المساعد الشخصي الرقمي

مشاهدة النسخة كاملة : مغامرات wsws وفوارس-الجزء الأخير


#aNiMaNiA#
30-03-2002, 04:58 PM
لتقرا الجزء الأولأضغط هنا (http://www.montada.com/showthread.php?s=&threadid=81190)
والجزء الثانيهنا (http://www.montada.com/showthread.php?s=&threadid=84687)
====================================
معليش إذا كنت أتأخرت عليكم بالجزء الثالث بكن الظروف هي إللي حكمت عليا بكذا والحملة العنيفة التي أتعرضت إليها من بعض الأعضاء أعداء النجاح
التي أثبطت عزيمتي لكني من أجل بعض الأعضاء (إللي يستاهلوا) رجعت ونزلت لكم الجزء الثالث.
========================================
عرفنا فيما سبق إن wsws وفوارس أتحاصروامن قبل هيليكوبتر شرطة نيويورك في سطوح مبنى الشرطة ، وو قفنا عند wsws لمن طاح وأصبحت نهايته قريبة جدا. تعالوا نكمل بقية القصة:
قائد الهيلكوبتر:إنت جبت هذا لنفسك ، أتشهد على روحك أقول.
ما أدري ليه شريط حياتي مر قدامي هذاك الوقت
أتذكرت أهلي
أصحابي
أحبابي
وأهم شي أتذكرته...................
العشرة إللي سلفتها لفوارس وما رجعها ليا:D (تنكيت حتى عند الموت)
لكن هذا راح مع صوت الرصاص إللي أطلقه قائد الهيليكوبتر
وقتها أغمضت عيني لآخر مرة في حياتي على إعتبار إني مت
لكن هذا ماحصل..
أنتظرت....
أنتظرت....
أنتظرت....
عصبت:غضب:
فتحت عيوني أشوف هذا إيش حكايته مايبغى يخلصني
لكن......:واو:
و آه من لكن هذي
لقيت فواس مرمي على الأرض وهو غرقان في دمه ومن حظه إن الإصابة في كتفه
قلت له: فوارس! إيش إللي حصل؟
فوارس: مو وقته يا wsws أهرب
أنا: ماني ماشي من هنا إلا وإنت معايا
فوارس: روح أرجوك
أنا: قلت ل........
(سلموا أنفسكم للمرة الأخيرة)
أنا: فوارس! خلاص الهرب ماينفع لازم أواجههم
فوارس(وصوته متهالك من كثر الدم إللي فقده): إيش حتسوي؟
أنا:شوف بنفسك
وإلتفت إلى قائد الهيليكوبتر وفي عيني نظرة .......
يمكن أن تكون النظرة الأخيرة
==================================
(في نفس الوقت)
جميع المحطات الإخبارية كانت تنقل الأحداث إللي عملناها
الcnn والbbc وغيرها
(وفي إحدى أوكار ألمافيا) :
- آنسة كارلا! آنسة كارلا
- نعم إش في يا خوليو؟
- شفتي إش التلفزيون ناقل على الهوا؟
- لا ، إش في؟
- في إثنين أجانب عاملين الهوايل في المدينة
- إثنين أجانب؟
- إش تقول؟ أجانب؟ ومين يطلعوا؟
- ما أدري شوفي بنفسك
- طب شغل التلفزيون
وقتها كان التلفزيون عارض مشهد إصابة فوارس من الهيليكوبتر
- كارلا: هذا هذا :واو: :واو: :واو:
- خوليو: مين هذول يا آنسة؟
- مو شغلك ياتيس! أديني التليفون
- أتفضلي
- ألو ، كارلوس؟
- اهلا كارلا أختي
- شايف الإثنين الحلوين إللي في التلفزيون؟
- إيوة إشبهم الأغبياء ذول؟
- أغبياء ولا لأ، المهم أبغاك تخلي أي واحد من رجالك يجيبهم ليا بأي طريقة
- نعم ياحبيبتي؟
- زي ماسمعت
- أحلمي
- وإذا كان هذا آخر طلب من أختك حبيبتك ( أستخدمت السلاح السري)
- أوووووووه غلبتيني خلاص أجيبهم لك
كارلا(فرحانة مرة) : الحلوين حيجولي ، الحلوين حيجولي
===================================
الصمت غطى المكان ، وكأن الزمن توقف
قائد الهيليكوبتر: وش فيك تطالع؟
أنا : معجب
قائد الهيليكوبتر: أقول أسكت أحـ.........
أنا: جيبني لو قدرت
وأجري ذاك الجري وبدىء هو يطاردني (تراها حركة مو جبن)
وأجري وأجري إلين مالقيت جدار أختبيت وراه
وبدأ قائد الهيليكوبتر في إطلاق النار
وأنا بديت شغلي
طلعت الفلفل إللي أشتريناه وأخذت سبعة حبات منه وأكلتها وشربت معاه نص قارورة الخل وإنتظرت إلى أن يبدأ المفعول
عيوني دمعت
أنفي سار لونه أحمر
نبض القلب زاد
أخيرا المفعول بدأ
رفعت له راية الإستسلام
وقف إطلاق النار
(أطلع ويدك فوق راسك)
أبشر!
إنت أجبرتني وعليك تتحمل العواقب
طلعت له وعلى وجهي إبتسامة كبيرة
تحذير!
هذا المشهد به لقطة مقرفة، لذا على الرقيقين وعيال (الياي) يوقفوا القراية إلى هنا
كح كح كح كح كح كح كح (قاعد أكح)
- وش فيك تكح؟
طالعت فيه بإستهزاء وقلت له: أستا لافيستا ، بيبي
خوووووووووووووووووويخ، البلغم المتفجر
تفووووووووووووو!
دبوووووووووووووووووووووووووووووووووف!
تفجرت الهيليكوبتر ومن فيها وتناثرت إلى أشلاء (حلوة أشلاء هذي)
لكن..........
(تذكر ياwsws ، إن عملت هذي الحركة حتفقد كل طاقتك ويغمى عليك)
(حاضر يا سيد تشان) *
وهذا ماحصل!
======================================
(!wsws)
(!wsws)
صوت فوارس تسلل إلى إذني فأفقت من غيبوبتي وصداع عنيف يغطي رأسي
- فوارس! إحنا فين؟ ومين عالج كتفك؟
- ما أدري!
- طب من متى وانا نايم؟
- صار لك حوالي أربع ساعات
- إخص! الرحلة ضاعت علينا
- هو هذا إللي هامك؟
- طبعا! دا.............
(صوت باب ينفتح)
- أخيرا! الحلوين صحيوا
- أنا: مين إنتي؟
- فوارس: ماعرفتها يا غبي؟ هذي إللي شفناها محل السباق
- أوبس! أعذريني ما عرفتك
- وهم الحلوين من متى يعتذروا؟
- فوارس: لدي الدرجة عاجبينك؟
- وأكثر
- أنا: طب خلينا نمشي في حالنا نبغى نرجع لأمهاتنا
- تحلم ياروح أمك
- نعم؟
- حتعيشوا معايا للأبد (متحمسة بقوة هذي)
- وإذا رفضنا؟
- وقتها أخلي أخويا حبيبي يقطعكم ويرميكم للكلاب
طالعنا أنا وفوارس لبعض نظرة ذات معنى وقلت لها:
- خلاص موافقين بشرط.
- إشرط وأتأمر
- بأروح أسوي مهمة وبأرجعلك على طول
- حاضر
- طب ممكن تسيبينا أنا وصاجبي شوية؟
- طيب بس بسرعة
- فوارس: فين رايح وتسيبني لحالي؟
- ليه قالوا لك نذل؟
- طب إش معنى كلامك؟
- لا تخاف يأرجع أخذك ونشرد
- طب ليه ما تاخذني معاك
- عشان لا تشك
- وعد؟
- وعد؟
=================================
كارلا: جهزت خلاص؟
- إيوة
- طب الليموزين حقي منتظرك برة
- لا بأروح لحالي
- كارلا ( وجهها أتحول من ملاك لشيطان) : أنا لمن أقول كلمة تتنفذ فاهم؟:غضب:
- طيب خلاص
(وفي الليموزين)
- على فين ياسيد؟
- وديني أقرب محل دونات:cool:
- نعم؟
- زي ماقلت لك
ياترى إيش إللي في بالك هذي المرة يا wsws
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
=====================================
في نفس الوقت عند فوارس و كارلا:
كارلا: أخيرا إحنا لحالنا يا حبيبي
- هه؟ ( مبلم مو عارف إيش يقول البنات يجننوه مسكين والله)
- أبغاك تقول لي إش قال لك صاحبك؟
- لأ ما أقدر أقول لك
- إخص عليك، زعلتني :"
- لالالالالالالالالالالالالالالالالالالالالالالالالالالالالالالا كله إلا زعلك
- طب قول لي
- بس ما تقوليله؟
- ما أقول له
وراح الكابتن يقول لها من طقطق لسلام عليكم
كارلا: الحقير!:غضب: فاكر نفسه يخدعني
- بس إنتي وعدتيني إنك ماراح تقولي له
- طبعا ما حقول له لأنه خلاص يعتبر نفسه مع الأموات! خوليووووووووو
- نعم يا آنسة
- شيل رجالك وروح للعبيط هذاك إللي إسمه wsws
- إيش نسوي له
- ما أبغاه حي
- أوامرك يا آنسة
هذي الفايدة منك يا فوارس!
===================================
(عند محل الدونات)
- لو سمحت أبغى 10 أصابع دونات طويلة وكثر المناديل لو سمحت
- أتفضل
- السواق: على فين؟
- وديني تمثال الحرية ولا تطالع ورا أبدا! فاهم؟
- حاضر
وفي الطريق إلى تمثال الحرية بدأت أنفذ الخطة
غلفت أصابع الدونات بالمناديل وثبتها على حزام عريض ربطته على صدري
وغطيت هذا كله بجاكيت كبير
- وصلنا يافندم
- طب أستنناني هنا
وأنا طالع للدور العلوي سمعت واحد يقول : هذا هو إللي الأنسة أمرت بقتله ، عليه يارجال!
من يوم ما سمعت هذا الكلام مسكت في أقرب واحد جنبي ، ومن حظي طلع واحد متين ينفع مصدة للرصاصات وقلت:
أي واحد يقرب مني حأفجر! معايا قنابل c4 مثبتة على صدري
ومن يوم ما قلت صار الهرج والمرج في العالم إللي هناك
وأنا سحبت ضحيتي إلى آخر دور في تمثال الحرية.
وأتجمعت قوى أمريكا كلها هناك
الشرطة والfbi والcia والقوات الخاصة swat
رئيس ال fbi: قلنا مطالبك وإحنا نسيبك
أنا: ما أبغى غير إنكم تجيبوا لي صاحبي فوارس من عند المجنونة هذي إللي إسمها كارلا وترجعونا بلدنا على أق...............
الضحية: أنا شام ريحة أكل ، حاجة حلوة
- أسكت بس
- دونات! أنا شام ريحة دونات وداسها في جاكيتك كمان (ول على الفجعة)
نياااااااااااااااااااااااااااااااااااااااااااااه
ما ألاقي نفسي إلا طاير وداق في أقرب جدار والدب هذا شارد على تحت
بعد ما خسرت الضحية ماعد بقي إلا التهديد
- باقي من الزمن 5 ثواني ويتم الإنفجار
- بإيش؟ بدونات؟ الشرهة علينا إننا نصدق بزران ، إنسفوه
أنا:لااااااااااااااااااااااااااااااااااااااااااااااااااااااااااااااااااااااااااااااااااااااااااااااا ااا
(!wsws)
(!wsws)
- هه! إيش في إيش إللي جرى أبعدي عني ياكارلا
- كارلا مين يا واد؟ أنا أمك يا غبي
- هه! أمي! إيش جابك أمريكا
- أمريكا إيه؟ إيش حكايتك؟ جالس تحلم؟
- هه! لا ولا شيء سلامتك
- (تطالع فيا بإستغراب) : ربنا يرد عقلك لراسك وتعرف خلاصك
===============انتهى======================
*ترقبوا قريبا مغامرتي الجديدة : (صراعي مع الياكوزا)
أستاااااااااااااااااااااااااااااااااااااااااا لافيستاااااااااااااااااااااااااااااا:D
أسير الجرح
30-03-2002, 05:02 PM
وين الناس
تاخرت علينا
;-)
&ريم المنتدى&
30-03-2002, 05:23 PM
ههههههههههههه ما شالله كل هذا تاليف :D

اذيوس :D
#aNiMaNiA#
30-03-2002, 08:24 PM
أسير الجرح: والله زي ماقلت الظروف أخرتني
ريم المنتدى: في زيادة كمان وإذا تبغيني أحطك في قصة أبشري
أستا لافيستا :D
rose VIP
30-03-2002, 08:28 PM
احلا شي عجبني هو
مقطع ما يقول:

الصمت غطى المكان ، وكأن الزمن توقف
قائد الهيليكوبتر: وش فيك تطالع؟
أنا : معجب


:D :D :D

رهييييييييبه تفطس ظحك بالمرررررررره:6 :6 :6

اقول ورينا شطارتك في القصه الجايه:-) :-) :-)
#aNiMaNiA#
30-03-2002, 08:42 PM
مايصير خاطرك ياروز إلا طيب
أنتظري إلى يوم الخميس وحتعجبك القصة إن شاء الله.
استا لافيستا:D
the x ninja
30-03-2002, 08:44 PM
:( :( :( :": :": :" :"

قصة مؤاثرة
الكيّس الكويس
30-03-2002, 08:52 PM
رائع وجميل وعظيم ومبتكر
انا ماوجدت احد في العرب يملك مثل هذا الخيال
ماشاء الله


تابع وسيبك من الحساااااااااد والحاقدين

وانت عارفهم;)
&ريم المنتدى&
30-03-2002, 09:11 PM
:! :! :! :! هههههههههههه تحطني في القصه :! :! لالالالالا دخيلك
خلينا حلوين مع بعض :D :! :! :!
اذيوس:! :D
#aNiMaNiA#
30-03-2002, 09:28 PM
فتى.كوم: شكرا على إطراءك الجميل
ريم: ليه خايفة ؟
#aNiMaNiA#
30-03-2002, 09:33 PM
أوبس! نسيت حاجة مهمة:
استا لافيستا:D
&ريم المنتدى&
30-03-2002, 10:32 PM
ههههههانا اخاف ":" و ليش اخاف ":"

بعدين كانك مقلدني في شي :أفكر: استا لافيسا:أفكر: ليش كذا تدخل غلط:أفكر:

اهم شي مو زي حقتي:0)

اذيوس :0) :D
*حلى*
31-03-2002, 12:36 AM
رااااااااااااااائعه
واااااااااااو
مرهحلوه
شكرا خيالك جدا واسع:D
اذيوس:D
استالافيستا:D
أسير الجرح
31-03-2002, 01:37 AM
اهم حاجة
لازم تدخل العنصر النسائي
عشا ن يكثر المتابعين
تدري عرب يحبون هذا الشئ":"
who's thaaaaaat
31-03-2002, 06:17 AM
وااااااااااااااااااااااو:D
حلوووووووووووه مره
بس للاسف :" ما احد اعطاني فيها دور ولو
دور ثنائي:":
#aNiMaNiA#
31-03-2002, 01:12 PM
حلى::#
أسير الجرح:أفكر :أفكر:
ريم: خليك في أذيوس حقك:D
أستا لافيستا
:D
golden_sky
31-03-2002, 02:09 PM
السلام عليكم :

القصة خطيرة وأكثر من رائعة بس ....
النهاية - واسمح لي - مو قد كده يعني النهاية هي الي خبصتها
لو كان اتاخرت كمان في نشرها كان ممكن تكون النهاية احسن من كده

وانا ترى ما كتبت هذا الكلام بس كده ..

<<=== عنده قاعدة ( اي قصة تكون نهايتها حلم هذا يعني ان فيه افتراضين : 1 ) يا أن المؤلف وصل بقصته القمة بس صُعُب عليه اخراج ابطال القصة من المأزق فقام وخل كل شيء حلم .
2 ) يا أن المؤلف استعجل فقام ( انشل تفكيره ) فضيع كل الي انجزه باستعجاله )


رغم كل شيء (althougt) القصة أكثر من رائعة كبداية وانشاء الله تكون ( صراعي مع الياكوزا ) احلى منها بكثير وانشاء الله ما تكون نهايتها (حلم )


ولو تبغى الصراحة هذي القصة ( وكبداية ) أحلى من قصص نبيل فاروق الاجزاء الاخيرة وربي


التقييم النهائي :
خطيييييييييييرة لولا نهايتها



السماء الذهبية



http://absoluteconan.virtualave.net/images/aclogo_left.gif
*حلى*
31-03-2002, 02:20 PM
امممممممممممممممم
اقولكم شئ :#
انا مع السماء الدهبيه
نفس الكلام كان في بالي
بس ماحبيت اكتبه عشان لايقول وسوس عني اني من الي يحبطوه?:
بس والله والله قصه مره رائعه
وخيال جدا واسع
لكن نهايتها كنت اتمناها شئ اروع زي باقي القصه:-)
#aNiMaNiA#
31-03-2002, 02:34 PM
لعلمكم أنا من البداية معتبرها حلم
لأنه بالعقل ناس يسووا البلاوي هذي كلها أمريكا تسيبهم في حالها؟
وإنتي يا حلى (مع الخيل يا شقرا)
على العموم إللي منكم يعرف يألف يورينا شطارته
أستا لافيستا
*حلى*
31-03-2002, 02:40 PM
لالالالالالالالالا
انا موقصدي شئ لاتقول اني باهبط معنوياتك:!
وايش مع الخيل ياشقرا دي:غضب:
قلنالك والله حلووووووووووووووووه
بس ........... ولا بلاش:0)
وليش تتحدانا نكتب زيها انا الصراحه مااقدر لانو خيالك مره رهيب
وانا مو كدا بالمره:cool: هههههههههههه
بس موشرط انها حلم عشان احداثها زي ماقلت بس حسبتها خياليه يعني:":
زهرة الجوري
31-03-2002, 02:50 PM
.هههههههههههههههههاي تجننننننننننننننننن قصة راااااااااااااائعه خيالك واسع وخصب تسلم على القصة الحلوة الي الفتها ولاتنسانا من قصصك








:# ;-)
#aNiMaNiA#
31-03-2002, 02:59 PM
وايش مع الخيل ياشقرا دي
أقولك:
يعني....ولا بلاش

وليش تتحدانا نكتب زيها انا الصراحه مااقدر لانو خيالك مره رهيب
أنا ما قصدتك أنا قاصد واحد عارف نفسه هو راس البلا
أستا لافيستا:D
*حلى*
31-03-2002, 03:01 PM
احسببببببب:# :#
*حلى*
31-03-2002, 03:03 PM
احسببببببب:# :#



لالالا وايش مع الخيل يا شقرا دي برضوا مره تانيه:غضب:
#aNiMaNiA#
31-03-2002, 03:06 PM
يعني أي شي يقولوه الناس إنتي معاهم على طول
فهمتي؟
أستا لافيستا:D
زهرة الجوري
31-03-2002, 03:07 PM
:غضب: :" :!









ولا كأني موجودة
*حلى*
31-03-2002, 03:08 PM
:غضب: :غضب: :غضب: :غضب: :غضب:
انا كدا:غضب:


الله يسامحك:(
خلاص مابعطيك رائي ابدا:(
هدا جزائي لاني مو على طول قلت الي مو عاجبني:(
#aNiMaNiA#
31-03-2002, 03:10 PM
لازم تكون لك شخصية
شوفي أختك ماشاء الله كيف
أستا لافيستا:D
زهرة الجوري
31-03-2002, 03:13 PM
مع اني شايفة العكس انت عبرت الي ذموا موضوعك والي شكروك طنشتهم :"
*حلى*
31-03-2002, 03:16 PM
الرسالة الأصلية كتبت بواسطة wsws
لازم تكون لك شخصية
شوفي أختك ماشاء الله كيف
أستا لافيستا:D

ايش الي لازم تكون لك شخصيه:غضب: :غضب:
عشان راعيت مشاعرك يعني:غضب:

ماادري ليش العرب مايتقبلو النقد
لازم تكون روحك رياضيه;)
#aNiMaNiA#
31-03-2002, 03:33 PM
تراكم ياجماعة فهمتوني غلط
أنا لمن قلت يازهرة إنه عندك شخصية مو قصدي على هذا الموضوع بس
بل على جميع مشاركاتك
وإنت يا حلى لو كنتي قلتي رأيك من أول والله كنت أتقبلته زي جولدن سكاي
لكن تمدحي بعدين تغيري رأيك هذا يعني إنه في غيرك مسوي نفس الحركة هذي كأنكم تاخذوني على قج عقلي وتقولوا(يالله من هذا النشبة مسوي فيها مؤلف)
صح كلامي ولا لأ؟
أستا لافيستا
#aNiMaNiA#
31-03-2002, 03:35 PM
مع اني شايفة العكس انت عبرت الي ذموا موضوعك والي شكروك طنشتهم
معليش يازهرة بس أختك هذي الله يهديها هي خلتني ما أنتبه لأي رد غير ردها
أستا لافيستا
*حلى*
31-03-2002, 03:38 PM
لاحول ولاقوه الا بالله
انا اول قلت القصه حلوه ماقلت النهايه
وبعدين المره التانيه ماقلت انهامو حلوه:غضب:
ايش فيك انت:!
وايش الي ناخدك على قد عقلك
الله يهديك بس:(
#aNiMaNiA#
31-03-2002, 03:43 PM
الصراحة هذا إللي إتضح لي للأسف
*حلى*
31-03-2002, 03:54 PM
الرسالة الأصلية كتبت بواسطة wsws
الصراحة هذا إللي إتضح لي للأسف

يعني انت كمان لازم تكون واثق من نفسك وتكون عندك شخصيه;-)
"المشاغب"
31-03-2002, 04:21 PM
الحمدلله واثق من نفسي وشخصيتي عن 100 رجال ":"
#aNiMaNiA#
31-03-2002, 04:53 PM
خلاص أنهي الموضوع
وأنا آسف إذا كنت زعلتك
أستا لافيستا
"المشاغب"
31-03-2002, 04:57 PM
خلاص سامحتك .... لا تصيح ":"
#aNiMaNiA#
31-03-2002, 04:58 PM
خير يابو الشباب
حد كلمك ولا عبرك أصلا؟
"المشاغب"
31-03-2002, 05:03 PM
إسأل نفسك تكلم منو ":"
#aNiMaNiA#
31-03-2002, 05:14 PM
شايفني من أول قاعد أكلم مين؟
"المشاغب"
31-03-2002, 05:15 PM
نعيب زماننا والعيب فينا ......... وما لزماننا عيب سوانا
#aNiMaNiA#
31-03-2002, 05:19 PM
وإذا أتتني المذمة من ناقص...............فتلك الشهادة بأني كامل
"المشاغب"
31-03-2002, 05:22 PM
كفى يا نفس ما كانا .......... كفاك هوى وعصيانا ":"
كفاك ففي الحشا صوت ......... من الإشفاق نادانا ":"
روائد555
31-03-2002, 07:43 PM
يا هووووووووووووو يا وس
ايش القصص الرهيبه ذى بس انا عاتب عليك
كده تخلينى نذل فى القصه
حرام عليك انا غير كده خالص:D
وانت عارف
صح