المساعد الشخصي الرقمي

مشاهدة النسخة كاملة : انا توني شريت جهاز دريم كاست وعندي مشكله


FF7
06-03-2001, 05:19 PM
السلام عليكم :))
شلونكم انشالله تكونون باحسن حال
انا اول مره اشارك معاكم وانشالله نستمر معا بعض
انا عندي لعبة سونيك المغامرات على جهاز الدريم كاست
وماعرف اخلص المرحله الاولي لأني كل ماخلص المرحله الاولي
اعيد نفس المرحله وممكن تعلموني شلون اخلص المرحله الاولي
ولا شنو لازم اسوي ؟؟؟
cute_boy
06-03-2001, 06:48 PM
يا هلا فيك بالمنتدي

الشريك اللي قاعد تلعب فيه هذا شريط المنوعات اللي يجي مع

الجهاز ولا انا غلطان؟؟؟
FF7
06-03-2001, 07:59 PM
ياجماعه سونيك المغامرات الاصلي
اللي اول اللعبه عند حوض السباحه !! ماعرفت اعدي المرحله الاولى
كل ماخلص المرحله يقولي فيه شي ناقس مادري يمكن لازم اجمع الفروخ الصغار كلهم واذا جذي الحل كل ماجمعهم يطلعلي واحد ناقص ؟؟؟ فممكن تساعدوني وتقولولي الحل وشكرا واتمنى تقبلوني
صديق معاكم بالمنتدى :)
2001king
06-03-2001, 08:52 PM
مرحبا بك في المنتدى .عديت الوحش الي في البدايه.
إذا كنت عند المسبح راح تشوف أبو ذيا البرتقالي يسقط من الطائره وبعدين رح قدام وراح تبدا لعبه جديده.
أي خدمه أسئل 2001king وأنت تامر ياFF7
STRIDER
07-03-2001, 05:13 PM
هلا أخوي و لا تخاف ، الحل عندي .........
يا شباب الرجال يقول لكم أنه خلص المرحة الأولى و أنقذ تيلز - اللي هو الثعلب أبو ذيلين !! - .... المهم يا أف أف 7 ، أنت اذا أنهيت المرحلة هذه ، بيرجعونك للمسبح مرة ثانية ، أنت لا تدخل مرة ثانية و تلعب في نفس المرحلة !! إرجع وراك ، و راح تشوف الفندق اللي وراك ، ادخل فيه ، و بعدين اطلع مع الباب اللي على يمينك في داخل الفندق ، راح تطلع مع الباب هذا الى شارح ، روح شوي قدام و راح تلقى مبنى على يسارك ، اطلع الدرج اللي عنده و ادخل فيه .........
المكان اللي أنت فيه الحين هو محطة قطار اللي راح يوصلك الى - ميستيك ريونز - و هي منطقة بتقابل فيها تيلز و تقاتل كيوس مرة ثانية ، و بعدين تروح و تاخذ الحجر الأخضر من عند بيت تيلز - الثعلب بو ذيلين !! - و حط الحجر في مكان مخصص له قريب من البركة اللي عندها الشلال ، المكان هذا بتلقى عنده واحد واقف أدخل حتى توصل الى الحفرة اللي يطلع منها الهواء ، و حط الحجر اللي عندك في المربع الحجري اللي على الأرض عندها ........و بعدين خش بالحفرة !!...........و العب المرحلة الثانية ......تعبت !! ....... أي خدمة ..........
FF7
07-03-2001, 07:31 PM
مشكوور حبيبي ويعطيك العافيه وانت اللي فاهمني :)
واناالحين بجرب الطريقه اللي قلتلي عليها بس انا ادور
الشريط سونيك مالقيته :( حظي تعيس بس انشالله بلقاه
وشكرا لك مره اخرى واشكر اللي ساعدوني بس مافهموني مثلك
ومع السلامه اشوفكم على خير وانا انشالله بتواصل معاكم بهالمنتدى الحلو /:)
STRIDER
07-03-2001, 07:52 PM
العفو حبيبي ، و هذا اللي نبيه كلنا ، و هو التواصل ....
و يا شباب ، ودي أقول كلمة و لا تاخذونها على أني الفاهم هنا و لا تاخذونها على سبيل (( التحذلق )) مني !! ، ودي أقول أن الواحد إذا رد ، يكون رده مفصل و غير مقتضب و كامل ، لأننا يا شباب في منتدى حوار ، ما هيب غرفة تشات !!
............... و شكرا .......