المساعد الشخصي الرقمي

مشاهدة النسخة كاملة : قصيده غزليه جديده مهداة الى كل ذا جمال


امريءالقيس
26-03-2002, 01:02 PM
إن جيت جنبك أحترق وانت جنبي
وإن رحت عنّك ما تصد بسهوله
الصدق احبك ويش أسـوي بقلبي
واللي احسه لازم احكـي أقولــه
الخوف قلبك ما يصدق بحبــي
ويصد عني كن ما نيب حولــه
مادام دربك صادف اليوم دربـي
ليه انتعذب بين عرضه وطولـه
مهديك عمري يوم قلبك شعر بي
ابغاك لحظه في ثواني عجولــه
مليت صمتك والنهاية ياحبــي
كنك ولا تدري عن اللي اقولــه
مقدر اخبي طالبـك لا تخبـــي
خذ راحتك لو تبغى يومي بطوله


:cool:
يارا
26-03-2002, 06:38 PM
حرام عليك
الله يسامحك بس
الحين كل هذا عندك ورايح تكتب لنا قصايد سياسيه ومدري ايش
خلك هنا وبهذا المجال الن كتابتك روعه مرررره
وحلوه
ماشاء الله عليك
كلك احساس
dajjani
27-03-2002, 02:47 AM
صح لسانك يا امريء القيس.

وننتظر المزيد والجديد يا شاعر المنتدى.

تحياتي اخوك الدعجاني.
امريءالقيس
27-03-2002, 12:56 PM
الرسالة الأصلية كتبت بواسطة يارا
حرام عليك
الله يسامحك بس
الحين كل هذا عندك ورايح تكتب لنا قصايد سياسيه ومدري ايش
خلك هنا وبهذا المجال الن كتابتك روعه مرررره
وحلوه
ماشاء الله عليك
كلك احساس
وااله عاد كذا تبون الامور تصير مفتوحة وبيني وبينكم شهيتي بعد هالمديح صارت مثل ماعدة ديناصور لازم البي لكم طلباتك اطلبوا اي موضوع عن اي جرح وانا في الخدمة ( شاعر راعي بقاله )
وهذي لكم الله يحفظكم :
اشتعـال……
اتمنى تعجبكم //////////////////

أسمعك غربي ونا رايـح جنوب
آه يا شـرقٍ تردد با الشمــال
الوصل ماكان مقطـوع وكـذوب
لكن الغربـة رمتنـي بانفعــال
يا هلا حيّـك تحمـلني ذنــوب
ما نسيـتك وانت سر الاشتعـال
من متى والشوق يا عمري يتوب
حدثينــي وأشغـلينـي في دلال
ودي أبـدع ودي أكتب عن هبوب
وصلت صوتـك وهو سابع محـال
النسا يم يالها طبـعٍ لعـــوب
تغري الواقف ويسـرح بالخيـال
لا تصدق في غرامـك ما نتـوب
دامنا والشمس في حضـن الزوال
وش بغيتي من قبل وقت الغـروب
ياخذ الفرحة من شفاه الســؤال
با ذكرك بالخيـر واحلامـي تذوب
من غيابـك كم تمنينـا الوصـال