تم تعين عماد 18 نائب الرئيس العام لرابطة محترفي WE

[CASH2000]

تم تعين عماد 18 نائب الرئيس العام لرابطة محترفي WE بدل عن الأخ Yosef94 ألذي انقطعت أخباره لمدة طويلة و سبب تعين عماد18 عائد إلى الجوهود والخدمات والمواضيع المميزة التي يطرحها في هذا المنتدى نتمنى له التوفيق في هذا المنصب الجديد وإلى الأمام إنشاء الله:):):):)

[DK]

يستاهل والله.

[عماد 18]

مين عماد هذا اول مرة اسمع فيه ؟؟؟؟؟
ايه لا يكون هذا اللي ازعجنا -والله ياهو بلشة - بويننج ايليفن ؟؟؟؟
امزح:) :) :)
بس يا كاش انا والله ما ودي اخذ منصب واحد من مناصب الاعضاء يعني ما في داعي لانك تعطين اي منصب انا قانع باللي انا فيه لان يمكن الاخ يوسف انتهى اشتراكه وما قدر يجدده و الا طاحت بيده نسخة مهربة لويننج ايليفن 5 :)
وبعدين ما رديت على التحدي انا قلت ترى ابسافر انشاء الله لمكة علشان الحج واذا انتهيت من الحج يمكن اقدر امرك في جدة و نتواعد في مكان عشان العب معك كم مباراة وافوز عليك واخذ لقب ملك الياباني ;) وش قلت؟

[بندر]

بنسبة للقب ملك الدوري انتقل إليّ بعد انتصاري على كاش في مبارتين متتاليتين واحتفظ بالنتيجة لعدم الاحراج وذا كان كا ش يود اني اذكر النتيجة ماعندي مانع............
واليوم راح نتبارى انا وكاش ويمكن ياخذ حقه او اؤكد انا ملكي لهذا الشريط........

[خالد2001]

مبروووووك والله من الاعماق . طيب ذلحين عماد النائب الاول مين النائب الثاني ومين وزير الداخلية. وش رايكم تعينوني لو محافظ .

[CASH2000]

لا حول ولا قوة إلا بله أنت هزمتني يا بندر والله شكلك هزمتني في الأحلام بس أقلك ألله يعيك أليوم والله بسبب الخرط الفاضي ألي الفته لشباب والله ما راح تسلم اليوم وراح تكون تاريخية مو مثل المرة الماضية هزيمة 8:1 ولا 10:3 لا هذه المرة فوق العشرين وراح تشوف اقول أتصل فية قبل ما تجي لأني أتصلت عليك ومحد رد أيش ألقصة???

[عماد 18]

هييييي كاش عطنى وجه اشوفك ما رديت على التحدي ؟؟؟

[بندر]

ذالحين صارت احلام يا كاش ...........
طيب ياشباب جدة مين يعرف محل بلاي تايم وأسألوا الاخ احمد عن بندر وكاش ومين فاز والله عظيم انه راح يقول بندر فاز 3-2 و5-2
والله اني لااكذب.......
وانت جنيت على نفسك يا كاش

[CASH2000]

ترى احمد هذا صديقي من زمان و مستحيل أنه يكذب علي أنا فأسألو وراح تشوفون وراك ما أتصلت ولا جيت شكلك خايف تنصك للمرة الخامسة ههههههههه والله انك خواف كبير أتصل لوكنت رجال هية:غضب:
يا اخ عماد أنا قابل التحدي بس حدد اليوم والمكان والساعة وأنا حاضر:):):):)

[bassam]

مبروووووووك ياأخ عماد لازم تعمل لك وزن في منصبك الجديد لاكن ليس علينا هههة من الصديق الدائم بسام نصار

[SAM@GOOL]

مبروك عماد18 مين يستاهلها الا انت وشرواك وعقبال الاداره
وكثر الله من امثالك واخبارك الطازجه الى ناكلها وهي حاره بالحيل وسلامي.........................

[عماد 18]

الله يبارك فيكم كلكم ..........

[$THE LORD$]

طيب ومن الرئيس اصلا

[بندر]

ايش السؤال هذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[abdo2001]

أنا أعترض أنا بلغت الكمال في الدوري الياباني وما كتبت لكم شيء وعلى العموم أنا في جدة وأتحدى أي واحد مهما كان في سوق الحجاز وأبغى أكون الرئيس لو سمحتم بعد ما أثبت جدارتي بهذا المنصب وإذا ما أستاهله أرضى أكون باللي تعطوني اياه ولو كان أرذل الأشياء

[خالد2001]

الله يهديك ياعبدو الكمال لله سبحانه عموما الميدان ياحميدان انت ورنا شطارتك وبلغنا باخبار وينينج اليفن اول باول وابشر بالي يخليك وزير وعلى المرتبة الخمسة عشره . وعلى فكرة انت تقول انك في سوق الحجاز في جدة انا الي اعرفه ان سوق الحجاز في مكة ان كان فتحو فرع ثاني فعلمني مكانه علشان ان حصل ورحت لجدة نتواجه ولو سمحت قلي كم عمرك .

[abdo2001]

أنا راح أعطيك أخبار وأسرار وسر لعبة الدوري اليابابني أول بأول وللمعلومية هو مركز الحجاز مكتوب عليه و هو ضخم يقع حوالي سوق البوادي عند أسواق طيبة والتحدي شغال والطلبات مجابة من الجميع والرئاسة ان شاء الله تكون لي

[abdo2001]

وعلى فكرة عمري 16 سنة وبعدين أنت وينك وياريت تسأل أي سواق تكسي يدلك على باب مركز الحجاز في جدة

[خالد2001]

16 سنة اسف مااقدر اذا رحت لجدة اخليك تباري اخوي الصغير وهو على فكرة عمرة 16 سنه وهذا ماهو انقاص لقدرك لان اخوي يعرف يلعب مضبوط لكن الفرق الي بيني وبينك هو الخبرة انت مثل ماهو كاتب تلعب مع وينيج اليفن تومب رايدر واكشن اما انا فلاالعب غير وينيج اليفن وباشتري بلايستيشن 2 علشان هالعبه فقط اما باقي الالعاب فلا احبذها

[abdo2001]

يا أخ العمر ما هو مقياس ولو إنك متطلع كان عرفت إن حل مشكلة الألفية في الشركات والبنوك هو طفل عمره 12 سنة وإن إلي اخترق شبكة البيت الأبيض هما طفلان عمر الأول 12 والثاني 14 وإن الياباني الصغير المعروف تكامورا اخترع جهاز كومبيتر بمفرده عن طريق جمع الدارات في معمل أبيه وأن الفنان العظيم بيكاسو رسم لوحة عظيمة وعمره 13 سنة يقدر سعرها بملايين الدولارات ولو كلامك صحيح روح إلى واحد عمره 90 سنة واتحداه أظن ما راح يقلك أنت مانت على قدي وأهزمك بسهولة
والمهم تعال باري أخي الكبير اللي عمره 23 سنة وجيب أخوك الصغير اللي عمره 16 سنة خليه يتحدى أخوي الصغير اللي عمره 11 سنة
وعلى العموم الدين الاسلامي يحثا على توجيه بعضنا كما في قول الرسول صلى الله عليه وسلم (انصر أخاك ظالما أو مظلوما ) أ{جو أن تتعظ

مبروك ياعماد على هذا المنصب وأرجو أنك تتوفق فيه وأقول للجميع أنو مافي ولا أحد ملك الدوري اليابني لأن الي يلعبون مش في جدة بس في كل محل في العالم موجودين تعالوا الطــائــف ولا الجــبــيــل وشوفوا التحدي بلا حركات بزران وما عندي أكثر من كذا وبس.

[خالد2001]

لا لا تزعل اخوي عبدو انا ماقصدت اجرح مشاعرك الكلام الي تقوله صحيح لكن انا من خلال تجاربي ارى ان الي يلعب لعبه هو يحبها وتارك جميع الالعاب افضل مستوى من شخص اخر يلعب مع هالعبه العاب اخرى .وانا اعطيك تجارب مرة معي . اصدقاء اخوي الصغير لعبت مع اثنين منهم وفزت على الاول6\0 وعلى الثاني 8\0 مع انهم يحبون هذي اللعبه اكثر من غيرها لكن الفرق الي بيني وبينهم انهم احيانا يلعبون اللعاب اخرى غيرها . وباعطيك مثال يئيد الكلام الي تقوله ولد احد اخواني وعمره 12 سنه على مااعتقد يحب لعبة وينيج اليفن وماشفته مره يلعب لعبة غيرها واذا لعبت معه افوز عليه لكن بصعوبة نوعا ما وسبب منافسته لي انه مايلعب لعبه ثانيه اما انت فتلعب العاب اخرى وهذا يقلل من مستواك الا اذا كنت انسان غير عادي فما اقدر اقول شيء ومن هذي التجارب حرمت العب مع شخص مااثق في مستواه حتى اخوي الصغير ماالعب معه الا اذا كان معه فريق قوي وانا معي فريق اضعف . عموما عطني اسم محلكم في مركز الحجاز وانا اذا جيت لجدة اخليك تباري اخوي وان فزت عليه مستعد اباريك . صدقني اخوي عبدو اني الا الان مالقيت احد منافس لي وانا بانتظار نزول بلايستيشن 2 لانه سيكون معه فاكس مودم في القريب العاجل مما يدع الشخص يلعب مع اناس مختلفون على الكمبيوتر على الاقل اذا لعبت مع واحد ما يعرف يلعب تقفل الخط بوجهه بدون مايقول لك احد شيء .