السلام عليكم كنت اغوص بالماضي شوي بالمنتدى :P وشفت هذا http://www.montada.com/showthread.php?t=557341 شكرا لك ^^
اكيد اسطورة ما يحتاج لاعب ب3 سنوات حقق كل شيء وسوى كل شيء وب3 سنوات حط ما يقارب 150 هدف وسوى كل شيء لكن ينقصه كأس العالم على فكرى اذا جاب كأس العالم ممكن تشوف نسبة كبيره تقول ان احسن من ماردونا
كلامك سليم مستر علي لكن قصدي هل هاللاعب يستحق الإعلام تبعه ويقارن بالأساطير
في ناس تحاول تعذره تقول ضغوط وتوقعات الجماهير والصحف بالنسبه لي هذا كلام فاضي لأن لو ان هذه الأمور اثرت فيه هذا يعني ان اللاعب ما راح يبدع لا مع البرشا ولا مع الارجنتين لأن تأثر بالضغوط ولا الضغوط تجيه بس لا ركب الطياره رايح يلعب مع المنتخب مرض نفسي صار مو ضغوط XD وفيه ناس يضحكوني يقولون اكزافي وانيستا مدري يعني اكثر هداف في برشلونه ميسي واكثر صانع اهداف في برشلونه ميسي هالوسم بعدين ميسي اغلب اهدافه يركض ويعدي وبعدين يسجل يعني مو من رفعه او تمريره حاسمه ومن لمسه سجلها علشان نقول اكزافي وانيستا لأن لما نقول جذي يعني ان اللاعب يتمركز صح ( اللي هو ميسي ) لكن مافي احد يعطيه اللمسات هذه
اخوانك يشجعون مدريد ما يحتاج نتكلم حط على فريقهم مليون قول وقامع كريستيانو اعلاميا :P بالنسبه لكأس العالم وكأس كوبا كلها اخطاء فنيه بالنسبه لي من المدرب سواء ماردونا او سيرجيو بابتستا التوظيف السيء جدا من المدرب للاعبين يعني اللحين المدرب يلعب بدون صانع الألعاب طبعا يلعب 3 ارتكاز و3 هجوم منو الرابط بينهم اللي يوصل الكور طبعا مافي وميسي قاعد يرجع للخلف ياخذ الكره وجذي ميسي قاعد يبذل مجهود اكثر والإختراق الدفاعي للخصم راح يصير اصعب لأن لما ياخذ الكره من النص عدد لاعبي الفريق الخصم راح يصيرون اكثر + متركزين صح على عكس لما يكون قريب من المرمى وياخذ الكره يكون الدفاع اقل والتمركز ما يكون صحيح مرات غير هذا لاعبين الارجنتين لو تلاحظهم يعطون ميسي الكرة ويوقفون يعني مافي مسانده هجوميه كبيره + وجود تيفيز ايضا مشكلة كبيره لأن اللاعب يلعب بنفس مساحات ميسي فيعني المساحات مغلقه للأثنين وعلى هذا سهل يمسكونهم لو يلعب ثاني بدال تيفيز مثل دي ماريا مثلا يلعب على الاطراف يسحب معاه كم مدافع ويفتح لميسي مساحات ..الخ :P يعني المشاكل فنيه لا اكثر من المدرب
وكأس العالم طيب أنا بس يوم شفت إخواني جالس يتشمتون فيه تذكرتك وتذكرت كلامي ذيك الفترة أنا وياك <<< إخواني إدمان مدريد مطفشيني والله
تقصد ميسي ؟؟ انزين توها ما انتهت البطولة غير هذا الارجنتين ما بدع بسبب عدم توظيف اللاعبين بالشكل الصحيح مو لأن ميسي ما بدع انزين شفنا كولمبيا ضاغط بشكل كبير على الارجنتين هل يعني هذا ان ميسي مو مبدع وما دافع ؟؟
سألتني عن شنو الموضوع كان عن واحد أنت تقول إنه بياخذ الكاس وأنا أقولك إن " الله بالخير " ماعنده سالفة بس فالح مع ناديه :P
انزين وكان عن شنو الموضوع ؟؟
لا لا علي الفيس بوك ماله دخل شيء ثاني تناقشت انا وياك عليه عام2010 قبل كاس العالم بكم شهر
