المساعد الشخصي الرقمي

مشاهدة النسخة كاملة : عام قضية الأسبوع (( ماهو سبب غلاء الألعاب الأصلية))


Van Damme
13-03-2002, 02:16 PM
ماهو سبب غلاء الألعاب الأصليه في أسواقنا الخليجيه وأنا أحدثكم من السعوديه حيث أن الألعاب الأصليه لدينا ب250 ريال والبعض ممن يغالي في السعر ويجعلها ب300 ريال مع الغلم أني تجولت في جميع المواقع الرسميه للشركات الألعاب وجميع الأسعار 50 دولار أي بما يقارب187.5 ريالوإذا قلنا بزيادة النسبه الجمركيه أصبحت قيمة اللعبه 192 ريال إذا ً لماذا الزياده في السعر وهذه قضيتي التي أريد أطلاعكم عليها وأرجو من أصحاب المحلات أن يوضحواللأعضاء سبب هذه الأسعار المرتفعه وشكراً
وأحب أن أنوه أنني غيرت بريدي وهو zizo_ha@msn.com
Guilty Gear X
13-03-2002, 02:20 PM
1سعر الشريط بالخارج.
2. نوعية الشحن.
3.الجمرك.
4.الربح
العمدا
13-03-2002, 02:43 PM
والله يا اخوي فاندام ..معك حق في الكلام الي قاعد تقوله....يعنى هم يقولون حنا نبي نحارب الكوبي......وشلون بيحاربونه اذا سعر الشريط الواحد الاصلي 250 ريال..يعني بالعقل مين الي بيقدر يوفر 250 ريال كل ما نزل شريط جديد...بس عاد وش نقول...خلها على ربك......وانا ما اشوف السبب غير انه طمع × طمع مــن التجار...... :! :! :! :! :!
العراقي17
13-03-2002, 02:52 PM
السبب انه المحلات قليلة عندكم بالسعودية والسبب الاهم انها مفرقة....


عندنا مثلا بالكويت مجمع كامل كله محلات العاب فيديو يعني المنافسة حارة بينهم وهذا سبب رخص الاسعار عندنا بنسبة كبيرة بالنسبة لاسعاركم الصلخ.
M7MOOOD
13-03-2002, 02:58 PM
صح ... عدل كلام الأخ العراقي 17 ...

عاد تصدقون أني شريت شريط أصلي في الرحاب بـ15 دينار فقط :0)

يعني حوالي 150 ريال سعودي ":"
Van Damme
13-03-2002, 03:03 PM
بالنسبه للأخ العراقي أنا بقولك شي أن سعر جميع المستلزمات للبلاي ستيشن أرخص من الكويت لأن في واجد من الأخوان أن سعر الألعاب الأصليه في الكويت وصل إلى 45 دينار والدينار بالسعودي يقارب 17 رياليعني أحسبها وشوف مي أرخص وبعدين أحكم مين أغلى ثاني شي أن المحلات الموجوده في السعوديه ضعف الموجوده في الكويت 10 مرات وماأدري إذا كانت أكثر وهي مو مفرقه وشكرا
والعفو للأخ العمده وترى ما أحد مطيح ميزانتي ألا راعين المحلات باأسعارهم الجهنميه وأحب أزيدكم من الشعر بيت أن في الآونه الأخيره نزلت قطعه أسمها أورجيا وحصلت سعرها في الشركه الرسميه 44 دولار أي ما يقارب بالسعودي165 ريال والأخوان في المحلات يبعون القطعه ب550 ريال أي جنون هذا لا ويبغون يدخلون منظمة التجاره يعني الأخوان ضاعفوا السعر 4مرات وبالنسبه للأخ ألي يقول نسبة الجمارك فهي معروفه 5في الميه يعني نسبه بسيطه جداً ماتوصل للأسعار الجهنميه الموجوده في المحلات
المحارب الغامض
13-03-2002, 03:03 PM
يعني حوالي 150 ريال سعودي

يا حظكـــم ..

أرخس شريط في السعودية يصـــل إلى 200 ريال ... هذا سألت عنه ...
link.p
13-03-2002, 03:05 PM
بعض الاشرطه الاصليه عندنا على البلاي ستيشن 1 سعرها 25 ريال فقط....:)

يعني دينارين كويتين تقريباً بس....
Van Damme
13-03-2002, 03:09 PM
أحب أوضح نقطه للأخوان أن أكثرهم يفكر أن الدينار الكويتي يساوي 10 ريال سعودي هذا خطأ الدينار الكويتي يساوي 17 ريال
M7MOOOD
13-03-2002, 03:19 PM
أحب أوضح نقطه للأخوان أن أكثرهم يفكر أن الدينار الكويتي يساوي 10 ريال سعودي هذا خطأ الدينار الكويتي يساوي 17 ريال

يعني أنت الحين تبي تعلمنا شكثر عملتنا تساوي عملتكم ‍‍!!!
أصلا حسابك غلط .




أما عن اللي يلاحقني و يشوفني وين أرد علشان يي و يناهق من بعدي ... فهالمرة أنا ماراح أرد عليه لأن اللي قاعد يصير في أحد مواضيعي في أحد المنتديا يكفي .
Van Damme
13-03-2002, 03:31 PM
أول شي هذا مو أسلوب للتخاطب ثاني شي راجع معلوماتك وإذا كان ماعندك خبره في العملات أسكت أحسن ولا تفتي من عندك وحسابي مضبوط وشكراًً
M7MOOOD
13-03-2002, 03:53 PM
كتب العضو (Van Damme)
أول شي هذا مو أسلوب للتخاطب ثاني شي راجع معلوماتك وإذا كان ماعندك خبره في العملات أسكت أحسن ولا تفتي من عندك وحسابي مضبوط وشكراًً

آسف اذا فهمتني غلط أو كان اسلوبي أزعجك شوي ?:

ثانيا ... شلون تقول أن الدينار كويتي يساوي 17 ريال سعودي .. أصلا الريال السعودي يساوي 80 فلس كويتي .... و هذا لأني ياي عندكم في السعودية أكثر من خمس مرات ... يعني أعرف عملتكم جم تساوي عملتنا عدل .
راعي الكورفيت
13-03-2002, 03:54 PM
أول شئ الدينار الكويتي يساوي 12 ريال

ثانيا هذي المرة وكلمة حق الخطأ عليك يا محمود

إن أنكر الأصوات لصوت الحمير

كيف وبأي حق تصف صوت لينك بي بهذا الصوت

ولينك بي صدقت

ولد خالي شراء اسطوانتين كوماند أند كونكر على البلاي ستيشن بـ15 ريال

يعني 7,5 الاسطوانة الواحدة من محل جيم ماستر

أو يمكن انا ناسي يمكن شرى ثنينهم بثلاثين

":"
M7MOOOD
13-03-2002, 04:00 PM
و ليش :أفكر:

لحالدرجة لينك بي شاكك بنفسه :أفكر:

المثل جذي يقول ... مو أنا اللي مألفه :أفكر:
راعي الكورفيت
13-03-2002, 04:02 PM
كتب العضو (M7MOOOD)
و ليش :أفكر:

لحالدرجة لينك بي شاكك بنفسه :أفكر:

المثل جذي يقول ... مو أنا اللي مألفه :أفكر:

المثل أول مرة أسمع به

هو صحيح ينشب لك أحيانا ولكن في هذا الموضوع كان رجال معك

فليش حاقد عليه

خلاص افتح نيو بيج وانسى الماضي

":"
Sharks-Master
13-03-2002, 04:10 PM
ترى انتوا من صجك ؟ ترى محمود لمن قال هذا الموضوع ( إن أنكر الاصوات لصوت الحمير ) كان قصدة شخص ثاني مو أنت لينك !
وأنا متأكد من هذا الموضوع لأني كنت معاكم في ذاك الموضوع !

يعني تكفة غيرو السالفة وتصالحوا ... تكفة !:(
Guilty Gear X
13-03-2002, 04:12 PM
الدينار الكويتي =13 ريال سعودي
Sharks-Master
13-03-2002, 04:25 PM
صح كلامك يا جيلتي جير ... وو ترى محمود صج ما كذب لمن قال أن الريال السعودي يساوي 80 فلس كويتي و أن 12 ريال يساوي دينار .... ترى هذا مو الموضوع !
MR007
13-03-2002, 06:33 PM
سعر الدينار الكويتي 12.2301ريال بلضبط ولي مو مصدق هاذا موقع لتحويل العملات
http://www.xe.com/ucc/full.shtml


ارجو اني حليت المشكلة اي بينكم
سلام :0) :0) ;-) :6
راعي الكورفيت
13-03-2002, 10:15 PM
كتب العضو (M7MOOOD)
و ليش :أفكر:

لحالدرجة لينك بي شاكك بنفسه :أفكر:

المثل جذي يقول ... مو أنا اللي مألفه :أفكر:

أول شئ لا تصرفها هي واضحة وأنا أول ما قريتها فهمت إنك تقصده

وبعدين صرت أميل له عشانك أخطيت

إذا هو أخطئ عليك عدا اللقافة قل لي وخلينا نشوف الوصلة

اللقافة طبع >>>> خاصة أنا

يعني أنا ما عندي مشكلة على العكس أحب الملقوفين عشان تكثر الردود على مواضيعي

وإذا الخلاف أساسه طائفي وجداري وحائطي أنهوه بأنفسكم لأنه لن ينتهي

":"
M7MOOOD
13-03-2002, 11:23 PM
أصلا أنا مو حاقد على لينك بي الا علشان حشريته المستمرة و تدخله المستمر في كل موضوع أنشره و في كل رد أرده حتى ما بقت لي أعصاب ... أنا الصراحة قد ذقت ذرعا من هذا الحشور و لحاقه المستمر لي و تدخله في أشيائي الخاصة .. و ترى من تدخل فيما لا يعنيه .. لاقى مالا يرضيه يا الحشري ... أما أنت يا راعي الكورفيت .. فلا تصير مصلحجي و بو ويهين .... اذا تبي تقولي شي أو تبي استفسار عندك الرسائل الخاصة
راعي الكورفيت
13-03-2002, 11:33 PM
ويش فيك يا بابا":"

الحين ويش از زعلك

واي يو ار زعلان

أنا راح أرسل لك على الخاص O.K

":"
M7MOOOD
13-03-2002, 11:38 PM
Ok .
Van Damme
14-03-2002, 06:15 AM
السلام عليكم أنا الآن فاتح قضيه سبب غلاء الألعاب وأنت ياأخ محمود وراعي الكورفيت قاعدين تسولفون خارج الموضوع ياأخي إذا بتسولفون أتكلموا في الماسنجر صراحه أنا تعبت في ها القضيه وأنتوا بكل سهوله تسولفون وأنا قصدي من هذا الموضوع إفادت الأعضاء في المنتدى وشكراً
المحارب الغامض
14-03-2002, 10:33 AM
الحيـــن سويتوا مشكلــة عشــان الدينــار يساوي كم ريال سعــودي !!!!!!!
:D:D:D

حرام عليكــم ..

وما يهمنا نحـــن كم يساوي الدينار الكويتي :)