وعوده الامورة
22-04-2002, 03:59 PM
هلاااااااااا
ام دحيم وحـــــــــــــــــــــــ عند اشارة المرورـــــــــــــــــــــب ..
أم دحيم أرملة مات رجلها منذو مبطي وعندما كان دحيم توه ما بعد تطاق هو والنيدو، قعدت بلحيلها مع بزيراتها وتقدم لها رجال وكل من جاها قالت ولا رجاجيل العالم كلهم يعوضون أبو دحيم أنتم صاحين ، وفية أم دحيم مع أبو دحيم حتى بعد مماته ((لكن عقب الددسن وش بيصير ))......
تابع معانا بعد هذا الفاصل الإعلاني عن محلات ابو فقس للعطارة والعلاج بالاعشاب والكراث
((آخر صيحات الحنا ..يوجد لدينا حنا خال من الكلوسترول وبطعم الفراولة ..ما صار حنا صار معسل ))
نعود لكم بعد هذا الإعلان اللي هبل بالعاملين وطقوا بالاستوديو وراحوا لابوفقس
المهم سمحوا للحريم يسوقون السيارات ، وأم دحيم ما عندها أحد يروح بها ولا يوديها مغير دحيم ، ودحيم دايم طردي بالكامري الذهبي في ها الشوارع والدراسة من جنبها … كتاب النصوص والكيمياء وباقي الشلة منطولين على طبلون السيارة الخلفي
أم دحيم تبي تتعلم السواقة ، وزنّت وحنّت ورنّت وونونت على دحيم يعلمها السواقة ويشتري لها ددسن (( طموحها ددسن مهيب طماعة تبي فياقرا هايلوكس بيك أب ))
قال الدحمي الساعة المباركة يا أم دحيم يالله ولمي عمرك وجهزي روحة والبسي بدلة التدريب بكره اروح بك للبر والا لواحد من هاالمخططات اللي ما بعد سكنت واعلمك
وقالت للدحمي ، يا جعلي ما اربط فيك ولا اتغربل فيك جعل يومي قبل يومك (( هين عاد في هذي كذبتي يا ام دحيم )) يلومني فيك وانا امك ، وتنقز ام دحيم وتفك مفتاح غرفتها من طرف شيلتها وتروح للغرفة وتجيب للدحمي ألف ريال عقب ما وافق يعلمها
يا صبح اصبح وياليل خلص
راحوا للبر وركب أمه جنبه وقعد يعلمها وشلون تشغل السيارة وشلون تعشق القير وتدعس كلتش عشان ما ينتع الموتر ويطفى ومتى تدحج فرامل ومتى تسقط على السيارة
خلص النظري عطاها العملي وتركب ام الدحمي في الكامري وتشغل وتعشق وتدوس ذيك الدوسه على الأبنص وعينك مت تشوف الا الغبار .. شوي شوي يا يمه وش بلاك لا ترصين الابنص على طول اعرفي متى تسرعين ومتى تهدين مهوب على طول تدعسين الابنص لين يتشهد
المهم انها ما أذن الظهر الا وهي طالعة سواقة خطوط عشرة على عشرة ، بس ناقصها تكسي خط
ويوم خلصوا قال لامه وش رايك يمه أعلمك وشلون تربعين وتثمنين وتسوين السلسلة بالسيارة
قالت وش ها السلسلة والتربيع
قال يا اميمتي لو تعلمينه كان يطلع لك شعبية في مجتمع عجيزات الضحى وبنيات الجامعة وشياب العواير وشباب الاسواق ، والله تلقين العالم تتمنى انك تناظرينها لو بطرف عين ، بتلقين الحريم والبني والشباب والشياب يتطيحون عند رجليك يتمنون انك تزورينهم وتستعرضين في حارتهم
قالت له بعدين وانا وامك (( ودها بها اللي يقول عليه بس ماتبي تستعجل ))أنت بس ها الحين لا يردك الا معارض النسيم خلنا نشتري الددسن
شروا الددسن برشته ذيك اللي مطلعته كنه بيضة مطبوخة في قهوة ، ومن بكره توديه للغرابي ينجدون عليه ويركبون فيبر على الصندوق عشان ما يتمشخ ، وتسحب سستين من ورا وتركب بواري محاقين (( وصايا ولدها دحوم ومن ضمنها انها ما تغسل الونيت تخليه برشته .. يا هو بيعربج بامه )) وتجيك راجعة طاقة بنت البكار (( بنت البكار عند الحريم تسفيط البشت ووضعه على هامة الرأس ))
رجعت للبيت وتوقف عند مدخل السيارة وتقوم تضرب بوري لا وتشربك بعد عشان يفتحون البوابة (( جاهزه أم دحيم للعربجة)) وتفتح الشغالة الباب (( ما بعد أخذت الريموت حق الباب ))
علة طول تنصى الغريفة وتغير الملابس وتلبس الدراعة الجديد وتحتها بنطلون خط البلدة ، وتجيك معودة وعلى طول تركب الونيت (( يا بنت الحلال اقعدي لاحقه على السعسعة والدوران على ..ما عندها وقت ، الله من مرة بيلقاها دحوم طالعة في الثمامة أو فوق طعس هو وصديقاتها))
وتدق السلف وتطلع رايحة للمعيقلية (( هذي البداية عشان السيارة ددسن لكن اذا شافت الباقيات وسياراتهن ما عنها وعن المرططس .. فياقرا… والفيصلية والمملكة على طول ، لكن ها الحين تتبع نظرية لكل نوع سيارة سوق ومكان مخصص لها ))
المهم وهي واقفة عند الاشارة دق لها اللي جنبها بوري التفت يسارها وليه فاتح الدريشة ، فتحت الدريشة وقال لها البشت يا بنت طالع برا (( هو قال بنت والا لا بغت تنقز مع الدريشة وتحب راسه )) قالت له شكرا ابوقف ها الحين على جنب واعدل بشتي (( ملكعة أم دحيم تجنح من بعيد ، ما صدقت لقت احد يقول لها يا بنت ))
ولعت الاشارة مشت ووقفت على جنب … وقف صاحبنا جنبها (( ملكع بعد مثلها ))
قالت له تكفى ما تعرف المعيقلية وينها يمه وودي اروح مع طريق ما فيه زحمة
قال بس غالي والطلب عند محلات كل شيء بريلين ..وراي بس وانا ادخل بك لو تبين وسط دكاكينها مهوب مواقفها (( الرجال راح وطي مع برقع أم دحيم ، أجل لو تطق اللثام وش بيوسي كان يحول معاش التقاعد على حسابها ))
وصلها للمعيقلية مع اقصر طريق ويوم وقفت ، جت تشكره وقالت له اييييييييييه جعل ابو دحيم في الجنة (( تلمح له إنها فاضية بدون رجل ، اعنبو ذا الشياب مهوب سهلين في الغزل ))
تشقق الرجال يوم سمع الهرجة وقال لقيتها اللي بتعوضني عن ام سعيدان الله يرحمها وخشتها اللي كنها ثم سمكة ميتة ، كلمة من أم دحيم نطلة من أبو سعيدان فقشة منها وارنب منه وعلى ها الحالة لين نست ام دحيم السوق وراح عقلها مع اللي وصلها للسوق وانتهوا انه يزورهم في البيت
زارهم وخطب ((راح كل حكي ام دحيم عن أبو دحيم وانها ما تاخذ غيره في صندوق الونيت ))
بعد الخطوبة صاروا يتقابلون في مجمع مطاعم مركز التعمير عشان يتعرفون أكثر وأكثر على بعض عشان ما يتوهقون بعدين إذا ارتبطوا (( الله يقلع العولمة كانها خربت حتى أم دحيم )) ، حاول الخطيب يشوف الوجه عجز قردنها تلبس لثام برضه عجز ، حاول تلبس عباية فرنسية مخصرة كامن عجز ، تخيلوا أم دحيم ولابسه عباية فرنسية ، صح هي طويله ولا هيب سمينة بس لو تلبسها بتطلع كنها نخل البلدية اللي في الشوارع لا عناية ولا هم يحزنون ، الصدر بيطلع كنه عذوق نخلة واليدين عسبان ما شذبت والرقبه جذع بكربه خلوها مستوره والله يستر على حريمنا بحجاب السنة ويفكهم من حجاب السربتة والفساد
لا ولا تقابله إلا ومعها محرم (( المحرم الشغالة بس انها أحيانا تصرفها تروح تجيب بطاطس والا برقر من المطعم ، خاصة إذا صار فيه سويلفات دقاقه ))
انتهت فترة الخطوبة وتزوج أبو سعيدان أم دحيم وصاروا يوم يتمشون في الهايلوكس ويوم في الددسن
باعوا الددسن والهايلوكس وشروا لومينا وهوندا وتوهم بيطلعونها من المعرض إلا وعبدالعزيز يقومني من النوم قم ودني المدرسة الباص معطني ركبة
شفتوا بس هذي أم دحيم يوم ساقت وش صار لها بسبة البشت اللي صاده باب السيارة والحمد لله انتهت على الزواج
، أجل وش بيحصل بعدين يمكن القزازة تصيد الشعر المميش وشف كم واحد بينبه عن ها الشعر
====
من رومانسيات أم دحيم وابو سعيدان بعد الزواج
ارجو ان ينال اعجابكم
((((((( الايميل )))))))
ام دحيم وحـــــــــــــــــــــــ عند اشارة المرورـــــــــــــــــــــب ..
أم دحيم أرملة مات رجلها منذو مبطي وعندما كان دحيم توه ما بعد تطاق هو والنيدو، قعدت بلحيلها مع بزيراتها وتقدم لها رجال وكل من جاها قالت ولا رجاجيل العالم كلهم يعوضون أبو دحيم أنتم صاحين ، وفية أم دحيم مع أبو دحيم حتى بعد مماته ((لكن عقب الددسن وش بيصير ))......
تابع معانا بعد هذا الفاصل الإعلاني عن محلات ابو فقس للعطارة والعلاج بالاعشاب والكراث
((آخر صيحات الحنا ..يوجد لدينا حنا خال من الكلوسترول وبطعم الفراولة ..ما صار حنا صار معسل ))
نعود لكم بعد هذا الإعلان اللي هبل بالعاملين وطقوا بالاستوديو وراحوا لابوفقس
المهم سمحوا للحريم يسوقون السيارات ، وأم دحيم ما عندها أحد يروح بها ولا يوديها مغير دحيم ، ودحيم دايم طردي بالكامري الذهبي في ها الشوارع والدراسة من جنبها … كتاب النصوص والكيمياء وباقي الشلة منطولين على طبلون السيارة الخلفي
أم دحيم تبي تتعلم السواقة ، وزنّت وحنّت ورنّت وونونت على دحيم يعلمها السواقة ويشتري لها ددسن (( طموحها ددسن مهيب طماعة تبي فياقرا هايلوكس بيك أب ))
قال الدحمي الساعة المباركة يا أم دحيم يالله ولمي عمرك وجهزي روحة والبسي بدلة التدريب بكره اروح بك للبر والا لواحد من هاالمخططات اللي ما بعد سكنت واعلمك
وقالت للدحمي ، يا جعلي ما اربط فيك ولا اتغربل فيك جعل يومي قبل يومك (( هين عاد في هذي كذبتي يا ام دحيم )) يلومني فيك وانا امك ، وتنقز ام دحيم وتفك مفتاح غرفتها من طرف شيلتها وتروح للغرفة وتجيب للدحمي ألف ريال عقب ما وافق يعلمها
يا صبح اصبح وياليل خلص
راحوا للبر وركب أمه جنبه وقعد يعلمها وشلون تشغل السيارة وشلون تعشق القير وتدعس كلتش عشان ما ينتع الموتر ويطفى ومتى تدحج فرامل ومتى تسقط على السيارة
خلص النظري عطاها العملي وتركب ام الدحمي في الكامري وتشغل وتعشق وتدوس ذيك الدوسه على الأبنص وعينك مت تشوف الا الغبار .. شوي شوي يا يمه وش بلاك لا ترصين الابنص على طول اعرفي متى تسرعين ومتى تهدين مهوب على طول تدعسين الابنص لين يتشهد
المهم انها ما أذن الظهر الا وهي طالعة سواقة خطوط عشرة على عشرة ، بس ناقصها تكسي خط
ويوم خلصوا قال لامه وش رايك يمه أعلمك وشلون تربعين وتثمنين وتسوين السلسلة بالسيارة
قالت وش ها السلسلة والتربيع
قال يا اميمتي لو تعلمينه كان يطلع لك شعبية في مجتمع عجيزات الضحى وبنيات الجامعة وشياب العواير وشباب الاسواق ، والله تلقين العالم تتمنى انك تناظرينها لو بطرف عين ، بتلقين الحريم والبني والشباب والشياب يتطيحون عند رجليك يتمنون انك تزورينهم وتستعرضين في حارتهم
قالت له بعدين وانا وامك (( ودها بها اللي يقول عليه بس ماتبي تستعجل ))أنت بس ها الحين لا يردك الا معارض النسيم خلنا نشتري الددسن
شروا الددسن برشته ذيك اللي مطلعته كنه بيضة مطبوخة في قهوة ، ومن بكره توديه للغرابي ينجدون عليه ويركبون فيبر على الصندوق عشان ما يتمشخ ، وتسحب سستين من ورا وتركب بواري محاقين (( وصايا ولدها دحوم ومن ضمنها انها ما تغسل الونيت تخليه برشته .. يا هو بيعربج بامه )) وتجيك راجعة طاقة بنت البكار (( بنت البكار عند الحريم تسفيط البشت ووضعه على هامة الرأس ))
رجعت للبيت وتوقف عند مدخل السيارة وتقوم تضرب بوري لا وتشربك بعد عشان يفتحون البوابة (( جاهزه أم دحيم للعربجة)) وتفتح الشغالة الباب (( ما بعد أخذت الريموت حق الباب ))
علة طول تنصى الغريفة وتغير الملابس وتلبس الدراعة الجديد وتحتها بنطلون خط البلدة ، وتجيك معودة وعلى طول تركب الونيت (( يا بنت الحلال اقعدي لاحقه على السعسعة والدوران على ..ما عندها وقت ، الله من مرة بيلقاها دحوم طالعة في الثمامة أو فوق طعس هو وصديقاتها))
وتدق السلف وتطلع رايحة للمعيقلية (( هذي البداية عشان السيارة ددسن لكن اذا شافت الباقيات وسياراتهن ما عنها وعن المرططس .. فياقرا… والفيصلية والمملكة على طول ، لكن ها الحين تتبع نظرية لكل نوع سيارة سوق ومكان مخصص لها ))
المهم وهي واقفة عند الاشارة دق لها اللي جنبها بوري التفت يسارها وليه فاتح الدريشة ، فتحت الدريشة وقال لها البشت يا بنت طالع برا (( هو قال بنت والا لا بغت تنقز مع الدريشة وتحب راسه )) قالت له شكرا ابوقف ها الحين على جنب واعدل بشتي (( ملكعة أم دحيم تجنح من بعيد ، ما صدقت لقت احد يقول لها يا بنت ))
ولعت الاشارة مشت ووقفت على جنب … وقف صاحبنا جنبها (( ملكع بعد مثلها ))
قالت له تكفى ما تعرف المعيقلية وينها يمه وودي اروح مع طريق ما فيه زحمة
قال بس غالي والطلب عند محلات كل شيء بريلين ..وراي بس وانا ادخل بك لو تبين وسط دكاكينها مهوب مواقفها (( الرجال راح وطي مع برقع أم دحيم ، أجل لو تطق اللثام وش بيوسي كان يحول معاش التقاعد على حسابها ))
وصلها للمعيقلية مع اقصر طريق ويوم وقفت ، جت تشكره وقالت له اييييييييييه جعل ابو دحيم في الجنة (( تلمح له إنها فاضية بدون رجل ، اعنبو ذا الشياب مهوب سهلين في الغزل ))
تشقق الرجال يوم سمع الهرجة وقال لقيتها اللي بتعوضني عن ام سعيدان الله يرحمها وخشتها اللي كنها ثم سمكة ميتة ، كلمة من أم دحيم نطلة من أبو سعيدان فقشة منها وارنب منه وعلى ها الحالة لين نست ام دحيم السوق وراح عقلها مع اللي وصلها للسوق وانتهوا انه يزورهم في البيت
زارهم وخطب ((راح كل حكي ام دحيم عن أبو دحيم وانها ما تاخذ غيره في صندوق الونيت ))
بعد الخطوبة صاروا يتقابلون في مجمع مطاعم مركز التعمير عشان يتعرفون أكثر وأكثر على بعض عشان ما يتوهقون بعدين إذا ارتبطوا (( الله يقلع العولمة كانها خربت حتى أم دحيم )) ، حاول الخطيب يشوف الوجه عجز قردنها تلبس لثام برضه عجز ، حاول تلبس عباية فرنسية مخصرة كامن عجز ، تخيلوا أم دحيم ولابسه عباية فرنسية ، صح هي طويله ولا هيب سمينة بس لو تلبسها بتطلع كنها نخل البلدية اللي في الشوارع لا عناية ولا هم يحزنون ، الصدر بيطلع كنه عذوق نخلة واليدين عسبان ما شذبت والرقبه جذع بكربه خلوها مستوره والله يستر على حريمنا بحجاب السنة ويفكهم من حجاب السربتة والفساد
لا ولا تقابله إلا ومعها محرم (( المحرم الشغالة بس انها أحيانا تصرفها تروح تجيب بطاطس والا برقر من المطعم ، خاصة إذا صار فيه سويلفات دقاقه ))
انتهت فترة الخطوبة وتزوج أبو سعيدان أم دحيم وصاروا يوم يتمشون في الهايلوكس ويوم في الددسن
باعوا الددسن والهايلوكس وشروا لومينا وهوندا وتوهم بيطلعونها من المعرض إلا وعبدالعزيز يقومني من النوم قم ودني المدرسة الباص معطني ركبة
شفتوا بس هذي أم دحيم يوم ساقت وش صار لها بسبة البشت اللي صاده باب السيارة والحمد لله انتهت على الزواج
، أجل وش بيحصل بعدين يمكن القزازة تصيد الشعر المميش وشف كم واحد بينبه عن ها الشعر
====
من رومانسيات أم دحيم وابو سعيدان بعد الزواج
ارجو ان ينال اعجابكم
((((((( الايميل )))))))