شباب أبغى مساعده في اختيار سيارة المستقبل

[sareeh]

المواصفات القياسية:
1- دفع خلفي
2- اقتصادية في استهلاك البنزين
3- 6 سلندر
4- يكون شكلها حلو ورياضي
5- ضمان والوكيل مميز في خدماته
6- وتكون سمعتها طيبة وما احد اشتكى من مشاكل فيها
7- تكون قطع الغيار متوفرة
8- تكون جديدة طبعاً و في حدود 77 الف ريال.
ابغى عروضكم المميزة
ولو تذكرون السعر
كاش وبالتقسيط اكون ممنون

[S7]

لومينا إل إس ,,, تنطبق عليها كل المواصفات وبأقل من 77

[sareeh]

مشكور على الرد

بس ممكن سؤال
ممكن اشتري لومينا LTZ
واسويها مثل SS و اركب لها جنوط SS ممكن يعني اعدل فيها وتصير مثل SS
.. ملاحظة : اقصد بالتعديل .... الشكل الخارجي لسيارة فقط يعني التعديل خارجي
ولك مني جزيل الشكر

[S7]

العفو:-)

أعتقد صعبة شوي

*الشبك الأمامي لـLTZ مختلف عن الـSS أقصد بالمساحة.
*الـLTZ مافيها مكان لأنوار الضباب على عكس الـSS.
*الأصطبات الخلفية للـLTZ مختلفة بشكل كبير عن الـ SS .
*الزوائد الجانبيه والخلفيه والأمامية الموجوده بهيكل الـSS مو موجودة بالـLTZ .. وصعب تركب ويكون بنفس الشكل .

وأحب أذكرك أن الومينا SS أكثر فئات الومينا صرف بنزين ...لكن قوة ماكينتها مماثلة للكابريس SS.


:cool: قلتلك الي أعرف بالنسبة للشكل الخارجي وأنشالله الشباب يساعدونك أكثر ...

[مهبل الدوريات]

اذا تبي احسن شي تاخذلك لومينا ال اس



وتحولها اس اس


لأنها اقرب بالشكل من ال تي زد



وما تخسرك كثير كلها زوايد وجناح وجنوط


ومراتب جلد



وتزويييد :0) :0) :0)




ببببباي

[S7]

صعب يقلب LS لــ SS

لأن زوائد الـ SS شكلها مختلف
اما الزوائد الي تنباع للومينا بمحلات الأكسسوار مختلفة ...

[sareeh]

مشكورين على ردودكم
المشكلة اني ما ابي 8 سلندر ابغى 6 سلندر
بس شكل SS عاجبني اكثر من LS . LTZ .. والشبك حق LTZ احلى عندي
المشكلة كل سيارة فيها شيء حلو ولو تجمع شيء على شيء تطلع سياره رهيبة المهم يعني ما لي امل والا اقدر اقرب على الاقل من شكل SS انا ما ابي مراتب SS بس شكل خارجي يعني ممكن اركب جناح و جنوط واذا فيه احد يعدل في صورة اللومينا ويورينا كيف يكون شكلها بعد التعديل من LTZ الى SS ... تعديل بسيط بحيث تكون تشبه SS لكن تبقى لها لمستها مثل الشبك الامامي يعني التعديلات بسيطة مثل جناح وجنوط بس ممكن اركب زوايد ...
سامحونا تعبتكم معي بس انا محتار وما ابي اخذ السيارة الا و تكون على كيف كيفي قلباً وقالباً...;-)

[واحد زعلان]

اقول احسن شي ...:cool:













اشتر السياره اللي تشوفه حلوه ورخيصه :D :o











طيب

[RPG_master]

في عندك اللومينا اس...يعني اس واحد:) قوتها مثل الLS قيمتها الصراحه ما اعرف كم لكن شكلها روعه مثل الSS والي يختلف عن الاس اس الجنوط لان حقتها 16 مو 17 مثل الاس اس والوجه يختلف شوووي...


على العموم الS حلوه بس اذا ما اقتنعت..


فيه اوميجا اوبل حلوه وتلقاها مستعمله بحدود السبعين الف لكن قطع الغيار نكبه ?:


وفيه عندك كامري سبورتيفو الجديده :p :p

[( الزعيم )]

اقول ....



لاتدور غير الكامري قراندي ... او سبورتيفو ......


وبس ,,

[راعي الفايبر]

خذ لك لومينا LTZ وركبلها جناح وجنوط ومقاعد جلد

وارتاح;-) ;-)

والله تطلع حركة

[sareeh]

مشكورين وما قصرتوا
بس ابغى اشوف الومينا s اللي تكلم عنها الاخRPG_master فيه احد عنده صوره لها لاني سمعت عنها ويقول لي واحد انهم وقفوها هل هذا صحيح ام لا؟

[S7]

شوف أخوي زي ماقلتلك لومينا تنطبق عليها كل المواصفات الي ذكرتها...

بالنسبة للسيارات الثانيه الي ذكروها الشباب يمكن نسو انها دفع امامي




بالنسبة للومينا S

موديل 2001 كانت دفعة وحده يعني عدد محدود حتى انه كانت بالحجز.. (طبعا انا اتكلم عن السعوديه)

اما الموديل الجديد 2002 .... سألت الوكالة قبل أسبوع قالولي بعد ثلاة اسابيع تنزل...(يعني بعد اسبوعين تقريبا)

ولله اعلم:أفكر:


;-) تحياتي

[sareeh]

مشكور
عندي صورة يمكن كان يقصدها صديق لي بالامارات يقول بتنزل لومينا سبورت بابين ولقيت في موقع صورة لومينا كوبيه هل هي موجودة بالسعودية هذي صورتها

[وولف انشتاين]

السلام عليكم ...

طيب وش رايك اخوي بالهوندا اكورد حلوة وشبابية ورهييبة

ويابانية وهذا اهم شيء فيها معروف الياباني يصبر معك

ووكيلها عادي مو زين ولا شين وسعرها معقوووووووووووووول

يعني تصل لـ 60000 ريال لا يمكن قطع الغيار شوي غالية

لكن ان شاء ما تحتاج لقطع الغيار لان اعطالها قليلة او يمكن معدومة

يعني زيت بنزين بس.......

لكن من ناحية الشكل فهي حلووووووووووووة مره وشبابية..

انصحك فيها.....
;-) وسلام..

[sareeh]

اخوي يمكن ما قريت الشروط اللي ابيها من ضمنها ان تكون
...دفع خلفي..

[sareeh]

اخوي S7 وش صار ؟ وصلت اللومينا S والا بعد وايش رايك بالكورولا
فل اوبشن
تحياتي