يسمح بدخول الكل الا المراقب(بدايتي معكم)

[قلب صافي]

يابنت حبك به كثير الناس يدرون *** ما يندفن حب (ن) مع الجسم لامات

كانك تبين الصدق والله مجنون *** شفتك مكان البدر من غير نجمات

مدري شعاع النجم بالبدر مغبون *** ولا ظلام الليل ينحاز حزات

قبلك كتاب العشق بالرف مركون *** وبعدك كتاب العشق يشتاق صفحات

صرتي امان القلب والروح والنون *** وصرتي حياة الوجد من دون لوعات

ليتك معاي الحين واصيح مفتون *** واشهد رذاذ الغيم يجيك زخات

وتهدا رياح الكون من شان مايكون *** مزن(ن) يروح بعيد وتموت قطرات

قلبي خذته الريم يا ناس تكفون *** خلوا حديث العشق يقول كلمات

ابغي لهيب الشوق يثير مكنون *** حكي(ن) ثمان شهور محبوس بشفاة

يوم(ن) نسيت الضحك وامسيت مديون*** واشرب قراح الماي والزاد تمرات

حتى قصيد الشعر ما كان موزون *** ياما كسرت الصدر والعجز مرات

امس(ن) يا ليت اليوم يكون مدفون *** ملت خدود الوجه كفوف صفعات

ودي اجيب العزم من شعر محسون *** واركب اصيل الخيل واخوض جولات

واضرب جبين الخوف والسيف مسنون*** واهزم جيوش الكره والحقد بابيات

حتى نشوف الرمش يختال بعيون *** كانت تخاف النوم من جور طعنات

لجلك يهون العمر والعمر مرهون *** للي تصون النفس والروح والذات

وكانك تبين الصدق بالهون بالهون *** والله يذوب الوجد باليوم ساعات

خالد يا بنت الناس والله مجنون *** ظنك يجي شرواه؟ هيهات هيهات!!
******************