المساعد الشخصي الرقمي

مشاهدة النسخة كاملة : معرض رسوم المانجا الذئاب


eion blue drago
22-04-2002, 05:38 PM
من مدة مرت عيني على مجموعة من رسومات للذئاب, عجبني شكلها فقلت أسوي وحدة.
هذي هي, و لأني توني بديت في هذا النوع من الرسوم, من فضلكم شاركونا ببعض هذي الرسومات.
wildkitty
22-04-2002, 05:57 PM
بس احس ان معالمها غير واضحه
eion blue drago
22-04-2002, 06:06 PM
هذا يرجع إلي أن القمر جاي من ورا الذئب, فتكون هذي الجهة من الذئب مظلمة, و في الظلام, ما تنشاف التفاصيل.
wildkitty
22-04-2002, 06:25 PM
عاجبني تفسيرك
eion blue drago
22-04-2002, 08:31 PM
الرسالة الأصلية كتبت بواسطة MaNaMiIi
مو حلوه الرسمه ... هاذي الصراحه ..... يبيلك تدريب على الخلفيه اوو رسم الحيوانات

طيب خلاص, ورينا شلون نرسم الذئب بالطريقة الصحيحة, مو هذا الموضوع للمشاركة بهذي الرسمات.
Rewayah
22-04-2002, 08:47 PM
ما هذه القساوة يا ماناميلي؟ :(

حلوة الرسمة وفكرتها يا eion blue drago! :)

... أنا... ودي أشارك... :)
أقول... خليها بعدين! :)
fatoom
22-04-2002, 09:41 PM
بالعكس حلو الموضوع ....



باااااااااااااااااااااااااااااال

منا ميلي و ااايد ردج قوي ....

شكلج حتى ما شفتيها عدل ......


الموضوع للمشاركه ..... حطي شيء

و انقدوا نقد بناااء مش نقد تحطيمي ...



وبالنسبه للرسمه بالنسبه لي طالعه اوكي ....
;)

و إن شاء الله بشارك

:)



و السلام
toto
fatoom
22-04-2002, 09:43 PM
كأنه الرسم إلي بحكايات عالميه


:)
Rewayah
22-04-2002, 10:20 PM
والله أنا حسيت بنفس الشيء بعد يا فطوم!! نفس حكايات عالمية!
بس خاني التعبير... :)
الذيب شكله كارتونش...
grayfox
22-04-2002, 11:38 PM
ايون رسمه مره حلوه وصراحه ما توقعتها منك.....

مانايلي ..... اذا سمحتي يعني احنا ما جينا هنا عشان نتهاوش ....والرسمه مره حلوه اذا خذنا في الاعتبار عمر الرسام

يا جماعه ايون عمره يدوب 14 سنه...... وانتوا احكموا على موهبته....


ايون المنظور رائع .... الظل ممتاز وان كان يحتاج بعض التعديل.....

تابع الرسم
orange road
23-04-2002, 12:05 AM
ونسيتوا شي بعد :)

ان الرسام قال انه توه قاعد يتدرب على هالنوعية من الرسوم..

انا ما اجوفها شيئة لهالدرجة..

بصراحة انا ما اجوف اي رسمة سيئة..
بس ممكن ان يبيلها تعديل :)

بس انا عاجبتني كبداية..
يعني لو عطناه شوية وقت وتمرن اكثر..
اتوقع اني اجوف رسمه احسن من جذي..

صح فطوم كلامج..
كأنه الرسم اللي في حكايات عالمية
fatoom
23-04-2002, 12:58 AM
شفتي مناملي طلع 14

ورسمه نسبة لسنه فوق الرائع ....

لأن صج تذكرت حكايات عالميه فيه :D







ملاحظه MaNaMiIi :

حاسبي بأسلوبج

لأنه صج دفش ...







والسلام

;) toto
Ranma Saotome
23-04-2002, 01:03 AM
أوففففففف هذا عاد قويه ماناميلي :! :! :! :!
يعني حتى لما ردوا عليك الاعضاء وفهموك مابغيتي تتفهمين أو تهدين..
حاولي شوي تكونين أرحم ويكون ردك smooth بحيث أنه يوضح نقطتك ومايحز في نفس الواحد.. ومسكين إيون يعني أحسن من غيره..
..............................................
إيون رسمتك بيئتها حلوه ورسمة الذيب حلوه بس لو فصلت ولو شوي في منطقة الرأس أو الرقبه أو حتى ظللت شوي وبينت طبقات الشعر عند الرقبه بتطلع وايد حلوه...
أتوقع أشوف منك رسمات وايد حلوه في المستقبل وخاصه أن بدايتك حلوه..
shaheen
23-04-2002, 01:18 AM
لا تزعلوا من مانامي ترى اهي طيبة وحبوبة:D

بس انا في رأيي ان الرسمة تحتاج الى تضليل وتأثيرات فنية..صح؟

لأنها رسمة تصلح لهواة التلوين.. صح؟

اذن فهذا النوع من الرسومات تحتاج الى تفاصيل وخاصة انك رسمت طبيعة يعني جبل فيه تضاريس وسماء ناعمة.. الخ

بشكل عام الرسمة حلوة لكن ناقصة.. وشكرا:)
Rewayah
23-04-2002, 01:19 AM
حبيبي eion blue drago, هذه مجموعة من رومات الذئاب رسمتهم لـ...
قصّة: "مجموعة"؟؟!! :D
قصّة: هم حدهم ثنتين×ثنتين!! مرة ظل أسود ومرة خطوط خارجية "آوت لاين"!! :D
رواية:... المهم...
رسمتهم لأخي المراقب أودين, وقلت أنهم يناسبون هالموضوع, وممكن يساعدونك! :)

الأولى:
Rewayah
23-04-2002, 01:20 AM
الثانية:
Rewayah
23-04-2002, 01:20 AM
الثالثة:
Rewayah
23-04-2002, 01:21 AM
الأخيرة:

وآمل أنهم يفيدونك! :)

وحياك.
Ralph Jones
23-04-2002, 09:22 AM
اهلا و سهلا بك يا أخ eion blue drago

لا تزعل اذا قام احدهم بأنتقادك .... انا مثلك كنت مبتدئ ( و ما زلت :D ) عليك بالتدريب و التدريب و التدريب .... من يقول لك ان الرسم بحاجة الى موهبة لا تصدقه .... ان الرسامين المحترفين لم يصلوا الى هذه المراحل الرهيبة من الرسم الا عن طريق التدريب .... ونسبة الموهبة في احتراف الرسم لا تتعدى 10 % .... فقط و هذا رأيي !!

رسمك جميلة و ناعمة ... لكن عليك الاهتمام اكثر بتحديد الرسوم .... ولو بالرصاص ... كما عليك ان ترسم الاشكال الاساسية للشيء الذي ترسمه قبل البدء برسم التفاصيل .... هناك دروس متخصصة بمنتدى الرسم بهذا الموضوع و هي مفيدة جدا !!

تحياتي لك ..... واستمر بالتدريب و التدريب و التدريب !!

رالــــــــــــــــــــــــــــــــــف;)
AREXA
23-04-2002, 02:01 PM
انا وية مانامي اب هالنقطة
شنو تبون الواحد يمدح او بس
شذي محد رااح اتسنع;-)
Dark Blue Soul
23-04-2002, 02:05 PM
.........................
orange road
23-04-2002, 04:21 PM
محد قال شي..

لكن ان تقولين حق شخص رسمتك بايخة من البداية بتدفعينه انه ما يرسم ويمكن يكره الرسم..

وايد ناس اعرفهم شخصيا صار لهم جذي..

بالعكس.. اللي يدرس الرسم يعرف ان حق مرحلة خصائصها.. ان هناك فروق فردية..

وكل رسام له اسلوبه.. في حد قال حق بيكاسو في المرحلة التكعيبية انه ما يعرف يرسم؟؟؟ والا لوحات فان جوخ بخطوطها القوية بالالوان مب فن؟؟؟
والا فنون البوب ارت والمدرسة الحديثة.. مع انكم لو تجوفونها بتقولون شنو ذي؟؟ لكن هاذي مدارس فنية ولها روادها ونقادها...

واذا نبي نوجه شخص لتحسين رسمه لازم نوجهه بشكل صحيح.. ونقد بناء..
ما نقول كريهه ونسكت..
لازم قبل نمدحه على المجهود اللي بذله.. وبعدين نوضح له النقاط الزينة اللي في الرسم.. واخر شي نبتدي نوضح شنهي اوجه النقص في الرسمة..

شاهين مثلا وضحها بشكل عدل... وقال ان لازم يضيف تفاصيل اكثر في الضخور والخلفيات..
رواية ارفق رسوم مساعدة للاستفادة..
هذي نقد بناء.. يساعد وما يهدم..
اما نقول وع ونسكت.. ما سوينا شي.. نتم ساكتين احسن لنا..

ومب بس انكم تعرفون ترسمون تقولون للي مستواهم اقل بشوي انهم ما يعرفون..

ومثل ما قال رالف.. مب دايما الرسام يحتاج للموهبة.. الرسم ممكن مع الاصرار والتعلم يتحسن..
مثل الفنان الكبير هيرجيه صاحب شخصية تان تان اللي كان طالب فاشل في الرسم وقدر انه يصير احسن رسام قصص مصورة في اورروبا..
حسين-911
23-04-2002, 04:30 PM
والله اورانج رود طلعتي الي كان بقلبي ..

اخواني اخواتي انا واحد مصمم لازلت اتمرن واعرف كيف اقول للي جدامي الرسمه حلوه او لا
يعني اذا اهو بأول الدرب بنقوله وعععوو شنو هذا وهالسوالف ما راح يكمل اصلا ..
ولو قلنا له الالالالالا شحلاتها .. تهبل ترتفع معنوياته بس ما ياخذ نقاط الضعف .. يعني لو بنتقد الرسمه ما اقول وعوووو على طول بدون اي شيء .. وساعات تكون السالفه قويه من عضو له وزن بالمنتدى ويسوي هالحركه ؟!؟
Rewayah
23-04-2002, 06:36 PM
ما شاء الله يا أورنج رود!! :)

كلامتش يهُّز القصور ويُسقط الثريات... ... <=== لا تسأليني كيف!! :D لأني ما أعرف!! ":"
بس هي جت كذا وعاجبتني!! ;-)

حسين أنته بعد حماسك يشجع الواحد! :)

بالنسبة لي...
أنا سبق وأن قلتها من قبل...
ويمكن في أعضاء ما كد مرة سمعوها مني...
وربما يا ماناميلي وأريكسا تنصدمون من اللي بقولة! :)

أنا قلت من زمان إني أعتبر أي إنسان, يقدر يرسم ولو ((خط)) بس! فأنا أعتبره "رسام"! :)
وهذا رأي شخصي... !

وهو يقدر لاحقاً يلعب بهذا الخط ويجعل منه أروع لوحة فنية في تاريخ الحضارات والأمم!!

وبصراحة, أنا شفت ناس أكبر من إيون "بوااااايد"!!
وما يقدرون يرسمون هالرسمة الجميلة اللي هو راسمنها!! :)

وبس... ... ...
fatoom
23-04-2002, 07:25 PM
أحلى رد شفته يا خلود ....

هاي هو الكلام السنع ...

فديت قلبج والله




وانت يا ماناميلي مثل ما تحبين الصراحه

و تزعلين لين نصارحج فيها

;) ( لما قلت دفاشه )

إحنا قلوبنا على بعض و ننقد مب نمدح و بس

نقول إلي بخاطرنا لكن بنقد بنااااااااء

مب نقد جارح أختي مناميلي

يخلي الواحد يحرم يرسم بعدها

الله يسامحج بس ....



والسلام

توتو
wildkitty
23-04-2002, 07:39 PM
انتو الحين خليتو الموضوع وسويتو
زف مانامي
:( :( :( :(
حسين-911
23-04-2002, 08:19 PM
لا احنا ننتقد طريقتها بأسلوبها :D
eion blue drago
23-04-2002, 08:41 PM
بس أنا أدعم قول wildkitty, و بالكاد حصلنا أي رسمات للموضوع.
و بامناسبة, شكرا على الرسمات يا رواية, تنفع للتدريب عليها.