mzar3aranb
13-04-2002, 07:07 PM
...الكليجا والكوكيزززززز......
بسم الله نبدأ
في احدى البقالات ..... وعلى احد الرفوف المحليه المصديه المتخرعة , التقت
الكليجا نظيرها الكوكيز ونظرا لتغيب الرئيس كومار مدحت شاه البيزنطي , قاما
بالحديث عن الامور السياسيه والاقتصاديه و الاجتماعيه , وكان بينهما هذا الحوار
السياسي الثقافي الحضاري الذي نقلته قناة (الكمال في الهبال ) عبر مراسلها
صرقوع عن المكانه السياسيه لكل منهما فكان كالاتي :
الكليجا :
الله ياوقت مضى كيف كنا...
كان الحلا والعز والزين حنا
الله حسبي على هالزمن
وين صرنا
الكوكيز:
وش كنتي ووش صرتي
ياشيخه روحي انقلعي
وانتي دبا وماتنبلعي
يالمتحجره ماتنجرعي
الكليجا:
اقول اسكت انت احسن لك
يالمنتف يا ابو شكليت
اسود لونك ... مبعج شكلك
يالمجروب مشخبط وجهك
الكوكيز:
هاهاهاي ضحكتيني
يالعجوز وموتيني
روحي يله انتي وكرشك
روحي انقلعي لا افشك
مثلك اصلا مايتكلم
لونك محلي وشكلك معدم
والكرشه خزان مرمم
والطعم ياربي ترحم
الكليجا:
الله اكبر الله اكبر
والله ولك وجه ? تتكبر
وترز خشمك وتتمختر
يالمزبرق جعلك تشرق ( وشلون كوكيز يشرق مدري )
والاجعلك يالله تحرق
وبالشكليته تغص وتغرق
انا الاصل والاساس
انا السمعه بين الناس
يالمتلفلف بالقرطاس
جعلك تنكب وتنحاس
الكوكيز :
اقول روحي يا ام تنكه
من شاف وجهك ..عمره تركه
انتي وشكلك ياالسمكه
يا رسم الشطرنج المخطط
واللي ياكلك شكله مزنط
يغص ويصنم كنه محنط
والا برقبته مربط
شكلك طيران..والا طبول
وماياكلك الا مخبول
وش نتكلم وش نقول
وانتي شكلك زي الزول
غامق لونك مو معقول
ياي ياطعمك مش مقبول
الكليجا :
وخر تكفى لاعت تسبدي
منك وشكلك وصلت حدي
يالمنتف منتب قدي
احسن لك تتحاشا ردي
مابقي الا انت يالكسره
يالمتزكرت يالمطرسّه
انت ووجهك يالبربسّه
وجهك مايع ولا تحسه
ما تقبلك حتى البسه
كلك بلاوي وألوان
وإلا..بكيماوي شبعان
والحقايق لا ماتبان
إلا بتوالي الأزمان
يالكلاك ويالغشاش
يالمجمع يالخشاش
يادحاويس الاعشاش
من يزينك ومن يهتم؟
والله ماندري منهم
الظاهر زين ..مزبرق
والباطن شكله يفرق
يله قلي .. ويله هات
عجل وانجز لا تنشات
هات الاول واللي فات
من زينك ومن جهز؟؟
منهو عجنك ومن يخبز
هندي منجف ماينجز
وبالرسايل جب وكز
والا مكوفر بكلبه يبز
لو ينبح ... يفز وينز
ولو تنهر الكلب ..يخز
طز فيك .. وفيهم طز
وينك عن يدين الطهر
ام عزيز بعد الظهر
لامن جابت هكا البر
بعد اسم الله الرحمن
هيل فاح وريحه بان
وحرص منها ..لنا ضمان
وما اطعم منه ليا زان
ازين منك يالتعبان
انت ووجهك يالزنان
وخر واسكت يالمرعص
شكلك مقرف وانت مفغص
والا كنك خبز مربص
يالمسيكين ...ويالمرصرص
الكوكيز :
خلاص اص صجيتينا
انتي ووجهك فضحتينا
وبعلومك شردتينا
يله قولي من يبينا؟
الحين ومن يقبل فينا؟
كله منك فشليتنا
محدن يشري ولا احد يمول
والدم صار يضرب ويهول
فينا وصار يرقا ويحول
ندري انك بادي واول
وكل البرابيس ماتطول
لكن مهما كان وصار
مازال به منهو يختار
حضرتنا وبه من يحتار
بيني وبينك والقرار
للمتذوق مهما صار
والا انتم وش تقولون
يالسامعين وتقرون
من الازين وتحبون
ومنهو اللي ماتطيقون
منقول
بسم الله نبدأ
في احدى البقالات ..... وعلى احد الرفوف المحليه المصديه المتخرعة , التقت
الكليجا نظيرها الكوكيز ونظرا لتغيب الرئيس كومار مدحت شاه البيزنطي , قاما
بالحديث عن الامور السياسيه والاقتصاديه و الاجتماعيه , وكان بينهما هذا الحوار
السياسي الثقافي الحضاري الذي نقلته قناة (الكمال في الهبال ) عبر مراسلها
صرقوع عن المكانه السياسيه لكل منهما فكان كالاتي :
الكليجا :
الله ياوقت مضى كيف كنا...
كان الحلا والعز والزين حنا
الله حسبي على هالزمن
وين صرنا
الكوكيز:
وش كنتي ووش صرتي
ياشيخه روحي انقلعي
وانتي دبا وماتنبلعي
يالمتحجره ماتنجرعي
الكليجا:
اقول اسكت انت احسن لك
يالمنتف يا ابو شكليت
اسود لونك ... مبعج شكلك
يالمجروب مشخبط وجهك
الكوكيز:
هاهاهاي ضحكتيني
يالعجوز وموتيني
روحي يله انتي وكرشك
روحي انقلعي لا افشك
مثلك اصلا مايتكلم
لونك محلي وشكلك معدم
والكرشه خزان مرمم
والطعم ياربي ترحم
الكليجا:
الله اكبر الله اكبر
والله ولك وجه ? تتكبر
وترز خشمك وتتمختر
يالمزبرق جعلك تشرق ( وشلون كوكيز يشرق مدري )
والاجعلك يالله تحرق
وبالشكليته تغص وتغرق
انا الاصل والاساس
انا السمعه بين الناس
يالمتلفلف بالقرطاس
جعلك تنكب وتنحاس
الكوكيز :
اقول روحي يا ام تنكه
من شاف وجهك ..عمره تركه
انتي وشكلك ياالسمكه
يا رسم الشطرنج المخطط
واللي ياكلك شكله مزنط
يغص ويصنم كنه محنط
والا برقبته مربط
شكلك طيران..والا طبول
وماياكلك الا مخبول
وش نتكلم وش نقول
وانتي شكلك زي الزول
غامق لونك مو معقول
ياي ياطعمك مش مقبول
الكليجا :
وخر تكفى لاعت تسبدي
منك وشكلك وصلت حدي
يالمنتف منتب قدي
احسن لك تتحاشا ردي
مابقي الا انت يالكسره
يالمتزكرت يالمطرسّه
انت ووجهك يالبربسّه
وجهك مايع ولا تحسه
ما تقبلك حتى البسه
كلك بلاوي وألوان
وإلا..بكيماوي شبعان
والحقايق لا ماتبان
إلا بتوالي الأزمان
يالكلاك ويالغشاش
يالمجمع يالخشاش
يادحاويس الاعشاش
من يزينك ومن يهتم؟
والله ماندري منهم
الظاهر زين ..مزبرق
والباطن شكله يفرق
يله قلي .. ويله هات
عجل وانجز لا تنشات
هات الاول واللي فات
من زينك ومن جهز؟؟
منهو عجنك ومن يخبز
هندي منجف ماينجز
وبالرسايل جب وكز
والا مكوفر بكلبه يبز
لو ينبح ... يفز وينز
ولو تنهر الكلب ..يخز
طز فيك .. وفيهم طز
وينك عن يدين الطهر
ام عزيز بعد الظهر
لامن جابت هكا البر
بعد اسم الله الرحمن
هيل فاح وريحه بان
وحرص منها ..لنا ضمان
وما اطعم منه ليا زان
ازين منك يالتعبان
انت ووجهك يالزنان
وخر واسكت يالمرعص
شكلك مقرف وانت مفغص
والا كنك خبز مربص
يالمسيكين ...ويالمرصرص
الكوكيز :
خلاص اص صجيتينا
انتي ووجهك فضحتينا
وبعلومك شردتينا
يله قولي من يبينا؟
الحين ومن يقبل فينا؟
كله منك فشليتنا
محدن يشري ولا احد يمول
والدم صار يضرب ويهول
فينا وصار يرقا ويحول
ندري انك بادي واول
وكل البرابيس ماتطول
لكن مهما كان وصار
مازال به منهو يختار
حضرتنا وبه من يحتار
بيني وبينك والقرار
للمتذوق مهما صار
والا انتم وش تقولون
يالسامعين وتقرون
من الازين وتحبون
ومنهو اللي ماتطيقون
منقول