

عندنا دكتوره في الجامعة هي الغباء بذاته ما اعتقد في اغبى منها بصراحة ...كل السوالف الي قلتوها شيء وسوالفها شيء ثاني ....اعطيكم مثال كم عين للقطو ...شكلها عمرها ماشافت قطو !!!!!!!!! وشلون تصف السيارة في الباركن ابي اعرف مين الحمار الي عطاها ليسن .....انا اصف سيارتها يلعن يومها شمختلي صبغها كنت توني مطلعها من الوكاله وقف قلبي بسبتها .. :!

[المجروحة]

الله يخليكم احنا البنات في قسم الرياضيات انشالله ما بنتخرج معلمات بنتخرج كاتبات لأننا نقعد كل يوم نفس اللي قبله دكاترتنا الله يطول في اعمارهم يشرحون للصبورة و لأعمارهم ما ادري ها المعاشات ليش تنعطى حقهم و الله قهر ... تعالوا شوفوا دفاترنا مزينة و مرتبة و كل هذا و احنا ما عارفين شو فيهم
و سلامتكم:غضب:

[نــونــو]

السلام عليكم

أختي رياااااااااش ( وش معنى ذا الاسم )

أنا اقول الله يعوضك في سيارتك ( وسلامت قلبك انشاء الله أنشاالله الدكتوره ولا انتي ):D


ويا أختي المجرووووح انتي عاد سالفه ( زينا دجه و لا نعرف وين الله قاطنا فيه ):D :D


انوا لما تتخرجون انشاء الله بتتعينون في أحد مدارس البنات ( بس تكون على الحدود )

واذا جيتو تشرحون تقولون لطالباتكم روحوا حق الصبوره الى في الجامعه هي الى بتشرح لكم:D :D :D :D



وعلى فكره عندي لكم شعله اسنع من التدريس ليش ماتفتحين خطاط نسائي
وهذي انتوا البنات شاطرين فيها ( يعني اعمال حره ) خخخخخخخخخخ

ومشكورين على الردود:D :D

[who's thaaaaaat]

انا اقولكم موقف:D

عندنا استاذه شديده مرررره وهي رئيسه قسمنا:":
المهم مره في محاضره لها ...عطتنا الدرس وقالت يالله ابدأو ارسموا(لانها ماده تصميم)
وراحت وخلتنا:أفكر:
ومن قهري منها ولاني ما اواطنها بعيشه الله
طلعت مجله وقعدت اشوفها وخليت زميلتي تسولف معي(مسكينه وقعت في)
المهم عدى الوقت وانا قاعده اتصفح مجلتي واسولف مع زميلتي وقعدت احش بالاستاذه .............
والغريب الكل يناظرني وهو ساكت حتى زميلتي:واو:








وانا ولا علي احش بالاستاذه :0)





واخيرا اكتشفت ليه الكل يناظرني كاني تلفزيون مقدم برنامج كومدي؟؟؟

اثري الاستاذه وراي من زمــــــــــــــــــــــــــــــــــان:!


طبعا سمعت كل شي:0)

وجات معصبه تقولي وين رسمك؟؟؟؟؟

":" انا الوحيده الا مارسمت

[mohammed111]

هههههههههه حلوة منك يا هوز ذات
بس الله يعينك شكلك بتعيدين المادة:أفكر:
وفي موقف مشابه للموقف حقك حصل
مع واحد من الزملاء أيام الثانوية
كان عندنا مدرس خكري مرررررررة
ومشهور في المدرسة بأسم ابلة حنان
كانت حصتة بعد الفسحة دخل الفصل بدري
وما كان فيه الا طلاب قليل جلس على ماسة
أحد الطلاب وفصخ العقال وسوى كنه نايم وقال للطلاب الموجودين
خلوكم طبيعيين يعني سوو كن مافيه أحد بالفصل المهم دخل خوينا وسأله احد الطلاب
وش عندنا هاللحين..
قال










أبلة حنان..!!!
عاد حنا كريناها ضحك والمدرس صار شكله زي ذا:غضب: والطالب:#
ويوم درى المدرس انا نسميه ابله حنان انتقم منا في الاختبار النهائي
:D :D :D

[راعي الكورفيت]

أكفر:أفكر:

أدخل برمجة أو صيانة كمبيوتر:o

أسهل شئ عليّ والأكثر متعة

أكون خادم للجهاز وهو يخدمني بالمقابل:D

":"

[نــونــو]

هههههههههههههههههههههههههههههههههههههه

أما عاد موقف هذي الدكتوره وين رسمتك

هذي قويه ومالها داعي ( يعني احراج قوي )


وحلوه أخوي سالفة أبله حنان:D



بس سمعوا هذي




مره من المرات كانت عندي محاضره أحصاء ( ماده عامه مش تخصص )

وكان الدكتور يتكلم عن الاعداد و طرق التعامل معها في بعض الحالات الخاصه في الاحصاء

ماعلينا

و الدكتور يشرح وصل الى نقطه فيها قانون بسيط

ويقول : اذا جاك عدد فردي تسوي كذا .. واذا جاك عدد زوجي تسوي كذا..


وفجئه وعلى حين غره ولما كنت انا سرحاااان

طالب يرفع يده ويسئل الدكتور
ويقول كذا : يادكتور كيف أفرق بين الفردي والزوجي ؟؟؟؟؟؟؟؟؟

طبعاا الدكتور انصدم:! :! :واو: ( وكأنها تريله صدمته من الموقف )

ورد الدكتور وهو في تعجب شديد
يقول : انت من صجك ماتعرف ؟؟؟؟؟؟؟

على العموم اذا كانت تقبل القسمه على 2 يعني زوجيه وهكذاااااا:"


ملاحظة : هذا الطالب يدرس تاريخ في السنه الثالثه

والدكتور هو نائب عميد الكلية ( كليةالتربيه )








وش رايكم بهذا مب جاي من كوكب الهبلان؟؟؟؟؟:D :D

[القــعـقـاع]

طيب اسمعوا
كان عندنا اختبار تهائي و المراقب هندي:6 و واحد من الشباب ناوي يغش بس الهندي ما رفع عينه عنه فقال له و بكل بساطة ايس فيه سديق
بس و لله الحمد الهندي ما سمع زين :p

[who's thaaaaaat]

هههههههههههه حلوه مره سالفه ابله حنان:أفكر:

ولاتخاف محمد 11 الماده نجحت فيها بامتياز غصبا عنها لانه رسمي حلو:#

بس المشكله انها قعدتلي حاقده الين اخر ترم:":

:D ياليت يراقبو علينا هنوووووووود نرشيهم بشويه شباتي ;)

[نــونــو]

هههههههههههههههه


اختي لو الرشوة جايه على شباتي كان سهله


وش رايكم بواحد راشي دكتور ( اردني )

في احد الماد الصعبه ب5 الف ريال


وحتي الفلوس هينه اذا جات جنب الخدمات الثانيه مثل توصل او تصليح مكيف ويجيك الدكتور يستخف دمه ويقول : بص يامحمد انت تعرف سوق الحراج ؟

ويرد محمد : اييييه اكيد


انت وش تبي منه ؟


والله يائبني انا عاوز اشتري براد كبير

طيب انا حاضر وش تامرني عليه

لا انا كنت عاوز بس أخاف اتئل عليك

لا لاتخاف انت اطلب ولا عليك









وبعدين يشتري محمد الثلاجه لدكتور

وطبعااا نجح محمد في الماده هذي بمتياز ( مايحتاج بعد );-)


ومثل كذا الرشاوي الى تصير كل يوم في جامعاتنا :D :D


وياريت يجيبون هنود كان فله :D :D :D

[عوبد]

سلاااااااااام
ياmohammed111 انت قصدق على ابلا حنان ..... الاستاد خالد التميمي مدرس التربيه الوطنيه بالمجمع ...جده.....صح

[نــونــو]

السلام عليكم


أخوي عوبد ياغالي ( ياغالي الاثمان ):D :D :D


شوف اخوي مانبي اسامي ناس هنااا ( الله يستر علينا وعلى المسلمين );-)





ومشكور على الرد ( هذا باين عليه مشهور أبله حنان ):D :D :D :D

[who's thaaaaaat]

هههههههه نونو
اشوى اني بنت:": ولا اقدر اروح للحراج


والله الصراحه ابله حنان ذي باين عليها مهمه طلعلها معارف:!

[نــونــو]

هلا اختي

انتوا صحيح ماتقدرون تروحون الحراج



بس لاتنسين انتوا معا السوق والاغراف الرسم والخرابيط هذي الى ماتخلص ابد ( وغاليه على قل سنع ):D :D :D

[who's thaaaaaat]

بالنهايه كلها مرمطه:":

[((المشاغب))]

مره في دكتور كان يراقبنا وحنّا نمتحن قالي عندك برشومه ها قلتله لا قالي هاك وحده خذها وعطها للي جنبك

بصراحه كان أحسن وأفضل دكـ تور

[بقـــــايا روح]

اما احنا بالبحرين فدكاترتنا اقبى بكثييييييييييييير دخلت علينا دكتورة تبي تقيس مستوانا من البداية تعرفون شنو قالت من اللي يطلع قبل الثاني الدجاجة تطلع من البيضة ولا البيضة تطلع من الدجاجة :D :D :D

[نــونــو]

ههههههههههههههههههههههههههههههههههههههه


هههههههههههههههههههههههههههههههههههههه

حلوووووووووه سؤال الدجاجه

















بـــــــــس ماهي الاجابه ( طبعاا من التعقيد الى فيها لازم ماتقول الاجابه حتى ولو كانت تعرفها ):D :D












المشاااااااااااااااااااغب تبدل معي ( هذا عنده الدكاتره كل واحد يقول لثاني انا انذل منك ):D :D :D

[أكورد ملغم]

هالموقف بصراحة ياشباب قمة النذالة مني طبعاَ

اول ترم لي في الجامعة كنت فالها يعني داشر كبير و كنت انا وواحد من اصحابي (طالبان بس عاطلان) نحضر الإنجليزي
مع بعض عند نفس الدكتور المهم يوم من الأيام أخذ صديقي العاطل كتابي و أخذت كتابه بعد نهاية المحاضرة
بالغلط طبعاَ.
و المحاضرة اللي بعدها هو جاب كتابي و أنا نسيت كتابه و الدكتور ما يقبل أي طالب بدون كتاب
بس جالسين في آخر القاعة و طبعا زي العادة محشات و تريقة في الطلاب (الله يستر على خلفتنا الجاية)
انتبه الدكتور و هو سوري تقريباَ و جانا و سئلني و ين كتابك و طبعا أشرت على الكتاب اللي مع خويي
فقاله الدكتور اعطيه الكتاب و طلعه برة و انا يا حليلي كملت المحاضرة مع الدكتور و اتحضرت و خويي
انحسب عليه غياب.

سرعة البديهة لها دور و لا ما فكيت نفسي من الطردة و الغياب. :6

[نــونــو]

بصراحه مالك داعي





يعني تخلي خويك ينطرد وانت تناظر ليييييييييييييييش ( هذا لو مكانك سوى زيك ):D :D








بس يالله مو مهم الغياب المهم انك تنجح في الماده :D :D :D :D

[((المشاغب))]

كتب العضو (BECKHAM 7)
أنا بقول شي يجيب القهر..........
عندنا مدرسين كلاب في كليتنا يتأخرون 30 ساعة,ولما الطالب يتأخر نص دقيقة يغيبونه....?: ?: ?: :غضب: :غضب: :غضب: :غضب:


في طلاب انحرموا في مواد بسبب تأخير نص دقيقة:غضب: :غضب:
ـــــــــــــــــــــــــــــــــــــــــــــــــــــــــــــــــــــــــــــــــــــــــ
بصراحه ما شفت معجبين مثلك :!

حشى بيكهام يسوي كل هذا . الله يستر

[كشكول]

اولا : السلام عليكم ورحمة الله وبركاته

مواقف روعة لا تحسدون عليها

أما انا فجاني ايميل فيه هذه القصة العجييييييبة


@@@@@@@@@@@@@@@@@@@@


منقوووووووووولة

حبيت أقول لأي طالب جامعي لا لا لا لا لا تستغل طيبة الاستاذ مهما كان



يقول لك هذا انا وواحد من اخوياي متاخرين عن الاختبار ساعه وربع وجايين

بزعمنا بنكسر خاطر الاستاذ ويعيد لنا الاختبار

وش التصريفه يا ولد _-_-_-_- خلنا نقول له ان الكفر (الاطار) بنشر وهو دلخ بيصدق



صدق الاستاذ وخلاص يا محمد وخلاص يا سعود اختباركم يوم الاربعاء 9-1-2002



جا يوم الاربعاء وجات معاه المصايب

((طبعا الاختبار عادي لغه عربيه ))

جا الأستاذ وقال جوالك يا محمد وجوالك يا سعود اعطيناه الجوالات

رح يا محمد في قاعه ورح يا سعود في قاعه (( ابشر )) وزع الأوراق وكانت الصفحة الأولى فيها عشر اسئله وهو قايل لنا ان الاسئله

عددها احدعش اناظر الورقه كل سؤال من العشر اسئله عليه درجه وحده بس



شدعوه يعني السؤال الاخير عليه تسعين درجه ومن يكون هالسؤال وش حضرته



خلونا نتعرف على السؤال الاخير اللي حاطه الاستاذ في صفحه كامله لحاله

وعليه تسعين درجه












وين كان محل الكفر اللي بنشر؟؟؟؟؟؟؟؟؟













تخيلوا هذا سؤال



والاستاذ يقول ان كتبتوه نفس الاجابه انت وخويك بالغي السؤال واحط على كل

سؤال من العشره عشر درجات بدال درجه وان حليتوه مختلف راح تبقى نفس الدرجه



والله العظيم انه اصعب من الف معادله كيميائيه

مره تكتب اللي قدام على اليمين ومره تكتب اللي ورا على اليسار



وانااقول اخر مره غيرت الكفرات اللي ورا يعني يمكن يفهمها سعود ويحط الكفر

اللي قدام بس اي واحد منهم الايمن او الايسر



وسعود يقول في نسه محمد دايم يفحط يعني اكيد اللي بينفقع اللي ورا بس اي

واحد منهم اللي يمين او اليسار



اكتب وامسح واكتب وامسح واخر شي استلم الاوراق



محمد / 8 من 100 وكاتب اللي قدام على اليمين



سعود / 6 من 100 وكاتب اللي ورا على اليمين



حليت ثمان اسئله وسعود حل ست اسئله والنهايه رسووووووووووووب f ويخب على

وجهك انت وخويك



صحيح الاستاذ كان طيب لكن والله انه اذكى من المحقق كونان

@@@@@@@@@@@@@@@

والسلام عليكم

;-)

[نــونــو]

هههههههههههههههههههههه



حلوووووووووووووووووووه وقويه








بس اسمع هذي



كان عندي امتحاااااااااان عربي


طبعااا جينا قبل الامتحات ب5 دقايق

وشفنا واحد غرررررررريب اول مره نشوفه ويانااااااا


طبعاا احنا مالنا شغل بغيرنااا



ولما جاو يوزعون الاوراق



عطووواا الاخ ورقت الامتحاااان


بس بعد شوي





يقوم من كرسيه الاخ ويقول لدكتور وش هذا؟؟؟؟؟؟



هذي ورقت امتحان عربي ؟؟؟؟؟؟؟


ورد عليه الدكتور انت عندك اييه دلوئتي؟؟؟؟؟؟




رد الاخ وقال : عندي امتحان دييييييييييييييييييييييين ؟؟؟؟


















طلع الاخ مخربط في القاعات وطلعت القاعه حقته في مبنى ثاني بعد:D

















ومشكوووووووووور علىالرد الحلووووووووووووو:D :D :D

[نــونــو]

ههههههههههههههههه






حلووووووووووووووووه



:D :D :D :D

[راعي الكورفيت]

كل هذا يحصل عندكم

اللي ياما يعيش ياما يشوف

:D

[نــونــو]

والى يلف يشوف اكثر:D :D :D :D

[MOATAZ]

يا اخ كشكول

هذه الحكايه سمعتها من قبل من دكتور رياضيات عندنا

بس يقول هم كانوا اربعه

[نــونــو]

أخوي يمكن تشابه اسامي:D :D :D :D

[abb]

نحنا في جامعه البترول


ياما تحصل مواقف خاصه عند الحمامات (اللي في اللاينات"أسألو عنها الللي هناك") المهم عندنا طبعا المروش بس ستاره يعني مافي لاباب ولا هم يحزنون


وشوف الشباب هناك


مره قطعنا الستاره على واحد كان قاعد يتروش

ومره نشيل على واحد ملابسه ويتلطع في الحماما ساعتين ثلاثه

وهلم جر

[نــونــو]

هههههههههههههههههههههه


حلوووووووووووووووووه


:D :D :D :D :D :D :D :D

[((وجدان))]

حرام عليكم تتريقون علينا ياالدكاتره حنا مظلومين انتوا اطفاااال مررره
اعرفكم على نفسي انا دكتوره ورئيسه قسم الاحياء بس لاتتلزقون يعني علشان ما اعمل لكم تشريح يكفي شرحت 50بنت
:0) :0) :0) :0)

[نــونــو]

الرسالة الأصلية كتبت بواسطة ((وجدان))
حرام عليكم تتريقون علينا ياالدكاتره حنا مظلومين انتوا اطفاااال مررره
اعرفكم على نفسي انا دكتوره ورئيسه قسم الاحياء بس لاتتلزقون يعني علشان ما اعمل لكم تشريح يكفي شرحت 50بنت
:0) :0) :0) :0)



لا انتي دكتوره ولا رأيسة قسم الاحياء




لا أجل الله يعينك


لاني كنت في القسم الطييييييييييييف على القلب


بـــــــس حولت الى علم اجتماع أسهل منه:D :D :D :D :D


































لاتحاولين بنتريق






استني على شوي بــس




بسوي موضوع عن الاحييييييييييييااااااااااااااء:D :D :D :D ":"

[Poor]

السلام عليكم .... انا حبيت اشارك بموضوعكم عن المواقف وانشالله اني اكون حفيف عليكم ،، أنا صارلي موقف مع بنات معاي بالمحاضره بس قبل لااتحجى احب اتأسف من الاخوات الموجودات معانه ،، لأنه الموقف هذا كان يبي يضيع مستقبلي بالماده اللي صارلي الموقف فيها ،، مره من المرات كنت داش القاعه وكان عدد البنات فيها اميه وثلاثين بنت واحنا بس خمس شباب ،، المهم في بنات من النوع اللي شايفين حالهم على غير سنع ،، اول مادشيت المحاضره كالعاده اقعد آخر القاعه لأنه صعبه اقعد وسط البنات ،، وانا قاعد امر بين الطلبه الا في ثلاث بنات وحده منهم عرجبتني جان اطيح ،، طالعت فيها باحتقار ورديت عليها بالحجي السنع فجأه والا على دشت الدكتور وسمع الحجي كله ،، قالي اطلع بره ....:( حاولت افهمه الموضوع لكن مارضى يسمعنى :( قتله يعطيك العافيه وطلت ،، بعد المحاضره مريته المكتب وقتله يادكتور انت فمهت غلط ... انصدمت برده لي وقالي ادري انك مو غلطان بس اسمها بنت ماااقدر اسويلها شي ،، باللحظه هذى حسيت اني صج انظلمت :" قتله دكتور دام جذيه خلاص انا ماراح ادش المحاضره هذى مره ثانيه ابيك تغير الشعبه وتحطني بشعبه ثانيه عندك ،، قالي اوكي مو مشكله عندي شعبه من الساعه خمس العصر لي الساعه 6 ،، والمشكله انه المحاضره هذى مو حق طلبه الباكالوريوس ،، حق طلبه الماجستير .... اهنيه المصيبه ?: لمن حضرت اول محاضره لقيت اللي معاي اشكالهم اشكال ارهابيين كانو كل مايشوفوني يحاولون انهم يخلوني انظّم لجماعتهم وبالاخير انحشت من المحاضره وسحبتها والسبب كله كان من الدكتور اللي ظلمني وماعرفت آخذ حقي :"


آسف اذا طولت عليكم بالسالفه لأني ميت من القهر وحبيت اقولكم عن ظلم الدكاتره .

[نــونــو]

والله ياخوي انا مالومك



وترى انا اندمجت معا القصه كثير


والحمد لله انا هنا مش مختلط:D :D


ومشكور على التفاعل هذا والفضفضه :cool:

[ابلةعطيات]

السلام عليكم .... ودي اشارك معكم في هذا الموضوع المميز ... وانشالله مااثقل عليكم .... عندنا دكتور امريكي ... شيييييبه ... في عمري مادشيت محاظرته بنفس ... ;) ... المهم جا امتحان الفاينل وما قدمته .. رقدوني بالمستشفى ... وجيت الكورس اللي بعده ... وقدمت طلب علشان يعيدون لي امتحان الفاينل ... المهم قعدت مع الدكتور وعطاني اورقة الامتحان ... وهذا المقرر writing يعني اكتبي مواضيع انشاء ... انا تخصصي انجليزي ... المهم .. جاني الاخ الامريكي ... تعالي اكتبي موضوع عن شخص اتعرفينه ؟؟؟ ومنهو طلع هذا الشخص ... الدكتور نفسه :D :D :D .. عاد انا يوم قريت الموضوع تميت ابحلق فيه ... :واو: :واو: مستغربة !!! ...
قالي : anything wrong?
قلتله:no sir...but do u wana me to write about u?
قالي :yes
عاد انا قالي yes من اهني ... وانا استلمته ... ":" ":" ... استلمته تطنز الله يسلمكم .... وعاد جيت ابغي اكتب لون عيونه .... ;)
قلتله :sir....what's your eye's colour?
قالي: well...,وابتسم ...do u wana me to stand up...
وبغى يقوم ...
قلتله: no sir ... there's no need ... (اقعد الله يهديك)
وقام و فسخ نظارته .....
قلتله : brown ... right... (اصلا عيونه لاهي بنيه ولاشي ... اعيونه رمادية :D )
قالي : i don't know ....
(اذا انت ماتدري .... عاد انا ادري :أفكر: )
يالله ... وكملت الموضوع .... وسلمته الورقة ....
وتدرون وش عطاني تقدير ؟؟؟؟

















































B+ ونص درجة ويعطيني A ..... هذا الدكتور لو يذبحونه ما يعطي A :D
المهم انا الصراحة استانست عليه ... لو دكتور عربي وكاتبت له هذا الكلام ... كان رسبني ;-)

ادري انها سالفة سخيفه اشوي ..... بس هذا اللي جا على بالي ... :) وشكرا

[نــونــو]

لا ماهي سخيف ابد


ولا يهمك اخوي اي شيء تبي تقوله تعال وفظفظ:D :D :D

[MOATAZ]

بالنسبه انا ليه من سنتين وانا في الكليه كان عليه معمل كمياء وكان اليوم ده نفسه كان اخر ميعاد لحضور معمل الفيزياء المهم انا كنت عاوز اخد المعملين في نفس الوقت يعني احضر حبه هنا وحبه هنا عشان اخلص التجربتين

المهم في الاخر معرفتش احضر الفيزياء قولت اروح الكمياء وانا عارف ان الدكتور بعد ما بيشرح التجربه بيدخل غرفته ويسيبنا نعمل التجربه قلت ادخل لما يدخل الغرفه بتعته المهم كل شويه افضل ابص من الشباك الزجاج بتاع الباب وهو من النوع اللي ميبنش ايه اللي وراه اعدت ابص ابص لغايه ما لقيت الباب اتفتح مره واحد ولقيت ايد بتسحبني بسرعه ويدوب بلف عشان اشوف مين لقيته الدكتور

طبعا مقلوكمش علي الاشعار اللي قلها فيه ساعتها



:0)

وفي مواقف طريفه في هذه الوصله حصلت لناس
http://www.zamalek.com/forum/showthread.php?threadid=3422

[مدى]

لما نوصل الجامعة المفروض اننا نكون اختبرنا على اقل تقدير 50 مرة ولما تكون في المستوى الثامن في الجامعة تكون اختبرت مايزيد عن 30 امتحان نصفي و25 امتحان نهائي. المهم هذا كان عندنا مادة تلفزيون وكانت المشرفة بالرغم من مقاستنا الا انها معتبرتنا صغار ما نفهم المهم الدكتور حدد موعد الااختبار بعدد اسبوع ونصف يعني باقي على الاختبار 3 محاضرات غير المحاضرة اللي تم فيها الاتفاق على الموعد وهذه الاستاذة في نهاية كل المحاضرات الثلاث وهي تقول لاحد يغيب المحاضرة اللي قبل الاختبار يابنات عشان نحدد مكان الاختبار (لان الغرفة حقتنا صغيرة في عينها علينا) اخيرا جت المحاضرة اللي قبل الاختبار وما كانت راضية تطلع احد من المحاضرة الى ان انتهى الدكتور واي طالبة تستاذن تقول استني الى نهاية المحاضرة حتى اعلمكم مكان الاختبار ( ما ادري ليه ماتقوله للبنت وتخليها تروح المهم) طبعاً حنا توقعنا ان الاختبار مو بس في مبنى ثاني توقعنا يكون في جامعة ثانية من كثر ماهي حريصة على الموضوع جاء الوقت يابنات سكووووووووووووت عشان نسمع الدرة ...............وبما اني كنت في الصف الاول ( ليس شطارة وانما لاني متاخرة ومالي مكان الا قدام) فقد كان وقع المكان علي شديد




يابنات الامتحان سوف يكون









هنا في هذه الغرفة ...............مكان المحاضرة لك يوم


ارجو ان تحوز على اعجابكم وعذرا للاطالة

[نــونــو]

الله يعينكم


انا أجل على كذاا مرتااااااااح


والله انا كل يوم اداوم من الساعه 3 العصر حتى 4:30 العصر (( تعب تعب )):D :D


ومشكوورين على الردود:D :D

[نجـــــد]

السلام عليكم



انا الموقف اللي حصل معي كان في رمضان وكان عندنا اختبار نهائي في مادة Writting لأني قسم لغة انجليزية بمكة طبعا كانوا فيه دكاترة أجانب وكان مدرس المادة دكتور هندي المهم حدد المكان والزمان للاختبار وكان الساعة 1 ظهر الى 3 عصر والله واذاكر المادة وعلى بالي ان الاختبار الساعة 3 عصر والله ولما جت الساعة 2 واروح للجامعة قلت القى الزملاء واراجع معهم شوي قبل الاختبار

ولما وصلت لللقاعة تفاجأت اني ما لقيت احد المهم انصرعت وقعدت الف القاعات قلت يمكن يكونوا هنا ولا هنا ومالقيت احد ولحسن الحظ لقيت دكتور في مكتبه وسألته عن الهندي فقال الحقه بسرعه توه طالع تلقاه في الموقف


والله واخذ الدرج اربع اربع ولقيته توه بيطلع المهم كان ذاك اول مستوى لي في الجامعة والدكتور ما يفهم عربي زين وانا ما اعرف اتكلم زين خصوصا وانا مربوووووووووووش



لما جيته سلمت عليه وقعدت اقله على الحالة اللي صارت لي وبغلط الكلام قلت له ((((( تكفى يا صديق )))) وزين انه ما فهمني زين فقال لي
What?
قلت له بالانجليزي ان هذي كلمه عندنا بالعربي معناها تجمل علي المهم ومرت عليه وقال فيه مجموعة بتختبر بكرة نفس الموعد وبس حضرت واختبرت وما قصر نجحني تدرون بكم






























60 بس لكن دام اني غلطت اتحمل اللي يجيني




وارجو اني ما ثقلت دمي وطولت عليكم وشكرا



;-)

[Blue CocktaiL]

مراااحب ...
انا .. في الحقيقة ... رغم إني لسه في تاني ترم .. في الجامعة .. إلا .. و صارت لي .. مواقف ... لا تعد ولا تحصى ...
منها ..
في الترم الأول .. في محاضرة الرياضيات .... بعد ما ... خلصنا الدرس .. جا و قال ... شباب .. اي أسئلة ... ؟؟
قلت انا .. دكتور ... الاختبار النهائي . متى ؟؟؟
قال ... اصحى يا نايم .. دوبنا . قايلين .. الاختبار النصفي .. متى .. يا نايم ..!!
قمت قلتو .. الاختبار النهاااائي .... قال .. .اها ..
قلت .. اصحى يا نايم .....
والله .. و الدكتور .... منتا داري . .كيف صار .. لونو .... و ما ألاقي .. غير ال60 في .. النهائي .... كويس .. ما رسبني .. :)
.....
و في .. الترم .. دا ... في . محاضرة الكيمياء .... الدكتور .. كان مصري .... و طول ... اخد ... ساعة .. و نص المحاضرة .... و انا .... خلالالاص . منتهي ... و سطلت .. معاه .... المهم .. في.. كان مندمج .. مع الشرح ... فا جلس يقول ... لو جبنا تلات و حطيناها في المعادلة ...... و انا ... ضحكت ... جاني .. و قال ... ليه بتضحك ؟؟؟ قلت .. لو .. جبنا ... ولا . .لو زيتون .... ههههههههههههههههههههههههههه .... ووالله . ما ألاقي ... الطردة الأليمة من المحاضرة .... و لما ... جا بياخد اسمي .. قلتلو .. فلان الفلاني..... إلا و قال .. طب .. ادخل .. بس .... ما تعملهاش مرة تانية .... (( لأنو الوالد .. يشتغل في الجامعة ... )) في المسكين . خاف ;) >>>> بس. .كيف الواسطات .... :>
اسف .. على الإطالة .... و كل .. ما يصيرلي . موقف .. إلا .. وراح . اقلكم . هوا ... :>
في امان .. الله ...
علما ..بأني . جديد .. على المنتدى ... و دي اول . .مشاركة ...
و أهم شي الأخلاق ..... :>:> .... و يااارب سااامحني .. :>

[نــونــو]

مشكوووووووووووورين على المشاركه الحلوووووووووووه



والله انا اهون منكم اجل كل واحد عنده موقف اقوى من الثاني:!


يااااااااااااااااالله مشكورين على الرد;-) ;-)

[tidusxxx]

هاي انا دوبني ثاني ترم في الجامعة قسم احياء ...المهم الترم اللي فات كنا بناخذ اول محاضرة عبي(مادة عامة)المهم رحنا القاعة وجلسنا نسولف ونتعرف على اللي جداد مثلنا... ما درينا الا والاستاذ داخل ويقول مجموعة 7 يروحون قاعة 27 واحنا (الشلة)ما مدانا نفتح جداولنا ونكتشف اننا مجموعة 7 الا وكل مجموعة7 خرجوا واحنا ماندري ايش هي قاعة27؟؟ المهم رفعنا ثيابنا وقمنا نركض لان المحاضرة قد بدت لقينا في الطريق دكتور علم الحيوان دوبنا مقابلينه الحاضرة اللي فاتت(هو سوداني شايب)المهم سالناه وين قاعة27 قال:سيروا في هذا الاتجاه مشينا زي ما قال ودرنا الجامعة 3مرات الين مسكنا واحد دلنا اكتشفنا ان الدكتور كان طالع منها يعني كانت وراه يوم اننا نساله هذا يدل على نباهتنا احنا وياه000:6 :6 :6

[Marlon Brando]

بالنسبه للمواقف الي في الجامعه مانخلص لو نكتب

باختصرها في موقف في الاينات في جامعه الملك فهد للبترول والمعادن زي ماجا في احد المشاركات ان الحمامات ( الله يكرمكم ) ماعليها باب مافيه الا ستارات المهم انا داخل اسبح وجاء واحد من الشباب وسحب الملابس فماكان مني الا اني معطت ( شقيت او قطعت ) الستاره واستخدمتها على شكل وزار ككككككككككككككححححححححح

[smily-girl]

سلااااااام ... بنات ... شباب ..

هالموقف حصل معي اليوم والصراحة يقهررررررررر كنا في محاضرة ( دين ) مادة عامة لأن تخصصنا E المهم يعطينا المادة أستاذ طبعاً عن طريق الشبكة المهم مر في الدرس شيء داخل بالعربي الظاهر ( بلاغة ) المهم ما فيه أحد جاوب على السؤال قال: كيف أنتم مادة تخصص ولا فيه أحد يعرف الإجابة ... ( الأخ مضيع )
المهم قالت له وحده من البنات أستاذ ما نأخذ بلاغة احنا كلية اللغات والترجمة مش كلية اللغة العربية .. الرجال حقد وقام يهزيء ما أدري وش قصته يبغى يصرف الموضوع وقال أنتم عطيتوني فكرة سيئة عن كليتلكم وأجل الإمتحان الى 15 رمضان والمفروض انه 1 رمضان الظاهر بيكتب الأسئلة مرة ثانية ... الله يستررررررررررر


تحياتي للجميع ...
:-) :-) :-)

[THE BLACK GHOST]

فعلا مواقفكم تموت من الضحك .

وكل واحد اعظم من الثاني .

اسمعوا الموقف إلي حصلي و انشاء الله يعجبكم ..............

أنا طالب في جامعة الفيصل (قسم العلوم الطبية ) وكنت توني طالع من اختبار REDING , وكان طالع معي رجال الله يستر علينا وعليه , يبغي يعرف الإجابات للاختبار ... و أنا من النوعية إلي ما يحب يتناقش في أسئلة الاختبار عشان ما اعرف إجاباتي الغلط وانهم .
وكل ما أحاول اصرفه مو راضي ينصرف الأخ , لحد ما صرخت عليه (خلاص ما ابغي أجاوب ) وما نهيت كلمتي إلا و حسيت إلا وكأنه رصاصة اخترقت رجلي ؟؟؟؟؟

وما ناظرت إلا ولقيت مسمار محلي مصدي داخل في رجلي .
لأنا كنا نمشي في المواقف وكان وقت تصليحات فيها .

وش الدبرة الحين ؟؟؟ و أنا توني جديد في الجامعة قلت مالك إلا تروح العمادة وهم يدلونك على المركز الصحي الي في المنطقة .

و أروح و أطقها حافر لحد العمادة ورجلي تنزف وما دخلت وإلا و عميد كليتنا في وجهي ......ما ادري يستنا أحد اهو ولا لا ؟ .... المهم و انا فيديك الحالة كنت طفشان و ملان و توني مخلص دوام واختبار ولا بعد داخل في رجلي مسمار , فجيتله و انا مو فاضي للكلافة ولا المجاملات وقتلة ( بسرعة ابغاك الحين تدلين على المركز الصحي او تدور لي على شنطة إسعافات أولية او حتى شي ألف بة رجلي ترى داخل فيها مسمار ) وبنبره عصبيه اشوي ... الرجال في هال حالة تبهدل ولا عرف ويش أيسوي وقف يفكر اشوي وقالي روح المركز الصحي الي في الراكة ؟
قلتله ما ادله دليني انت .
الرجال شكله مو فاضيلي بس جزاه الله خير وافق , و اروح و الحقة للمستوصف لكن ضيعني واهو يدليني من لفة للفة ومن شارع لشارع لين وصلنا المركز .
اهو اشرلي علية وطق الرجل وما شفت الأ اغبرته , المهم نزلت للمركز ادور احد فيه مالقيت ؟؟؟ وين راحو لا الممرضات ولا الدكاترة موجودين وما فية الا المراجعين .
سألت قالوا لي يجون بعد ربع ساعة ؟؟؟؟ ايه خوش انا رجلي تنزف الحين وهم يقولون بعد ربع ساعة .

المهم انا استنيت لحد ما شرفوا واحد وراء الثاني و يجون ينقلوني من ممرضة لممرضة ومن واحد لواحد ,
و انا ماعندي ملف بعد في هالمركز .
لحد ماقالتلي الممرضة ادخل عند الدكتور . انا دخلت , الا واشفت واحد اسمر لحية طويلة وشعرة فرق على جنب ولابس قميص بني و سروال بني , انا قلت هذا هندي او باكستاني , فجيت ابطلع فيها حريف انجليزي عشان اشرح له و اخلص بسرعة وما احتاج احاول أترجم له بالعربي .
وقتلة (I STIBED OVER A NAIL ) إلا والرجال يقولي ( ها ؟؟ سم ) قتله لا لا سلامتك بس دخل مسمار في رجلي قالي : اية هين استنا بره .
كانت قوية ........... و ضليت استنا لحد ما جات الممرضة وطهرت الجرح وضربتني إبرة التسمم .

في النهاية ظليت ساعة وربع من وقت ما دخل المسمار في رجلي إلى ما تتطهر الجرح , يعني لو المسمار فية شي كان رحت علي من زمان .

أسف أنى طولت عليكم , وسلامتكم .


THE BLACK GHOST

[*حمووودي*]

سلااااااااام ..
والله مواقف تضحك ..:p
أما أنا .. أبغى أذكر أطرف موقف لي في الجامعة ..
طبعاً في أول يوم لي في الجامعة .. ماأعرف شي ..
قلت خليني أتعرف على الأماكن إللي في الجامعة ..
المهم .. عرفت بعض أماكن المعامل والقاعات ..
ولقيت المسجد (( عبارة عن غرفة )) .. قلت في نفسي خليني أصلي ركعتين وأدعي ربنا .. دخلت المسجد (( الغرفة )) وقعدت أدور القبلة .. ومالقيت أي إشارة تدل على القبلة .. أتكلت على ربنا وصليت ركعتين .. بعد ماخلصت وسلمت .. وقعدت أسبح .. لقيت بعض الناس يصلوا عكس الاتجاه إللي أنا صليت فيه ..:# :# :#
والله خجلت من نفسي ..:# :#

[marf]

السلام عليكم
لا احنا عندنا دكتور كيمياء ما يمشي الا ومعاه اللابتب حقو
وما يعطينا محاضرات الا منو وكل شي مكتوب فيه ( كل الدروس ) وما يمسك قلم السبوره ابدا
ومره مسكين شكلو خرب عليه اللابتب . وحضر المحاضره من دونو . طبعا ما اعطانا شي وقال : الي مو فاهم شي من اللي فات يسأل . وفي واحد جزاه الله خير سألو سؤال . واخيرا مسك الدكتور القلم وبدا يحل المسأله بس المشكله انو في الاخير ما عرف يحل المسأله . وقال لنا : بكره اجيبلكم الحل صحيح ميه بالميه ....
بالله هذا واحد معاه دكتوراه في الكيمياء ؟؟؟؟؟؟؟؟؟؟؟