المساعد الشخصي الرقمي

مشاهدة النسخة كاملة : ^^^^ يوميات موظف اتصالات ^^^^


مـلـسـونـة
25-04-2002, 03:21 PM
يحليل موظفين الاتصالات والله..!!!بس ما أظن انا موظف الاتصالات عندنا يعاني...!!! أقصد ان الناس

يعانون منه )!!!!

كان الموظف مرهق ومزاجه مش ولابد وخصوصا والمايك معلق على راسه وهو يستقبل مكالمات

المشتركين :

المكالمه الاولى : شايب كبير السن
الموظف : الو .. استعلامات الدليل محمد الـــ .....، مرحبا
المواطن :الو .. ممكن لو سمحت تعطيني رقم عبدالله فهد سعد
الموظف : وين ساكن أخوي لو سمحت؟
المواطن : ساكن هنا قريب منا
الموظف :وين قريب منكم بالضبط
المواطن : ياخوي هنا جمبنا جارنا ما تعرفون رقمه؟
الموظف : ياعزيزي انا مدري انت وين بعد.
المواطن : اقول والله ماعندك ماعند جدتي بس.
طوط طوط انقطع الخط.


المكالمه الثانيه : صوت ناعم
الموظف: الو .. استعلامات الدليل محمد الـــ .....، مرحبا
الصوت الناعم : هلا أخوي ممكن تعطيني رقم بيتزا هت بس مابي فرع النسيم دايم تعطوني اياه.
الموظف : اي فرع تبين رقمه؟
الصوت الناعم : تدري ايش فيه فرع النسيم بايخ لان البيتزا حقتهم توصل بارده.. بعدين شكلها خبز تميس.
الموظف :بيموت من الضحك بس ساكت.... طيب خذي فرع العليا اجل.
الصوت الناعم : ياخي ليه ماتضحك؟لا يكون انت صاحب بيتزا هت ..مالت عليكم وعلى دمكم.
طوط طوط انقطع الخط.


المكالمه الثالثه : طفل يرفع الضغط
الموظف: الو .. استعلامات الدليل محمد الـــ .....، مرحبا
الطفل :الوووو عطني رقم وش اسمه..ابي رقم هذا وش اسمه...ايه حمود بادي فرج (حلو الاسم مو)
الموظف : طيب خذ رقمه..
الطفل : لحظه ابي رقم ثاني بعد...ابي رقم هذا وش اسمه ..مانع فالح سامي
الموظف : طيب خذ رقمه (ممنوع اكثر من اسم في المكالمه)
الطفل : طيب ابي واحد ثاني هذا رقم ابو نادر عمي سعد..
الموظف : اتصل مره ثانيه لانه ممنوع اكثر من رقم في اتصال واحد..
الطفل :اقول وجع.. يوجع بطنك(الفاظ قبيحه) ترا مالك فضل..انا ما اكلمك مجاني اكلم بريالي.
الموظف : يخرج من طوره(اقول اسمع ............طوط طوط قفل الخط.


المكالمه الرابعه : كانت صوت ناعم
الموظف: الو .. استعلامات الدليل محمد الـــ .....، مرحبا
الصوت الناعم : عوافي اخوي
الموظف : الله يعافيكم يارب...........( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا.
الموظف : طيب خذي الرقم


المكالمه الخامسه :كانت صوت ناعم اوي
الموظف: الو .. استعلامات الدليل محمد الـــ .....، مرحبا
الصوت الناعم : مرحبا اخوي ممكن تعطيني مستشفى العيون للولاده.
الموظف : كيف ؟؟؟؟؟
الصوت الناعم :مستشفى العيون للولاده...تسمع يا اصقه..
الموظف : يبي يصرفها المكالمه مسجله طبعا (( هذا رقمه غير معلن ))
الصوت الناعم : طيب ظف وجهك.
طوط طوط انقطع الخط.


المكالمه السادسه :كانت صوت ناعم ..بنت
الموظف: الو .. استعلامات الدليل محمد الـــ .....، مرحبا
الصوت الناعم : هلا اخوي ممكن تعطيني رقم صيدلية السقاف؟؟
الموظف : تفضلي الرقم..
الصوت الناعم : لا لا لا هذا رقم صيدلية السقاف اللي في الروضه..
الموظف : طيب ايش فيها؟
الصوت الناعم : ماهي زينه ...ما يبيعون الا فقس...
طوط طوط انقطع الخط.


المكالمه السابعه : كانت فتاه .. ايضا
الموظف: الو .. استعلامات الدليل محمد الـــ .....، مرحبا
الفتاه : عيوني.
الموظف : بلا هالكلام وش تبغين...............(عشان المكالمه مراقبه)
الفتاه : لا انا ابي محل عيوني للعدسات والنظارات اللي في التحليه.
الموظف : ايش اسمه عيوني؟؟
الفتاه : لا مو عيونك عيوني انا يا عيوني..
الوظف :خذي رقمه..
الفتاه : طيب شكرا لعيونك اللي كنها عيون بقره... هههههههههه عندها بنات يضحكون..

الموظف طلع وترك الدوام..وراح يشرب عصير ليمون.. :D :D :D منقول
تركي
25-04-2002, 03:29 PM
ههههههههههههههههههههههههههههه الله يعينه:D :D :D :D

مشكوره يا عيوني;-) ;-) ;-) ;-) ;-)
محترف بلاي ستيشن
25-04-2002, 05:33 PM
في ذا المنتدى يمكن قريتها عشرين الف مره

حتا اني قد نشرتها
تركي
25-04-2002, 08:13 PM
هذا الشيء اللي أكرهه يا محمد طيب إنت شفته فيه غيرك ماشافه وبعدين إنت تحب تحطم الواحد ياربيييييييييييييييييييييييي:! :! :! :!
SMM®
25-04-2002, 08:15 PM
مشكور يا شمس المستقبل
انا اول مرة اقرأ القصة:)
BLACK TIGER
25-04-2002, 09:26 PM
مشكور عالموضوع أخوي تركي":"
علي17
25-04-2002, 10:08 PM
ههههههههههههههههههههههه
مشكور:D :D :D