نقاش الرسامين مبتدئة ..... ارائكم يا مبدعين .. [الأرشيف]

Dagger

25-04-2002, 09:16 PM

السلام عليكم ..

ارجو منكم التعليق على بعض محاولاتي
في الرسم ..
اتقبل النقد ..
والمدح:D ..
هذي اول محاولة لي في الرسم كان عمري 13 سنة ..

Dagger

25-04-2002, 09:19 PM

وهذي رسمتها وعمري 16 سنة ..
ان شاء الله يعجبوكم ..

Dagger

25-04-2002, 09:20 PM

وهذي بعد وعمري 16 سنة ..

Dagger

25-04-2002, 09:24 PM

وهذي ما اذكر في اي سنة رسمتها ...
لكن اذكر اني كنت راسمتها لاختي ولما خلصت منها عجبتني ..
وحتفظت بها لنفسي:D :D ....
ان شاء الله تعجبكم مثل ما عجبتني ..

Rewayah

25-04-2002, 09:33 PM

رسومات جميلة يا داجر, خصوصاً الحصان, وايد متقن.

أنتي عمرتش ألحين يعني 16؟ :)
يعني رسمة الوردة ورسمة اليدان هما من هالوقت؟
ولا هم من يوم كان عمركِ 16؟ :)

الوردة جميلة لكن بسيطة مقارنةً بالحصان.
أما رسمة اليدان وحركتهما فهي مضبوطة, وبالتحديد أطوال الأصابع وطريقة تقسيمها!

رسمات جميلة والأجمل هو مشاركتش إياهم بالمنتدى معانا. :)
بس ياليت لو تشاركين برسومات مانجا! :)
من رسمكِ طبعاً! :p

Dagger

25-04-2002, 09:48 PM

شكرا على الرد الحلو ...

انا عمري في الوقت الحالي 18 إلا :D :D ....
يعني داخلة على ال 18..

ومشكوووووووووور مرة ثانية على الرد الحلو جدا ...

San_21000

25-04-2002, 09:53 PM

السلام عليكم.......

ماشاءالله يا داجر رسمك جميل..........
وهل يوجد المزيد؟
أعطينا إن كان هناك مزيد

RPGgirl

25-04-2002, 10:40 PM

هاي
رسمج اختي وااااااااااااااايد حلو ومتقن ما شاء الله عليج انتي مو مبتدئة انت محترفة:o

حسين-911

26-04-2002, 01:04 AM

انتي مبتدأه ؟!؟!؟
انا عيل تحت الصفر ب 100 .. ما شاء الله هل من مزيد ؟

تــوتـه

26-04-2002, 02:14 AM

ماشاء الله عليك ياداجر

رسومات جميله،،،

تمنياتي لك بالتوفيق،،

الى الامام دائما،،،

وانشاء الله دوم نرى رسوماتك الحلوه في المنتدى;)

تحياتي:
تـــــ902ـوته;)

alucardracula

26-04-2002, 04:44 AM

السلام عليكم
فعلا يا داجر رسوم حلوة و أنا متأكد أن لو يكون في تدريب و تواصل في الرسم راح يكون أكثر من متقن لأن فعلا القياسات قريبة جدا من الكمال و هي مسألة تدريب ووقت حتى يكون بيرفيكت..و بالتوفيق ان شاء الله

kirby64

26-04-2002, 09:33 AM

رسمك فظيع يا داجر وتقلين مبتدئه مشاء الله عليك عاجبتني كل الرسمات

خصوصا الرسمه الأولى حقت الحصان تجنن ,ولكن ما عرضتي رسمات قريبه

يعني وانت 18 سنه مو 16 ولا ما عدتي ترسمين المهم ياليت تعرضين

المزيد من رسماتك:)

Dagger

26-04-2002, 10:15 AM

San_21000: مشكوووووور على ردك ..

RPGgirl: :": شكرا اختي ...

حسين-911 : لا شدعوة .. اكيد رسمك حلو وفوق ال100 وان شاء الله
الى ال100000000
;-)

902:مشكورة على ردك الحلو ودعائك الاحلى ...
وشكر خاص لك اختي توته;-) ...

alucardracula: مشكور على النصيحة ..
ومشكور على ردك ...

kirby64:الحمد لله انها عجبتك ..

وشكرا لكم جميعا على دعمكم لي ..
اما بالنسبة الى المزيد فانا رسمت لكن ما اقدر ارفقها لانها لوح خشب كبيرة رسمتها علشان المدرسة ..
ورسومات ثانية رسمتها للمدرسة بس اخذتها الأستاذة مني ..

shaheen

26-04-2002, 11:14 AM

رسومات حلوةوموهبة جميلة:)

اذا كانت هذه رسوماتك يوم عمرك 16 عيل شلون الحين بعد سنتين الا:D :D
نترقب رسوماتك القديمة والحديثة... والمستقبلية؟؟:p

RPGboy

26-04-2002, 11:15 AM

ما شاء الله عليش !!
رسمش للورود وايد حلو ،،
أنصحش إذا كنتي بترسمي شخصيّات ،،،
أنّش ترسمي الكيوت أوّل ،،،
لأنه لابق لش ;) !!
بالتوفيـــــــــــــــــــــــــــق ,,,

Dagger

26-04-2002, 07:24 PM

shaheen: مشكوووووووور :": ...
اتوقع اني كل ما كبرت رسمي صار اسوأ:D ..

RPGboy: مشكووووور على الرد والنصيحة..
والله يوفق الجميع ان شاء الله ..

orange road

26-04-2002, 08:33 PM

حلو رسمج داجر.. :)

رسمة الحصان عجبتني وايد بالنسبة حق بنت كان عمرها 12 سنة..

واليد عجبتني.. :)
وباقي الرسوم حق الورود بعد حلوة.. واحس رسمج متماشي مع سنج

احسج تيميلين اكثر حق الرسوم الواقعية ..

يا ريت تعرضين لنا رسومج اليديدة علشان نجوف مستواج شلون صار الحين..
وانا متأكدة انه تغير للأحسن :D

بالتوفيق..
واهلا فيج في المنتدى

Dagger

26-04-2002, 09:58 PM

orange road: وانتي احلى...
ومشكوووورة..

بالنسبة لرسمة الحصان هذي اول رسمة رسمتها بنجاح ...
يعني مو للمدرسة:D ومنها بديت اواصل في محاولتي للرسم..

بس للأسف مثل ما قلت انا ما عندي رسومات جديدة...
لاني ما احتفض بها ..
بس اول ما ينزل على الإلهام ما راح اقصر..;) :)

هذي وحدة رسمتها لما رسمت اليد هي مو حلوة واجد لكنها محاولة...

Dagger

29-04-2002, 11:30 AM

السلام عليكم..
ابي اخذ رايكم في طريقة التكبير...
هل يعتبر فن أم انه شئ عادي ..
لان أنا احب هالطريقة واااجد ...

Dagger

30-04-2002, 01:15 PM

وهذي بعد وحدة ..
هذي من انتاج السنة :D و هالسبوع بالتحديد ..
رسمتها على عجل فماصارت حلوة :6 ..
لكن نقل طبعا ...
يعني مثل ما اسميها انا تكبير...
:6 :0)

حسين-911

30-04-2002, 01:28 PM

واو ..
والله ما اعرف أكبر .. لحد الحين احاول ..
ترى فن .. حلو لكت الاحلى انه يتكون لج اسلوبج :)

orange road

30-04-2002, 05:04 PM

داجر..

نقلج وايد متقن وخطوطج روعة :)

استمري بالنقل لحد ما يتكون لج اسلوبج الخاص فيج :)
للحين احس ان النقل يحس رسمي..

لان بهالطريقة تتدربين على اساليب متنوعة :)
استمري اختي ومع التنويع في المواضيع والاساليب المنقولة بيتكون لج اسلوبج الخاص فيج وبتلقين نفسج ترسمينه بتلقائية

Dagger

30-04-2002, 07:26 PM

حسين-911: مشكووور ..
اذا كنت ما تعرف تكبر عندي طريقه سهلة ..
قول ( الله اكبر:D ) امزح :D :D ..
الرسمة الي بترسمها جزئها الى مربعات ..
والورقة الي بترسم فيها جزئها بعد ..
ورسم كل مربعه لحال ..هذا اسلوبي القديم:6 ..

orange road:مشكوووووووووره على كلامك..
والنصيحة ...و ان شاء الله بستمر لين اوصل لكم ..

Dagger

30-04-2002, 07:29 PM

وهذي بعد من انتاج السنة ...
صناعة وطنية :D :D ..

shaheen

30-04-2002, 08:42 PM

رسمة حلوة يا داجر

هذا الساحر الصغير اللي دايما اشوفه بفاينال فانتاسي
ههههههههههههههههه رسمة موفقة:D

winter-soul

30-04-2002, 08:54 PM

مرحبا داجر...:)

حلو رسمج بالنسبه لمبتدئه:)خطوطج متناسقه ومع التدريب بيتحسن رسمج أكثر وأكثر....تابعي:) نبي نشوف المزيد...

وأتمنى لج كل التوفيق:)

;-)

باي:)

Rex

30-04-2002, 09:56 PM

جميل يا أخ داجر !!! تابع!!

وحاول أن تركز على الخطوط الأساسية في الرسمات!!
وصدقني راح تصير رسام ذو خبره ;-)

تابع الله يخليك :D

Dagger

01-05-2002, 12:27 PM

shaheen: مشكووووووور :D ...
وش رايك في رسم السنة صاير انظف مو :6 ..

winter-soul: عفوا لكن :": :# ...
مشكور ولا مشكورة :D ...
و الله يوفق الجميع ..
وان شاء الله احاول اجيب المزيد ..
وباي ..
:)

REFLEX : شكرا ...
وان شاء الله أصير مثل ما قلت ذو خبرة ..
بس فيه مليحيظه صغيره : انا بنت ..
:D :D ;-)

RPGboy

02-05-2002, 08:28 PM

حلو Vivi يا Dagger ;) ،،،
حلو رسمج !!!

Dagger

10-05-2002, 07:56 PM

RPGboy: شكرا حتى لو انها متأخرة :D ..

السلام عليكم ...
هذي الرسمة رسمتها اليوم ...
طبعا من مخيلتي الخربانة:6 ..
يعني مو نقل ..
يالله لا تبخلون علينا برأيكم ...;)

Tidus_2007

10-05-2002, 09:15 PM

اوه dagger شوفو منو الي منورنا :)

long time no see :أفكر:

على فكره انا tidus بس مضيع البااااااس وورد :o

من جد يعني من جد يعني صراحه الي جنني كلاود :D

انا لما شفت البدايه مثل رسمة الحصان كانت حلوه بس مبتدئه و اليدين فيه تطور و الورد تطور ملحوظ اما كلاود تحطيــــــــــــــــــــــم :o بكل ما تحمل هالكلمه من معاني >>>شفيه الشاعر :أفكر:

و الصناعه الوطنيه من جد باينه عليها علامة الجوده :D

و البنت الاخيره الملامح الانثويه باينه عليها صراحه و لو العينين متعوب عليهن لو شويه حبتين صغيرين راح يطلع ابداع بس الرسمه من ابداعك و لا تكبير ؟

اعتقد انها بيتريكس من فاينل 9 ....

صراحه ما توقعت هالابداع و للاحسن انشاء الله :D

wildkitty

10-05-2002, 09:25 PM

حلوه رسوماتك
الي عاجبني فيها ان الخطوط نظيفه
انا بقيت ارسم احط مليون خط وبعدين اتكيسل امسحه
مع التدريب راح تكون الرسومات احلى ( طالع منو يتفلسف :D )

Ranma Saotome

10-05-2002, 09:49 PM

احراااااج.. :# :# توني منتبد أن عالموضوع مارديت فيه ابدا... وين اخش ويهي الحين...
الحين شفت الرسوم من أول وحده لآخر وحده ويبين التطور ملحوظ بين كل رسمه والثانيه.... آخر كم رسمه وايد حلوين وبديت خطوط تنتظم اكثر ورسمك كل ماله ويحلو... بعد فتره راح يكون رسمك أحلى وأحلى والكل يتكلم عنه... بالتوفيق..

Dagger

11-05-2002, 11:15 AM

Tidus:يا هلاااااااااااااا..يا مرحباااااااااا.. نورك غطى على الكهربة ...
كيف الحال تيدوس وينك long time no see :) ..
زمان ما شفناك .. وين مختفي شلي شاغلك عنا:6 ..

ههههههههه تدري قعدت اضحك ساعة على سالفة الباسوورد :D ..

ومشكووووووور فرحت وااااجد بردك ..
والله يخليك لحبيب قلبك حبيبي:6
و الحمد لله رسمي عجبتك ...

والصناعة الوطنية ترى دبح اسلامي حلال:D ..

وإن شاء الله عن قريب نشوف رسمك لاتبخل علينا ..
والله يوفق الجميع;) :) ..

wildkitty: وانت أحلى ..
كلامك عن المليون خط ذكرني بأخوي عندة نفس هالحالة ..:D ..
وشكرا..

Ranma Saotome:لا عادي ماله داعي تخش وجهك ..
ترى الرد فرض كفاية (اذا قام به البعض سقط عن الباقين :D )...
والشباب ما قصرو ...
ومن بؤك (بالمصري:D ) لباب السماء يا رب..

Tidus_2007

11-05-2002, 09:27 PM

هههههههههه للحين متذكره هالكلمه ( الله يخليك لحبيب قلبك ..... ) و صراحه انا الي فرحة لردك ... :D

هههههه و الله شسوي ياخوك جيت اتعبث بالايميل و غيرته و انا ما ادري و كتبولي الباس وورد الجديد اندز لصاحب هالايميل و انا اكلت هوى :أفكر: و الحين تحت رحمة صاحب الايميل يعرف الباس وورد و يلعب بحسبتي :D

و بعدين من ناحية LONG TIME NO SEE انتي و الله الي ما تنشافين ما تدخلين منتدى فاينل ما ادري موجوده بالصرقعه و لا النكت و لا ... و لا :o

و انشاء الله تشوفين رسماتي مع العلم اني ناشر قبل مده من جد قديمه ....

و يالا ما نطول عليك >>> :أفكر: بذمتك انت الحين ما طولت يعني !!!

و انشاء الله للاحسن اختي :أفكر: :D

Dagger

12-05-2002, 11:50 AM

انا الي ما أنشاف ليش مختفية :D ..
انا الصراحة كل يوم أقعد على المنتدى ..
وافتح المواضيع القديمة والجديدة الى امل ..
لكن ما ارد عليها لاني اذا ضغطت اضف ردا تعلق علي وينقطع الاتصال..
والرد بدل ما اكتبه مره اكتبه عشر :( ...
يعني زين اذا ما علق ...

ههههههههه مو مشكلة تصبر ان شاء الله لايلعب بحسبتك
ولا تلعب بحسبته ولا تحط في خاطرك لانها تحصل في أحسن العائلات:D ..

ZAK

18-05-2002, 08:43 AM

مرحبا اخت Dagger ..
بالنسبة لرسوماتك بدون مجاملة .. حلوة ولك خيال حلو بعد ..
لكن نصيحة لك .. لا ترسمي عشان تضعي رسماتك في المنتدى .. اتركي رسمك لابداعك ..
خصوصا الاخيرة ( الصناعة الوطنية :0) ) تختلف عن البافيات ..

Dagger

18-05-2002, 05:26 PM

اهلين زاك ..
شكرا على النصيحة;) ..
وان شاء الله اتبعها :) ...

ولك خيال حلو بعد
معلومة جديدة :D ...
لان خيالي خربان حاولت اصلحة ما نفع:D ..

ma bagooool

19-05-2002, 07:31 AM

ماشاء الله عليج ............الصراحة الصراحة..........ابدعتي.........الرسومات اكثر من رائعة..........و تجنن.........استمري...........واتمنى لك التوفيق....مع تحياتي........." ما بقوووول "

جـــــلـنــــار

21-05-2002, 06:41 PM

ترى خوش رسم وانا اشجعج بالاستمرار عليه

بس اكيد الحين دراسه وامتحانات يالله اموفقين انشالله

بس استمري بالرسم 000000

الحلو انج تحبيين الحيوانات00000000

هم انا احبهم وايد

واحب ارسمهم عندج القطط والارانب والحصن والاسماك

ترى الطبيعه شي خلاب ما ينوصف واحب ارسمهم باللوان الزيتيه

ورينا بعد من فنون0000000000000

;-) صديقتج جلـــــــــــــــــــــــــــــــــــــــنار ;-)

Dagger

22-05-2002, 02:49 PM

ma bagooool: :": شكرا على ردك الرائع ..
والله يوفق الجميع ..

مع تحياتي........." ما بقوووول "
:D تصدق ساعه وانا افكر وش قصدة بهالكلام :أفكر: ..
بعدين انتبهت للأسم ..:D
(اكتشفت ان عيوني بالطول :D )
انت ليش مختار هالاسم لا تقولي ما بقول :D

جـــــلـنــــار:شكرا على التشجيع ..
ايه امتحانات :" ..الله يوفقني (دعوة اناني:D )..
انا احب ارسم حيوانات ..
و الطبيعة بعد ..
اما الالوان الزيتيه انا ما استخدمها واجد ..
انا استخدم الوان (Acrylic) مائية بس كثيفة مثل الزيتيه بس ما توصخ:D ..
على فكرة اسمك يعجبني :D ..

Dagger

02-06-2002, 02:23 PM

بدون تعليق :D

RPGgirl

03-06-2002, 04:20 AM

Hi
your drawing is beautiful wooooooooooooow fantastic
but what is that (I mean the last pic) it is really scary :":
But nice drawing ;-)
Keep it up :)

Dagger

03-06-2002, 03:44 PM

هايين ..
هلا RPGgirl..

ثانك يو فيري مطش :D ....

الصراحة انا بعد ما اعرف شنهو هذا ...
لانها رسمة مشتركة الي انا واخوي رسمناها مع بعض :) ...
وصارت كذا ليش ما ادري:D ..

سلامتك من الروعة :D ..

Ranma Saotome

03-06-2002, 03:58 PM

وااااااااااو... عجبتني الرسمه الاخيره..
اموت على الاسلوب الداركي.. خلك كذيه على طول...
cooooooooooool... stay dark

Dagger

03-06-2002, 05:29 PM

هليييييين رانما..
اول مره ادري انك تحب الدارك :D ..
اند اي ول تراي :D تو ستي دارك..
مشكور ..

kirby64

07-06-2002, 12:48 AM

اخر رسمتين رووووووعه يا داجر !!

Dagger

07-06-2002, 09:46 PM

شكرا شكرتين ثلاث شكرات ...
:D :D

لكن ما فهمت يعني الباقي ما عجبوك:D :D <<<<<<ما ادري عن روحي غبية ولا اتغيبا:D ...

كلكم ذوق:) ...

wildkitty

09-06-2002, 01:05 PM

dagger
حلوه رسوماتك انا ما احب هاذه النوع احسه مرعب
وصعب
بس وايد حلو

Dagger

09-06-2002, 03:44 PM

مشكووووووووووورة ..
وانتي احلى ...

انا بعد ما احبة واجد ..
بس يطلع معاي في بعض الحالات ..

;)

Tidus_2007

11-06-2002, 09:24 AM

يمه شنو هذا :واو: :واو: >>>امش يالرجال ":"

بس صراحه فن ":" >>>جاااااااي بدري الاخ ":"

هااااااااااااااااي ديييييييييجر :D

من جد اسف عالتاخير ما توقعت بترسمين بعد ... فجاه زرت الموضوع :أفكر:
و فقس قلبي :"

رسمه على ما قالو ... دارك :أفكر:

keeeeeeeeep drowin' will ya

الا اقول ":"

ليش ما تسوين موضوع بالمانجا و الكومكس لحالك يعني جالاري :o

راح تستفيدين اكثر ... الاعضاء هناك اكثر و الردود راح تكون اكثر و تعرفين الاخطاء اسرع >>>":"

مستنين الجاليري حقك على فكره :o :أفكر:

و باااااااااااااااي ;)

Dagger

11-06-2002, 03:49 PM

هااااااااااااااااايين تيدوس ..

لا عادي لا تاخير ولا شئ تجون في اي وقت ;) ..
حياك ..

وسلامت قلبك عسى ما تخرعت بس ..:D ..
لا تشتكي علينا ولا شئ نتوهق:D ..

اما الجاليري فانا فكرت فيها ..
وقلت ارسم كم وحدة على مستوى وافتح جاليري ..
يعني ما ينفع وهو فاضي:D ..

وعلى فكرة ..
انا مستنية الجاليري حقك ..
مو تتاخر علينا :) ..
see you...

مستعجله بالمره

11-06-2002, 06:08 PM

الله رسمج وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااايد حلوووووو:واو: :واو: :واو:

اتمنى اصير مثلج يوم من الايام ...;-) ;-)

الى الامام اختي ...:0) :0)

باااي

Dagger

11-06-2002, 07:57 PM

:o :o :# :#
اخجلتي تواضعي ..

بس اشفيش مستعجلة ?:
تفضلي شاي قهوة:D ..

يالله لا تقصرين زورينا حتى لو مستعجلة:D ..

shaheen

11-06-2002, 08:23 PM

روعة اختي داجر...
اسمج حلو على فكرة....:)

بس اشوف رسماتج كلها بالرصاص:)
ممكن تحطين شئ ملون او ابيض واسود..الخ

على فكرة شسالفة المخلوقات الفضائية؟؟؟ نزل عليج الهام فضائي على طبق طائر؟؟
هل تحبين الاطباق الطائرة؟؟؟:)

وزيدينا من فنج الحلو:D

Dagger

11-06-2002, 08:32 PM

:o شكرا :# :o ..

اخيرا نورنا شاهين ..
يالله ومنكم نستفيد تعليقاتك المفيدة..
لا تقصر علينا..

والله انا حاولت الون بالفوتو شوب بس :# ..
ما عرفت اسويهم مثلكم يعني الخط اسود والصفحة بيضاء :6 ..
كانه بالحبر ..
يعني اذا ما فيها ثقلة حد يعلمني :o ..

اما الاطباق الطائرة هذي يبيلها تجربة لاني ما جربت قبل ..
لكن نجرب لعيونكم :D ..

وان شاء الله احاول ارسم اكثر ..
مع اني تركت الرسم لان الاجازة خلصت ..
والشغل بدأ:D ..