تسجيل الدخول

مشاهدة النسخة كاملة : لمى&سعود .......Lama&S3OUD


كلير3000
22-04-2002, 07:14 PM
السلاااااااام عليكم BOYS AND GIRL
ان شالله تكونون بأحسن حال ..والله هذي أول مشاركه
لي في هذا المنتدى (منتدى النكت والقصص الخياليه)
واتمنى ان تعجبكم مشاركتي......

على العموم هذي القصه وصلتني على الإيميل واتمنى
انها تعجبكم .......


بسم الله الرحمن الرحيم

بس يفضل قبل لا تقرونها فش فاش+سن توب (لزوم القرايه ) وقولوي وش رايكم :)



تعريف بابطال القصه:

لمى:بطلتنا بنت رايحه ثالث ثانوي هي اكبر اخوانها و موسعه صدرها تحب الونااسه و ماهي ذاك الزود بالدفاره

نوف:اخت لمى اصغر منها بسنه بنت خبللله بمعنى الكلمة وماعندها ماعند جدتي بالدرااسه رايحه ثاني ثانوي وحالتها الدراسيه صعبه لانها مطننشتها

نواف:اخوهم بثالث ابتدائي فيه بثاارته و مسبه 24 ساعه مايدري وين ربي حاطه

امهم وابوهم:حسيت عيب لازم احطهم :| المهم انهم مو فري ذاك الزود بس مو متشددين يعني عاديين

سعود:واحد الله يستر علينا و عليه :) عمره 22 يحب الطلعات و الروحات و الجيات و يموت بشي اسمه سفر مع اصدقائه (الله يخلف علينا ) خفيف دم و يونس

احم احم...

بدت القصه كانت لى رايحه المملكه (السوق) بتبدلها لبس و تطلع .. خذت معها نواف اخوها لانه بثرها الا تاخذيني .. المهم و هم طالعين نواف كان ماسك بيده بيبسي وكان ذاك اليوم زحمه شباب على بنات , جا نواف يركض يبي يلحق على لمى لا يضيعها (من زود سباهته ) الا يجيك و يصقع بذاك الولد و ينكب البيبسي كلله على ثوبه .....(لحظه صمت) الا نوف ماتت ضحك على شكل الولد المسيكين و سعود تنح قدامه مب عارف وش يقوله و لمى ودها تسكت نوف بس مالقت نفسها الا تضحك معاها.. الولد المسيكين ناظر نواف بنظراات حقد لمى تاسفتله و هي متغطيه قعد سعود يحاول يقزها (ولله قله الحيا )المهم طلعوا و خلاص انتهت القصه
>
>
>
>بعدييييين بعد 3 شهور جت الاختبارات و نجحوا قالوا يبون يسافرون ايطاليا .... يوم ركبوا الطياره الا ابوها قعدت جمبه نوف , امها جمب سعود , لمى لقت نفسها جمب واحد سعودي !! هي استحت (حيااء العذارى )قامت بدلت اماكن هي و نواف سعود قعدت بقلبه يوم طاح البيبسي عليه فاول ماشاف نواف تذكر ذاك البزر السبه اللي كب عليه بيبسي <===انواع الحقد :) المهم تمت الرحله على خير طبعا سعود قز لمى الين ماقال بس و عجبته اخلاقها و حيائها و ملامحها ... نوف الخبله اقنعت ابوها يقعد جمب امها و جت لم لمى و قالتلها وش رايك بالولد اللي جمب نواف موب مملوح ؟؟ لمى عطتها نظرات ناريه (اخسس يانااريه ) قالتلها استحي الولد قدامنا افرضي سمع (طبعا سعود ذاب اذنه من زماااان سمع كل كلامهم )قالت نوف طيب وش راايك بصراحه؟ قالت لمى ايه مملوح ماشالله (هنا سعود بغى يخق عليها و يلتفت يقول انتي احلى ياابعد عمري ) بس مسك نفسه اشواا تمت الرحله على خير باستثناء ان نواف كب على سعود بيبسي مره ثانيه :| عادي خلاص هو تعود

يوم وصلوا خلاص تفرقوا سعود استقبلوه شلته و لمىو عيلتها راحوا بس قبل لا يمشون التفت لمى على سعود ودها تشوف شكله زين الا تلقاه يناظرها هي استحت و التفت هو ابتسملها :)

طول الطريق لمى تفكر في سعود و نظرته الاخيره و نوف الخبله ماغير تبرب على راس ابوها (الله يصبره عليه ) ونواف مستلم امه الا تحكيله قصه

حالتهم صعبه ...:| يوموصلوا الفندق نزلوا و دخلوا غرفهم جت نوف قالت يلا نطلع .. طبعا امها كالعاده محااضره انتي ماتركدين ونتي علىرجل ونتي ونتي ... عاد مرت الاياام الين يوم كانوا رايحين السوق لمى ودها بفستان لحفله تخرجها يوم دخلو المول هو من النوع اللي محلات مفتوحه على بعض كانت لمى قاعده تقيس فستان عاجبها من غير علاقات ولا شي .. يوم طلعت فيه بتوريه نوف و امها الا شله الشباب اللي مروا من بينهم سعود .. يوم شافها سعود خلااص الولد خق عجبه شكلهاا و كل العيال اللي معه ماانتبهوا زين هي مرره استحت دخلت تغيير و ارتااعت( مدري ليه كنهم بيطقونها ولا شي) المهم طلعت و ابشركم شرت الفستان , وهم طالعين من المول امها راحت هي و نواف سبقتهم و لمى و نوف قالوا بيتعشون مع وحده من البنات مةاعدينها و بيرجعون .... نوف مسكت لمى تقولها: لمى لمى موب ذا هو نفس الولد هذاك المملوح ؟؟ لمى التفتت الا سعود يناظرها و الابتسامه شاقتن وجهه :)

جا لمهم قالهم : مساء الخير ... لمى قالت : مساء النور قالها: وين اخوكم الصغير ذااك غريبه من زمان عنه .. نوف ردت قالت: وش تبي فيه ها تبي اكب عليك انا ترا عادي :) .. لمى: نوووف خير من متى الميانه ؟!؟ سعود: عادي الا ماعرفت وش اساميكم ؟ لمى قالت:" لوسمحت من متى المعرفه اصلا عشان تسال عن اسامينا بعدين اذا عشان اخوي فاحنا اسفين و خلاص يلا مع السلامه "و مطت نوف من يدها معاها يقالها معصبه يعني مع ان ماكان راح شافه و قاله هلا تتذكرودها تروح ..ودها تقعد مع سعود وتسولف معه.. دايم تسمع البنات يحكون عن اخوياهم و من ذا الحكي و ماقد فكرت تجرب انها تكلم واحد . او انها تحب.......

سعود ما استوعب الا يوم انهم راحوا وفكر ماشالله ذي البنت اخلااق مو زي البنات البقيه, لازم اعرف هي مين......

راح لحقهم من غير ما يحسون و قدر يعرف من الرسيبشن باسم مين الغرفه .. راح من ثاني يوم حجز معاهم بنفس الفندق (ولله من البثااره ) وطبعا هو مسنتر باللوبي يستنى احد ينزل الا نواف نزل و تذكره و قعدوا يسولفون ... طبعا سعود قعد يساله عن اسماء خواته و من ذا الحكي ( ولله البزارين مخفات :( ) طبعا نواف خرر عالولد قاله كلل شي من يووم ما عرف الدنيا .. حتى اسم شغالتهم قاله :| الا يلقى نوف نازله تدور نوااف يوم شافته قالت لسعود:" يحليلكم طااقين صحبه اجل" هو ناظرها قال:" وين لمى؟؟"

نوف ناظرته نظرات غريبه فيها سباهه شوي اللي من وين عرفت اسامينا الا استوعبت ان نواف اكبر راديو بالعالم معه ...... نوف خافت ان لمى بتذبحها لو درت انها ضيعت نواف و ان المملوح لقاه :|

>
>هي قالتله :"الحين مو عيب انك تعرف اسامينا بعد مارشيت اخونا ولا نعرف اسمك "؟ قالها اسمي " سعود الفلاني " قالت والنعم

يلا نواافوه تعال انت و سباهتك ذي مدري متى تعقل ..... سعود قالها :"نوف تكفين ابي اشوف لمى لوسمحتي وربك قوليلها تنزل الحين بس 5 دقايق ولله مااطول" نوف:"ولله مدري ترا لمى اختي ماهي من النوع الداج ولا الصايع بس بحاول لان شكلك منت لعاب مثل هالعيال اللي 24 ساعه ماهمهم الا البنات"

نوف قالت للمى طبعا لمى عطتها محاااضره عن الاخلااق ونتي لييه تتركين نواف لحاله الخ الخ

نوف قالتلها :"خلااص عاد درينا انتي الصح ونا الغلط بس اخلصي الولد يستناك تحت يقول يبيك بموضوع ضروري 5 دقايق " لمى ودهاا تنزل ونوف اقنعتها , يوم نزلت الاسعود قاطف ورده من حديقه الفندق هي قعدت تضحك على شكله و قعدوا سوااليف ..... سعود:"لمى من يوم ماشفتك بالمملكه واحس شي جواي (ولله من النصب ) لمى:"امااا عاااد ياخي قول من الطياره شي معقول يعني قويه شوي " وكذا الين مااتفقوا يتقابلون من بكره



:-) :-) اكتفي بكذا الحين ...... بس اتمنى اذا كانت اعجبتكم
تردون على الموضوع علشان اكملها اما اذا ما اعجبتكم خلاص
كفايه ازعااااج .......... (ملاحظه الي سبق و قراها بلا تعليق)

سلام:-)
بحـــ الشوق ـــور
22-04-2002, 07:16 PM
مشكووووووووور على القصة لكن هل هي من تأليفك؟
Gio
22-04-2002, 07:29 PM
ههه الصراحه حلوه خخخخخخخخخخخخخ
كلير3000
22-04-2002, 07:32 PM
لا مو من تأليفي
هي وصلتني عن طريق الايميل

بس ان شالله تعجبكم
كلير3000
22-04-2002, 08:06 PM
>الين ماصاروا يشوفون بعض كل يوم مااعمرهم حكوا عن الحب و ذي الاهااات لان لمى كل ماحاول يفتح ذا الموضوع تغيره...
>
>الا جا موعد الرجعه, لمى كان ضاايق صدرهاا بس ماودها تبين عشان سعود مايروح تفكيره شي ثاني, سعود قالها :"لمى خلاص يعني كل اللي بيننا انتهى؟؟" لمى : "مدري و ش اقولك ياسعود بس لازم نرجع و بالسعوديه مااتوقع بنقدر نشوف بعض مره ثانيه" سعود:"اها طيب بالتوفيق و تراك بتصيرين بثالث انتبهي لدراااستك الله الله عاد ابيك تطلعين بالمربع و اذا شفت اسمك اقول هذي لمى اللي عرفتهاوترا لك مفاجاه مني اذا جبتي ممتاز" يقولها وهو ضايق صدره..
>
>لمى ماقدرت ترد ,خنقتها العبره كل مافكرت انه اخر يوم لهم مع بعض بس قدرت تمسك اعصابها و نفسها و ابتسمت ابتسامه متغصبه ... سعود لاحظها بس ماحب يحرجها وتفرقوا..........
>
>
>
>يوم رجعو الرياض ومرت ثالث و مرت الايام بسرعه و لمى مانست سعود ولا يووم
>
>كل ماراحت المملكه تتذكره و تدمع عيوونها.. تغيرت البنت ولاحظت نوف عليها :| قالتلها :"لمى مابيرجعلك سعود فحاولي تنسينه وشدي حيلك بالدراسه يمكن تنسين".....
>
>لمى سوت نصيحه نوف و نجحت ااخر السنه جابت 97% ,, كل النااس باركولها بس هي تمنت وااحد بس يباركلهاا...
>
>تذكرت كلمات سعود قبل لا يتفرقون و اقتنعت انه كان يسكتها عشان بس يحمسها:(
>
>
>
>بعد ماطلعت النتايج باسبوع جتها امها قالتلها :"لمى بنتي تراك كبرتي و تقدملك واحد اليوم يقال لهم آل فلان وش رايك يا بنتي و خذي راحتك بالتفكير بس بكره وده يشوفك "...... لمى تحطمت لانهاتمنت انه يكون سعود بس طلعوا عيله ثانيه :| قالت لامها:"اللي تشوفينه يمه"
>
>
>
>من بكره نوف قاعده مع لمى قبل لا يجون و لمى ضايق صدرها شوي ومالها خللللقهم ابد.... الا نادتها امها ونزلت.... دخلت عليهم الا سعود بوجهها !!!!.... هي تنحت بوجهه مااصدقت سعود ابتسم قال وعليكم السلاام,,,,,, لمى تشققت من الفررررحه .... بعديين يوم صاروا يكلمون بعض باول مكالمه قالها :" وشراايك بمفاجاتي هذي هديه نجاحك حبيبتي لمى " .....
>
>فاصل غنائي: قاالها قالها قال احبك قاااالها ..........اخيراااان قاالها (ذكرى متحمسه)
>
>باك:و انخطبت لمى و كبروا البنات ولله دنيااااا سبحان الله :)
>
>وتزوجت لمى من سعود و اختتموا قصتهم نهااايه سعيييده
>
>THE END.............
Gio
22-04-2002, 08:18 PM
ما اقدر اقول إلا قصه حلوه :" :" :"
كلير3000
22-04-2002, 08:26 PM
مشكوووووووووووووووووور امنيم
القصه مؤثره:" بس نهايتها حلوه:-) ;-)
جون ترافلتا
22-04-2002, 08:34 PM
مشكوووووووووووووووور على القصه الحلوه ;-)
كلير3000
22-04-2002, 08:38 PM
هذا واجب:-)
Fly_Batman
22-04-2002, 08:38 PM
نوف ناظرته نظرات غريبه فيها سباهه شوي اللي من وين عرفت اسامينا الا استوعبت ان نواف اكبر راديو بالعالم معه ...... نوف خافت ان لمى بتذبحها لو درت انها ضيعت نواف و ان المملوح لقاه :|
هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها:0)
قصة اسبشل مرررررررررة ورهيبة مرررررة ابغى التكملة واذا ماشفت التكملة لما ارجع من المدرسة:غضب: ===>أذا رجعت من المضاربات والفزعات والاسئلة حياة الاولاد صعبة:cool: :"
Gio
22-04-2002, 09:05 PM
الرسالة الأصلية كتبت بواسطة fly_batman

هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها:0)
قصة اسبشل مرررررررررة ورهيبة مرررررة ابغى التكملة واذا ماشفت التكملة لما ارجع من المدرسة:غضب: ===>أذا رجعت من المضاربات والفزعات والاسئلة حياة الاولاد صعبة:cool: :"

يا قوي انت :p خخخ امزح
Fly_Batman
22-04-2002, 09:08 PM
اه نسيت القصة خلصت مشكورة ياكلير لانك خليتيلى وقت إضافى:0) اضارب فيه:6
lama2002
23-04-2002, 12:41 AM
القصه روووووووووعه

ويعطيك العافيه كلير

<----- ---- من كثر مااندمجت مع القصه شكت انها البطله.:6
SMM®
23-04-2002, 07:52 AM
مشـــــــــــــــــــــــــــــــــــكور على القصة الحلوة
Fares The Game
23-04-2002, 11:12 AM
.......................



ليتني مكان سعووووووود
:" :" :" :" :" :" :"
و تكون (؟؟؟؟) مكان لمى
:" :" :" :" :" :" :"
كلير3000
23-04-2002, 12:33 PM
والله أنا قبلكم اندمجت مع القصه
بس تتوقعون ممكن تنطبق مثل هذي القصه على الواقع:أفكر:
بصراحه من ناحيتي ما اتوقع
مع ان القصه حلوه وقلت ليتني مكان البطله انا بعد
بس والله اتوقع ما تصير
Fly_Batman
23-04-2002, 01:30 PM
القصة بعيدة عن الواقع:0) جداااااااا:0)
لو كانت الدنيا كذا فعلى الدنيا السلام:0) ==>كلمة دايما اسمعها بس ماادرى ايش معناها:6
ستيف بورنسايد
23-04-2002, 01:53 PM
الرسالة الأصلية كتبت بواسطة fly_batman
القصة بعيدة عن الواقع:0) جداااااااا:0)
لو كانت الدنيا كذا فعلى الدنيا السلام:0) ==>كلمة دايما اسمعها بس ماادرى ايش معناها:6
يعني سلمى على الدنيا الي فيها ناس مثلهمD : (مصرقعين):D
Gio
23-04-2002, 02:13 PM
ما في امل تصير واقع:أفكر:
aya brea 4000
23-04-2002, 02:47 PM
حلوة القصة..مشكورة كلير;)