المساعد الشخصي الرقمي

مشاهدة النسخة كاملة : نقاش الرسامين الأغلفة الأمريكية, أم الأغلفة اليابانية؟


Rewayah
06-04-2002, 01:12 PM
أود أن أعرف آراءكم بخصوص هذا النقطة؟
لاحظنا دائماً في عالم الألعاب "خصوصاً أيام الماستر سيستيم والميجادرايف "الجينيسيز" والفاميكوم "النينتاندو" والسوبر فاميكوم "السوبر نينتاندو" والبي سي إنجين "التيربو جرافيكس 16" أن الأغلفة الأمريكية/الأوروبية لكثير من الألعاب تم إستبدالها بأغلفة أخرى مختلفة عن نظيرتها اليابانية.

هنا أضع لعبة "Shinin Force" كعينة أو مثال لغلاف تم إستبداله.
لن أبدي برأيي حتى أسمع آراءكم الشخصية! :)
خوفاً من أن يتأثر أحدكم برأيي ولا يقول رأيه الأول! :)

بالمناسبة,وضعت هذا التصويت هنا في منتدانا لأن أغلبكم هنا فنانين ومحترفين ومبدعين, وترون الأمور من منظور فني.

الغلاف الياباني:
Rewayah
06-04-2002, 01:19 PM
والغلاف الأميريكي/الأوروبي:
shaheen
06-04-2002, 02:01 PM
طبعا الأغلفة اليابانية... بلا شك!

فالأمريكان يرسمون بشكل واقعي وذات حركات لاتميل الى الاثارة والابداع

رغم انهم الان بدأوا يحترفون طرقا جديدة للأغلفة والاعلانات قد تكون ناجحة في بعض الأحيان لكن اليابانيون هم الاكثر احترافا في هذا المجال بدون منازع!
orange road
06-04-2002, 06:37 PM
اجوف ان الاثنين عادي عندي.. :)

عموما الحين ما عاد في اختلاف كبير في الرسم خصوصا ان الصورة تكون مأخوذة من شخصيات اللعبة واللي يكونون في الاغلبية مرسومين بالكومبيوتر..

بس صراحة.. اذا ما خذنا على الرسم (للسبب اللي قلته) وقلت عن التصميم.. فانا اجوف ان الاغلفة الاوروبية احلى (عندي غلاف codde veronica و devil may cry احلى من الياباني)

بالنسبة للغلافين اللي عرضتم رواية..
احم احم.. للأسف ان الامريكي عجبني :"

احسها خيانة :(
Rewayah
06-04-2002, 06:41 PM
أوافقك الرأي شاهين! :)
أنا موتي وحياتي الأغلفة اليابانية! :)
بس المصيبة أنهم أييون مع النسخة اليابانية اللي ما أفهمها بس... :(
قصّة: شيء طبيعي!! DAHH :D

بس فعلاً! مرات الأمريكان يكونون موفقين في إختيار الغلاف "مؤخراً بس".. :)

لو تلاحظ في غلاف لعبة شاينينج فورس هذه "اليابانية" نشاهد أهم الشخصيات, البطل ماكس وربعة أعضاء الشاينينج فورس, في وقفات درامية "هجومية". وفوق في الخلفية الحمراء الأشرار الزعماء الثلاث الرئيسيين! :)
وهذا يعطي طابع جمالي ووزن وعمق في اللعبة... "Epic"... اللي يشوف الغلاف يحس بما في داخل اللعبة! وتعطيه فكرة! :)

بينما الغلاف الأمريكي, مجرد البطل ماكس, ماعطنا ظهرة "الرسام الأمريكي ما يعرف كيف يرسم وجهه!! أراهنك! :D كخخخخ". وقاعد يضرب ثنينه من الحرامية "هياكل" وبس!!
قصّة: معاك حق رواية! ولا ليش باقي الألعاب الأمريكية ((دايماً)) نشوف وجوه الأبطال! إشمعنا يعني ألحين بس ما يراوينا وجهه! :D
رواية: وإش دراني! :)
بس لاحظ الهياكل شاهين!! :)
اللعبة فيها شخصيات حرامية كثيرة - وايد بالهبل - ! مثل "دارك سول" الكلب! :غضب:
اللي على الغلاف الياباني! :)
وربعة رؤساء وزعماء!
أشحقة حاطين لنا هيكلين هزيلين مالهم دور يطلعون من أول اللعبة ويموتون بسهولة؟! :)
فكرة تنفيذ الغلاف كانت غير مدروسة!! :أفكر:
ولا هذا يعني غلاف بيخلي الناس يشترون؟؟؟ ?:

المهم! وشكراً شاهين على المشاركة!! :)
Rewayah
06-04-2002, 06:48 PM
لا عادي أورانج رود! :)

ذوقتش جميل وأنا أثق فيه! :)
إنتي أخترتيه لأنه لتش أكيد نظرة معينة فنية! :)
أنا معاتش أنه الغلاف الأمريكي في نسبة من الجمال!!
يعجبني قصر "جارديانا" اللي في الأفق! :)
بس لو الواحد كان عنده خلفية عن القصة والشخصيات, كان بيحب الغلاف الياباني! :)
لأنه وايد معبر! :)

بس على العموم شكراً لمشاركتش! :)
orange road
06-04-2002, 07:11 PM
هو طريقة التلوين عجبتني..
والخلفية بعد..

وتعرف اعتقد لانك لعبت اللعبة فتعرف اذا الغلاف يعبر بقوة عن اللعبة والا لا..
لكن لاني ما لعبته فما اعرف عنه اي شي :)
Rex
06-04-2002, 09:42 PM
من زمان أنا اشوف أغلفة الألعاب اليابانيه أحلى بكثير‍‍‍‍‍‍ ... كثير جدا...
مش بس في سيجا‍‍... حتى في كمبيوتر(صخر) وكذلك لعبة الفاميلي ...

أما حاليا الأمر صار متقلب ...
مره أحسن الياباني ومره العكس ...

:)
wildkitty
07-04-2002, 02:40 PM
طبعا طبعا الاغلفه اليابانيه احلى من الانجليزيه
:cool: :cool:
alucardracula
09-04-2002, 06:27 AM
الرسالة الأصلية كتبت بواسطة REFLEX
من زمان أنا اشوف أغلفة الألعاب اليابانيه أحلى بكثير‍‍‍‍‍‍ ... كثير جدا...
مش بس في سيجا‍‍... حتى في كمبيوتر(صخر) وكذلك لعبة الفاميلي ...

أما حاليا الأمر صار متقلب ...
مره أحسن الياباني ومره العكس ...

:)
السلام
واو ريفليكس:واو: أنت كنت لعبت صخر يعني زي حالاتي لأن قلة من تابعو الألعاب من هذه الفترة مع أنها من أفضل الفترات ....:-) على فكرة لعبت كاسل فينيا الي في صخر :D كان أسمه فامباير كيلر :D ما عليش تحملوني كاسل فينيا دايم على بالي;)

شوف حبيبي رواية أهم شي عندي كاسل فينيا بما أن الغلاف الياباني فيه صورة ألوكارد حبيب قلبي و الأمريكي عارضين صورة القصر ويش أسوي في القصر أهم شي ألوكارد أنا أخذت الياباني أول ما شفته لأن فيه صورة ألوكارد القمر;) خلاص يعني الياباني أفضل (في حالتي) و لما تجي عموما ما أنكر الآن قامو يعرضو أغلفة أمريكية كويسة بس الذوق أحيانا يجي معاهم و يبدعو بس اليابانيين الذوق دايم معاهم يجي أنا أصلا اذا شفت على الغلاف حرف ياباني أحس أن الغلاف مؤهل و يستاهل يتطالع ......بس ما راح أكذب عليك في حالة شايننج ما أنكر معزة الغلاف الأمريكي على قلبي لأن ما شفت الياباني في ذيك الوقت بس حس الأنيمي في الياباني و حركات الشخصيات روعة بس مثل ما قلت لك اذا شفت صورة ماكس يدق قلبي مثل ما كان يدق اول ما شفته في السيجا و المعزة غير عن الذوق اوكيه ان شاء الله فهمتوني:)
بالتوفيق
Rewayah
09-04-2002, 11:51 AM
أنا معاك الوكاردراكولا! :)
غلاف النسخة اليابانية من كاسيل فينيا كان أروع لوجود الشخصية الرئيسية عليه! الوكارد! :)
والنسخة الأمريكية قمة في الغرابة! :أفكر:
يحضك! أنت لحقت وخذت نسختك اليابانية من اللعبة! :)
أما أنا ففاتتني... كنت دايماً أتمناها... :"

حتى أسمها أشوفه أروع من الأمريكية! :(
اليابانية كان أسمها: Nicotrine in the Moonlight! :"
أما الأمريكية: Symphony of the Night! نسبياً حلو... :أفكر:

إهه إهه... :(

أنا بعد لعبت الأجهزة القديمة يا ريفليكس! :)
نحنا عرفنا الألعاب من أيام جهاز ألعاب لونه أبيض قبل الأتاري!!
ولعبنا بالأتاري والصخر MSX والكمودور 64 والفاميلي والماستر سيستيم!!! :)
أحلى ألعاب لعبتها على الصخر كانت Wiz - Load Runner - Dracula I&II - Castle I&II - The Goonies -
Maze of the Golious - Metal Gear I&II - Kings Valley والعديد نسيتهم!! :)

حد يعرف هالألعاب على الكومودور 64؟
The Castle of Doctor Creep - Pagamarama - Chuckie Egg I&II - Cauldron I&II - Friday the 13th وبعد ناسي! :)

والله أيام! أستمتعت أكثر من ألحين!! :)
لعبة كلها قصص! :أفكر:
ولعبة كلها مشاهدات! :(
ولعبة كلها إنبهارات! "فاينال فانتاسي 10 على غفلة" :"

بس تدرون أكثر لعبة قلبتني رأساً على عقب؟ :D
فالكوري بروفايل! ":"

بسني هذره! حياكم! :)
orange road
09-04-2002, 12:27 PM
معاك حق رواية..
والله اتذكر احلى الالعاب اللي لعبتها على الصخر وهي the castle و king valley وغير العاب القتال اللي كانت بسيطة في ذاك الوقت بس كنا نتحمس لها مثل kong fu الجزئين وخصوصا الثاني..

والفاميلي.. كنت اموت على العابه ....

بس ما انكر اني مستمتعة بالاجهزة الحديثة.. واحب العابها ..
لكن احيانا احن للقديم فاركب السيجا ميجا درايف او الصخر والعب.. :D

street of rags من فترة مخلصتها للمرة المليون..
alucardracula
11-04-2002, 07:34 AM
السلام عليكم
والله ما توقعت كده في ناس لعبو العاب زمان (أيام أبيض و أسود:D ) صارت كلاسيكية هالألعاب على فكرة يا رواية أنا تره ما أسمح لك كل شي ولا كاسل فينيا تره اثنينهم أسماءهم حلوة الياباني و الأمريكي سالفة الغلاف غير بس الأسم داخل مزاجي:D أمزح معاك حبيبي لا تزعل بس عن جد CASTLEVANIA SYMPHONY OF THE NIGHT حلوة بس الياباني Dracula X: Nocturne in the Moonlight لها طعم و معزة خاصة على قلبي أرجوكم خلاص أنا لو قعدت أتكلم عن هاللعبة ما راح أسكت:": قلبي:" أموت في شي اسمه كاسل فينيا بس خلاص راح أسكت (اذا قدرت);)
تدري يا رواية أنك لما طريت ذا ميز اوف جاليوس ويش سويت فيني أكيد ما تدري هذي اللعبة الى الآن أعتبرها من أفضل ما لعبت و أعتبرها بعد كاسل فينيا أيام أبيض و أسود (كمبيوتر صخر) أفضل شي يعني على هذيك الأيام و في لعبة متعمقة كده والله أن كونامي استلمتني صارت ألعابها عزيزة عليّ و لا عاد النيمسيس 1و2و3 أو السلمندر (الأنيمي حقه وونتد باي مي) أوف ميتل جير صدق أيام
و أورانج رود تدري ويش سويتي فيني لما طريتي ستريتس أوف ريج ذكرتيني أيام أخوتي لما كانو يلعبو ويايّ (الحين اعتزلو) أنا طبعا لا كما أنني أصغر واحد فيهم يعني محافظ على التقاليد أكثر الله يهديهم أحد يترك الألعاب على الأقل لها طعم حلو ينسيك المرارات الي في عالمنا العربي (اف دخلنا في السياسة:واو: ):D المهم أنها أيام و راحت وولّت و لكن لن أجرؤ على نسيانها ما كان في هموم عندي:"
بس خلاص أنا قاعد أحكي قصة حياتي كأن في أحد يهتم:D
بالتوفيق يا جماعة
Rewayah
11-04-2002, 09:44 AM
أوراج رود!

لعبتي جزئي Yae Ar Kong Fu I&II ما شاء الله! :!
عيني عليتش بارده!! :p
ولا ستريت أوف ريج "بير ناكل"!! عاد هذه ذكرياتها ذكريات!! :"
الجزء الأول والثاني والثالث! كلهم حلوات! :)


الرسالة الأصلية كتبت بواسطة alucardracula
بس خلاص أنا قاعد أحكي قصة حياتي كأن في أحد يهتم:D

ولا لا لا!! ليش ما أحد بيهتم! :p
بالعكس يا الوكارد! ردودكم جميلة وممتعة وصديقة! :)

أنا أصلاً موتي وحياتي الردود الطويلة! :o
شكراً على الوقت اللي تبذله في كتابتها! :)
أتعبناك معانا! ;-)

ميز أوف ذا جاليوس... ذكرى جميلة ورحلة عجيبة من كونامي مع أبولو وأفروديت! :)
هل كان أسم البطل أبولو؟ أشك... :أفكر:
خلود, لا تفرطين في كمبيوتر صخر مالتش! :)
لأنه شيء نادر! :)
أنا فرطت في مالي وضيعته! :" إهئ إهئ إهئ... ...
dr_jaw3an
12-04-2002, 12:06 AM
يعني مرررررررررررررررره باين انه الياباني لانهم اصلا هم الي صنعوا الاعاب
alucardracula
12-04-2002, 09:02 AM
السلام عليكم
شكرا أخويي رواية و مثل ما قلت لك أنت دائما ردودك تدل على ذوقك الجميل و الأخلاق العالية
و على فكرة أسم البطل بوبولون:D
و أتمنى من كونامي أنها تعيد لنا هاللعبة مثل ما عادت ميتل جير و نجح ...على فكرة ليش ما تلعبو ألعاب صخر عن طريق الكمبيوتر(البي سي)و حتى ألعاب السيجا و كل الألعاب لأن أنا ألعب ألعاب زمان كده لأن و للأسف تاجرت بالأجهزة القديمة و لما اخذت لي بي سي استخدمت برامج الأميوليتر والله أنا استمتعت بالألعاب القديمة في الكمبيوتر أكثر من العاب الكمبيوتر و ألعاب الحين و على العموم هي فكرة و حبيت أساعد و يمكن في ناس يتمنو يشوفو الألعاب القديمة و يمكن في ناس يحنو و ما عندهم السيجا أو النينتندو و غيرهم و الي يبي المواقع الي تنزل الألعاب و البرامج أنا حاضر.
و السلام