تسجيل الدخول

مشاهدة النسخة كاملة : عام هل لعبتها انها اقوى لعبه في عالم الرعب..!!!


ANiME CENTER
17-04-2002, 07:10 AM
هلا شباب المنتدى.

اكيد اغلبكم لعب لعبه ZEROوهي لعبه رعب بس بالاصدار الياباني ان ابعث اليكم هذيه الرساله واقول الحقو على عمركم من الاصدرا الانجليزي لهذي اللعبه واسمهFATAL FRAME ياشباب والله والله والله لعبه قويه قويه لدرجه متتوقعنوها رعب على مستوى يذكرنا بافلام الساحره بلير.

يمكن البعض منكم ينزعج من اجل السلاح الي مع الشخصيه ولكن اذا دخلت في اجوى اللعبه وطورت سللاحك فيكون معك سلاح من الدرجه الاولى في القتال.


نصيحتي لكل من يملك العملاق الاسود ان يشتري هذيه اللعبه حتى وان كانت بملايين واذا لعبه احدكم ولم يعجب بها فانا المسؤل.



رسالة خاصة:
لك من لعب الاصدار الياباني وكان الشريط غير اصلي فلم يرى شي من هذيه اللعبه التي اعتبرها من اقوى العاب الرعب.
HeRCuLeS
17-04-2002, 08:55 AM
اي والله صدقت يا KOU
اللعبة قوية وانصح كل واحد عنده الجهاز يشتريها بسرعة قبل لا تروح عليه
صويلح
22-04-2002, 12:49 AM
صراحة اللعبة حلوة مرة :#:#
بس تدرون هذي أول مرة أكتب بمنتدى الألعاب وشينه أطلب طلب لكن الله لا يهينكم أبغى حل للغز وقفت عنده وهو الباب اللي فيه دائرة وحولينه دوائر وكتابات بالياباني وما أدري كيف الخيارات الأربعة
أبغى الحل في أسرع وقت ويا ليت تعطوني موقع الحل الكامل للعبة
ANiME CENTER
22-04-2002, 07:07 AM
هلا اخوي

الرقم هو 1312 بس من اليسار عكس عقارب الساعه

اخوك KOU
صويلح
25-04-2002, 09:16 PM
أول شئي مشكور على الحل وكثر الله خيرك KOU
;-) ;-)
ثاني شيئ وصلت أنا عند درج طويل شوي ويمينه ويساره أشجار معلّمه بعلامات وبنهايته بوابة إذا دخلت منها لقيت طاولة عليها أربع مجسمات إذا أخذت لها صورة يطلع المجسم الخامس بعدين يختفي محتار أنا ما أدري وش أسوي لفيت المنطقة كلها وما حصلت شيئ
الله لا يهينك علمني الحل وآسفين على الإزعاج :# :# :# :": :":
Anime-Girl
25-04-2002, 09:26 PM
...................
احب اني اقول ان كلام الاخ صحيح 100% ,اللعبه قويه جدا وهي من الشركه التي صنعت لنا ديد او الايف ..اكيد عرفتوها tecmo
واللعبه قويه استحقت في اغلب المواقع 5 من 5 ...هذا غير انها كسرت
حاجز الرعب المعروف في رزدينت ايفل وسايلنت هيل...يعني هي اقوى
بتقولون لي ليش..صراحه انا ما اقتنعت الا لما جابها اخوي لي...وكان علي امتحان السبت هو جابها الجمعه....جربتها....اللعبه من جد مليئه بالرعب
غير السكون والهدوء ...وايضا لاتستطيع الركض بالشخصيه,وهذا عامل
يزيد من الرعب...
همم....اقول افضل شئ راح اكتب لكم نبذه عنها مع صور للشخصيات
راح احاول اكتب شئ بسيط مع اني شفت منها القليل ....بس عندي خلفيه لها...انتظروا علي بس شوي...:D
والاخ من جد سبقني كنت ودني اكتب عنها...بس الان راح اكتب القليل عنها
RPGgirl
25-04-2002, 09:31 PM
هاي
كلامك صح انا لعبيتها شوي بس والرعب اللي فيها عجييييييييييييب لعبة حلوة وفكرة مبتكرة انه السلاح هو مجرد كاميرا:)
M7MOOOD
26-04-2002, 03:02 PM
أنا راح أشتري اللعبة كوبي و انجليزي ...

لأنهم يقولون أنها متوفرة عندنا بالكويت كوبي و كاملة في مجمع الرحاب ":" ":"

الا قولولي ... اللعبة فيها عروض سينمائية ؟؟؟؟
العمدا
26-04-2002, 04:01 PM
الصراحه اللعبه روعه..

وبالنسبه للقطات السينمائيه...

الي اذكره ان فيها كم من لقطه...

والله منيب متاكد":"
صويلح
27-04-2002, 12:28 AM
تكفون شباب اللي يعرف مشكلتي يعلمني بسرعة أنا وقفت عند درج طويل وحولينه أشجار على اليمين واليسار معلمة بعلامات بعد ما خشيت البوابة لقيت قدامي مجموعة مجسمات عددها أربعة إذا أخذت صورة لهن يطلع المجسم الخامس :": :": :":
بعدين يختفي ما أدري من وين أجيبه
هذي المرة الخامسة اللي أقول فيها مشكلتي عطوني الحل وريحوني
:# :# :#
واحد مطفر
27-04-2002, 02:45 AM
يا شباب انا اشتريت اللعبه لكن ممكن تقولون لنا طريقة اللعب لاني شريته
ووصلت عند وحش عند الدرج ولا عرفت وش اسوي :D :D :D :D
لان البطل ما معه ولا سلاح :( :(

تحياتي