المساعد الشخصي الرقمي

مشاهدة النسخة كاملة : المرحلة الجامعية معانات طالب بجامعه الملك فهد للبترول ..


ODIN
12-04-2002, 06:02 PM
وجدنا اليوم بعد صلاة الجمعه هذه الورقه مرميه بالارض .. وهي تعبر عن معانات طلاب جامعه الملك فهد ..

يتكلم الطالب عن صعوبة الاسئله بالاختبارات . ويصف بأنه هو وباقي زملاءه يجتهدون ويفهمون الماده جيدا .. واذا بهم يتفاجأون بهذه الاسئله في نهاية العام ..


الذي اريد ان اعرفه .. هل صحيح ما كتبه هذا الطالب ؟!


انظورا الى الصورة التي التقطتها للورقة ..
ODIN
12-04-2002, 06:08 PM
هذه تكملة الموضوع .
Gladieator
21-04-2002, 07:47 AM
هلا والله أخوي ODIN ...

الجامعة وماأدراك مالجامعة :) أنت الحين أثرت الشجون في نفسي :(

أنا معاه في كل كلمه قالها , ومو بس جامعة البترول حتى جامعتنا ( الملك فيصل ) يابن الحلال خلها على ربك وش تقول وش تخلي ...

الدكتور إذا حطك براسه إنسى تعدي الكورس لو تموت وتفحط مكانك ;) وفيه عندك بعض الدكاتره الله يهديهم مرضى نفسيين يحطون حرتهم فينا وإذا فتحت فمك تشتكي تنقلب السالفة عليك وتصير أنت الظالم وأنت الغلطان ..

يالله :) كلها هالسنة ونفتك من وجيهم ونتخرج ...والمستقبل لكم أنتم جيل المستقبل , الله يعينكم والله إنكم كاسرين خاطري ...;)


تحياتي لك أخوي وسامحني على طول الكلام , بس شسوي ماقدرت أمسك نفسي أنت حطيت يدك على الجرح ...


.....
ســنــاب
24-04-2002, 04:15 PM
بحكم معرفتي بالبترول فهي السنة التحضيرية هي الي تروع

علما اني بكلية الأمير سلطان الأهلية بالرياض والمشرفين على
السنة التحضيرية هم من جامعة الملك فهد للبترول والكتب غلافها للكلية ومن داخل
مكتوب البترول

يعني مناهجنا زي مناهجهم والفرق انهم متنقين افضل المدرسين الأجانب في كلية الأمير سلطان
والي مش حالك يطرد

والمعروف ان واجدين يرجعون من البترول لصعوبتها وماننسا الغربة(انا اتكلم عن الي برا الشرقية)

بعظهم يجون عندنا يحسون الدعوة فيها دف ما يدرون ان غالبية المدرسين يعني تقريبا 95% من
المدرسين امريكان وبريطانية ماعندهم دف


وياكثر الي يدخلون كلية الامير سلطان ومايكملونها من الصعوبة خاصة التحضيرية


وهالكلام ينطبق على الأجانب من لبنان وسوريا وغيرهم مايكمل من الصعوبة الزايدة
والي يجيب فوق التسعين بالثانوي شف كيف ينجح بالكلية ويعدي فيها!!
واكد3000
24-04-2002, 05:53 PM
هل هذا الكلام صحيح ؟؟

نعم ..
كوني أحد طلاب جامعة البترول !!
السبب ..

من خلال حديثي المستمر للأساتذة و الدكاترة الموجودين في الجامعة ..
تقدر تقول أن السبب هو نظام الدرجات في الجامعة .. و هو نظام المعدل avrage
((شرح للي ما يعرفوا هالنظام ))
هذا النظام لا يعتمد المقاييس المتعارف عليها منذ الدراسة أي
100 - 95 A+
95 - 90 A
90 -85 B+
... إلخ ..

لا يا حبيبي .. هذا مو النظام الي عندنا ..
نظام المعدل يعتمد على مجموع درجات الطلاب في الشعبة تقسيم عددهم .. فهذا يعطي متوسط درجات الطلاب ..
و من هذا يبدأ توزيع الدرجات النهائية ..
يعني على فرض أن المعدل طلع 45 من 100
و أنت جايب 80 .. تطلع ب A+
جايب 45 .. تطلع ب C
و هكذا ..

أيش دخل هذا في موضوع الأسئلة ؟؟
تطلع أوامر من رئيس القسم لمدرسين المادة أن معدل الطلاب لا زم ما يتعدى الرقم الفلاني .. و لا يزيد عن الرقم الفلاني ..
فلذا يحطوا أسئلة صعبة .. علشان يطلع المعدل منخفض شوي ..
و في حال طلعت درجات الطلاب ناقصة و المعدل منخفض اكثر من الازم ..
فيضطر الدكتور لزيادة درجات الطلاب ..
lina
25-04-2002, 11:26 AM
يا حــــــــــــــــــــــــــــــــــــــــــــــــــــرام:(
ســنــاب
25-04-2002, 04:39 PM
رئيس المنتدي
خذ اقل درجه وضمن الوظيفه اذا كانك خايف من المستقبل وخبرك


اخوي حنى نتكلم عن صعوبة النجاح!

:أفكر:
عبير الورد
08-05-2002, 12:34 AM
صراحه الله يعينكم ويعين الجميع ..
و هالشي ما اظن في جامعة البترول بس.. اظن ان هالشي موجود بكل الجامعات ..
انا ادرس بجامعه قطر .. و عندنا بعض الدكاترة اللي يتبعون هالاسلوب و اظن انهم يفخرون فيه .. اذا شافو الطالب او الطالبة متوهقين مع انه طالب شاطر و دارس يفرحون .... و الاسئلة التعجيزية عندهم متعه و اذا سألت او احتجيت يقول الدكتور ان اختبار لمعرفة المهارات و انها اسئلة ذكاء باختصار يعلمك انك طالب ( غبي)!!!!!!!!او على طول تلاقي اسمك معلق باحدى ممرات الجامعه ( مطلوبة /مطلوب في مكتب العميد ) ؟؟؟؟
ندري انه ظلم لكن هذا شي واقع ..

الحمدلله انا عديت هالمرحلة و تخرجي بعد شهر .. لكن والله دعواتي لكل طالب يمر بمثل هالحالة و انشالله موفقين ...
المعيد
15-05-2002, 11:13 PM
نعم وبكل صراحة نعم هذه المشكلة وهي اننا لا نضع اللوم على انفسنا صحيح..................ان جامعة الملك فهد للبتررول والمعادن تضع اسئلة صعبةولكن المقصد هو تبيين المجتهد والمذاكر مذاكرة جادة من الراقد واللعاب........ياناس كفو عن الصاق التهم بغيركم وكونو اكثر مصداقية مع انفسكم...............في واقع الأمر جامعة الملك فهد تبحث عن من يبحث عن الكتاب من يراجع اخطائه من يقيم الوقت............هذا وما في نفسي اكثر.
addola
20-05-2002, 01:16 AM
www.jameat.com

الاهتمام بالطلاب معدوم ...

السكن معدوم ...

المدرسين شرح الله يخلف وأسئلة صعبة ...


يجتمع عليك أختبار وتسليم مشروع وواجب في يوم واحد ...

تعطى واجبات و كويزات حتى آخر أسبوع ...

ملاحظة :

بالرغم من أن هذا الأسبوع هو الأخير ...
وبالرغم من أن قوانين الجامعة اللي أسمع عنها تقول أنه لا اختبارات في آخر أسبوع من الدراسة ...

أخذنا الاختبار الرابع من أحد المواد ...


أما بالنسبة لكلام الأخ "المعيد" :

يا حبيبي كان هناك صالات خاصة لمذاكرة الطلاب study hall بأي حق يشيلونها ويستبدلونها بمكاتب .. وحتى الطلاب ما أحد شاورهم وأخذ رأيهم


فهل يوجد من يهتم بالطلاب ؟؟؟؟؟؟؟؟ :غضب: :غضب:
Grandia
18-06-2002, 07:26 PM
والله ما ادري اذا دراسة البترول اللي عندنا نفس اللي في السعويه ؟؟
واكد3000
18-06-2002, 08:14 PM
الرسالة الأصلية كتبت بواسطة جـرانديا
والله ما ادري اذا دراسة البترول اللي عندنا نفس اللي في السعويه ؟؟

هي صحيح الجامعة أسمها جامعة البترول .. بس سنويا ما يدخل هالقسم (قسم هندسة البترول) إلا عشرين طالب كحد أقصى ..
الجامعة تحتوي على عدة تخصصات .. :)
جيم سنتر
09-07-2002, 07:31 AM
يا شباب ... جامعة الملك فهد للبترول والمعادن جامعة للمتميزين فقط .. وهذا كاتبينه في موقعهم انها تبي تقبل طلاب متميزين وما كتبو ذي الكلمة الا لقصد الا وهو الي تتكلمون عنه ... يعني انا اعرف ناس تخرجو منها ومستقبلهم يبهر مشالله .. يعني يبغالها واحد شاطر خلقه وراثي او ذكاء عالي ...

اما تلقالي واحد نسبتة 80 وجايب واسطه وداخلها ويقول ليه صعبة ... الي ما يشوف بنفسه القدره لا يبلش عمره ... واصعب كلية هي البترول .. ونادر الي يكملون الي الاخير .. نادر جدا .. :)



وحياكم الله .. :)
Naif I
23-07-2002, 04:23 AM
والله الجامعه تخوف بس خلوها على ربكم بالنسبه لاخوي

واكد3000 ليه الغلط ابشرك السنه الدفعه 24 طالب يعني ماهوب زي العاده
فوكاس
03-08-2009, 12:03 PM
افيدوني ياشباب جزاكم الله خير انا طالب تخرجت من الثانوية وقبلت في جامعة البترول السنة التحضيرية وقبلت في جامعة الملك فيصل كلية الهندسة وش اختار
حمد 333
02-09-2009, 07:30 PM
فوكاس .. بكل الحالتين أنت منكرف

إذا أنت مستعد كررف يومياً هوموركس ماث وإنقلش وفزكس خمسين سؤال لكل كورس بالأسبوع وتقعد الويك إند تحل وتذاكر وتعصر مخك .. فـ البترول أنسب لك

أما إذا أنت مستعد تكررف بمشاريع الديزاين حقت الهندســه وتقعد الويك إند إلى الفجر تسوي مشاريعك .. فـ فيصل أنسب لك

بس أنتبه .. البترول قابلين 3000 طالب بالأورينتيشن ، ماراح يصير فريشمان منهم إلا 700 تخيييل؟؟؟!
طيب والباقي وش يسوون ؟؟ الله العالم
واجد منهم يجون فيصل هندسه .. بس بعد ما ضاعت منهم سنه وكآنو أفضل ناس انقبلوا في البترول .. شفت كيف التحطيم؟
يعني تلااقي بكلااس بجامعة الملك فيصل السنه التحضيريه طلاب العماره والهندسه مع بعض
وتلااقي وااجد بالكلاس مشيوتين من البترول ؟؟ متحطمييين بقووة يعني راحت عليهم سنه وبدوا سنه تحضيريه من جديد
لا معادلة ساعات ولا شيء ،،
وجامعة الملك فيصل صحيح الإنقلش قووي ومدرسين أمريكان أحسن من البترول مدرسينهم إنجليز يحومون الكبد
بس كرررف بقووة بالديزايــن خصوصا السمستر الأول .. بتوسوس خخخخ
والدوام من 8 الصبح إلى 5 العصر ولا لك بريك إلا بعد الظهر ساعه وحده بس عشان تروح تبلع
وفلوسك كلها راايحه يا بجرير ولا الزاامل .. كل يوم رايح تجيب ألوان بوستر واليوم الثاني كارد بورد والثالث ماجيك تيب والراابع...إلخ ،،،،
وليتــه عاد المشااريع تضبط ولا تطلع حلووه .. مهما تعبت، شغلك يطلع خاايس وإن كثرت بتجيب c+
والدكتوور سعودي ما يعرف يشرح ودايم نفسه في طرف خشمه ويهزء النااس ويدخن في غرفته
ومعه مصااريه يشرحون بداله بالأستديو واحد شرحه حلوو بس يشرح وكأن فيه أحد واقف فوق رااسه ودايم معرق ومنغث مدري وش قصته والثاني كيووت يساعد الناس خصوصاً إذا جتك مشاريع الظل إإف
أنا بالسمستر الأول كنت أداووم ع المشااريع وما أتهنى بالويك إند لأن وسط الأسبووع أرجع من الدوام مكروف
ولا في وقت أسوي المشاريع .. والمشاريع كلها A3 ورق كبير ويعاملونك بطريقه التكرار يعلم الحمار
يعني تسوي المشروع الأوول وماتخلصه إلا وأنت جاايب العيد في مكتبك وأنوااع المطرسه والبربسه بالألوان .. شفت يا حلو كل اللي سويته هذا .. سوه مرتين غير اللي أنت سويته .. وكل شيء بحسابه . . يوووووووووووه نو وااااي أرجع زي قبل خخخخ
والسمستر الثااني خلاااص .. لكل شيء حد والضغط يولد الإنفجاار ،، كنت أرووح اذا بدت المحاضره الساعه وحده أوقع بعدين أضف قشاري وأسحححب سحبه ألييمه عليهم هههه ولا من شاف ولا من دري .. وأنوااع الفله والصيااعه يا بالراشد ولا مجمع الظهراان وسلملي على باسكن روبنز ههههههه والمشااريع ماكنت أسويهم بس أول أسبوعين من السمستر الثاني سويت كم مشرروح وسلمتهم بس بعدها خلااااص enough .. بس اللي فادني فعلااً الإنقلش .. مدرسينا يا حليلهم Mr. Eric و Mr. Rapheal الأول كان يشررح بالسبورة الذكيه عن طريق اللابتوب والهوموركس نسلمها له بالإنترنت في موقعه كان ونااســـه .. ورافاييل كان يقولنا قصصه في كندا وألمانيا ويسويلنا مسابقاات بالكلاس وكان دايم يبتسم ومتحمس هههه بس هنا النااس صفط أنوااع السوالف ودق الحنك مع بعض،، وماكنا نحل الهومووركس اللي كان يعطيناهم خخخخخ كان يعصب بس بعدين يقوول عادي ههههه .. بس بنفس الوقت كانوا يدرسونا تووفل ويعلمونا مبادئ وأساسيات الحل خصوصا الـ listening .. إيريك كان يجيب سبيكرز ويوزع علينا أوراق أسئلة multiple choices حوول المية سؤال والله هااتك يا سبيكر ويشغل الملف حقه في ناس يتكلمون والأسئلة مكتوبه بالورق .. وبعدين نسلمها له ومن بكرا يعلمنا كم جبنا ومين أحسن وااحد فينا.. مرره كان درسنا عن الـ Engineering models ياحليله راح لداسكو وجاب لنا كل العده اللي يشرحها لنا عن الأشكاال ووزعها علينــا .. مع الدرس كان باايخ بس استفدت واجد .. ويوم كان الدرس عن الـ Geometric terms شغلنا البروجكتر في السمارت بورد وفتح لنا القوقل إيرث على مكان الجامعه وبدأ يشرح لنا المصطلحاات والأسامي ،، ويوم كان فيــه عمااال يحفرون ويشتغلون بالدريل في المخزن وأنوااع الإزعااج .. جانا التيتشر قال يالله خذوا كتبكم وتعالوا ورااي .. سألناه ويين؟؟ قال بنروح جوفيرز لوووول بس جوفريز هذا داخل الجامعه مو برااا ^_^ والله جلسنا هنااك وكان الجوو حلوو ما بعد جت الرطوبــه.. بس ما أذكر بالضبط وش كان الدرس ههه

عمومــاً .. لا أحد يظن أن الدراسه في جامعه الملك فيصل زفت وزبااله وأن البتروول أحسن
لا والله .. إثنينهم يكرفون نفس الكررف ونفس التعب
بس لأن البتروول من زماان وهي فوق ولها سمعه مرره قويه .. وألحين جاها الوقت اللي بتطيح فيه وغيرها بيرقاا فوق زي سعود وفيصل ..

نصيحـــه .. أطلع بعثــه سو المستحيــل عشان تحصل البعثه .. سجل في بعثات خادم الحرمين ولا التعليم العالي ولا دورك واسطه ولارح وزارة التعليم العالي قلهم لو جبت قبول مشروط والـ I-20 تطلعون لي الضمان المالي وقرار الإبتعاث بس بعد ما تطلع الفيزا
بس المشكله أن أي واحد توه متخرج من الثانوي يقوول لا صعبه أطلع براا وأهلي وما أعرف أدبر روحي وكيف
ومن هـ الأسئلـــه .. بس بعدين بتفهم ليش البعثه أحســـن
أنا كنت خاايف ولا أبي مع أنه كان المجال مفتوح لي ،، وندمـــت
بس الخيره في ما أختاره الله
صدقووني يا ناااس موضوع الجامعه كله حووسه وتأكدوا أنكم بتنحاسوون
بس داايم شيكوو قوقل وأسألوا وأبحثوو ولا تنحاسووون
وأهم شيء الواحد يعرف وش يبي ..
أنا ما كان لي طمووح بإختصاار ما أبي شيء هههه ^_^
بس بعد سنه من المطررسه وأم الحواااق بالجامعه عرفت وش أبي

ودايم أستغفرووو.. نصيحــه أنحلت مشاكلي بسبب الإستغفار ومساعدة الناس ^_^
ha.style
06-09-2009, 07:06 AM
!!! ليش كل هالحقد على البترول !!!
بصراحة الصور ماطلعت لي لأن الموضوع قديم
لكن وأنا أخوكم أنا طالب في البترول سيبوكم من هالكلام كله البترول لا هي للعباقرة ولا شيئ الجامعة تشد حيلك فيها تمشيئ فيها زي الحلوين
---
فريشمان 700 !!
حرام عليك الفريشمان يفوقون الـ1200
qaqaqaz
25-09-2009, 05:30 PM
اي والله
بس (من جد وجد)
henry2004
28-11-2009, 08:48 AM
بصفتي أحد طلاب جامعة البترول:

الجامعة صراحة تبي له مجهود أكبر من أي جامعة أخرى بصفتها معتمدة اكاديمياً من منظمة الABET ( جامعة كرف مخووووووخ)
آسير حلم
15-03-2010, 12:27 AM
كح كح كح

يا اخوان الموضوع له ٨ سنوات :)